Tag Archives

107 Articles
Google investon 880 milionë dollarë në LG, për ekranet e lakuara të Pixel 2

Google investon 880 milionë dollarë në LG, për ekranet e lakuara të Pixel 2

Google dëshiron të ndjekë rivalët kryesor të tregut të telefonave, përkatësisht kompanitë si Samsung dhe Apple në drejtim të përdorimit të ekraneve të lakuara në pajisjet e saj mobile.

Google është duke e bërë telefonin e saj të ardhshëm, gjeneratën e dytë të linjës Pixel këto ditë. Dhe tani një raport i ri nga Electronic Times të Koresë së Jugut sugjeron se telefonat e ardhshëm Google Pixel mund të vijnë me ekranin e lakuar OLED.

Në fakt raporti nga ET ka theksuar se Google dëshiron të investojë të paktën 880.2 milionë dollarë në kompaninë e saj partnere LG Display të Koresë së Jugut.

Burimet zbuluan se Google dëshiron të investojë këtë sasi të madhe të fondeve për të marrë një furnizim të qëndrueshëm të ekraneve fleksibile (OLED) për telefonat e saj të ardhshëm Pixel./ameble

A u mbijeton LG G6 torturave testuese?

A u mbijeton LG G6 torturave testuese?

LG G6 i cili sapo ka filluar me shitjet është përballur me tortura te ndryshme testuese.

Në videon e më poshtme smartphone-i i ri LG G6 është testuar nga gërvishjet, sa është i thyeshëm, madje i është bërë edhe testi i djegies, kësaj radhe nga JerryRigEverything.

Pra siç po shihni nga video LG G6 duket të jetë mjaft të qëndrueshme pas gjithë këtyre testeve, duke përfshirë edhe testin e thyerjes (lakimit).

Për t’ju ri-kujtuar LG G6 vjen me ekran 5.7-inç me rezolucion 2880×1440 pikselë dhe ratio 18:9.

Procesori i tij është Qualcomm Snapdragon 821, 4GB RAM dhe mundësinë për të zgjedhur me 32GB ose 64GB hapësirë, plus posedon sloten për kartela microSD.

Ai gjithashtu vjen me kamerën frontale për selfie 5 megapikselë kurse atë të pasmen për video të dyfishtë 13 megapikselë. /ameble

LG lanson edhe disa pajisje shtesë për smartphone

LG lanson edhe disa pajisje shtesë për smartphone

Bashkë me smartphone-t e ri të LG-së, kompania ka sjellë edhe disa pajisje shtesë të tjera, të quajtura si LG Friends.

LG Friends

Më poshtë janë gjashtë ato pajisje që u prezantuan ditën e djeshme:

360 CAM: Mundëson që smartphone-i G5 të incizoj foto dhe video në 360-shkallë. Përmban dy kamera 13-megapikselë me kënd të gjerë, memorie të brendshme 4GB, baterinë me kapacitet 1200 mAh dhe ncjerr videot me kualitet 2K.

360 VR: Kufje virtuale të ngjashme me Samsung Gear VR, që lidhen vetëm me LG G5.

H3 nga B&O Play: Kufje Premium me aftësi të zërit 32-bit. Të përshtatshme me të gjithë smartphone-at e LG-së.

Rolling Bot: Një robot i vogël me kamerë 8-megapikselë që lidhet me pajisje nëpërmjet rrjetit Wi-Fi. Më shumë se një lodër, LG ka thënë se pronarët e kësaj pajisje mund të përdorin pajisjen “si një sistem të sigurisë për shtëpi” ose “si një telekomandë” për pajisje që lidhen më të.

Smart Controller: Kontrollon dronin dhe shfaq videot streaming direkt në G5.

Tone Platinum: Kufje “superiore” me bluetooth me zërim 24-bit.

Të gjitha këto pajisje shtesë do të jenë të menaxhueshme përmes aplikacionit të LG-së  Friends Manager.

Nuk janë dhënë detaje as për këto pajisje në lidhje me çmimin ose lansimin e tyre. /ameble

Lansohet LG G5, smartphone i parë modular

Lansohet LG G5, smartphone i parë modular

Smartphone i ri LG G5 tanimë është lansuar zyrtarisht dhe janë prezantuar të gjitha detajet e këtij smartphone-i Android nga LG, ky model është smartphone i parë modular i LG-së.

LG-G5

LG G5 vjen me ekran Quad HD 5.3 inç me rezolucion 2560 x 1440 pikselë, është i pajisur me procesorin Qualcomm Snapdragon 820 dhe vjen me 4GB RAM.

Për ruajtjen e të dhënave posedon 32 GB hapësirë dhe gjithashtu përmban portën microSD që përkrah kartela deri në 2TB, kurse bateria e tij është 2800 mAh dhe vjen me versionin Android 6.0 Marshmallow.

Në anën frontale pajisja vjen me kamerën 8 megapikselë kurse atë të pasmen të dyfishtë, e përbërë më kënd të gjerë 16 megapikselë. Gjithashtu vjen me WiFi, Bluetooth, 4G LTE, mbushësin e shpejtë dhe versionin USB Type-C.

Ky model i LG-së është një smartphone modular ku posedon pjesë ngjitëse si LG Cam Plus, që shtohen opsione për kamerën dhe lidhet nëpërmjet slotes së baterisë, kjo në thelb e kthen smartphone-in në një aparat fotografik digjital të plotë me butona fizik të kamerës.

Një tjetër pjesë ngjitëse e re e cila është zhvilluar me B&O Play është LG HiFi Plus, që është një audio player Hi-Fi DAC i dizajnuar për të dhënë zë me kualitet të lartë.

Kompania LG për ketë model të smartphone-it dhe për të gjitha këto pjesë shtesë ende nuk i ka publikuar çmimet. /ameble

Lansohen zyrtarisht LG G4 Stylus dhe G4c

Lansohen zyrtarisht LG G4 Stylus dhe G4c

Më herët kemi dëgjuar thashetheme se LG është duke punuar në dy versione të smartphone-it të tyre LG G4. Këto versione përfshijnë, njëri model vjen me lapsin shkrues (Stylus) dhe një tjetër të quajtur LG G4c, që duket të jetë një version më i vogël se LG G4 standard. Tani, siç rezulton këto thashetheme kanë dalur të jenë të vërteta, sepse LG edhe zyrtarisht ka lansuar modelet LG G4 Stylus (me lapsin shkrues) dhe LG G4c.

LG G4 Stylus

Modeli i parë LG G4 Stylus, siç nënkuptohet edhe nga emri është një phablet që vjen me lapsin shkrues të bashkangjitur, ngjashëm siç ka bërë edhe Samsung me serinë e tyre Galaxy Note. Pajosja posedon ekranin 5.7-inç, por për fat të keq është me definicion të lartë 720p. Është i mundësuar nga chipset-i 4-bërthamor për modelin LTE, dhe 8-bërthamor për modelin 3G, gjithashtu vjen me 1GB RAM, 8GB hapësirën e brendshme për ruajtjen e të dhënave, kamerën kryesore 13MP për modelin LTE dhe 8MP për modelin 3G. Megjithatë të dy modelet, edhe LTE dhe 3G do të vijnë me kamerë frontale 5MP, baterinë çmontuese 3000 mAh dhe versionin e softuerit Android 5.0 Lollipop.

LG G4c

Kurse modeli tjetër LG G4c, siç edhe thamë më lartë është një version më i vogël se LG G4 standard, vjen me ekran 5-inç me definicion të lartë 720p. Posedon procesorin 4-bërthamor 1.2GHz, 1GB RAM, 8GB hapësirë të brendshme për ruajtjen e të dhënave, portën microSD, kamerën kryesore 8MP, atë frontale 5MP, baterinë 2.540 mAh, dhe gjithashtu vjen me Android 5.0 Lollipop.

Çmimet dhe disponueshmëria e tyre ende nuk është publikuar nga kompania, por LG thotë se të dy modelet janë planifikuar të dalin në treg javët e ardhshme. /ameble

LG G4 është smartphone më i ri në treg

LG G4 është smartphone më i ri në treg

Modeli LG G4 është një model i cili sjell përmirësime harduerike dhe softuerike të shumta nga versioni paraprak LG G3.

LG G4 përmban ekranin prej Quad HD 5.5-inç me rezolucion prej 2,560 x 1,440 pikselëve dhe është i mbrojtur nga gërvishtjet me Corning Gorilla Glass 4.

LG G4

Modeli LG G4 ka të integruar procesorin Snapdragon 808 i përbërë nga procesori me 2 bërthama 1.8 GHz Cortex-A57 dhe procesorin tjetër me 4 bërthama 1.44 GHz Cortex-A53, 3GB RAM memorie si dhe 32GB hapësirë të brendshme e cila mund të rritet nëpërmjet microSD kartelës edhe për 128GB të tjera.

LG G4 ka të integruar kamerën kryesore 16 megapikselë dhe atë frontalen 8 megapikselë të cilat mundësojnë video incizime në formate të ndryshme sikurse 2160p@30fps dhe 1080p@60fps.

Siç është edhe pritur, modeli më i ri nga LG, LG G4 është një Android telefon e cili ka të instaluar versionin e fundit 5.1 Lollipop. /ameble

E konfirmuar: LG G4 vjen me 28 Prill

E konfirmuar: LG G4 vjen me 28 Prill

LG sot zyrtarisht ka konfirmuar se gjatë një konference për shtyp më datën 28 prill në qytetin e New York-ut, do të prezantoj smartphone-in e tyre të fundit LG G4. Kompania veçse kishte para-lajmëruar për ngjarjen, por që kjo është hera e parë që deklarohet zyrtarisht se ne ketë ngjarje do shohim një vështrim të parë të këtij smartphone-i.

LG G4 Ftesa

G4 pritet të vijë me ekran të ri Quad HD për të cilin është njoftuar pak ditë më parë si dhe ndërfaqen UX 4.0. Gjithashtu, kamera pritet të jetë deri në 20.7 megapikselë me fokus të veçantë në përformancën e dritës së ulët, lexuesin për gisht, si dhe shumë tjera.

Në ftesë shihet se mund të ketë edhe një model lëkure për të prezantuar me 28 prill. /ameble

Përmbledhja Javore: 9 Mars – 14 Mars

Përmbledhja Javore: 9 Mars – 14 Mars

Permbledhja-javore-post

Për ju që nuk keni pasur mundësi të informoheni për risit nga bota e teknologjisë gjatë kësaj jave që lamë pas, kemi bërë përmbledhjen javore të gjërave më interesante.

Lokale

Microsoft për Gjirafa-n: “Një makinë e fuqishme kërkimore” – Si mund t’i qaset një makinë e vogël kërkimore në gjuhën Shqipe gjigantëve të sotëm të kërkimit? Duke e kuptuar gjuhën lokale, duke krijuar një shërbim të dedikuar për përdorues, dhe duke u mbështetë në teknologjitë e Microsoft Cloud. Për shumicën e sportdashësve që flasin gjuhën angleze, gjetja e rezultateve të ekipit të tyre të preferuar është aq e thjeshtë sa të shkruash emrin e ekipit në Bing apo Google. Rezultati momental i takimit zakonisht është në faqen e parë apo të dytë të kërkimit.

Gjirafa

Art House organizon ngjarjen Managed Print Services– Art House në bashkëpunim me prodhuesin lider të pajisjeve për printim Xerox organizojnë Managed Print Services (MPS) event ku do të shpalosen detajet rreth shërbimit, implementimit dhe përfitimet të cilat ndërmarrjet publike dhe private do të mund ti kenë nga MPS. Managed Print Services MPS (shqip: Shërbimet e Menagjuara te Printimit) është shërbim të cilën Art House e ka plasuar në tregun Kosovar që nga viti 2007 dhe është në shërbim të disa institucioneve në Kosovë.

Dy ministri nënshkruajnë memorandum me Microsoft– Ministria e Administratës Publike dhe ajo e Arsimit, nesër do të nënshkruajnë një memorandum mes këtyre dy ministrive, me Microsoft-in. Qëllimi i këtij Memorandumi është të formalizohet korniza e bashkëpunimit në mes MAP, MASHT dhe Microsoft-it, me ç’rast do të mundësohet qasje dhe pjesëmarrja më e madhe në programet, në trajnimet, resurset dhe mjetet teknologjike të cilat janë pjesë e nismave globale të Microsoft-it, YouthSpark dhe programi Partner në Mësim.

Softuer dhe Pajisje të reja

Apple MacBook– Apple në ngjarjen e tyre të organizuar ditë më parë ka njoftuar për disa pajisje të reja dhe një ndër ato është edhe Apple MacBook i ri, ku vjen me një dizajn krejtësisht të ri në krahasim me modelin e mëparshëm. MacBook i ri është me më i hollë dhe më i lehtë se se MacBook Air, ku peshon vetëm 908 gram dhe vjen me një tastierë të re e cila përmban një mekanizëm të ri në formë të fluturës.

Apple MacBook (1)

Smartwatch Oppo– Shumë kompani kohëve të fundit janë përqendruar në pajisje smartwatch, sigurisht për atë se kjo do të përdoret shumë në të ardhmen. Pajisje të tilla deri me tani kemi parë nga Samsung, Sony, LG, Motorola, Huawei, kurse tani nëse mund t’ju besojmë raporteve, kompania Oppo është ajo që pritet të nxjerr një orë të mençur (smartwatch). Por, çfarë mund të sjellë Oppo që të tjerët nuk e kanë bërë? Sipas thashethemeve, smartwatch i ardhshëm i Oppo-së është thënë të paraqitet me një teknologji të re që mundëson rimbushjen e plotë të baterisë së orës, për vetëm pesë minuta.

LG AKA së shpejti do të fillojë të shitet edhe jashtë Koresëlg-aka-AmebleNë muajin Nëntor të 2014, LG kishte publikuar një telefon të menqur Andoid unik i quajtur LG AKA. Një pajisje mobile që vjen me një mbeshtjelles të veqant dhe me një nderfaqe që mund të personalizohet sipas dëshires së individit. AKA fillimisht kishte filluar të shitet në Korenë Jugore, prej nga edhe e ka origjinen, dhe mendohej se aty do të ngel gjithcka me të. Befasisht pak ditë më parë LG njoftoi se ky telefon do të fillojë të shitet edhe në vendet të tjera jashtë Koresë.

Zbulohen çmimet e Apple Watch– Siç është prezantuar edhe dje, Apple Watch vjen në tri versione: Watch, Sport dhe Edition. Apple Watch Sport do të fillojë me çmim prej 349$ për versionin 39mm dhe 399$ me 42mm. Blerësit mund të zgjedhin nga pesë opsione me ngjyra të ndryshme. Ato të rangut të mesëm fillojnë nga 549$, por sipas modelit që zgjidhni do të shiten deri në 1099$. Apple do të ofroj zgjedhje prej tre rripave të ndryshëm.

Kalendari i Google tani bëhet pjesë e Apple App Store– Preferoni që telefoni juaj i mençur të jetë iPhone, por keni dëshirë që në kalendarin e Google të mbani listën e ngjarjeve dhe të regjistroni planet për të ardhmen tuaj? Tani ky nuk është një problem. Google Calendar sapo është lansuar edhe për iPhone dhe tanimë është pjese e App Store të Apple, nga ku mund edhe te shkarkohet.

Ngjarje, Biznese, Kuriozitete

Kamerat e pesë telefonave me teknologjinë më të mirë auto fokus -Autofokusi gjatë detektimit të fytyrës, laserët, infraredi, fokusi i pikselëve në nxjerrjen e imazheve dhe ngjyrave më përsosmërinë më të lartë, etj. Të gjitha këto janë karakteristika të kamerës së telefonave të mençur të ditëve të sotme. Samsung tregoi vetveten me teknologjinë PDAF në Galaxy S5, më pas LG prezantoi Autofokusin laserik “Laser Auto Focus”, Lenovo integroi një sistem të fokusit përmes infrared-it në Vibe Shot, dhe Sony është gati për të sjell një zbulim të ri sa i përket kualitetit dhe fokusit të fotografisë në telefonin e gjeneratës së ardhme që do të quhet Hybrid AF.

Best Autofocus- Ameble

Apple prezanton portin dhe kabllon USB-C (3.1)– Përveç një rezolucioni të lartë “Retina” dhe një profili të ri që në fakt është më i hollë, Laptopi i ri i Apple ka edhe një gjë të re mjaft interesante që ju duhet ta dini pa marre parasysh se a do të blini një kompjuter Apple apo jo. MacBook-u më  ri i Apple është laptopi i parë qe ka të integruar USB –C portin. Ky lloj i ri i USB porit dhe kabllos apo siç po quhet ndryshe edhe USB 3.1 ka kapacitet rekord të transferit në hiq me pak se 10 gigabit për sekondë dhe outputin e energjis deri në 20 volt.

Ja kush është Apple!– Ngjarja e sotshme e Apple-it në San Francisko, nuk ishte e fokusuar vetëm në pajisje. Krye-shefi i Apple-it, Tim Cook, prezantimin e sotshëm e ka filluar me një njoftim të shpejtë për disa nga pajisjet dhe shërbimet e tyre të fundit, ku ka jap disa numra mahnitës. Të gjithë e dimë që Apple është një kompani e madhe, por statistikat e dhëna sot janë vërtetë të mëdha edhe për vetë kompaninë.

Senatori amerikan asnjëherë nuk ka dërguar email– Besoni apo jo, senatori Republikan i Karolinës Jugore Lindsey Graham asnjëherë në jetë nuk ka dërguar e-mail. Gjersa ishte prezent në një takim me gazetarë, njëri nga ta e pyeti atë se a ka senatori email adresë private. Ai u përgjigj “Unë nuk dërgoj e-mail, kontrolloni llogarinë time dhe do të shihni se unë asnjëherë nuk kam dërguar asnjë email”. Gjëja më e interesante e këtij lajmi është fakti që ai po përgatitet që të jetë njëri nga kandidatet për president të SHBA nga kampi republikanë dhe për momentin drejton nën komitetin për teknologji të SHBA-së dhe vetë nuk përdor teknologjinë.

Në përmbyllje, ju përshëndesim dhe ju urojmë një fundjavë të këndshme. Si gjithmonë me plotë sinqeritet mirëpresim sugjerimet, këshillat, kërkesat dhe ankesat nga të gjithë lexuesit. /ameble

Kamerat e pesë telefonave me teknologjinë më të mirë auto fokus

Kamerat e pesë telefonave me teknologjinë më të mirë auto fokus

Autofokusi gjatë detektimit të fytyrës, laserët, infraredi, fokusi i pikselëve në nxjerrjen e imazheve dhe ngjyrave më përsosmërinë më të lartë, etj. Të gjitha këto janë karakteristika të kamerës së telefonave të mençur të ditëve të sotme.

Samsung tregoi vetveten me teknologjinë PDAF në Galaxy S5, më pas LG prezantoi Autofokusin laserik “Laser Auto Focus”, Lenovo integroi një sistem të fokusit përmes infrared-it në Vibe Shot, dhe Sony është gati për të sjell një zbulim të ri sa i përket kualitetit dhe fokusit të fotografisë në telefonin e gjeneratës së ardhme që do të quhet Hybrid AF.

Por, cila në fakt është më e shpejta, me më kualitet dhe thjeshtë më e mira?. Përderisa nuk ka një përgjigje të saktë në këtë pyetje duke ditë që secila teknologji nga ato që u përmenden më lartë ka karakteristikat e veta dhe qëllimin specifik, ne menduar që në këtë artikull thjeshtë të bëjmë një përmbledhje për ju, ku me pak fjalë mësojmë për secilën nga këto teknologji.

Me shpresën që do të qartësojmë disa gjëra në fjalën e marketingut të prodhuesve të telefonave të mençur, dhe të shohim më në detaje se çfarë ia vlen. \ameble

Për më shumë, shikoni videot më poshtë:

1.Galaxy S5- Demonstrimi i auto fokusit gjatë detektimit të fytyrës

[youtube id=”hwiPJNeQOiE” width=”600″ height=”350″]

 

2. Iphone 6- Demonstrimi i “auto fokusit dhe pikselave”

[youtube id=”fldnX0xuJ0E” width=”600″ height=”350″]

 

3.LG G3- Demonstrimi i auto fokusit laserik

[youtube id=”T_km8oZ2g98″ width=”600″ height=”350″]

 

4.Lenovo VIBE Shot- Demonstrimi i sistem të auto fokusit përmes infrared

[youtube id=”lEOSSnjkkmw” width=”600″ height=”350″]

 

5.Sony-  Demonstrimi i auto fokusit përmes Hybrid AF

[youtube id=”UfhKtwbqbfc” width=”600″ height=”350″]

Vlerësim: LG G3

Vlerësim: LG G3

LG G3 Set

Përparësitë:

  • Ekranin më shkëlqim QHD,
  • Kamerën e mirë, veçanërisht në dritë të ulët,
  • Jashtëzakonisht ergonomik për një smartphone të madhësisë së tillë,
  • Kushton më lirë krahasuar më disa konkurrent të tij,
  • Ndërfaqen e lehtë dhe të përdorueshme,

Mangësitë:

  • Jetëgjatësia mesatare e baterisë .

Dizajn të shkëlqyeshëm, ekran të mprehtë, kamerë shumë të mirë dhe përformancë të shkëlqyer.

A duhet ta konsideroni LG G3 si telefonin tuaj të mençur gjatë 2015? Ne e testuam se si qëndron puna me këtë të fundit, dhe…

Gjersa në sipërfaqe mund të duket që tregu i telefonave të mençur mbetet kumbues, dinamik, dhe një vend i stërngarkuar, në të vërtet është relativisht i stagnuar, së paku, duke e krahasuar se si ishte pak kohë më parë.

E vërteta që ka rëndësi është e ashtuquajtura “arms race” (krahët e garës) e cila është duke tërhequr afër- një procesor dhe pjesët tjera harduerike të telefonit përmes pllakës tani janë shumë më shumë të fuqishme sesa ato duhet të jenë për shumicën e softuerit dhe kapacitetet në dispozicion.

Përformanca pak a shumë është nivelizuar, jo vetëm ndërmjet prodhuesve të telefonave, por nga më i shtrenjti tek më i liri gjithashtu.

Dizajni dhe Hardueri

Në shikimin e parë LG G3 është një bishë atraktive me disa kualitete që nuk mund t’i gjesh në tregun e telefonave të mençur. Së pari, gjithçka sillet rreth atij ekrani të madh, duke qenë njëra nga ofertat e pakta në dispozicion e cila vërtet mund të përshkruhet si nga “skaji në skaj”. Trashësia e LG G3 është edhe një gjë tjetër që e bënë edhe më të bukur dizajnin e tij, pra sipërfaqja e gjerë është në proporcion të drejtë me atraktivitetin e telefonave që donë të thotë sa më i ngushtë që është aq më i mirë duket telefoni.

LG G3- front- Ameble

Gjëja që me të vërtet duket të jetë kuriozitet  e që ndërlidhet me dizajnin se si LG ka qenë duke i dëgjuar kërkesat dhe dëshirat e konsumatorëve, ose edhe çka të tjerët ishin duke thënë paraprakisht, përgjatë dhe pas lansimit të Samsung Galaxy S5 dhe HTC One M8.

Kopertina e LG G3 është e përbëre nga materiali i veçantë plastik që në fakt e bën të duket sikur të ishte metalik, pra në LG G3 nuk është përdorur ajo llojë plastike e butë në prekje, por një material i fortë, i lëmuar. E kur jemi tek kjo pjesë, duhet të cekim faktin që pjesa e lëmuar është paksa e rrëshqitshëm dhe për disa mund të jetë e vështirësi ta mbajnë pajisjen në dorë. Në përgjithësi ndërtimi i përparmë i këtij telefoni është i qëndrueshëm dhe vërtet dallon nga konkurrentet.

Siç jemi mësuar të presim nga produktet më të shitura të LG, kualiteti i ndërtimit është i fortë dhe është kryesisht një padisje e fuqishme. Në testet e hedhjeve që janë shpërndarë në internet, shohim që kjo pajisje është mjaft e qëndrueshme, dhe jo lehtë thyhet.

Të gjitha opsionet e lidhjes që ju mund t’i pritni nga një smartphone i rangut të tillë siç është LG G3 ky telefon i ka, duke përfshirë 4G LTE të plotë dhe të dhëna të mobility 3G (përmes një Micro-Sim), lidhje të dyfishtë Wifi  (me Wifi Direct dhe Hotspot), Bluetooth 4.0 dhe microUSB. Gjithashtu përmban DLNA, infrared, NFC, AGPS(GLONASS), dhe Radio FM.

Në brendi të LG G3 është i integruar procesori me çip Qualcom Snapdragon 801 katër-bërthamorë i bazuar në arkitekturën Krait 400, specifikisht modeli Clocked MSM8975 AC në 2.5 GHz. LG G3 bartë një sasi te procesimit grafik (GPU) Adreno 330 dhe ka kapacitet prej 3GB RAM memorie në krahasim me LG G2 që kishte 2GB.

Ekrani

Çka rreth ekranit? Në fakt ekrani i LG G3 është me të vërtet i përsosur. Është tepër i mprehtë, duke ju falënderuar rafinimit të kujdesshëm që i ёshtё bёrё. LG G3 ka ekran IPS+LCD me dendësi tё rregulluar të ultra-pikselave dhe me një rezolucion çmendurisht të lartë 2560×1440 piksela QHD, me një diagonale 5.5 inç që jep dendësinë e 534 pikselave për inç. Ngjyrat e LG G3 janë gjithashtu tё mira dhe tё gjalla, të bardhat janë shumë të pastra, dhe aty nuk duket të kemi ndonjë hedhje të ngjyrës nga i gjithë sistemi. Tonet e zeza dhe të errëta kanë një thellësi të mirë, edhe pse nuk janë më të thella duke e krahasuar me diçka si OLED por shkëlqimi është perfekt në përdorimin e përgjithshëm tё këtij telefoni.

Shfaqja e videove nё formatet e kualitetit te lartё nuk ёshtё vetëm një tregim por, një gjë e vërtet ku shkëlqesia e LG G3 bën që ekrani i juaj i vogël tё shndërrohet nё një kinema multimediale.

A është LG G3 rezistent ndaj ujit?

Ju ndoshta e keni vërejtur se së fundmi është një tendencë në hapësirat e telefonave të mençur pёr tё krijuar telefona qё janё rezistent ndaj ujit. Kёta tё fundit janë tё certifikuar me standardin “IP”. Si pёr shembull Sony Xperia Z me certifikatën IP58, apo Samsung Galaxy S5 me IP67.

Me lansimin e LG G3, LG nuk e përmendi një mbrojtje të tillë nga materialet e lagështa për produktet më të shitura të kohëve të fundit. Pra, zyrtarisht LG G3 nuk posedon certifikatë tё tillë dhe kështu nuk jep asnjë llojё garancie nga rёnjet apo kontaktin me ujin.

Jo zyrtarisht, sidoqoftë, disa përdorues të “guximshëm” e kanë testuar dhe e kanë gjetur befasisht të forte dhe tё qëndrueshëm ndaj kësaj sfide.

Softueri

Struktura bazike e softuerit të LG G3 përcillet me stok ROM-in Android 4.4, KitKat me mundësi përditësimi tё menjëhershëm nё Android 5.0 Lollipop. Sistemi operativ i LG G3 ёshtё i përshtatur pёr kёtё tё fundit, dhe dallon pёr disa gjёra nga telefonat tjerё tё mençur. Kur jemi nё kёtё pikё, duhet tё përmendim edhe karakteristikat e aplikacionit tё integruar Knock On që fillimisht u gjend edhe nё LG G2, e që lejon përdoruesin tё ndezë apo fikё telefonin me një prekje tё dyfishtë nё ekran.

LG G3-1 front- Ameble

Në ballinën e LG G3 gjejmë pjesën e ndërfaqës sё përdoruesit (UI) gjë që ёshtё shumë e përshtatshme nё KitKat dhe po ashtu nё LG G3, pastaj kemi pjesën e aplikacioneve dhe Widgets. Sido që të jetë, ka disa përshtatje që janë pakë delikate dhe ato jo-delikate të cilat janë programuar dhe përshtatur me mjeshtri të përkryer. Sikur me shumicën e telefonave Android, ju mund ti ri-aranzhoni ikonat dhe Shortcuts duke i vendosur në pjesën fundore të ekranit, por në G3 ju gjithashtu mund ta lëvizni edhe ikonën përmes së cilës hapen aplikacionet.

Zëri

Altoparlantët e LG G3 janë tejet të mire dhe kualitativ. Gjithashtu altoparlanti i brendshëm i LG G3 është tejet zhurmshëm. Sikurse edhe tek shumica e smartphone-ve edhe tek LG G3, prodhimi i zërit është i mjaftueshëm duke marrë parasysh destinimin e tij.

Në rast të thirrjeve telefonike, dëgjohet lehtë dhe po ashtu ka opsionin “Extra Volume” që e rrit dëgjueshmërinë e mikrofonit.

Përformanca dhe Bateria

G3 është i shpejtë – dhe për këtë nuk ka asnjë dyshim. Procesori i G3 prej 2500 MHz katër-bërthamorë dhe RAM memoria prej 3GB janë ato që i japin fuqi kësaj pajisje. Snapdragon 801 është çipi i procesorit të G3, dhe si i tillë konsiderohet ndër çipat më të shpejtë për kohën kur është publikuar.

Sa i përket baterisë LG ka krijuar një celulë me bateri të lëvizshme tё fuqisë 3.000 mAh, e cila është e përdorshme  pasi që e lejon ndërrimin e baterisë. Ne nё Ameble e kemi bёrё testin e baterisë dhe mund tё konstatojmë që LG G3 ka bateri shumë të mire dhe mjaft të qëndrueshme. Gjatë testimit kemi parë që filmi zgjat 2 orë e 45 minuta. Me ndriçim të plotë (duke e mbajt në mend që ky është një rezolucion i lartë masiv dhe ekran ultra të ndritshëm) dhe Wifi të lëshuar, shikimi i filmit të plotë harxhoi baterinë deri në 37%.

Sidoqoftë, duke e rimbushur baterinë 100%, duke e ngarkuar filmin së pari e pastaj duke e shikuar në parametrat e njëjtë bateria qëndroi denjësisht në 50%, gjё qё ёshtё shumё mirё.

Kamera

Sikurse edhe modelet paraprake të telefonave të mençur të LG, edhe LG G3 ka dy kamera. Ajo frontale është 2.1 megapikselë dhe mund të përdoret për video thirrje me Skype apo Google Talk, ndërsa kamera e pasme është 13 megapikselë. LG G3 nëpërmjet softuerit të integruar ofron opsione të ndryshme të efekteve  të fotografisë gjatë fotografimit të cilat mund të përzgjidhen drejt për së drejti.

LG G3 Camera

Pas përditësimit ne Android 5.0 Lollipop shtohen edhe shumë efekte dhe mundësi të tjera për këtë kamerë.

Përveç efekteve, ofrohen edhe opsione të tjera nëpërmjet funksionit Mode, dhe ju do të përjetoni një argëtim me opsionet e ofruara sikurse Best face, Best photo, Beauty face, Sound & shot, Drama, Animated photo, Rich tone, Eraser, Panorama, Sport dhe Night.

Sa i përket kualitetit të fotografisë dhe incizimit lirisht mund të themi se kamera e LG G3 është pothuajse e përkryer. Gjatë testimit të kësaj pajisje ne kemi konkluduar që një pike e forte e LG G3 është edhe kamera e tij.

Hapësira

Kur jemi tek hapësira, LG G3 vjen në dy versione: versioni që ka hapësirë interne prej 16 GB me mbështetje të SD-Kartës deri në 128GB dhe që është prodhuar kryesisht për disa operatorë në Mbretërinë e Bashkuar dhe pjesë tjera të Evropës dhe kemi versionin 32GB të hapësirës interne me mbështetje të SD-Kartës deri në 128GB. Llojet e SD-Kartës që LG G3 mbështet janë: microSD, microSDHC, microSDXC. Në të dyja këto versione ju mund të ruani aq shumë të dhëna duke përfshirë muzike, fotografi dhe dokumente të tjera.

Përfundimi

Shtrohet pyetja: A me ble LG G3?

Përgjigja jonë e thjesht është PO. Çmimi i këtij smartphone në treg është tejet modest bazuar në karakteristikat dhe përformancen e tij. /ameble

Samsung do të jetë furnizues i memorieve DRAM për iPhone 6S

Samsung do të jetë furnizues i memorieve DRAM për iPhone 6S

Samsung memoryApple iPhone 6S nuk pritet të dal në treg me herët se muaji shtator i këtij viti, edhe pse kemi dëgjuar thashetheme të ndryshme sa i përket këtij modeli të ardhshëm.

Sipas një raporti të ri kompania Samsung me sa duket do të jetë furnizues i memorieve DRAM të Apple-it për iPhone 6S dhe 6S Plus. E njëjta kompani është thënë të jetë furnizues edhe për memoriet DRAM të LG-së për smartphone-in e tyre të ri LG G4, i cili sipas thashethemeve do të dal në treg nga muaji prill.

Sipas Korea Times, Apple dhe Samsung kanë nënshkruar një marrëveshje të re e cila parasheh furnizimin e 50% të memorieve RAM për Apple iPhone 6S dhe 6S Plus. Samsung gjithashtu pritet të jetë një nga prodhuesit kryesor të procesorit të ri Apple A9 që pritet të lansohet me gjeneratën e ardhshme të iPhone-it gjatë vitit. /ameble

LG njofton për katër smartphone të ri të rangut të mesëm

LG njofton për katër smartphone të ri të rangut të mesëm

LG tani para ngjarjes MWC 2015 ka njoftuar për katër smartphone të ri të rangut të mesëm, që përfshinë modelet Magna, Spirit, Leon dhe Joy. Ata të cilët do jenë prezent në ngjarjen MWC 2015 në Barcelonë duke vizituar stendat e kompanisë do të kenë mundësi të shohin së çfarë smartphone do sjellë LG.

LG Smartphones

 

LG Magna përmban ekranin 5-inç HD, procesorin 4-bërthamor 1.2 ose 1.3GHz me 1GB RAM dhe 8GB hapësirë të brendshme për ruajtjen e të dhënave, baterinë 2540mAh, kamerën kryesore 8 megapikselë dhe vjen me versionin Android 5.0 Lollipop. LG Spirit përmban karakteristika të ngjashme si LG Magna, por vjen me ekran më të vogël 4.7-inç dhe bateri 2100 mAh.

Tjetri model është LG Leon që vjen me ekran 4.5-inç FWVGA, procesorin 4-bërthamor, 1GB RAM, 8GB hapësirë të brendshme për ruajtjen e të dhënave, kamerën kryesore 8 megapikselë, baterinë 2100mAh dhe platformën Android 5.0 Lollipop. Dhe i fundit LG Joy përmban ekranin më të vogël 4-inç, kamerën 5 megapikselë, baterinë 1900mAh dhe platformën e njëjtë si modelet tjera.

Të gjithë këta smartphone do të dalin në treg këtë javë. Nuk janë dhënë detaje për çmimin e tyre. /ameble