Tag Archives

9 Articles
Tableti Ekoore Python S3 operon me Android, Windows 8 dhe Linux

Tableti Ekoore Python S3 operon me Android, Windows 8 dhe Linux

Nëse ndonjëherë keni kërkuar një pajisje që operon më sisteme të shumta operative, atëherë tableti i ri hibrid Ekoore Python S3 i prodhuar nga kompania italiane Ekoore është i aftë të startoj (bëj boot) me Android, Windows 8 dhe Linux.

Kjo pajisje posedon ekranin me prekje 11.6 inç me 1366 X 768 pikselë, kurse përbrenda tij gjëndet procesori 2-bërthamor 1.1 GHz Intel Celeron 847 i mbështetur nga 2 GB RAM, dhe nëse paraqitet nevoja ka mundësi të zgjerohet deri në 8GB. Hapësira e brendshme për ruajtjen e të dhënave është 64GB, por mund të shtohet deri në 128GB. Ekoore Python S3 është i pajisur me tastierën ngjitëse apo të ndashëm me bateri 3600mAh që qëndron deri në 5 orë. Në anësoret e tabletit  ju do të gjeni edhe një dalje HDMI, portën USB, sloten për kartela microSD , dhe portën për kufje.

Ekoore Python S3 në dispozicion për shitje pritet të jetë vetëm brenda Italisë për 599 €. Klientët mund të porosisin atë të instaluar me  Android 4.2, Windows 8 ose Ubuntu 13.04, ose mund të marrin një model që vjen me të gjitha përnjëherë. |ameble|

Microsoft prap nën akuza nga Evropa

Microsoft prap nën akuza nga Evropa

Microsoft TroubleNjë seri ngjarjesh interesante po ndodhin me kompaninë Microsoft, e cila tani po akuzohet së u ka ndaluar përdoruesve instalimin e sistemeve Linux apo sistemeve tjera operative nga Windows 8.

Një grup avokatesh spanjoll që përfaqësojnë softuer të ndryshëm me kod të hapur (open source code), kanë paraqitur një ankesë në Bashkësinë Evropiane, duke thënë se metoda e Microsoft-it për bllokimin e bazës së sistemit operativ Linux është “de facto burg teknologjik”.

Funksioni që bllokon sisteme të tilla operative është UEFI Secure Boot, i cili në pajisjet më Windows 8 është për shkaqe sigurie gjatë startimit (bootup). Megjithatë, ky grupi i njohur si Hispalinux, thotë se ky funksion “Sistemin Microsoft Windows e bën me pak neutral se kurrë”, dhe që përdoruesve ju duhet të kërkojnë çelësin e veçantë për licencë nga Microsoft në mënyrë që tu mundësohet instalimi i sistemeve tjera operative.

Kompania Microsoft u gjobit disa muaj me herët për dështimin e saj në përputhje me marrëveshjen që u kërkohej kompanisë për të lejuar përdoruesit e Windows-it të përdorin shfletues tjerë. Ata përfundimisht ishin gjobitur me një shumë prej 561 milion € për shkelje të marrëveshjes. |ameble|

Versioni i ri Firefox 19 në dispozicion një ditë para lansimit

Versioni i ri Firefox 19 në dispozicion një ditë para lansimit

Nëse nuk ju pritet për të marrë versionin e ri të shfletuesit Firefox 19 deri nga lansimi i tij që bëhet nesër, mund ta shkarkoni atë nga tani nëpërmes portalit FTP të Mozilla-s.

Shkarkimi i Firefox-it mund të behët këtu dhe është në dispozicion për sistemet operative Windows, Linux dhe Mac OS X dhe përfshin një numër të përmirësimeve të reja në krahasim me versionin e mëparshëm. Mozilla nesër do ti publikojë zyrtarisht ndryshmet e bëra për shfletuesin që ka qenë në zhvillim që një kohë. Për ata që nuk ndihen të sigurt mund të presin deri nesër nga lansimi zyrtar. |ameble| [divider top=”0″]

Shfaqet Linux Mint 14 “Nadia” me karakteristika të reja

Shfaqet Linux Mint 14 “Nadia” me karakteristika të reja

Zhvilluesit e Linux Mint ketë javë kanë njoftuar për lançimin e fundit të sistemit të tyre operativ Linux, që quhet Linux Mint 14 “Nadia”. Versioni i ri Linux Mint 14 është me i pasuruar me tipare të reja të cilat janë dizajnuar për të siguruar përdoruesit stabilitet dhe eksperiencë të përmirësuar në kompjuter desktop, kanë thënë zhvilluesit e saj.

Për më shumë informacione dhe detaje të plota të sistemit të ri operativ, shikoni faqen e internetit Linux Mint 14.

Kërkesat e nevojshme për sistemin janë:

  • 512 MB RAM (1 GB rekomandohet)
  • 5GB hapësirë në disk
  • Kartela Grafike me minimum rezolutë 800 x 600
  • CD/DVD Drive dhe USB port. |ameble| [divider top=”0″]
Dhuroni jetë të re, kompjuterit të vjetër

Dhuroni jetë të re, kompjuterit të vjetër

by MN 3 Comments

Imagjinoni në vijim një skenar realist: keni një kompjuter të vjetër që ju ka shërbyer me besnikëri për vite me rradhë, por me kohë është vjetërsuar me krijimin e lojërave të reja dhe programeve më kërkuese. Keni blerë një kompjuter të ri që është i aftë për tu përballuar me softueret aktual, por nuk dini se çfarë të bëni me kompjuterin e vjetër. Nëse provoni ta shisni atë nëpërmjet shpalljeve, ju nuk do keni edhe shumë levërdi. Nga ana tjetër, nuk është aq i papërdorshëm sa për ta hedhur, dhe ju keni prindër, të afërm, apo miq të cilëve mund tu hynte në punë një kompjuter i tillë për nevoja të internet-it, muzikë dhe filma. Problemi i vetëm është se një përdorues i ri i këtij kompjuteri është ndoshta shumë pak i përgatitur teknikisht. Çfarë duhet të bëni?

Dhuroni jetë të re, kompjuterit të vjetër (me Linux)

Instalimi i Windows XP si një zgjidhje logjike në dukje, në praktikë shpesh dëshmon të jetë një gabim katastrofik, kur është fjala për këta përdorues. Shumë prej nesh rikujtojnë Windows XP-në më mall, duke harruar se si ai ishte i prirur për “shkatrrim” në qoftë se përdoruesi nuk ka qenë jashtëzakonisht i kujdesshëm në atë çka ai instalon dhe rregullisht mirëmbanë kompjuterin nga ana softuerike. Nëse instalohet çdo gjë, dhe vetëm shtypet mbi “Next” gjatë instalimit pa e lexuar se çfarë saktësisht është duke u instaluar, kompjuteri menjëherë instalon plotë toolbar-e spiunësh dhe programme të ngjashme “helper” që ngadalësojnë sistemin operativ, duke bërë kush e di saktësisht se çfarë, dhe potencialisht komprometojnë sigurinë e kompjuterit.
Një problem tjetër është i lidhur edhe me kujtesën tonë selektive. Ne të gjithë mbajmë në mend se Windows XP dikur mjaft bukur punonte në një Pentium 3 dhe 4, por ne harrojmë se në atë kohë programet ishin të shkruara posaçërisht për këta kompjuterë. Versionet aktuale të softuerëve bëhen për kompjuterët e sotëm me shumë RAM memorie dhe disqe me cache memorie të madhe, më të cilat mund të kompensohet ngadalshmëria e pjesëve mekanike, gjersa në kompjuterin tuaj të vjetër gjindet sigurisht shumë më pak RAM dhe disku me 2 MB cache memorie (në rastin më të mirë), e që krijon burim të pandërprerë të “gërrhatjes” nga shtëpiza.
Sigurisht, ju mund të nxjerrni disi versionet e vjetra të programeve, por disa shërbime online refuzojnë të punojnë me versionet e vjetra të softuerëve, ndërsa në lidhje me vrimat e mundshme të sigurisë as të mos flasim. Së fundi, as web faqet para dhjetë vitesh nuk ishin as përafërsisht kërkuese si ditët e sotshme, atëherë kur disa nga web teknologjitë të cilat përdoren gjerësisht sot, nuk kanë ekzistuar fare.

Problemin e tretë e paraqesin antivirus-ët. Edhe versionet e vjetra të antivirus-ëve ishin në gjendje të shkaktojnë ngadalësim të dukshëm të punës në kompjuter, dhe kur ju keni instluar ndonjë më të ri, edhe në qoftë se aj ishte një “Avira” goxha i lehtë, lirishtë mund t’i thuanit lamtumirë punës së rehatshme. Versionet e vjetra nga ana tjetër, nuk do të jenë në gjendje për të ju mbrojtur nga murtaja moderne, kështu që ky moment paraqet një problem mjaft serioz për përdorim të besueshme të kompjuterit.

Zgjidhja që do të ishte më se e kënaqshme për një numër të konsiderueshëm të përdoruesve potencialë, është instalimi i distribuimeve te lehta të Linux-it. Nga njëra anë ju keni shpejtësi dhe softuer mjaft të freskët, ndërsa nga ana tjetër mbrojtje nga virusët, pasi që pothuajse i gjithë malware ka synim Windows-in si një platformë për “veprimet” e tij.
Megjithatë, situata nuk është edhe aq e qartë dhe ne nuk mund të tregojmë me gisht në një distribuim të Linux-it dhe ta rekomandojmë atë si zgjedhje të përkryer për një kompjuter të vjetër. Në radhë të parë, ekziston problemi me shumë pajisje USB për të cilat shpesh nuk është lehtë të gjindet as driver-i për Windows, e lëre më për Linux.

Në radhë të parë këtu mendojmë për lloje të ndryshme të web kamerave kineze, USB tuner-ve, madje edhe USB modem-ve për internet. Disa distribucione të Linux janë të pajisura më mirë me driver-a, kështu që ndodh që pajisjet e tilla t’i njoh menjëherë, disa të tjera nuk janë, por si do t’ju rastis juve nuk mund ta dini gjërsa ta provoni.

Për fat të mirë, në versionet e fundit të distribuimeve të Linux është përmirësuar në mënyrë drastike njohja dhe instalimi automatik i driver-ve për USB modem-at  por në përgjithësi, sa i përket internetit, rekomandohet që ju t’i qaseni nëpërmjet Ethernet interface-it, përkatësisht me kabllo të rrjetit direkt në Router apo Switch . Kjo është rruga më e sigurt për të minimizuar problemet e mundshme. |ameble| [divider top=”0″]

Chip-i i ri i Intel-it nuk do të mbështesë Linux-in

Chip-i i ri i Intel-it nuk do të mbështesë Linux-in

Intel tani zyrtarisht nuk do të mbështesë Linux-in në chip-in e tij të ardhshëm për laptopë dhe tableta. Kjo lë Windows 8 si Sistemin Operativ të vetëm që do të funksionoj më chip-in e Clover Trail Atom (procesor i optimizuar për Tablet).

Për të qenë të qartë, Linux teknikisht mund të funksionoj në Clover Trail për shkak se ai është një chip x86. Por është vështirë që ndonjë prodhues pajisjesh të marr mundimin për të bërë atë. Në vend të kësaj, Intel është duke i dhënë Windows 8 avantazhin e të qenit Sistemi Operativ i vetëm të cilin Clover Trail do ta mbështesë.

Intel ka konfirmuar në forumin e tij të zhvilluesve këtë javë se nuk do të mbështesë Linux-in për Cover Trail. Momentalisht tregu i pajisjeve mobile është i dominuar nga Android që është i bazuar në Linux, dhe iOS që është i bazuar në Unix. Duket se Intel dhe Microsoft do të vazhdojnë përpara së bashku në garën e pajisjeve mobile, e që deri më tani nuk kanë qenë shumë të involvuar në të.

Intel mund t’i jap Windows 8 një avantazh të vogël, por konkurrenca është ende mjaft e ashpër me Apple iOS dhe Google Android.

Mospërkrahja zyrtare e Linux nga Intel është pozicioni momental, mirëpo kjo mund të ndryshojë në të ardhmen. |techcrunch.com| [divider top=”0″]

 

Linux Mint 13 “Maya” Xfce

Linux Mint 13 “Maya” Xfce

by bmbi 0 Comments

Qe një kohë relativisht të gjatë nuk është punuar ne ndonjë version te ri nga Linux-i, por lansimi përfundimtar i Linux Mint 13 Maya Xfce është tani në dispozicion. Të shtunën është dhënë ky lajm i mirë për ata që kanë qenë në pritje të kësaj alternative.

Mint Xfce është një version i ri dhe shumë i mirë në vetvete, edhe pse mendohet zakonishtë si një version i lehtë dhe i shpejtë, në këtë pako është bërë një konfigurim dhe një sistem pak me shumë i ngarkuar, në thelb i njëjtë me Gnome dhe versionet e KDE-s mirëpo pakoja(image) ISO është rreth 800MB, i cili është i madh për tu kopjuar në një CD, kështu që do ju duhet ta kopjoni në DVD.

Një alternativë tjetër më e mirë sipas mendimit tonë për të instaluar është nga USB flash memorja. Thjesht mund ta fusni pakon ne USB, ose mund të përdorni shërbimin “unetbootin” për të krijuar një bootable USB flash memorie. Procesi i instalimit do të zgjasë përreth 15 minuta. |linuxmint.com|

[divider top=”0″]

Android 4.0.x ICS, 100% më i shpejtë me Linaro

Android 4.0.x ICS, 100% më i shpejtë me Linaro

Disa programer të Linux-it vendosën të hyjnë më thellë në përmirësimin e kodit të Androidit 4.0.x ICS dhe shfaqën një version të ri të ashtuquajtur Linaro. Qëllimi i tyre ishte përmirësimi i kodit në mënyrë që të arrihet dukshëm efektshmëria.

Për më tepër, distribucioni i Linaros për Android 4.0.x ka tërhequr vëmendjen e ekipit të CyanogenMod, dhe të gjithë mund të paramendojmë se çfarë do të ndodhë më pas. Tashmë pjesë të kodit Linaro janë dorëzuar ekipit të CyanogenMod dhe aktualisht është në pritje të miratimit për tu vendosur në kodin kryesor, ku pastaj do të mund të përdorët në të gjitha pajisjet  me softuerin CyanogenMod dhe efektshmërinë mahnitëse. /meetgadget/ [youtube id=”mrQRYmYip6Q” width=”600″ height=”350″] [divider top=”0″]

Cili OS Linux është më i mirë për File Server?

Cili OS Linux është më i mirë për File Server?

by bmbi 1 Comment

Nga gjithë këto sisteme të Linux-it për të bërë një zgjedhje, një sondazh i përdoruesve të Linux-it na ofron një ide të mirë se cilat versione përdoren më shumë. Duke u fokusuar tek serverët, tashmë kanë raportuar më herët në lidhje me të dhënat nga W3Techs duke sugjeruar se Debian Linux është zgjedhja më popullore sot për Ueb serverët. Tani, një seri e re e të dhënave të botuar të hënën merr/jep një vështrim të afërt për Data Serverët dhe në veçanti për përdorimin e tyre nga bizneset e vogla dhe të mesme. Cilat ishin zgjidhjet? Debian dhe Ubuntu Linux!

67 Përqind preferojnë Debian

Ky sondazh i ri vjen nga kompania Symform e cila ofron shërbime cloud për ruajtjen e të dhënave, statistikat e kësaj kompanie tregojnë se bizneset më të vogla preferojnë Debian dhe Ubuntu në krahasim me Red Hat për data serverët, përfshirë Red Hat Enterprise Linux dhe CentOS. Gati 67% të anketuesve që përdorin Linux si Data Server përdorin Debian si sistemin e tyre të pëlqyer, përderisa pjesa tjetër përdorin platforma të bazuara në Red Hat. Anketa përfshin 100 biznese të vogla dhe të mesme dhe u sponsorua nga Symform me qëllim të identifikimit të sistemit operativ i cili përdorët më shumë nga shfrytëzuesit e Linux, të interesuar për shërbimet e të dhënave dhe zgjedhjeve për cloud. Symform është duke përdorur të dhënat për të përcaktuar përparësitë në lidhje me shpërndarjet e Linux për të përkrahur produktet në të ardhmen.

Një perspektivë që duhet pasur në konsideratë

Sigurishtë, si të gjitha sondazhet edhe kjo është vetëm një pasqyrë e vetme e asaj se çfarë është duke u përdorur dhe popullariteti në mes të një sërë përdoruesish, nuk do të thotë që preferencat e tyre do të jetë e drejta për ju. Megjithatë, nëse jeni në procesin e marrjes së një vendimi të ngjashëm lidhje me sistemin operativ të cilin keni për ta përdorur në serverët brenda biznesit tuaj, ky është një sugjerim i mirë i cili duhet pasur parasysh. |pcworld.com| [divider top=”0″]