Samsung ka njoftuar datën e konferencës së saj për shtyp që do të mbahet me 3 Shtator 2014, gjatë së cilës pritet të njoftojë zyrtarisht për modelin e ri Samsung Galaxy Note 4.
Konferenca për shtyp nga Samsung do të zhvillohet njëkohësisht në tri rajone në gjithë botën duke përfshirë edhe New York-un dhe Pekinin.
Deri më tani është se Samsung Galaxy Note 4 do të jetë i koduar me numër SM-N910 dhe do vije me dy modele të ndryshme të konfiguracionit të dedikuar për tregjet e ndryshme. Njëri model do të dedikohet për Amerikën e Veriut, Korenë, Kinën dhe Japoninë, ndërsa modeli i dytë do të lansohet në pjesën tjetër të tregjeve ndërkombëtare.
Sa i përket modelit të parë thuhet se do të ketë integruar procesorin Snapdragon 805, ndërsa varianti ndërkombëtar do të ketë integruar procesorin nga prodhuesi Samsung Exynos 5433.
Gjithashtu është konfirmuar se ekrani Samsung Galaxy Note 4 do të jetë QHD me rezolucion prej të 2560 x 1440 pikseleve, edhe pse madhësia e saktë ekranit është ende e panjohur. Pasi që behet fjala për Note, ne mund të presim që ky model mund të vije me një madhësi të ekranit në mes 5.7 dhe 6.0 inç.
Përveç tjerash, Note 4 do të vijë me të gjitha sensorët që tani më janë të pranishëm në smartphone-in Galaxy S5, si dhe do të vijë me një kamerë 16 megapiksel me stabilizimin e imazhit optik i prodhuar nga Sony. /ameble