Tag Archives

12 Articles
Vlerësim: LG G3

Vlerësim: LG G3

LG G3 Set

Përparësitë:

  • Ekranin më shkëlqim QHD,
  • Kamerën e mirë, veçanërisht në dritë të ulët,
  • Jashtëzakonisht ergonomik për një smartphone të madhësisë së tillë,
  • Kushton më lirë krahasuar më disa konkurrent të tij,
  • Ndërfaqen e lehtë dhe të përdorueshme,

Mangësitë:

  • Jetëgjatësia mesatare e baterisë .

Dizajn të shkëlqyeshëm, ekran të mprehtë, kamerë shumë të mirë dhe përformancë të shkëlqyer.

A duhet ta konsideroni LG G3 si telefonin tuaj të mençur gjatë 2015? Ne e testuam se si qëndron puna me këtë të fundit, dhe…

Gjersa në sipërfaqe mund të duket që tregu i telefonave të mençur mbetet kumbues, dinamik, dhe një vend i stërngarkuar, në të vërtet është relativisht i stagnuar, së paku, duke e krahasuar se si ishte pak kohë më parë.

E vërteta që ka rëndësi është e ashtuquajtura “arms race” (krahët e garës) e cila është duke tërhequr afër- një procesor dhe pjesët tjera harduerike të telefonit përmes pllakës tani janë shumë më shumë të fuqishme sesa ato duhet të jenë për shumicën e softuerit dhe kapacitetet në dispozicion.

Përformanca pak a shumë është nivelizuar, jo vetëm ndërmjet prodhuesve të telefonave, por nga më i shtrenjti tek më i liri gjithashtu.

Dizajni dhe Hardueri

Në shikimin e parë LG G3 është një bishë atraktive me disa kualitete që nuk mund t’i gjesh në tregun e telefonave të mençur. Së pari, gjithçka sillet rreth atij ekrani të madh, duke qenë njëra nga ofertat e pakta në dispozicion e cila vërtet mund të përshkruhet si nga “skaji në skaj”. Trashësia e LG G3 është edhe një gjë tjetër që e bënë edhe më të bukur dizajnin e tij, pra sipërfaqja e gjerë është në proporcion të drejtë me atraktivitetin e telefonave që donë të thotë sa më i ngushtë që është aq më i mirë duket telefoni.

LG G3- front- Ameble

Gjëja që me të vërtet duket të jetë kuriozitet  e që ndërlidhet me dizajnin se si LG ka qenë duke i dëgjuar kërkesat dhe dëshirat e konsumatorëve, ose edhe çka të tjerët ishin duke thënë paraprakisht, përgjatë dhe pas lansimit të Samsung Galaxy S5 dhe HTC One M8.

Kopertina e LG G3 është e përbëre nga materiali i veçantë plastik që në fakt e bën të duket sikur të ishte metalik, pra në LG G3 nuk është përdorur ajo llojë plastike e butë në prekje, por një material i fortë, i lëmuar. E kur jemi tek kjo pjesë, duhet të cekim faktin që pjesa e lëmuar është paksa e rrëshqitshëm dhe për disa mund të jetë e vështirësi ta mbajnë pajisjen në dorë. Në përgjithësi ndërtimi i përparmë i këtij telefoni është i qëndrueshëm dhe vërtet dallon nga konkurrentet.

Siç jemi mësuar të presim nga produktet më të shitura të LG, kualiteti i ndërtimit është i fortë dhe është kryesisht një padisje e fuqishme. Në testet e hedhjeve që janë shpërndarë në internet, shohim që kjo pajisje është mjaft e qëndrueshme, dhe jo lehtë thyhet.

Të gjitha opsionet e lidhjes që ju mund t’i pritni nga një smartphone i rangut të tillë siç është LG G3 ky telefon i ka, duke përfshirë 4G LTE të plotë dhe të dhëna të mobility 3G (përmes një Micro-Sim), lidhje të dyfishtë Wifi  (me Wifi Direct dhe Hotspot), Bluetooth 4.0 dhe microUSB. Gjithashtu përmban DLNA, infrared, NFC, AGPS(GLONASS), dhe Radio FM.

Në brendi të LG G3 është i integruar procesori me çip Qualcom Snapdragon 801 katër-bërthamorë i bazuar në arkitekturën Krait 400, specifikisht modeli Clocked MSM8975 AC në 2.5 GHz. LG G3 bartë një sasi te procesimit grafik (GPU) Adreno 330 dhe ka kapacitet prej 3GB RAM memorie në krahasim me LG G2 që kishte 2GB.

Ekrani

Çka rreth ekranit? Në fakt ekrani i LG G3 është me të vërtet i përsosur. Është tepër i mprehtë, duke ju falënderuar rafinimit të kujdesshëm që i ёshtё bёrё. LG G3 ka ekran IPS+LCD me dendësi tё rregulluar të ultra-pikselave dhe me një rezolucion çmendurisht të lartë 2560×1440 piksela QHD, me një diagonale 5.5 inç që jep dendësinë e 534 pikselave për inç. Ngjyrat e LG G3 janë gjithashtu tё mira dhe tё gjalla, të bardhat janë shumë të pastra, dhe aty nuk duket të kemi ndonjë hedhje të ngjyrës nga i gjithë sistemi. Tonet e zeza dhe të errëta kanë një thellësi të mirë, edhe pse nuk janë më të thella duke e krahasuar me diçka si OLED por shkëlqimi është perfekt në përdorimin e përgjithshëm tё këtij telefoni.

Shfaqja e videove nё formatet e kualitetit te lartё nuk ёshtё vetëm një tregim por, një gjë e vërtet ku shkëlqesia e LG G3 bën që ekrani i juaj i vogël tё shndërrohet nё një kinema multimediale.

A është LG G3 rezistent ndaj ujit?

Ju ndoshta e keni vërejtur se së fundmi është një tendencë në hapësirat e telefonave të mençur pёr tё krijuar telefona qё janё rezistent ndaj ujit. Kёta tё fundit janë tё certifikuar me standardin “IP”. Si pёr shembull Sony Xperia Z me certifikatën IP58, apo Samsung Galaxy S5 me IP67.

Me lansimin e LG G3, LG nuk e përmendi një mbrojtje të tillë nga materialet e lagështa për produktet më të shitura të kohëve të fundit. Pra, zyrtarisht LG G3 nuk posedon certifikatë tё tillë dhe kështu nuk jep asnjë llojё garancie nga rёnjet apo kontaktin me ujin.

Jo zyrtarisht, sidoqoftë, disa përdorues të “guximshëm” e kanë testuar dhe e kanë gjetur befasisht të forte dhe tё qëndrueshëm ndaj kësaj sfide.

Softueri

Struktura bazike e softuerit të LG G3 përcillet me stok ROM-in Android 4.4, KitKat me mundësi përditësimi tё menjëhershëm nё Android 5.0 Lollipop. Sistemi operativ i LG G3 ёshtё i përshtatur pёr kёtё tё fundit, dhe dallon pёr disa gjёra nga telefonat tjerё tё mençur. Kur jemi nё kёtё pikё, duhet tё përmendim edhe karakteristikat e aplikacionit tё integruar Knock On që fillimisht u gjend edhe nё LG G2, e që lejon përdoruesin tё ndezë apo fikё telefonin me një prekje tё dyfishtë nё ekran.

LG G3-1 front- Ameble

Në ballinën e LG G3 gjejmë pjesën e ndërfaqës sё përdoruesit (UI) gjë që ёshtё shumë e përshtatshme nё KitKat dhe po ashtu nё LG G3, pastaj kemi pjesën e aplikacioneve dhe Widgets. Sido që të jetë, ka disa përshtatje që janë pakë delikate dhe ato jo-delikate të cilat janë programuar dhe përshtatur me mjeshtri të përkryer. Sikur me shumicën e telefonave Android, ju mund ti ri-aranzhoni ikonat dhe Shortcuts duke i vendosur në pjesën fundore të ekranit, por në G3 ju gjithashtu mund ta lëvizni edhe ikonën përmes së cilës hapen aplikacionet.

Zëri

Altoparlantët e LG G3 janë tejet të mire dhe kualitativ. Gjithashtu altoparlanti i brendshëm i LG G3 është tejet zhurmshëm. Sikurse edhe tek shumica e smartphone-ve edhe tek LG G3, prodhimi i zërit është i mjaftueshëm duke marrë parasysh destinimin e tij.

Në rast të thirrjeve telefonike, dëgjohet lehtë dhe po ashtu ka opsionin “Extra Volume” që e rrit dëgjueshmërinë e mikrofonit.

Përformanca dhe Bateria

G3 është i shpejtë – dhe për këtë nuk ka asnjë dyshim. Procesori i G3 prej 2500 MHz katër-bërthamorë dhe RAM memoria prej 3GB janë ato që i japin fuqi kësaj pajisje. Snapdragon 801 është çipi i procesorit të G3, dhe si i tillë konsiderohet ndër çipat më të shpejtë për kohën kur është publikuar.

Sa i përket baterisë LG ka krijuar një celulë me bateri të lëvizshme tё fuqisë 3.000 mAh, e cila është e përdorshme  pasi që e lejon ndërrimin e baterisë. Ne nё Ameble e kemi bёrё testin e baterisë dhe mund tё konstatojmë që LG G3 ka bateri shumë të mire dhe mjaft të qëndrueshme. Gjatë testimit kemi parë që filmi zgjat 2 orë e 45 minuta. Me ndriçim të plotë (duke e mbajt në mend që ky është një rezolucion i lartë masiv dhe ekran ultra të ndritshëm) dhe Wifi të lëshuar, shikimi i filmit të plotë harxhoi baterinë deri në 37%.

Sidoqoftë, duke e rimbushur baterinë 100%, duke e ngarkuar filmin së pari e pastaj duke e shikuar në parametrat e njëjtë bateria qëndroi denjësisht në 50%, gjё qё ёshtё shumё mirё.

Kamera

Sikurse edhe modelet paraprake të telefonave të mençur të LG, edhe LG G3 ka dy kamera. Ajo frontale është 2.1 megapikselë dhe mund të përdoret për video thirrje me Skype apo Google Talk, ndërsa kamera e pasme është 13 megapikselë. LG G3 nëpërmjet softuerit të integruar ofron opsione të ndryshme të efekteve  të fotografisë gjatë fotografimit të cilat mund të përzgjidhen drejt për së drejti.

LG G3 Camera

Pas përditësimit ne Android 5.0 Lollipop shtohen edhe shumë efekte dhe mundësi të tjera për këtë kamerë.

Përveç efekteve, ofrohen edhe opsione të tjera nëpërmjet funksionit Mode, dhe ju do të përjetoni një argëtim me opsionet e ofruara sikurse Best face, Best photo, Beauty face, Sound & shot, Drama, Animated photo, Rich tone, Eraser, Panorama, Sport dhe Night.

Sa i përket kualitetit të fotografisë dhe incizimit lirisht mund të themi se kamera e LG G3 është pothuajse e përkryer. Gjatë testimit të kësaj pajisje ne kemi konkluduar që një pike e forte e LG G3 është edhe kamera e tij.

Hapësira

Kur jemi tek hapësira, LG G3 vjen në dy versione: versioni që ka hapësirë interne prej 16 GB me mbështetje të SD-Kartës deri në 128GB dhe që është prodhuar kryesisht për disa operatorë në Mbretërinë e Bashkuar dhe pjesë tjera të Evropës dhe kemi versionin 32GB të hapësirës interne me mbështetje të SD-Kartës deri në 128GB. Llojet e SD-Kartës që LG G3 mbështet janë: microSD, microSDHC, microSDXC. Në të dyja këto versione ju mund të ruani aq shumë të dhëna duke përfshirë muzike, fotografi dhe dokumente të tjera.

Përfundimi

Shtrohet pyetja: A me ble LG G3?

Përgjigja jonë e thjesht është PO. Çmimi i këtij smartphone në treg është tejet modest bazuar në karakteristikat dhe përformancen e tij. /ameble

LG G3 ketë javë do të marrë versionin Android 5.0 Lollipop

LG G3 ketë javë do të marrë versionin Android 5.0 Lollipop

LG G3 Lollipop 5.0Javën e kaluar kemi shfaqur pamjet e Lollipop në pajisjen LG G3, kurse tani kompania LG ka konfirmuar se smartphone-i i tyre G3 këtë javë do të filloj të marrë versionin e fundit të Android-it, Android 5.0 Lollipop. Të gjitha karakteristikat që janë prezantuar për ketë version do të jenë të përfshira në ketë përditësim për G3-in, duke përfshirë notifications, visual enhancements, si dhe mundësinë për të zhbllokuar pajisjen me anë të orës Android Wear.

LG po mburret me atë se është “prodhuesi i parë global për smartphone i cili ofron përditësimin e Lollipop-it,” e që teknikisht është e vërtetë. Motorola ka pretenduar të jetë e para, duke e lëshuar përditësimin javën e kaluar për smartphone-in e ri Moto X, megjithatë, kjo ka qenë vetëm një provë, kështu që vetëm një pjesë e vogël e përdoruesve do ta marrin. LG, nga ana tjetër, po sjellë versionin Lollipop për të gjithë ata që posedojnë G3-in. /ameble

Video shpaketim: LG G3

Video shpaketim: LG G3

Nëse jeni kureshtar të dini se çfarë gjendet brenda kutisë së një prej top 5 smartphone-ave të këtij viti, pra LG G3, lexoni dhe shikoni videon e më poshtme.

LG G3 vjen në një kuti standarde me shkëlqim nga bronzi. Përpara kutisë është e vendosur logoja LG G3 dhe emblema si një model fitues i GSMA-Global Mobile Awards 2014. Kurse në anën e pasme janë të futura disa prej tipareve kryesore të këtij smartphone-i.

Brenda kutisë se tij gjeni: LG G3, udhëzuesin, mbushësin për mur, kabllon USB, kufjet bashkë me pjesët rezervë si dhe baterinë 3000mAh.

Këtu keni disa nga karakteristikat kryesore të këtij smartphone-i:

  • Procesori: 2.5GHz Qualcomm Snapdragon 801 4-bërthamor,
  • Grafika: Adreno 330 GPU
  • RAM: 2GB/3GB of RAM
  • Ekrani: 5.5 inç, True HD-IPS + LCD, mbrojtësin Corning Gorilla Glass 3, rezolucioni 1440 x 2560, 538ppi,
  • Kamerat: 13 megapikselë (e pasme), 2.1 megapikselë (frontalja),
  • Lidhjet: Wi-Fi 802.11 b/g/n/ac, Bluetooth 4.0, NFC, USB OTG, GPS, A-GPS, GLONASS, 3G, HSPA+, LTE,
  • Bateria: 3000mAh battery (çmontuese)
  • Softueri: Android (4.4.2) KitKat
  • Hapësira: 16/32 GB (e brendshme), mundësia për SD-kartë deri në 128GB.

Për ta krahasuar ketë smartphone me modele tjera, atë mund ta bëni nëpërmes modulit tonë për krahasime duke klikuar këtu. /ameble

LG shpalos reklamën (Billboard) me të madhe në botë

LG shpalos reklamën (Billboard) me të madhe në botë

LG në Arabinë Saudite ka shpalosur reklamën (billboard) më të madhe në botë, duke e përgatitur rrugën e saj për libër të Ginisit dhe duke promovuar kështu smartphone-in e tyre G3. Kjo reklamë është e gjatë sa dy fusha të plota të futbollit dhe është e vendosur në Aeroportin Ndërkombëtar Riad, i cili pranon rreth 20 milionë vizitorë në vit.

LG G3 reklama

Reklama e re e LG-së është projektuar dhe dizajnuar kundrejt erërave të forta dhe stuhive të rërës nga një strukturë mbështetëse prej çeliku që peshon 1800 ton. LG G3 është një smartphone vërtetë mbresëlënës me karakteristika të larta, ku shumë shpejt do të paraqesim videon praktike të tij.

Ndoshta kjo reklamë masive do të ndihmojë që të bije në sy të vizitorëve dhe tu jap interesim në blerje. /ameble

Zyrtare: Lansohet LG G3 Stylus Smartphone-i

Zyrtare: Lansohet LG G3 Stylus Smartphone-i

LG G3 StylusLG ka lansuar një version të ri të smartphone-it të tyre G3, LG G3 Stylus, të cilin kompania do ta prezantoj muajin e ardhshëm në IFA 2014.

LG G3 Stylus përmban ekranin qHD 5.5 inç me rezolucion prej 860 x 540 pikselëve, procesorin 4-bërtahmor me shpejtësi prej 1.3GHz dhe 1GB RAM memorie.

LG G3 Stylus ka të integruar hapësirën e brendshme prej 8GB e cila mund të rritet nëpërmjet microSD, baterinë 3000 mAh, kamerën frontale 1.3 megapikselë, kamerën kryesore 13 megapikselë dhe përkrahë teknlologjitë 3G, WiFi dhe Bluetooth.

G3 Stylus gjithashtu vjen me versionin e sistemit Android 4.4.2 Kitkat dhe do të jetë në dispozicion në tri ngjyra, të bardhë, të zezë dhe ngjyrë ari.

LG G3 Stylus pritet të lansohet në treg në Shtator, duke filluar së pari në Brazil dhe më pastaj duke vazhduar në vendet e tjera duke përfshi Azinë, Lindjen e Mesme dhe Afrikën. /ameble

Samsung përdoruesit e iPhone-it i quan “përqafues të mureve”

Samsung përdoruesit e iPhone-it i quan “përqafues të mureve”

Samsung është kthyer me traditën e vjetër të saj, në përpjekje për të rritur shitjet e saj të smartphone-it të ri Galaxy S5. Kompania ka publikuar një video të re ku përdoruesit e iPhone-it i quan përqafues të mureve (Wall huggers).

Samsung me ketë reklamë thjesht paraqet atë se si përdoruesit e iPhone-it duhet të kyçin smartphone-at e tyre në rrymë shumë shpesh, në rast se dëshirojnë ti përdorin, dhe më ketë pretendon se jeta e baterisë në Galaxy S5 është më e mirë:

https://www.youtube.com/watch?v=mzMUTrTYD9s

Samsung Galaxy S5 vërtet si model posedon baterinë e fuqishme, por në ketë rast kompania reklamën do të ishte më mirë ta bënte kundrejt rivaleve kryesor të këtij viti për smartphone, siç janë HTC One M8 dhe LG G3 dhe jo me modelin iPhone i cili është i vitit të kaluar.

Apple modelin e ri të iPhone-it pritet të lansoj gjatë këtij viti, dhe pa dyshim se Samsung do duhet që reklama të këtij lloji të bëj pas lansimit të modelit të ri iPhone 6.

Strategjia e marketingut nga Samsung në të kaluarën ka ecur mirë për kompaninë, edhe pse në ketë rast kjo kompani nuk duhet të shqetësohet shumë vetëm nga Apple, ajo duhet të merret më shumë me konkurrentet serioz të Galaxy S5 siç janë LG G3 dhe HTC One M8.

Sido që të jetë, modeli i fundit i Samsung-it nuk duket që ka pasur atë suksesin e madh siç ka pretenduar kompania, dhe për ketë arsye si duket kompania po merret me reklama të tilla. /ameble

LG G3 shitet tre herë më shumë se Galaxy S5 në Kore

LG G3 shitet tre herë më shumë se Galaxy S5 në Kore

LG G3 asdadProdukti më i ri i LG, G3-shi, ka filluar të shitet sikur një tortë e shijshme në vendlindjen e tij që nga dita e parë kur doli në shitje javën e kaluar. Mediat koreane kanë raportuar se LG ka shitur 30,000 njësi të LG G3 për çdo ditë, dhe kjo vlerë është dy here më e lartë sesa paraardhësi i tij, LG G2.

Edhe më interesant është fakti se LG G3 kaloi në numër të madh shitjet e konkurrentit vendor Samsung me smartphone-in Samsung Galaxy S5 që shiti 7000-8000 njësi në ditë në fillim kur u lansua për shitje. Në bazë të këtyre kalkulimeve LG G3 po shitet tre herë më shumë sesa Samsung Galaxy S5 që është shitur,

Natyrisht, G3-shi tani ka disa përparësi duke marrë parasysh rezolucionin e panelit Quad HD.

Nëse shitja e LG G3 vazhdon në këtë mënyrë atëherë LG G3 pritet të bëhet njëri ndër produktet më të njohura dhe më të shitura të 2014. /ameble

LG G3 më në fund u zyrtarizua!

LG G3 më në fund u zyrtarizua!

LG vetëm sa ka njoftuar për modelin e ri të smartphone-it G3. Siç edhe pritej, LG G3 tani i zyrtarizuar është pajisur me ekran 5.5-inç quad HD me 538 pikselë për inç (ppi), kamerën 13-megapikselë me OIS+, i cili quhet gjithashtu edhe si stabilizues optik i imazhit (Optical Image Stabilizer Plus).

Për ju që ju intereson, ky model është bërë pjesërisht nga metali. LG ka thënë se pajisja ka një “lëkurë të lëmuar metalike”të lehtë në mbështjellësin e pasmë të tij. Ndryshe nga modelet e mëparshme plastike, ky model gjithsesi duhet të jetë rezistent ndaj gjurmëve të gishtërinjve, mirëpo kjo mbetet të konfirmohet në të ardhmen kur të kemi në duart tona.

Gjuha e përdorur në dizajnin e tij LG thotë se është quajtur “Floating Arc, që krijon mundësin e përdorimit me një dorë të vetme.

Tastet e zërit janë ende në anën e pasme. Kompania gjithashtu shpjegon se është ri-dizajnuar ndërfaqja apo ballina e këtij modeli në mënyrë që pajisja të jetë më e lehtë dhe më fluide për t’u përdorur se sa modeli i mëparshëm.

Nga ana harduerike, LG G3 vjen me procesorin Snapdragon 801 në 2.5GHz, 16GB ose 32GB memorie interne me mundësi zgjerimi deri në 128GB me anë të portës microSD, me bateri të fuqisë 3.000 mAh si dhe 3GB RAM memorie. Pajisja do të lansohet me ngjyrë të zezë, të bardhë, ari, vjollcë dhe në të kuqe.

Prezantimi i të njëjtit model pritet të bëhet edhe nesër në disa vende tjera të botës. /ameble

Drejtpërdrejt: Prezantimi i smartphone-it LG G3

Drejtpërdrejt: Prezantimi i smartphone-it LG G3

Modeli i ardhshëm i smartphone-it nga LG pritet të luhat tregun e smartphone-ve. Zyrtarisht prezantohet sot në ngjarjen që pritet të mbahet në kohën e njëjtë në Londër, New York dheSan Francisco, kurse po e njëjta do të bëhet edhe nesër në Singapor, Stamboll dhe Seul.

Ngjarja do të fillojë nga ora 19:00 pasdite dhe do të jenë në dispozicion për ta shikuar online nëpërmjet uebfaqës së LG-së ose nga video e më poshtme:

Në ftesën e kësaj ngjarje shkruan: “To be simple is to be Great”. LG G3 pritet të jetë smartphone i parë që del me ekran quad HD 5.5-inç me rezolucion 2560×1440 pikselë, procesorin 8-bërthamor, kamerën 16 megapikselë me softuerin për stabilizim të imazhit, sensorin për gjurmë gishtash dhe pritet të jetë rezistent ndaj ujit dhe pluhurit. Të gjitha këto karakteristika kanë mbetur edhe pak orë të zyrtarizohen./ameble

LG G3 mund të jetë me dimensione të ngjashme të Galaxy S5

LG G3 mund të jetë me dimensione të ngjashme të Galaxy S5

LG G3 pa dyshim që pritet të jetë një smartphone i kualitetit të lartë me ekran që spekulohet të jetë 5.5” Quad HD, procesorë Snapdragon 801/805, 3GB RAM, mundësinë  për mikroSD dhe kamerë me stabilizim optik.

Çmimet që janë publikuar më parë nga kompania finlandeze Kasuplan janë: për versionin 16GB Gold çmimi do të jetë 613 Euro, për versionin 32 GB i bardhë çmimi do të jetë 659 Euro.

Një pajisje e tillë me të gjitha këto të mira zakonisht ka një çmim më të lartë, por përsëri nëse i krahasojmë çmimet e LG G3 me ato të iPhone 5s dhe 5c në momentin që janë publikuar, mund të themi se këto çmime janë të arsyeshme.

Kompania Spigen ka publikuar sot disa foto të LG G3 të cilat sipas matjeve që janë bërë rezultojnë të jenë të madhësisë 5.58 x2.87 x 0.37” (141.8 x 73 x 9.3 mm).

Duke krahasuar këto përmasa me ato të Samsung Galaxy S5 shohim se LG G3 do të jetë i të njëjtës madhësi sikur Galaxy S5. Spigen gjithashtu ka listuar edhe disa produkte të tjera siç janë mbrojtësi i ekranit dhe fatrolla për LG G3 që janë të përmasave të ngjashme.  /ameble

LG G3 lansohet me 27 Maj

LG G3 lansohet me 27 Maj

LG G3Si duket thashethemeve në lidhje me lançimin e smartphone-it G3 nga LG iu erdh fundi.

Kompania gjigante LG tani më ka bërë ftesa zyrtare për ngjarjen i cili do të mbahet me 27 dhe 28 Maj në një numër të qyteteve, me ç’rast pritet të zyrtarizohet edhe modeli i ri G3. Me 27 Maj ngjarja do të mbahet në San Francisco, Nju Jork dhe Londër, ndërsa me 28 Maj në Seul, Singapor dhe Stamboll.

Deri më tani është përfolur se modeli LG G3 do të ketë ekranin 5.5 inç me rezolucion 2560 x 1440 pikselë i përkrahur nga procesori i ri Qualcomm Snapdragon 805 2.5GHz, 3GB RAM, kamera frontale 2 megapiksel, kurse ajo e pasme 13 megapiksel dhe do të vijë me versionin e fundit të sistemit Android 4.4 Kit Kat.

Më 27 Maj do të kuptojmë se çfarë saktësisht do të ofroj modeli i ri LG G3. /ameble

LG G3, vjen në Korrik

LG G3, vjen në Korrik

LG G3 është në proces dhe sipas një raporti të ri nga ZDNet Korea pasardhësi i modelit G2 do të prezantohet në muajin Qershor dhe lansimi mund për treg mund të ndodh në Korrik. Lajmi vjen nga burimet e faqes koreane, të cilët thonë se LG nuk mund të pres më gjatë për lançimin e këtij smartphone që mund të jetë konkurrent me Galaxy S5 dhe HTC One M8.

Modeli G2 ishte prezantuar në Gusht 2013, dhe menjëherë një zyrtar i lartë nga LG për ZDNet kishte deklaruar gjoja se kompania duhet të nxjerr në treg modelin G3 sa më shpejt që është e mundur..

LG G3 pritet të shfaqet me ekran 5.5-inç dhe rezolucion 2560× 1440 pikselë, procesorin Qualcomm, kamerën e pasme 13-megapikselë, 3GB RAM, 32GB memorie e brendshme dhe platformën Android 4.4 me ndërfaqe (UI) të vet. Janë dëgjuar thashethemet gjithashtu se LG mund të fus lexuesin me gisht duke konkurruar kështu me iPhone 5S dhe Galaxy S5.

Një foto që ka rrjedhur nga @Evleaks na jap një pamje të këtij modeli se si mund të duket. Sido që të jetë përderisa nuk ka asgjë zyrtare nuk mund të pretendojmë së ky është ai modeli për të cilin po flasim. /ameble