Tag Archives

7 Articles
Është lansuar zyrtarisht Xiaomi Mi 5, vjen më çmim të lirë

Është lansuar zyrtarisht Xiaomi Mi 5, vjen më çmim të lirë

Pas shumë para-reklamave që disa muaj që i ka bërë Xiaomi për smartphone-in e tyre të ardhshëm Mi 5, sot në ngjarjen MWC 2016 kompania zyrtarisht ka lansuar ketë model. Smartphone-i në vete posedon anën harduerike mjaft mbresëlënëse dhe të mos harrojmë se tipar i shitjes së këtij modeli do të jetë çmimi.

Xiaomi Mi 5

Xiaomi Mi 5 vjen me ekran 5.15-inç, kurse përbrenda posedon procesorin Qualcomm Snapdragon 820. Gjithashtu vjen me 4GB RAM, hapësirën për të dhëna deri në 128GB së bashku me baterinë 3000mAh.

Mi 5 posedon po ashtu sensorin fingerprint dhe kamerën kryesore 16MP me stabilizim optik të imazhit. Nga ana softuerike do të vij me platformën Android 6.0 Marshmallow dhe ndërfaqen e vetë MIUI 7.

Përveç modelit me 128GB siç përmendem më lartë do të jetë edhe versioni 32GB që vjen me çmim nga 262$, kurse ai 128GB do të jetë për 354$ dhe pritet të dalë në shitje nga 1 Marsi. Xiaomi Mi 5 tani për tani do të jetë në dispozicion për shitje vetëm në vendet si Kina, e ndjekur nga India, dhe vende të tjera që më pas Xiaomi zakonisht shet telefonat e tyre në. /ameble

Huawei MateBook, një në dy (tablet dhe laptop)

Huawei MateBook, një në dy (tablet dhe laptop)

Huawei ka prezantuar pajisjen e re Huawei MateBook, një në dy tablet-Windows hibrid dhe laptop, që posedon ekranin LCD 12 inç.

Ekrani i këtij tableti/laptop u ofron përdoruesve rezolucion 2160 x 1440 pikselë dhe vjen me disa lloje të procesorëve sipas nevojave dhe buxhetit, nga gjenerata Intel Core M. Përveç procesorit tableti gjithashtu vjen në zgjedhje me 4 ose 8 GB RAM, si dhe hapësirën për ruajtjen e të dhënave 128 ose 512 GB.

Huawei MateBook posedon versionin e fundit të sistemit operativ Windows 10 Home ose Windows 10 Pro, por për fat të keq nuk ka një start boot të dyfishtë me Windows dhe Android, siç ishte përfolur më herët.

Karakteristika të tjera të Huawei MateBook përfshijnë lapsin Mate Pen Stylus, që vjen me mbushësin e vet dhe baterinë çmontuese, si dhe lidhjet USB Type-A, USB Type-C, micro USB dhe Ethernet.

https://youtu.be/V48iPX23r6w

MateBook në dispozicion për shitje do të jetë me çmim prej 699 $ ose 799 € në të gjithë Evropën duke kaluar deri tek çmimi maksimal sipas karakteristikave prej 1599 $ ose 1699 €. /ameble

LG lanson edhe disa pajisje shtesë për smartphone

LG lanson edhe disa pajisje shtesë për smartphone

Bashkë me smartphone-t e ri të LG-së, kompania ka sjellë edhe disa pajisje shtesë të tjera, të quajtura si LG Friends.

LG Friends

Më poshtë janë gjashtë ato pajisje që u prezantuan ditën e djeshme:

360 CAM: Mundëson që smartphone-i G5 të incizoj foto dhe video në 360-shkallë. Përmban dy kamera 13-megapikselë me kënd të gjerë, memorie të brendshme 4GB, baterinë me kapacitet 1200 mAh dhe ncjerr videot me kualitet 2K.

360 VR: Kufje virtuale të ngjashme me Samsung Gear VR, që lidhen vetëm me LG G5.

H3 nga B&O Play: Kufje Premium me aftësi të zërit 32-bit. Të përshtatshme me të gjithë smartphone-at e LG-së.

Rolling Bot: Një robot i vogël me kamerë 8-megapikselë që lidhet me pajisje nëpërmjet rrjetit Wi-Fi. Më shumë se një lodër, LG ka thënë se pronarët e kësaj pajisje mund të përdorin pajisjen “si një sistem të sigurisë për shtëpi” ose “si një telekomandë” për pajisje që lidhen më të.

Smart Controller: Kontrollon dronin dhe shfaq videot streaming direkt në G5.

Tone Platinum: Kufje “superiore” me bluetooth me zërim 24-bit.

Të gjitha këto pajisje shtesë do të jenë të menaxhueshme përmes aplikacionit të LG-së  Friends Manager.

Nuk janë dhënë detaje as për këto pajisje në lidhje me çmimin ose lansimin e tyre. /ameble

Samsung Gear 360 prezantohet në MWC (Video)

Samsung Gear 360 prezantohet në MWC (Video)

Përveç lansimit të Samsung Galaxy S7 dhe S7 Edge, kompania në Kongresin Botëror për pajisje Mobile gjithashtu ka lansuar kamerën e re Samsung Gear 360.

Samsung Gear 360 është dizajnuar për të incizuar video në 360 shkallë dhe është e përshtatshme me smartphone-t të ri Galaxy S7 dhe gjithashtu Samsung Gear VR.

Për me shumë detaje rreth kësaj pajisje mund t’i gjeni në ueb-faqen e tyre. Ende nuk janë dhënë detaje për çmimin apo disponueshmerinë e kësaj kamere. /ameble

Në ngjarjen MWC 2016 prezantohet projektori Android ZTE Spro Plus

Në ngjarjen MWC 2016 prezantohet projektori Android ZTE Spro Plus

Kompania ZTE gjatë javës ka prezantuar mini projektorin e tyre të ri Android, i cili vjen në formën Spro Plus, është i pajisur me ekran më prekje, si dhe karakteristika të reja të projektimit vizual.

ZTE Spro Plus

Spro Plus posedon ekranin 4 inç AMOLED me prekje (touchscreen), ofron rezolucion 2K dhe vjen me bateri të fuqishme 12.100 mAH. Në dispozicion do të jenë dy versione njëri me vetëm Wi-Fi, si dhe një tjetër me Wi-Fi dhe 4G LTE.

Projektori Android nga LTE posedon aftësi të projektimit në një imazh deri në 18 inç nga largësia 2.4 m dhe do të jetë në dispozicion për shitje gjatë muajve të verës të këtij viti.

Më shumë detaje rreth këtij mini projektori i gjeni këtu. /ameble

Prezantohen Samsung Galaxy S7 dhe S7 Edge

Prezantohen Samsung Galaxy S7 dhe S7 Edge

Samsung Galaxy S7 dhe Galaxy S7 Edge tanimë janë zyrtarizuar dhe i kemi të gjitha detajet e smartphone-ve më të fundit nga kompania Samsung.

Pra, Galaxy S7 vjen me ekran 5.1-inç me rezolucion Quad HD 2560 x 1440 pikselë kurse Galaxy S7 Edge posedon ekranin 5.5-inç me rezolucion Quad HD 2560 x 1440 pikselë.

Të dy këto modele vijnë me versionin Android Marshmallow dhe janë të certifikuar kundrejt pluhurit dhe ujit.

Smartphonet vijnë me karakteristika sipas modelit dhe vendit se ku shiten. Njëri procesorë është Qualcomm Snapdragon 820 kurse procesori tjetër është nga Samsung Exynos 8990, të dy modelet posedojnë 4GB RAM dhe hapësirën për të dhëna e kanë sipas zgjedhjes 32GB ose 64GB. Një lajm i mirë për këta smartphone është së vijnë me sloten microSD e cila mbështet kartelat deri në 200GB.

Karakteristikat tjera përfshijnë bateritë 3000 mAh për Galaxy S7 dhe 3600 mAh për Galaxy S7 Edge. S7 dhe S7 Edge vijnë gjithashtu me kamera të reja, në front të tyre posedojnë kamerën 5 megapikselë kurse në anët e pasme kamera Dual Pixel 12 megapikselë me Smart OIS.

https://youtu.be/cyohHyQl-kc

Këta smartphone të ri nga Samsung dalin në shitje në mbarë botën nga mesi i Marsit, dhe më shumë detaje rreth tyre mund të gjeni këtu. /ameble

Lansohet LG G5, smartphone i parë modular

Lansohet LG G5, smartphone i parë modular

Smartphone i ri LG G5 tanimë është lansuar zyrtarisht dhe janë prezantuar të gjitha detajet e këtij smartphone-i Android nga LG, ky model është smartphone i parë modular i LG-së.

LG-G5

LG G5 vjen me ekran Quad HD 5.3 inç me rezolucion 2560 x 1440 pikselë, është i pajisur me procesorin Qualcomm Snapdragon 820 dhe vjen me 4GB RAM.

Për ruajtjen e të dhënave posedon 32 GB hapësirë dhe gjithashtu përmban portën microSD që përkrah kartela deri në 2TB, kurse bateria e tij është 2800 mAh dhe vjen me versionin Android 6.0 Marshmallow.

Në anën frontale pajisja vjen me kamerën 8 megapikselë kurse atë të pasmen të dyfishtë, e përbërë më kënd të gjerë 16 megapikselë. Gjithashtu vjen me WiFi, Bluetooth, 4G LTE, mbushësin e shpejtë dhe versionin USB Type-C.

Ky model i LG-së është një smartphone modular ku posedon pjesë ngjitëse si LG Cam Plus, që shtohen opsione për kamerën dhe lidhet nëpërmjet slotes së baterisë, kjo në thelb e kthen smartphone-in në një aparat fotografik digjital të plotë me butona fizik të kamerës.

Një tjetër pjesë ngjitëse e re e cila është zhvilluar me B&O Play është LG HiFi Plus, që është një audio player Hi-Fi DAC i dizajnuar për të dhënë zë me kualitet të lartë.

Kompania LG për ketë model të smartphone-it dhe për të gjitha këto pjesë shtesë ende nuk i ka publikuar çmimet. /ameble