Tag Archives

3 Articles
Microsoft me në fund të lansoj rivalin Siri dhe Google Now

Microsoft me në fund të lansoj rivalin Siri dhe Google Now

CortanaE para ishte Apple, ajo që në vjeshtën e vitit 2011 kishte lansuar asistentin me zë Siri, Google me shërbimin e ngjashëm Google Now kishte filluar në verën e vitit 2012 kurse tani dhe e fundit është Microsoft ajo që pritet të lansoj asistentin me zë nga Prilli i këtij viti.

Një nga burimet e MSFTNerd shkruan se Microsoft ka në plan të lansoj asistentin virtual të tyre Cortana, në kohën kur mbahet konferenca vjetore për zhvillues Microsoft Build. “Cortana, për të gjithë ju që nuk luani lojëra, është emri i famshëm i karakterit inteligjent artificial që luhet në serinë e video lojës Microsoft Halo.

MSFTNerd lë të kuptoj se shërbimi i ri nga Microsoft do të jetë i integruar drejtpërdrejt me Bing dhe përdoruesit do të kenë mundësinë të aktivizojnë atë në pajisjet e tyre mobile, thjesht duke thënë frazën “Bing tell me… MSFTNerd gjithashtu thotë se ky shërbim nga Microsoft do të integrohet edhe në aplikacionin Bing për iOS, Xbox One dhe tek sistemi operativ Windows. /ameble

Biletat për konferencën Microsoft Build Developer shiten brenda 24 orëve

Biletat për konferencën Microsoft Build Developer shiten brenda 24 orëve

Microsoft BUILDBiletat për konferencën Microsoft Build Developer 2014 dolën në shitje dje dhe kompania ka arritur t’i shes të gjitha brenda ditës së parë. Microsoft Build Developer 2014 zhvillohet në mes të datave 2 dhe 4 Prill në San Francisko dhe në ketë ngjarje Microsoft pritet të jap më shumë informata në lidhje me sistemin e ardhshëm operativ Windows 9.

Në ketë ngjarje përveç Windows 9, aty pritet të dëgjojmë edhe informacione në lidhje me platformën mobile Windows Phone. Kompania është ende në procesin e marrjes së biznesit të smartphone-ve nga Nokia dhe në ketë ngjarje gjithashtu pritet të dëgjojmë detaje rreth pajisjeve të para Lumia të prodhuara nga udhëheqja e Microsoft-it.

Microsoft ende nuk ka njoftuar se sa bileta kanë shitur gjatë ditës së djeshme për ketë konferencë, ku pjesëmarrja pritet të jetë e ngjashëm me vitin e kaluar, e cila duhet të jetë rreth 3000 zhvillues. /ameble

Konferenca “Build” nga Microsoft është caktuar me 26 Qershor

Konferenca “Build” nga Microsoft është caktuar me 26 Qershor

Microsoft BuildGoogle organizon ngjarjen e saj Google I/O, Apple WWDC-në, kurse Microsoft ka konferencën e saj vjetore të quajtur “Build” që organizohet për të tërhequr zhvilluesit të cilët kanë zhvilluar ose janë të interesuar të zhvillojnë aplikacione për platformat e saj.

Microsoft të martën ka njoftuar së konferenca “Build” për këtë vit do të mbahet nga data 26 deri 28 Qershor në San Francisko, kurse regjistrimi do të fillojë më 2 Prill.

Kjo do të jetë konferenca e parë për zhvilluesit e Microsoft-it pas lansimit të sistemit operativ Windows 8, dhe ka të ngjarë së do të shfaqen informacione të reja për sistemin e ardhshëm Windows Blue që sipas thashethemeve është në projekt të ofroj përmirësime për gjeneratën e parë të kompjuterëve Microsoft me prekje (touch). |ameble|