Nokia është duke u përgatitur për të lansuar smartphone-in e ri Nokia X2 me platformën Android të hënën e ardhshme.
Modeli i ri X2 nga Nokia pritet të vije me procesorin 2-bërthamor Qualcomm Snapdragon 200 1.2GHz i përkrahur me 1GB RAM memorie.
Karakteristikat e tjera të Nokia X2 përfshijnë 4GB hapësirë të brendshme, kamera frontale 0.3 megapiksel, kamera kryesore 5 megapiksel, ekrani 4.3 inç me rezolucion prej 800 x 480 pikseleve me platformën Android për të cilën ende nuk është e qartë se çfarë versioni do të jetë, Android 4.3 apo Android 4.4 Kit Kat.
Nokia tashmë ka paraqitur një foto ngacmuese të modelit X2 që do të vijë me ngjyra të ngjashme të ndritshme sikurse modeli i mëparshëm Nokia X. Ne do të ofrojmë më shumë detaje mbi këtë smartphone nga Nokia javën e ardhshme pasi të bëhet zyrtarizimi nga Nokia. /ameble