Tag Archives

4 Articles
Microsoft do të zëvendësoj Outlook.com me Office 365

Microsoft do të zëvendësoj Outlook.com me Office 365

Outlook dhe Office 365Microsoft po shqyrton zëvendësimin e teknologjisë dhe ndërfaqes se Outlook.com me Office 365, nëse disa raporte dalin të jenë të vërteta. Kompania  gjatë këtij viti si duket do të migroj të gjithë përdoruesit e Outlook.com në Office 365. Office 365 sjell shërbime të reja të cilat përfshijnë edhe Outlook Web Access.

Pyetja që me siguri duhet të jetë në mendjen e të gjithë përdoruesve është se pse po e bën Microsoft ketë ndryshim? Sipas The Verge arsyeja e këtij ndryshimi është që platformat Microsoft Outlook, Exchange dhe Office 365 posedojnë një lidhje të përkryer ndërmjet vete. Këto thashetheme gjithashtu lidhen me spekulimet e më hershme se do të ketë ndryshime të mëdha në ndërfaqen e Outlook.com.

Microsoft, që një kohë nuk e ka përditësuar shërbimin e saj të e-mail-it dhe madje flitet së do të bëj integrimin e chat-it në të. Për momentin ende nuk dihet ndonjë datë e saktë se kur do të ndodh migrimi i Outlook.com në Office 365. /ameble

Si të përdoret verifikimi dy-hapësh në llogarinë tuaj në Microsoft

Si të përdoret verifikimi dy-hapësh në llogarinë tuaj në Microsoft

Pak ditë më parë, Microsoft nisi të vërë në përdorim procesin e verifikimit në dy hapat. I njohur edhe si autentikimi dy-faktorësh ose autentifikimi në dy hapa, ky proces rrit sigurinë e llogarisë tuaj duke ju kërkuar të shënoni fjalëkalimin tuaj (hapi 1) dhe pastaj një kod sigurie (hapi 2). Kodi i sigurisë mund t’ju dërgohet me e-mail, SMS, ose telefonatë, ose ju mund të përdorni një aplikacion autentifikues në pajisjen tuaj mobile.

Krijimi i verifikimit në dy hapa në llogarinë tuaj Microsoft bën të mundur përdorimin e saj në të gjitha shërbimet Microsoft që mbështesin tani për tani verifikimi dy-hapësh, si Windows, Outlook.com, Office, dhe SkyDrive.

Nëse jeni i interesuar ta provoni vetë, ja si mund të filloni:

Krijo verifikimin në dy hapa

Hapi 1: Shkoni në sajtin e Microsoft për verifikim të llogarise duke klikuar ketu: linku , shtoni një adresë e-maili alternative dhe jepni numrat e telefonit (preferohet numri i mobilit, me qëllim që të merren mesazhe SMS) në llogarinë tuaj Microsoft. ameble-edutek mail

  • Hapi 2: Klikoni në linkun “Set up two-step verification” (Konfiguro verifikimin në dy hapa).
  • Hapi 3: Zbatoni pikë për pikë procesin e konfigurimit deri sa të arrini në fund të tij, pastaj klikoni në “Done” (U krye).

Juve mund t’ju kërkohet të jepni një kod verifikimi, që ju dërgohet ose me SMS në mobilin tuaj, ose në adresën tuaj alternative të e-mailit, para se të mund të plotësoni konfigurimin në dy hapa. Me të përfunduar konfigurimi, ju duhet të merrni një konfirmim me e-mail nga Microsoft, dërguar në adresën tuaj alternative të e-mailit.

Çiftëzoni një aplikacion autentifikimi në llogarinë tuaj Microsoft

Kodet e sigurisë mund t’i merrni me e-mail, thirrje telefonike, ose SMS, por mënyra më e thjeshtë është të përdorni aplikacionin e autentifikuesit në aparatin tuaj mobil. Aplikacionet e autentifikuesit, si Autenfifikuesi Google (Google Authenticator), veprojnë në mënyrë lokale në aparatin tuaj dhe punojnë edhe kur aparati nuk ka lidhje në Internet. Për ta përdorur aplikacionin e autentifikuesit, së pari duhet ta çiftëzoni atë me llogarinë tuaj Microsoft.

  • Hapi 1: Shkarkoni në aparatin tuaj aplikacionin e autentifikuesit që dëshironi. Përdoruesit e Android, iOS, dhe BlackBerry mund të përdorin “Google Authentication”, ndërsa përdoruesit e Windows Mobile mund të përdorin Microsoft Authenticator.
  • Hapi 2: Kthehuni në faqen e informacionit lidhur me llogarinë Microsoft (Microsoft account security info page) dhe klikoni në linkun “Set up” (Konfiguro) nën aplikacionin Autentifikuesi (Authenticator).
  • Hapi 3: Hapni aplikacionin e autentifikuesit, pastaj kërkoni bar kodin në ekran.
  • Hapi 4: Kur kodi i sigurisë ju shfaqet në aplikacionin e autentifikuesit, shënojeni atë në kutizë, pastaj klikoni butonin Pair (Çiftëzo).

Përdorimi i verifikimit në dy hapa

Me të krijuar verifikimin në dy hapa në llogarinë tuaj Microsoft, hyrja (logging) në shërbimet tuaja Microsoft do të kërkojë fjalëkalimin e llogarisë tuaj dhe një kod sigurie.

Në qoftë se e keni çiftëzuar aplikacionin e autentifikuesit, juve do t’ju kërkohet kodi i aplikacionit të autentifikuesit.

Në qoftë se preferoni të përdorni një opsion tjetër verifikimi, klikoni në linkun në të djathtë të kutizës së kodit, për të zgjedhur me tekst-mesazh, thirrje telefonike ose e-mail.

Nëse hyni (log in) rregullisht duke përdorur të njëjtin kompjuter ose aparat mobil, para se të logoheni ju mund të klikoni kutizën ngjitur me “I sign in frequently on this device. Don’t ask me for a code” (Unë hyj rregullisht në këtë pajisje. Mos më kërkoni kod). Kjo do ta shtojë pajisjen tuaj në llogarinë tuaj si pajisje e besuar dhe juve nuk do t’ju kërkohet të shënonin kodin e sigurisë sa herë që hyni nga ajo aparat.

Së fundi, disa aplikacione dhe aparate mobilë nuk e mbështesin kodin e sigurisë. Në këto raste, për tu loguar ju mund të shkoni në security info page and create an app password (faqja e informacionit për sigurinë dhe krijo fjalëkalim aplikacioni).

Kini parasysh se verifikimi në dy hapa i Microsoft-it është ende në fazat e para të përdorimit, prandaj nëse nuk e shihni këtë opsion ende, kontrolloni përsëri më vonë. |ameble|

Zyrtare: Hotmail zëvendësohet me Outlook

Zyrtare: Hotmail zëvendësohet me Outlook

hotmail to outlookMicrosoft ka njoftuar se tranzicioni i ngadalshëm nga Hotmail.com në Outlook.com sot është kompletuar, dhe nga tani e tutje portali i shumë vizituar www.hotmail.com është shuar.

Siç është premtuar edhe më herët nga kompania gjigante Microsoft, përdoruesit e shërbimeve nga Hotmail.com nuk kanë përjetuar asnjë ndërprerje të shërbimeve gjatë këtij tranzicioni.

Microsoft kishte lansuar Outlook.com gjatë verës së vitit të kaluar, si një shërbim email-i të ri i cili do të zëvendësojë përfundimisht Hotmail.com dhe i cili do të përfshijë më shumë mundësi të shërbimeve. Microsoft ka njoftuar për dy mundësitë e reja që janë të integruara në Outlook.com.

Përdoruesit nga tani do të kenë në dispozicion SMTP, kështu që brenda llogarisë së Outlook.com mund të integrohen disa email adresa të ndryshme (Gmail, Yahoo, etj) dhe lehtë mund të bëhet përzgjedhja e adresës nga e cila dëshirohet të dërgohet një email.  Mundësia e dytë është integrimi i thellë me SkyDrive që japë përdoruesve të Outlook.com mundësinë për të ruajtur dokumente direkt në SkyDrive të tyre, si dhe lehtë t’i dërgojnë si dokumente të bashkangjitura nëpërmjet email-it e nga SkyDrive. Në thelb ky shërbim është i njëjti sikurse shërbimi që ofrohet nga Google Gmail Drive.

Microsoft mburret më atë se deri me tani janë 400 milionë përdorues që janë duke përdorur Outlook.com, i cili paraqet një numër të madh të përdoruesve për një shërbim të ri. Por, gjëja më rëndësishme për Microsoft-in ishte hapja e mbi një milionë llogarive të reja në Outlook.com për disa orë. Sigurisht, arsye për këtë mund të ishte edhe rezervimi i email adresave nga përdoruesit për platformen e re.|ameble|

Microsoft integron shërbimin Skype në Outlook.com

Microsoft integron shërbimin Skype në Outlook.com

Microsoft ka dhënë sinjale se shumë shpejt do të integrojë shërbimet e saj Skype në Outlook.com. Ajo ka lëshuar një version paraprak testues por fillimisht vetëm në shtetin e Britanisë së Madhe.

Ky integrim do të thotë qe përdoruesit që përdorin Outlook.com do të kenë mundësinë të bëjnë thirrje me audio dhe video duke përdorur Skype-in, përderisa janë duke lexuar email-at.

Microsoft ka thënë se kjo është një mënyrë e mirë kur nganjëherë  teksti nuk është i mjaftueshëm për të komunikuar.

Skype ne Outlook

Instalimi i Skype-it në Outlook.com kërkon vetëm një konfigurim të thjesht, që për ta pasur ketë mundësi duhet të bëhet shkarkimi i një plugin-i për shfletuesin. Pasi të kryhet kjo, përdoruesve do t’ju kërkohet të bashkojnë kontaktet e Skype-it me kontaktet e Outlook-ut. Ky sistem është i ngjashëm me integrimin në mes të Skype-it dhe Facebook-ut. Përdoruesit gjithashtu mund të krijojnë një llogari të Skype-it duke përdorur llogarinë e tyre ekzistuese nga Outlook.com.

Ky shërbim për përdoruesit e Britanisë së Madhe do të fillojë sot, kurse për përdoruesit e vendeve tjera gjatë muajve të ardhshëm. |ameble|