Microsoft One DriveMicrosoft të hënën ka prezantuar informata të reja për shërbimin e tyre OneDrive, ata kanë dhënë lajmin se kanë dyfishuar hapësirën pa pagesë në dispozicion për përdoruesit e tyre. OneDrive deri më tani ka pasur vetëm 7GB hapësirë të lirë pa pagesë, por nga tani e tutje ofron 15GB. Kompania ka shpjeguar se pse ka zgjedhur këtë shifër, dhe shpreson se hapësira shtesë pritet të stimuloj klientë të rinj që të përdorin OneDrive në vend të ndonjë shërbimi tjetër.

“Të dhënat tona na tregojnë se 3 nga 4 njerëz kanë më pak se 15 GB të dhëna të ruajtura në PC-të e tyre dhe ne besojmë se duke siguruar 15 GB për përdoruesit, do të bëjë më të lehtë që të kenë dokumentet e tyre, video, dhe fotot në dispozicion në çdo kohë.” ka thënë kompania.

Nëse dëshironi të shtoni hapësirën për ruajtjen e të dhënave, atëherë duhet të paguani një shumë të vogël, me të vogël se kurrë, kanë thënë ata. 100GB do të jetë për 1,99$ për muaj, ndërsa 200GB do të jetë  3,99$ për muaj. Këto zbritje janë pa dyshim një përpjekje për të konkurruar kundër Apple-it dhe Google-it.

Apple për shembull kohët e fundit ka njoftuar se ka në plan të zbres çmimet të saj për shërbimin iCloud, ku konsumatorët shumë shpejt do të paguajnë 99 cent në muaj për 20GB ose 3,99 $ për 200GB./ameble