Tag Archives

5 Articles
Microsoft: Licencat për Office 2013 mund të transferohen

Microsoft: Licencat për Office 2013 mund të transferohen

Shumë përdorues të aplikacioneve të Office-it nuk e kishin mirëpritur vendimin e me hershëm nga Microsoft për të lidhur licencën e pakos Office 2013 me atë të kompjuterëve, por lajmi i mirë është se kompania ka dëgjuar ankesat dhe ka njoftuar se do të ndryshoj politikën.

Tani Microsoft do tu lejojë përdoruesve që të transferojnë licencën e paguar në qoftë se ata posedojnë kompjuter apo edhe blejnë një të ri.

Kompania do përditësoj marrëveshjen e licencës aktuale të përfshira me softuer në një njoftim ditët e ardhshme, e që ndryshimi hyn ne fuqi menjëherë.

Megjithatë ende janë disa kufizime të vogla. Nuk është e mundur të transferohet licenca në më shumë së një herë brenda 90 ditëve përveç nëse ka ndonjë defekt harduerik, dhe nuk mund të instalohet softueri në më shumë se një kompjuter për të njëjtën kohë. Pak a shumë kjo për përdoruesit është e pranuar. |ameble|

Microsoft refuzon Aplikacionet e Office-it për iPad

Microsoft refuzon Aplikacionet e Office-it për iPad

Vendimi i Microsoft-it për të mbajtur aplikacionet e Office-it (Word, Excel, Access, etj.) larg nga iPad mund të jetë një mënyrë e mirë për të mbrojtur shitjet e tabletave Windows në njërën anë, por në anën tjetër ky vendim mund ti kushton kompanisë me humbje rreth  2.5 miliardë $ në vit.

AppleInsider në disa kërkime të fundit ka treguar se Microsoft është duke e lënë 2.5 miliardë $ në tryezë çdo vit, duke mos sjellë Aplikacionet e Office-it në tabletat Apple.

Disa dokumente të brendshme nga Microsoft-it, kanë shkruar se kompania është në fazën përfundimtare të lansimit të një versioni të paketës Office  për sistemin iOS dhe Android, por  deri më tani, ende nuk asnjë prononcim konkret nga vet Microsoft në lidhje me këtë. |ameble|

 

Microsoft fillon sot me Office 2013

Microsoft fillon sot me Office 2013

Ju që keni ndjekur lajmet për aplikacionin Office ndoshta keni mbajtur ne mend se fillimi i vitit 2013 apo më saktësisht sot bëhet lansimi për shitje me pakicë të Office 2013. E titulluar “Time to 365“, Microsoft ka deklaruar se shërbimi i tyre Office 365 për abonim do të filloj më 29 janar, krahas kutive të shitjes me pakicë për version standard të Office 2013.

Për konsumatorët e rregullt, Office 365 do të fillojë më 99 $ në vit për aplikacionet si Word, PowerPoint, Excel dhe OneNote. Për aplikacione ekstra duhet të shtohen edhe 139 $.

Llogaria e Office-it në Twitter ka postuar edhe disa fotografi ngacmuese për ngjarjen që do të organizohet pikërishtë për fillimin e Office 2013, e cila duket se do të mbahet sot në Bryant Park, në qytetin e New York-ut. |ameble|

[divider top=”0″]

Office 2013 tani në dispozicion për konsumatorët e biznesit

Office 2013 tani në dispozicion për konsumatorët e biznesit

Në muajin korrik, Microsoft për publikun e gjerë kishte lansuar versionin falas Office 2013 preview. Ndërsa versioni përfundimtar për përdorues privat nuk do të dal për shitje deri në fillim të vitit 2013. Mirëpo kompania ka njoftuar se Office 2013 momentalisht mund të blihet vetëm nga përdoruesit e kualifikuar të bizneseve të Microsoft-it.

Ata në një bllog të tyre kanë thënë së pronarët e bizneseve nëpërmes  Microsoft Volume Licensing mund të blejnë Office 2013, së bashku me programe të tilla si Exchange Server 2013, Server Lync 2013, SharePoint Server 2013, Project 2013 dhe Visio 2013.

Përdoruesit e pajisjeve me Windows RT, duke përfshirë tabletat Surface, tashmë kanë versionin përfundimtar të Office 2013 RT te instaluar, që përfshijnë versionet e Word, Excel, PowerPoint dhe OneNote-it. |ameble| [divider top=”0″]

Microsoft publikon paketën Office 2013

Microsoft publikon paketën Office 2013

Nëse keni pritur me pa durim se çfarë do ta karakterizon konferencën për media të Microsoft atëherë ja ku mund të lexoni rreth saj. Siç e kemi cekur edhe në lajmet më parë Microsoft ka vendosur që të mos bëj gjëra publike para kohe prandaj shumë gjera që fliten para konferencave të tilla mund të jenë më shumë thashetheme sesa gjera të vërteta, siç ndodhi edhe këtë herë. Ne të gjithë kemi pritur se Microsoft do të bëj publik Office15 (2015), por e vërteta është ndryshe ngase në vend te Office15 kjo kompani publikoi lajmin se Microsoft do të lëshoj për shitje Office paketën 2013.

Sipas Steve Ballmer nga Microsoft paketa e re e Office do te jetë edhe një kombinim i abonimit  “cloud” përmes Office 365 si një “Office” i ri, por ky softuer në vete do të jetë Office2013. Ky Office i ri do te jetë më i përdorshëm për pajisjet me ekran “touch” dhe ato me sistemin operativ Windows8, madje disa nga analistet e quajtën edhe me emrin “Office Magjik”.

Se çfarë gjëra magjike do të përmbaj ky i fundit na mbetet të shohim gjersa do ta testojmë në ditët në vijim. Për ju që tashmë jeni të interesuar për ta parë këtë paket të office atë mund ta shkarkoni në këtë link Microsoft Download në versionin Preview.  Office 2013 pritet të dal në shitje nga fillimi i vitit 2013, por tani për tani nuk dihet se çfarë çmimi do të ketë. [divider top=”0″]