Tag Archives

14 Articles
Matchstick është përgjigjja e Mozilla-së për Google Chromecast

Matchstick është përgjigjja e Mozilla-së për Google Chromecast

Matchstick1Google posedon mini pajisjen e tyre për streaming Google Chromecast, kurse tani Mozilla është ajo po bëhet gati që të lansoj një pajisje të tillë të quajtur Matchstick, e cila do të jetë me sistemin operativ të tyre FirefoxOS. Matchstick është një pajisje streaming që lidhet në pjesën e prapme të televizionit nëpërmjet lidhjes HDMI, dhe pastaj lidhet me rrjetin WiFi, ku edhe shfaq përmbajtjet streaming direkt në televizion.

Matchstick është pajisja e parë me HDMI dhe me sistem operativ FirefoxOS, pra është një mundësi e mirë dhe e re për të parë filmat, muzikën, lojërat nga televizioni juaj.

Ekipi prapa kësaj pajisje kanë punuar me Mozilla-n për zhvillimin e pajisjes, dhe pritet të financohen nga Kickstarter ku ju nevojiten  rreth 100.000$ për të futur pajisjen në prodhim. Pajisja Matchstick Firefox OS ende nuk është në treg, por detajet dhe specifikat shtesë mund t’i lexoni në ketë link. Çmimi i pajisjes do të jetë 25$. /ameble

Fansat e Mozilla-s takohen në Tiranë me 8-9 Shkurt

Fansat e Mozilla-s takohen në Tiranë me 8-9 Shkurt

Mozilla Weekend, është një ngjarje që do të organizohet me datat 8-9 Shkurt 2014 për herë të parë në Tiranë, Shqipëri. Kjo ngjarje do të organizohet së bashku me Komunitetin e Mozilla-s në Shqipëri dhe Open Labs hackerpsace, e cila është duke u bërë e njohur në Shqipëri për ngjarjet që kanë për fokus softuerin me burim të hapur (open source softuer).

Mozilla Weekend Al

Ka pasur edhe me herët ngjarje në lidhje me Mozilla-n që janë organizuar në Shqipëri, por asnjëherë nuk ka pasur një fundjavë të tërë dedikuar kësaj, që do të thotë se pjesëmarrësit do të kenë mundësinë për të punuar së bashku, shoqëruar dhe shpërndarë ide.

Ngjarja fillon më 8 Shkurt në orën 10:00, me prezantime nga Komuniteti i Mozilla-s në Shqipëri, dhe më pas pjesëmarrësit do të kenë shansin për t’u njohur me produktet e Mozilla-s si Persona, Lighbeam, Thunderbird, Firefox OS, etj. Ngjarja nuk do të jetë vetëm ngjarje prezantuese, pjesëmarrësit gjithashtu do të përfitojnë nga trajnime të shkurtëra në formën e prezantimeve dhe konkurse të vogla.

Gjithashtu do të jetë një seminar i shkurtër për zhvillimin e aplikacioneve për Firefox OS dhe HTML5, ndërsa krejt në fund do të ketë edhe disa shpërblime për pjesëmarrësit.

Çdokush është i ftuar për t’ju bashkuar kësaj ngjarje dhe ka shansin t’i takoj fansat shumë aktiv nga Shqipëria, Kosova dhe rajoni. Regjistrohu tani! /digjitale /ameble

Tableti me Firefox OS shfaqet në Computex 2013

Tableti me Firefox OS shfaqet në Computex 2013

Një tablet me sistem operativ Firefox është paraqitur në ngjarjen Computex 2013. Ky tablet është prezantuar në fillim të kësaj në një konferencë për media, momentalisht gjendet nën stendat e kompanisë Foxconn bashkë më një seri smartphone-sh me po të njëjtin sistem operativ.

Prezantimi i këtij tableti Firefox vijon nga njoftimi i së hënës, se kompanitë Foxconn dhe Mozilla janë partner jo vetëm për të ndërtuar smartphone por edhe tablet.

Firefox OS tablet

Është thënë se modeli i këtij tableti është i pajisur me ekran 10.1 inç dhe në stil dhe dizajn duket i ngjashëm me Google Nexus 10.

Menaxheri i përgjithshëm i Grupit për Biznes dhe Inovacione në Sisteme Digjitale për Foxconn, Young Liu, ka shpjeguar në një deklaratë duke thënë: “Ne besojmë se integrimi i softuerit dhe zhvillimi i harduerit do të ofrojnë përfitime të mëdha për klientët dhe konsumatorët tanë.” Firefox OS nga Mozilla është i bazuar në HTML5 dhe në open web technologies. |ameble|

Foxconn dhe Mozilla bashkohen për pajisje me platformën Firefox

Foxconn dhe Mozilla bashkohen për pajisje me platformën Firefox

Firefox-OS1Industria Hon Hai Precision e njohur edhe si Foxconn, është bashkuar me kompaninë Mozilla për të krijuar një pajisje që do të ketë platformën Firefox. Dyshja nuk kanë dhënë detaje për pajisjen e re, por pritet të jetë një tablet, dhe është planifikuar të prezantohet me datë 3 Qershor.

Ky veprim për Foxconn shënon një ndryshim të ritmit, e cila është vlerësuar se 60 % të fitimeve të saj janë nga montimi i iPhone-ve dhe iPad-ve nga Apple. Tani kërkesa për produktet e Apple ka rënë kështu qe ka prekur edhe fitimet e Foxconn-it, duke bërë që ajo të kërkojë burime alternative.

Mozilla ka nënshkruar gjithashtu marrëveshje me Alcatel, LG dhe ZTE për të krijuar pajisje me platformën Firefox. Sipas Reuters edhe Huawei pritet gjithashtu ti bashkohet kësaj gjatë këtij viti.

Platforma Firefox do të përballet me një betejë të vështirë, përderisa tanimë ka konkurrencë domethënëse në arenën e smartphone-ve dhe tablet-ve. Gjithçka mbetet të shihet muajt e ardhshëm. |ameble|

Firefox OS nga Qershori do të debutojë në pesë vende

Firefox OS nga Qershori do të debutojë në pesë vende

Firefox-OSMozilla ka njoftuar se sistemi i tyre operativ Firefox OS do të filloj nga muaji Qershor fillimisht në pesë vende. Lajmi është dhënë nga shefi ekzekutiv i Mozilla-a Gary Kocacs, i cili tha se deri në fund të vitit kanë në plan të shfaqin edhe në njëmbëdhjetë vende tjera.

Mozilla Firefox OS nga Qershori do të fillojë në Brazil Spanjë, Portugali, Poloni dhe Venezuela, ka thënë ai, kurse për SHBA do të duhet të presin deri në vitin e ardhshëm, ndërsa për vendet tjera si dhe Britaninë e Madhe nuk ka përmendur fare.

Firefox OS për herë të parë ishte publikuar vitin e kaluar ne muajin Korrik, i bërë për smartphone dhe tableta, kurse në dispozicion vetëm për testim është për OS X, Windows, dhe Linux. |ameble| 

Mozilla ka publikuar versionin e ri Firefox 20

Mozilla ka publikuar versionin e ri Firefox 20

Mozilla Firefox

Mozilla ka publikuar versionin e ri të serisë së shfletuesit ueb Firefox 20. Përveç përmirësimeve të privatësisë tek versioni Desktop, ata gjithashtu kanë futur një menaxher për shkarkime. Ky menaxher për shkarkime u mundëson përdoruesve për të monitoruar të gjitha shkarkimet pa pasur nevojë të kalohet në një dritare tjetër.

Krahas shfletuesit të Desktop-it, është përditësuar gjithashtu edhe aplikacioni Android i Firefox-it. Kjo tani e bën Firefox-in kompatibil me pajisjet me arkitekturë të vjetër ARM V6 duke përfshirë Samsung Galaxy Next, HTC Legend, Samsung GALAXY Pop, Samsung Galaxy Q etj.  Gjithashtu, kërkesat e sistemit janë ulur në 384 MB RAM dhe për ekranet QVGA. Me ketë përditësim të ri, përdoruesit e Android-it do të kenë mundësi të rregullojnë shkurtesat e Firefox-it në ballinën e ekranit.

Të dy versionet ofrojnë intimitet në shfletim midis sesioneve private dhe jo-private. Këto versione janë në dispozicion nga tani dhe mund të shkarkohen nga linkat e dhënë me poshtë.

Mozilla bashkohet me Samsung për shfletuesin Ueb

Mozilla bashkohet me Samsung për shfletuesin Ueb

Samsung kanë njoftuar se janë duke punuar së bashku për të ndërtuar një motor për shfletuesit ueb të ri në pajisjet e lëvizshme të bazuara në ARM dhe Android. Motori i ri nga dy kompanitë është emëruar Servo. Sipas Mozilla-s, do të jetë i dizajnuar për pajisjet e ardhshme me shumë bërthama (multi-core). Servo është koduar në gjuhën e vet të programimit të Mozilla-s, i quajtur Rust. Zhvilluesit nga Mozilla kanë  filluar punën në ketë vitin e kaluar, dhe Samsung ka ndihmuar ketë vetëm gjatë muajve të fundit.

Mozilla ka vënë gjuhën programuese në dispozicion për zhvilluesit e Android-it në formën eksperimentale. Megjithatë, nuk ka asnjë fjalë për Servo-n se kur do të jetë gati për zhvilluesit.

Është e paqartë nëse Servo synon të zëvendësojë Gekko – motorin që fuqizon Firefox-in në kompjuterët e sotshëm

Megjithatë, një gjë është e qartë se motori i ri është projektuar për të marrë synimin në WebKit. Safari WebKit fuqizon Safari-n nga Apple, Chrome-in nga Google dhe shfletuesin Opera për desktop. Ai gjithashtu fuqizon të njëjtat në pajisjet mobile si iOS, Android, BlackBerry 10, dhe Tizen. |ameble|

Nuk ka aplikacion të Firefox-it për platformën iOS
iPhone dhe Firefox

Nuk ka aplikacion të Firefox-it për platformën iOS

iPhone dhe Firefox

Mozilla ka deklaruar se nuk është duke zhvilluar ndonjë version të shfletuesit të saj Firefox për platformën iOS dhe nuk ka ndërmend ta bëjë një gjë të tillë në të ardhmen.

Mozilla mendon se më mirë është të përqendrohet në kohën e vet dhe zhvillimin e saj diku tjetër, se sa për platformën iOS ku nuk u jepet mundësia për të ndërtuar shfletuesin që ata dëshirojnë. Platforma iOS nuk i favorizon shumë shfletuesit e palës së tretë. Përdoruesit  detyrohen të përdorin Safarin si shfletues të tyre kryesor. Kompani të tjera ende zhvillojnë shfletues të tyre për platformën iOS, pavarësisht se produkti i tyre nuk është në gjendje të përdoret si zgjedhje e paracaktuar (primare), sepse ata thjesht vetëm duan të jenë pjesë e iOS-it. Tani për tani, Safari dominon 55% të tregut të shfletuesit mobil, ndërsa Firefox mban vetëm 1%.

Disa ditë me herët Microsoft u gjobit vetëm se BE-ja u kërkoi atyre për tu dhënë konsumatorëve mundësin në zgjedhjen e më shumë shfletuesve ueb në vend të Internetit Explorer-it, mirëpo ata nuk e mbajtën fjalën dhe u dënuan me 561 milion €.

Megjithatë, Firefox-i do të vazhdojë të punojë për të përmirësuar shfletuesin e saj në platformën Android, sepse kjo u lejon atyre për të krijuar shfletuesin që ata dëshirojnë. |ameble| [divider top=”0″]

Versioni i ri Firefox 19 në dispozicion një ditë para lansimit

Versioni i ri Firefox 19 në dispozicion një ditë para lansimit

Nëse nuk ju pritet për të marrë versionin e ri të shfletuesit Firefox 19 deri nga lansimi i tij që bëhet nesër, mund ta shkarkoni atë nga tani nëpërmes portalit FTP të Mozilla-s.

Shkarkimi i Firefox-it mund të behët këtu dhe është në dispozicion për sistemet operative Windows, Linux dhe Mac OS X dhe përfshin një numër të përmirësimeve të reja në krahasim me versionin e mëparshëm. Mozilla nesër do ti publikojë zyrtarisht ndryshmet e bëra për shfletuesin që ka qenë në zhvillim që një kohë. Për ata që nuk ndihen të sigurt mund të presin deri nesër nga lansimi zyrtar. |ameble| [divider top=”0″]

Mozilla nxjerr smartphone-in e parë me Firefox

Mozilla nxjerr smartphone-in e parë me Firefox

Mozilla ka nxjerr smartphone-in e parë Firefox ketë javë të cilin e ka krijuar për zhvilluesit, për të inspektuar sistemin operative të ri Firefox.

Smartphone-at e ri Firefox janë te pajisur me ekran me prekje (touchscreen) HVGA prej 3.5 inç dhe me procesor 1 GhZ Snapdragon S1 me 512MB RAM me 4GB memorie të brendshme.

Karakteristika tjera të smartphone-it të ri Firefox hyn edhe kamera 3 megapixel, me WiFi. Mozilla shpjegon: “ Pajisja për inspektim për zhvilluesit tonë është krijuar për ta lehtësuar përvojën e sistemit operativ Firefox, duke u dhënë zhvillueseve rastin për të caktuar të ardhmen e pajisjeve.

Sistemi operativ Firefox i Mozilles bazohet në një standard të hapur dhe është burim i hapur (open source) që do te thotë se zhvilluesit kanë në kontroll të plotë aplikacionet e tyre dhe metodat e shpërndarjes. Per fat të keq Mozilla ende nuk ka dhënë informata për çmimin apo disponueshmerin e tij në botë përsistemin operativ Firefox. Mirëpo sa po të bëhet i ditur informacioni në do t’ju njoftojmë si gjithmonë. |ameble| [divider top=”0″]

Firefox 17 për Windows, Mac, dhe Linux

Firefox 17 për Windows, Mac, dhe Linux

Edhe pse lansimi zyrtar i versionit Firefox 17 nuk bëhet deri nesër, versioni i fundit i shfletuesit Mozilla nga tani është në dispozicion dhe mund të shkarkohet për sistemet Windows, Mac dhe Linux, nëpërmjet FTP-së.

Shkarkimin e tij mund ta bëni këtu kurse për më shumë informacione rreth këtij versioni të ri mund të informohemi nga uebfaqja e zhvilluesve të Firefox-it. |ameble| [divider top=”0″]

Firefox mbushë 8 vjet

Firefox mbushë 8 vjet

Sot më 9 nëntor 2004, bëhën 8 vjet kur Fondacioni Mozilla ka lansuar versionin e parë të shfletuesit (browser) Firefox.

Shfletuesi i Mozilla-s në atë kohë është parë si një frymë e ajrit e freskët përderisa Microsoft Internet Explorer 6 kishte dominuar pjesën e tregut, porse përdoruesit ishin të bezdisur shumë me funksionimin e tij te ngadalshëm si dhe disa çështje tjera sigurie.

Gjatë viteve, Firefox patë kapur një pjesë të konsiderueshme të tregut nga Internet Explorer, por dy vitet e fundit ajo është përballur me një konkurrencë shumë serioze nga Google Chrome, Opera, Safari për Apple dhe të tjerët. Aktualisht, Firefox është shfletuesi i tretë më i popullarizuar në botë, pas Internet Explorer dhe Chrome.

Mozilla, në të ardhmen planifikon disa karakteristika të rëndësishme, duke përfshirë një version të Firefox-it për Windows 8, si dhe API Social, e cila do të mundësojë integrimin e Facebook-ut dhe rrjeteve të tjera sociale me shfletuesin. |ameble| [divider top=”0″]