Tag Archives

4 Articles
Edhe Kosova shperblehet ne CEBIT 2013

Edhe Kosova shperblehet ne CEBIT 2013

Ndërmarrësi i suksesshëm nga Kosova, Kushtrim Xhakli që njihet për pasionin e tij me inovacionin dhe tregjet e reja, dhe si themelues i Fast Europe Ventures (kompani në Lituani), anëtarë i bordit të IPKO Foundation, Referues pranë akesleratorit të mirënjohur evropian HackFWD, dhe bashkë-themelues i kompanisë Changers.com (kompani në Gjermani), ka shpërndarë me krenarin lajmin se kjo e fundit është shpallur fitues në garën e dytë vjetore të organizuar Code_n.

Changers.com, një kompani innovative që prodhon pajisje kualitative shpesh të krahasuara me prodhimet e Apple, të cilat nën energjinë solare mbushin smartphone dhe tablet dhe konvertojnë sasinë e kursyer të CO2 në “Changers Credit”, që mund të shfryttëzohet për të blerë produlte e shërbime, ka marr çmimin e parë në kategorinë e startups në garën Code_n, për të cilin kanë aplikuar mbi 250 kompani nga 35 shtete të ndryshme, dhe vetëm 50 finalist janë ftuar për të prezantuar në stendën e CODE_n në CeBIT. “Përzgjedhja e fituesve ka qenë shumë e vështirë” u shpreh Ulrich Dietz, CEO i GFT dhe inicues i CODE_n. “Shumë prej finalistëve kanë zënë vëmendjen tonë përmes biznes modeleve të shkëlqyera dhe qasjen e tyre në tranzicionin e energjisë”.

Changers.com ka fituar edhe një shpërblim tjetër nga CODE_n, përkatësisht çmimin për Crowdfounding. Kjo nënkupton që investitorë privat me një llogari bankare në Gjermani mund të blejnë aksione të kompanisë duke filluar nga vlera prej 250 Euro. Në total, ka gjasa që kompania të fitojë deri në 250,000 Euro capital investues.

Kushtrim Xhakli pavarësisht se aktiv me biznese të ndryshme në Evropë, ka qenë një prej shtyllave kryesore të projektit për Diplomaci Digjitale të Kosovës, të cilin e ka shpalosur Ministria e Punëve të Jashtme nën përkrahjen e partnerëve British Council, Ambasadës Norvegjeze dhe IPKO Foundation, dhe përmes të cilit kanë rezultuar ngjarje si AppCamp Kosovo, WikiAcademy Kosovo, etj.

Kosova në CeBIT 2013

Kosova në CeBIT 2013

Ndërsa ky ishte një prej sukseseve më të rëndësishme që vjen nga CeBIT, atje prezent ishin edhe disa kompani dhe organizata ga Kosova, si Adaptivit, ION Coders, Shoqata për Teknologji të Informacionit dhe të Komunikimit dhe Agjencioni për Promovim të Investmeve (IPAK). Prezencën e tyre e mundësuan GIZ, Spark, Ambasada Norvegjeze, Innovation Centre Kosovo dhe Ministria e Punëve të Jashtme. |digjitale| |ameble| [divider top=”0″]

Për here të parë në Kosovë, “Wiki Academy Kosovo”

Për here të parë në Kosovë, “Wiki Academy Kosovo”

Ministria e Punëve të Jashtme e Republikës së Kosovës, në bashkëpunim me Ambasadën e Britanisë së Madhe, Ambasadën Mbretërore të Norvegjisë, dhe Shoqatën për Softuer të Lirë dhe të Hapur – FLOSSK do të organizojnë në shkurt ngjarjen “Wiki Academy Kosovo”,  zbatimin e së cilës do ta merr përsipër IPKO Foundation, që me sukses pati përmbyllu ngjarjen e parë “Mobile AppCamp Kosovo” në nëntor të vitit të kaluar.

Përmbajtja online që ekziston mbi Kosovën në internet është mjaft e varfër dhe shpeshherë në rezultatet në internet shfaqen më shumë gjëra negative e gënjeshtra sesa të vërteta që ekzistojnë mbi vendin. Si rrjedhojë e kësaj Wiki Academy do të synojë përmirësimin e kuantitetit dhe kualitetit të përmbajtjeve online mbi Kosovën, duke e shfaqur atë më mirë dhe duke mundësuar që qytetarët e vendit të kontribojnë në këtë drejtim duke sjellë artikuj e fotografi cilësore mbi Kosovën në enciklopedinë Wikipedia, në kategori të ndryshme si trashëgimi kulturore, politikë, ekonomi, çështje sociale, gjeografi, etj. Wikipedia siç dihet është një ndër 10 faqet e vizituara në internet dhe praktikisht burimi i parë i informacionit për tema të ndryshme.

Gjatë Wiki Academy Kosovo pjesëmarrësit do të takohen edhe me mentorë dhe ekspert hulumtues nga Kosova dje jashtë saj, duke mësuar këshilla të dobishme hulumtimi për të përmirësuar reputacionin online të Kosovës.  Përveç kësaj pjesëmarrësit do të kenë rastin të fitojnë edhe shpërblime, ku vlen të theksohet se do të ndahen nga 1,000 Euro për tre artikujt apo kontributet më të mira, dhe 1,000 euro për fotografitë më të mira nga individët. Gjatë muajit janar do të organizohen prezantime të detajuara rreth projektit dhe mënyrës së aplikimit në disa universitete dhe shkolla të mesme të Kosovës.

Ky projekt zhvillohet në kuadër të Strategjisë së Diplomacisë Digjitale të Ministrisë së Punëve të Jashtme të Republikës së Kosovës, pjesë e së cilës ka qenë edhe ngjarja e organizuar kohë më parë Mobile AppCamp Kosovo. Për të mësuar më shumë vizitoni www.wikiacademykosovo.org.

Digjitale është një prej partnerëve medial, dhe në kuadër të bashkëpunimit do të sjellë para visitorëve të saj disa tema interesante që mund t’ju hyjnë në punë atyre që janë të interesuar për të marr pjesë në Wiki Academy Kosovo. |digjitale| [divider top=”0″]

Barcamp Prishtina, e përmbyll me një event të shkëlqyer

Barcamp Prishtina, e përmbyll me një event të shkëlqyer

Arianit Dobroshi, Bernard Nikaj e Benjamin Murran ishin folësit e ftuar në edicionin e tetë të Barcamp Prishtina të organizuar këtë vikend nga IPKO Foundaiton, që ishte një prej më të mirëve dhe me fjalime inspiruese që të ngjante me një konferencë TED.

Arianit Dobroshi nga FLOSSK, prezantoi detaje mbi Wikicamp’in që pritet të organizohet në fillim të vitit të ardhshëm nën organizimin e IPKO Foundaiton dhe mbështetjen e Ministrisë së Punëve të Jashtme të Kosovës, duke folur mbi rëndësinë e pjesëmarrjes në këtë ngjarje për të kontribuar me krijimin e përmbajtjes kualitative në Wikipedia për Kosovën. “Përmbajtja të shumta ka në gjuhë të huaja, por komuniteti shqiptar në numër të vogël është aktiv dhe ka nevojë që të jetë edhe më shumë aktiv në këtë drejtim, me publikime e artikuj kualitativ që bazohen në burime dhe që janë me vlerë për vendin” u shpreh Dobroshi. Sipas tij në Wikicamp, dhe deri në pikën e arritjes në Wikicamp është me rëndësi t’i kushtohet rëndësi kritereve të publikimit në Wikipedia, në mënyrë që të mos ketë telashe me publikime dhe editime. “Synohet që pjesëmarrësve në Wikicamp t’ju jepet mundësi të publikojnë tema të nivelit të lartë, të stilit akadameik dhe përveç kësaj të shpërblehen në lidhje me këtë” tha Dobroshi, që më pas e vazhdoi prezantimin në diskutim me pjesëmarrësit, duke motivuar ata që të krijojnë përmbajtje për Kosovën dhe sipas tij kur “Debatojnë pika A me pikën B, e mungon pika A, atëherë fiton pika B”, por nëse nuk qëndrojmë anash atëherë mund të ketë përmirësim të dukshëm të përmbjajttes për Kosovën që gjindet online.

Bernard Nikaj, ligjerues në FIEK pranë Universitetit të Prishtinës dhe këshilltar politik pranë Ministrisë së Tregtisë të Kosovës, ka bërë një punë paksa më ndryshe prej ligjëruesve të tjerë në këtë Fakultet, duke shtyrë para futjen e lendës së ndëmarrësisë në kurrikulum për të japur një kahje tjetër dhe më praktike të studentëve me tregun. “Sistemi i edukimit është paksa për tu fajësuar për shkak se është i orientuar si i tillë për të krijuar punëtorë, e jo njerëz që janë në gjendje të mësojnë aftësi për të nisur biznes dhe për të punësuar të tjerë” u shpreh Nikaj. Sipas tij me implementimin e lendës së Ndërmarrësisë, kualiteti dhe serioziteti i punës së studentëve vërehet prej gjenrate në gjeneratë, dhe veçanërisht sukesi i tyre për të menduar si ndërmarrës vërehet në Startup Weekend, ku në dy edicionet e fundit kanë qenë në mesin e ekipeve më të mira. “Ne gjithashtu kemi shtyrë studentët që të kontribojnë në Wikipedia, në mënyrë që të bëhet thejshtë edhe përvoja e tyre në ligjerata më ndryshe”, duke folur mbi rëndësinë e shkrimit dhe rëndësinë e promovimit të një vendi me përmbajtje për të. “E mbaj mend në shkollën e mesme Hajdar Dushi në Gjakovë, profesori im shkroi në table (H)arti(m), dhe tha hartimi ka të bëjë me hyrjen, artin dhe mbarimin, të cilën ende sot e zbatoj në shkrimet e mija dhe duhet ta keni si element kyç në punën tuaj që bëni”. Nikaj u shpreh se duhet pasur guxim dhe besim tek vetja që gjërat të mos bëhen thjeshtë për të marr një note e për një projekt, por për të arritur shumë e më shumë. “

Benjamin Murran, ish-partner në EYE (Encouraging Young Entrepreneurs) dhe tani person aktiv në skenën e artit të Kosovës drejt tregjeve të huaja, duke punuar me artistin Kosovar Rron Qena, dhe duke sjellë në jetë artin e tij drejt tregut të Francës e më gjerë, foli  mbi eksperiencën e tij në tregun e Kosovës, dhe me përshtypjet e tija për kulturën ndërmarrëse në Kosovë, duke theksuar se vërehet mungesë e kulturës ndërmarrëse për shkak të kontaktit të vogël me botën e jashtme, por edhe për shkak se njerëzit janë shëndërruar në gjahtar të grantave dhe thjesht nuk u bëhet vonë për të mos u munduar më shumë, por vetëm për një biznes plan sa për të marr të hollat. “Çka do t’ju kisha rekomanduar një ditë, është që të dilni në shesh gjatë verës dhe të luani rolin e atij personit që shet syze dhe të punoni në tregti. Për 2 minuta ju filluat një biznes, ku jeni të lire të shisni dhe të shihni sesi është të udhëheqës dikçka të këtillë, ndërsa po të ishit në Francë, ju do të shkonit në burg për këtë. Liri të këtillë nuk ka askund në botë, pse nuk po e shfyrtëzoni?”… “Mua njerëzit më kanë pyetur, pse je ardh këtu, pse je kthyer në Kosovë, si nga Franca këtu, por në fakt ajo çka shoh është se në Kosovë njerëzit janë të lumtur, por thjeshtë nuk e dijn sepse ka jashtëzakonisht shumë hapësirë për të krijuar shumëçka, ndërsa në Francë ke shumë njerëz të dëshpëruar, që i kanë të gjitha, por shkojnë çdo ditë tek psikologu sepse nuk janë të motivuar. Hapni sytë, shfrytëzoni atë çka keni”.

Mesazhi i tij për Wikipedia, ishte se në vitin tjetër do të mbahet një ngjarje për artin në të cilën do të ketë fokusim drejt Ballkanit, ndërsa po që se kërkon në Wikipedia diçka për artin në Kosovë, nuk do të gjesh asgjë. “Shkruani për artin, shkruani për artistët. Ka për çka të shkruhet, promovoni këta njerëz të jashtëzakonshëm sepse arti udhëton” tha Murran.

BarCamp Prishtina ka përmbyllur kështu një edicion të tetë me radhë të suksesshëm, dhe me këtë ka përmbyllur edhe ciklin e ngjarjeve për këtë vit, ndërsa pritet të jetë sërish pranë audinecës vitin e ardhshëm. Digjitale.com është një prej sponsorëve medial bashkë me Telegrafi.com, ndërsa ngjarja organizohet/sponzorisohet nga IPKO Foundation. |digjitale| [divider top=”0″]

Përshtypjet nga panairi ITTF

Përshtypjet nga panairi ITTF

Sot u hap Panairi i Teknologjisë Informative dhe sipas vizitës dhe pikëpamjes tonë në ketë Panair është pritur më shumë, që në hyrje të Panairit vërehej mungesa e prezencës së shumë kompanive të njohura nga Kosova dhe rajoni, pa u ndalur tek arsyetimet ne mendojmë që ky organizim duhet të jetë më i madh dhe me më shumë pjesëmarrës, aq më tepër kur mbahet një herë në dy vite.

Ndër ato që vizituam sot, ia vlen të cekim prezantimin e 3D Printerit nga Free Libre Open Source Software Kosova, Kinect për Windows nga Cacttus si dhe Smart Home Solution nga Prova Center. |ameble|

Kinect për Windows 7 [youtube id=”dFKslr6Hnog” width=”600″ height=”350″] Smart Home [youtube id=”9plTB_evkLg” width=”600″ height=”350″] [divider top=”0″]