Tag Archives

16 Articles
Amazon njofton për Fire TV Stick

Amazon njofton për Fire TV Stick

Amazon fire-tv-stickAmazon sot në mëngjes ka bërë një njoftim të papritur duke lansuar kështu pajisjen Fire TV Stick, dhe kështu ka hyrë zyrtarisht në botën e mediave streaming.

Si duket Fire TV, e cila nga Amazon u prezantua në fillim të këtij viti, ka qenë sukses i kompanisë dhe për ketë arsye ajo tani po lanson pasardhësin e quajtur Fire TV Stick. Përderisa Fire TV padyshim ka pasur për qëllim të marr klientët e tillë nga Apple TV dhe Roku, Fire TV Stick është projektuar të bëhet konkurrent i drejtpërdrejt i Chromecast dhe Roku Streaming Stick.

Fire TV Stick vjen me procesor nga Broadcom, memorie interne 8GB, 1GB RAM, dual-band dhe dual-antenë Wi-Fi për 802.11 a/b/g/n, Bluetooth 3.0, dhe përkrah rezolucion nga 720p dhe 1080p në 60fps.

Fire TV Stick lidhet në portin HDMI në TV, dhe ofron qasje në filma, shfaqje televizive, muzikë, fotografi, aplikacione dhe lojra. Kjo përfshinë muzikë dhe video shërbimet e njohura si Netflix, Prime Instant Video, Hulu Plus, WatchESPN, NBA Game Time, Twitch, Showtime Anytime, Prime Music, Spotify, Pandora, Vevo, Plex, A&E, PBS, PBS KIDS, Watch Disney Channel, and YouTube

Para-porositë për ketë pajisje tashmë kanë filluar dhe pritet të shpërndahen nga 19 Nëntori. Çmimi i saj me pakicë do të jetë 39$. /ameble

LG lanson dy modele të TV 4K OLED

LG lanson dy modele të TV 4K OLED

LG ka njoftuar për nisjen e modelit të ri LG 4K OLED TV i cili do vije me dy madhësi të ndryshme të ekranit, modeli LG 77EG9700 i cili vjen me një ekran 77 inç dhe modeli LG 65EC9700 i cili vjen me një ekran 65 inç.

Të dyja këto modele të LG 4K OLED vijnë me një ekran të lakuar me rezolucion prej 3840 x 2160 pikselëve, për të cilat kompania tani më ka filluar të marrë para-porosi në Korenë e Jugut.

“Pajisjet TV me teknologjinë OLED brenda pak vitesh pritet të tejkalojnë në shitje pajisjet me teknologjinë LCD dhe asnjë kompani nuk është më mirë e përgatitur për këtë se sa kompania LG,” shtoi Kryeshefi i kompanisë.

LG nuk ka njoftuar për ndonjë çmim për modelet e reja të LG 4K OLED TV, por një gjë e tillë pritet të bëhet në IFA 2014 muajin e ardhshëm. /ameble

Philips lanson për Evropë televisionin e parë me Android

Philips lanson për Evropë televisionin e parë me Android

Philips 9809Philips ka njoftuar për serinë e tyre të re të televizioneve 4K ultra-HD 9000, të koduar si Philips 65PUS9809. Ky televizion me ekran 65-inç vjen me platformën Android të Google-it, duke ofruar qasje të plotë në Google Play Store, si dhe posedon platformën e vetë smart. Kombinimi i shërbimeve do të thotë që do të ketë qasje në aplikacione dhe lojëra të shumta, pa pasur nevojë për Set-Top Box të jashtëm.

Modeli 9809 posedon pamje mbresëlënëse me 4K UHD, dhe operon në teknologjinë “Perfect Pixel Ultra HD”, që përshtat pamjet digjitale në ekran në kohë reale dhe optimizon cilësinë e imazhit. Ky optimizim punon duke përdorur dy teknologji kryesore – Bright Pro dhe Micro Dimming Premium.

Nuk ka me shumë informata rreth specifikave, por Philips thotë se modeli 9809 me super-e
kranin e tij do të jenë në dispozicion nga çereku e tretë e këtij viti. /ameble

Nikon prezanton kamerën DSLR D810 me 36-megapikselë

Nikon prezanton kamerën DSLR D810 me 36-megapikselë

Nikon ka prezantuar kamerën DSLR D810, duke u lavdëruar se ky model sjell imazhet me kualitetin më të mirë në historinë e kamerave të tyre. Sensori FX-format CMOS dhe procesori i imazheve EXPEED 4 vijnë më tërheqës kësaj here, si dhe me një mori karakteristikash tjera të përmirësuara.

Sipas prodhuesit të kësaj kamere, ky është DSLR-i i parë në historinë e kompanisë që ofron 64 ISO me qartësi të lartë dhe tone të pastra. DSLR D810 është thënë së ofron të njëjtin varg dinamik si 100 ISO, duke bërë këtë nëpërmjet përdorimit të sensorit FX-format CMOS. Në anën tjetër të spektrit, ky DSLR ofron 12800 ISO.

Nikon D810 sjell në vete fotografinë e sheshtë të komandave, duke ofruar më pak përpunim të imazhit nga kamera, për të marrë pamje më neutrale dhe kështu duke ruajtur më shumë detaje në imazhe. Ky model e ka gjithashtu një opsion të ri për të qartësuar imazhet sipas dëshirës. Përdoruesit e kësaj kamere mund të marrin nga 5-korniza për sekondë (frames per second-fps) në formatin FX, ndërkohë që numri rritet në 7 fps në formatin DX.

Karakteristika tjera përfshijnë OLED viewfinder që mbulon rreth 100% të kornizës, si dhe ekranin LCD me 1229k-dot me bilanc të ngjyrave. Kamera posedon edhe incizimin e videove HD, etj.

Çmimi e kësaj pajisje është 2422 . /ameble

Del në treg kamera Samsung NX3000 Mirrorless me lens 20-50mm

Del në treg kamera Samsung NX3000 Mirrorless me lens 20-50mm

Samsung ka njoftuar për lançimin në treg të kamerës së re NX3000 Mirrorless e cila është si zëvendësim e modelit të më hershëm NX2000.

Samsung NX3000 është në dispozicion me lens 20-50mm dhe SEF-8 Flash për 479$ ose me 6-50mm F3.5-5.6 Power Zoom ED OIS  dhe SEF-8 Flash për 529$.

Samsung NX3000 është e pajisur me 20.3-megapikselë, sensorin APS-C CMOS, procesorin e imazheve DRIMe IV, përdorë kartelën SD dhe posedon teknologjinë e komunikimit NFC. Kamera e re Samsung NX3000 Mirrorless në pjesën e pasme është e pajisur me ekranin pa prekje që posedon masat 3-inç dhe siç ishte në modelin NX2000 ekrani kapacitiv me prekje  3.7-inç.

Samsung NX3000 është në dispozicion në ngjyra të ndryshme, duke përfshirë të zezë, kafe dhe të bardhë dhe vjen bashkë me një kopje të Adobe Photoshop Lightroom 5 për të përmirësuar fotot edhe më mirë nëse është e nevojshme. /ameble

Aparati Samsung NX Mini është i përkryer për selfies

Aparati Samsung NX Mini është i përkryer për selfies

Ekrani 3-inç i aparatit të ri digjital Samsung NX Mini i lansuar sot rrotullohet 180 shkallë, kështu që ju mund të shihni veten gjatë fotografimit selfie (lexo selvijes). Nuk keni nevojë as të shtypni butonin për fotografim sepse vetëm nëpërmes sinjalit me njërin sy ajo shkrep pas dy sekondave. Pra diçka e re, siç edhe ishte njoftuar!

Këndi i gjerë i lensit 9mm mund të kap më shumë njerëz në një foto, kështu që është e përkryer për fotografimin e selfie-s, shembull. siç ishte ai nga Oskar, pastaj nga kryeministri ynë, e shumë tjerë që kohët e fundit janë bërë hit.

NX Mini nga dukje mund të jetë i vogël, por posedon 20.5-megapikselë që vërtet nxjerr fotografi me kualitet. Mund të fotografohet në shpejtësi të vazhdueshëm 6fps. Kjo kamerë posedon edhe shumë karakteristika tjera. NFC dhe Wi-Fi janë të integruara për shpërndarje të fotografive me smartphone dhe gjithashtu mund të kryej funksionin e monitorimit të bebes tuaj, duke përdorur teknologjinë NFC lidhet me smartphone-in tuaj nëpërmjet një aplikacioni, ku edhe mund të shihni drejtpërdrejt fëmijën tuaj .

Më trashësi 22.5 mm dhe peshë 158 g (pa lens) është vërtet perfekt për xhepin apo çantën tuaj. NX Mini do të dal në shitje nga muaji i ardhshëm Prill, së bashku me një seri lensash sipas zgjedhjes për ketë model. /ameble

Panasonic prezanton kamerën Lumix GH4 që incizon video Ultra HD 4K

Panasonic prezanton kamerën Lumix GH4 që incizon video Ultra HD 4K

Panasonic ka prezantuar kamerën e tyre të re Panasonic Lumix GH4 me lensa që mund të ndërrohen, dhe që i ofron përdoruesve mundësinë për të incizuar video me rezolucion Ultra HD 4K ose 4096 x 2.160 pikselë. Panasonic Lumix GH4 është i ngjashme në dizajn më modelin e kaluar GH3 dhe është ndërtuar duke përdorur një kornizë nga magnezi së bashku me dizajnin që mbron atë nga pluhuri dhe nga stërpikjet (ujë apo çka do tjetër).

Panasonic e ka pajisur ketë kamerë me 16 megapikselë me sensor për fotografi, posedon procesorin 4-bërthamor që mund të fotografoj në 25600 ISO dhe 12 fps.

Panasonic Lumix GH4 është kamera e parë që ofron incizim me pamje Kinema 4K (C4K, me rezolucion 4096 x 2160) dhe gjithashtu QHD me rezolucion 3840 x 2160.

Për momentin ende nuk informacione për çmimin ose disponueshmërinë në mbarë botën. /ameble

Lansohet Rikomagic MK902 Android Mini PC me karakteristika të larta

Lansohet Rikomagic MK902 Android Mini PC me karakteristika të larta

Nëse jeni duke kërkuar një pajisje Mini PC të re me Android, atëherë më siguri se ky do të ishte opsioni me i mirë dhe me i fundit. Rikomagic MK902 Android Mini PC është në dispozicion me para-porosi për rreth 90 £ (106 €).

Rikomagic MK902 është i pajisur me procesorë 4-bërthamor Rockchip RK3188 ARM Cortex-A9, 2GB RAM dhe vjen me dy opsione 8GB ose 16GB memorie e brendshme. Karakteristika të tjera të kësaj pajisje Mini përfshijnë 4 USB porta, një Ethernet jack, slotën microSD, portën HDMI, një dalje AV dhe vjen me versionin Android 4.2 Jelly Bean. Rikomagic MK902 gjithashtu përmban kamerën e integruar 5 megapikselë e cila e bënë ketë pajisje të përkryer për video konferenca duke përdorur aplikacionin Skype apo ndonjë tjetër.

Rikomagic MK9021

Për më shumë informacione rreth Rikomagic MK902 dhe për para-porositë mund ti gjeni tek uebfaqja e tyre Rikomagic. |ameble|

Prezantohet kamera Nikon D5300 me çmim 800 $, posedon Wi-Fi, GPS etj

Prezantohet kamera Nikon D5300 me çmim 800 $, posedon Wi-Fi, GPS etj

Sot Nikon ka njoftuar për një aparat fotografik digjital të ri SLR, Nikon D5300, i cili është i pajisur me sensor DX-format CMOS dhe që ofron 24.2 milion pikselë, së bashku me motorin e ri të procesimit Expeed 4.

Nikon 5300 është modeli i fundit i kamerave Nikon dhe do të shfaqet në dyqane nga fundi i këtij muaji me çmim rreth 800 $ vetëm për pajisjen (trupin e tij) ose komplet me 18-140 mm f/3.5-5.6 për 1.400 $.

Nikon D5300

Nikon 5300 është kamera e parë SLR që është e pajisur me rrjetin Wi-Fi të integruar duke ju mundësuar që lehtë të transferoni imazhe dhe video në kompjuterë desktop , smartphone ose edhe tablet. Gjithashtu është i futur edhe një funksion tjetër që gjatë fotografimit u mundëson përdoruesve për të parë foto drejtpërdrejt në smartphone ose tablet të tyre.

Bashkë me rrjetin Wi-Fi të integruar ky model është i pajisur edhe me një sensor GPS që mund të regjistrojë të dhënat e vendndodhjes, të tilla si gjerësia, gjatësia, lartësia (longitude, latitude dhe altitude) e imazheve që merrni.

Në pjesën e pasme të kamerës është ekrani 3.2 inç, afërsisht 1037k pika LCD dhe posedon incizimin me definicion të lartë që mund të përzgjidhen nga 24p, 25p, 30p, 50p dhe 60p.

Për më shumë informata për ketë model të ri nga Nikon shikoni në uebfaqen e tyre zyrtare. |ameble|

Kufjet Steelseries 9H për lojëra, në dispozicion me para-porosi

Kufjet Steelseries 9H për lojëra, në dispozicion me para-porosi

Dashamiret e lojërave po presin me pa durim lançimin e kufjeve (headset) të reja Steelseries 9H të cilat për herë të parë ishin prezantuar në ngjarjen E3. Tani kemi mësuar edhe çmimin e kësaj serie Steelseries 9H që tani janë në dispozicion me para-porosi për 159.99 $ ekskluzivisht nga dyqani online i Steelseries.

Para-porositë për kufjet Steelseries 9H për lojëra të prodhuara nga Steelseries, pritet të lansohen brenda 30 ditëve të ardhshme dhe tu ofrohen përdoruesve kufje me 7.1 kanale virtuale me zë të shëndoshë dhe të zgjeruar pasiv që reduktojnë zhurmën dhe posedojnë mikrofon.


Në prezantimin e tyre për shtyp sot ata kanë thënë:

“Dymbëdhjetë vjet më parë kemi besuar se eSports do të shfaq një rritje të pabesueshme dhe ne kemi projektuar të gjitha seriat e prodhimit për shumë fusha. Sot kemi prezantuar gjeneratën e ardhshme për lojtarë që shfaqet si seria H dhe besojmë se përvoja e zërimit e kombinuar me kthjelltësi, do të vendosë një standard të ri të sotëm konkurrues të kufjeve për lojra” Specifikat e plota si dhe detaje me shumë mund të gjeni tek uebfaqja e tyre steelseries.|ameble|

Sony lanson aparatin fotografik digjital Cyber-shot HX50V

Sony lanson aparatin fotografik digjital Cyber-shot HX50V

Sony ka lansuar modelin aparatit fotografik digjital Cyber-shot HX50V, që duket mjaftë tërheqës në pamje, duke përfshirë këtu 20.4 megapikselë, sensorin Exmor R CMOS dhe me posedon zoom optik 30X. Me një trup shumë të lehtë dhe të vogël ky model peshon 272 gram dhe masat e tij janë 4.4 X 2.6 X 1.2 inç.


Cybershot HX50V përdor Optical SteadyShot, e cila është mirëpritur dhe është mjaft esenciale për nxjerrjen e imazheve të qarta më norma të larta të zmadhimit. Brenda, gjendet procesori BIONZ dhe WiFi e integruar që mundëson përdorimin me pajisje mobile nëpërmjet aplikacionit Sony PlayMemories Mobile. Ky aplikacion mundëson të dyja, kontrollin nga larg dhe transferin me WiFi.

Përveç kësaj, pajisja posedon edhe flash të jashtëm, viewfinder dhe mikrofon. Sa i përket videove Cybershot HX50V mund të inçizoj me definicion të plotë dhe të lartë duke përdorur Optical SteadyShot që mban videon të paluhatshme.

Ky model në dispozicion për shitje do të jetë nga fundi i muajit Maj me çmim për 450 $. |ameble|

Projektori LG Laser TV “Hecto”

Projektori LG Laser TV “Hecto”

Pak para ngjarjes CES në Janar të këtij viti kemi dëgjuar thashetheme dhe kemi parë prezantimin e  një pajisje LG Laser TV “Hecto”, dhe për çmimin e saj që do ta ketë rreth 9000 $. [youtube id=”xwyY8oRR0eI” width=”600″ height=”350″]

LG Electronics shpreson se nga muaji i ardhshëm të fillojë shitjen e këtij projektori 1080p që përdor laser si burim drite, dhe çiftëzohet me një ekran të veçantë diagonalja 100 inç.

Përveç sistemit te saj të ndriçimit me laser, një tjetër tipar i pazakontë i këtij projektori është projektimi ultra i shkurtër e cila është e nevojshme të jetë e vendosur shumë afër ekranit dhe jo në një distance sikur projektorët tjerë. Ky lloj projektori nga LG në qoftë se hapësira e dhomës nuk është e mjaftueshme mund të montohet në tavan në një distancë afër 1-2m.

Përveç laserit që përdor si burim drite kjo pajisje ka edhe disa përparësi tjera, duke përfshirë jetëgjatësinë që është 25.000 orë, ose pesë herë me shumë së sa jeta e llambave tradicionale, sipas kompanisë edhe shkëlqimi i tij është i dukshëm.

Ndryshe nga projektorët tjerë, Laser TV përfshin ATSC TV tuner të integruar, sistemin e zërimit 20 vat, Wi-Fi, platformën LG Smart TV me qasje në disa filma streaming dhe shërbime televizive, si dhe Online App Store. |ameble|