Një nga themeluesit për shpërndarjen e file-ve në internet “Pirate Bay” është arrestuar pas shmangies së dënimit të tij për tetë  muaj burg, për shkelje të së drejtës së autorit.

Pasi arratisë së tij për gati dy vjet, ai u arrestua këto ditë në Suedi për mbajtjen e dënimit, ka njoftuar policia suedeze ditën e shtunë.

Peter Sunde ishte dënuar në Suedi në vitin 2012 dhe që atëherë ka qenë i kërkuar nga Interpoli, raporton Reuters.

“Atij personalisht u ishin dhënë tetë muaj dënim me burg, kështu që ai është dashur të kaloj dënimin,” tha Carolina Ekeus, zëdhënëse e Bordit Policor në Suedi. Ekeus tha se policia arrestoi Sunde në qarkun jugor suedez Skane, të shtunën e kaluar. Mediat suedeze kanë raportuar se Sunde mund të ketë jetuar në Gjermani para arrestimit të tij.

Sunde dhe tre persona të tjerë të kyçur në Pirate Bay u dënuan me një vit burg me gjobë për 4.8 milionë $, edhe pse gjykata e apelit më vonë e rriti gjobën në 6.9 milionë $ dhe ka shkurtuar dënimin me burg. Akuzat kundër kësaj faqeje ishin parashtruar fillimisht nga kompani suedeze të filmit dhe muzikës.

Pavarësisht problemeve ligjore me të cilat përballet Pirate Bay, kjo ueb-faqe është kthyer prapë online pas një periudhe të shkurtër që
ishte e bllokuar. Tani thuhet se është nën pronësinë e dikujt tjetër. /ameble