Inovacioni DJI për ata që nuk e din është një kompani kineze me seli në Shen Zhen e cila prodhon pajisje komerciale dhe rekreative. Që nga viti 2013, shumica e pajisjeve të zhvilluara nga DJI janë makina të vogla që kryesisht kryejnë rolin mbikëqyrës në ajër. Me lehtësinë e tyre relative dhe përballueshmërinë e përdorimit, pajisjet nga DJI janë të njohura edhe në mesin e fotografëve për fotografi ajrore dhe incizime. Sot kemi shumë video që shfaqen në internet dhe që janë të incizuara me ndihmën e pajisjeve nga DJI, e qe kohëve të fundit ato më të njohurat janë seria e modeleve Phantom.

Mbrëmë në ndeshjen në mes të Shqipërisë dhe Serbisë si rast më i fundit, një pajisje e tillë ka kryer një punë tjetër. Duke mos u lejuar tifozët e skuadrës kombëtare shqiptare që të shijojnë ndeshjen, atyre u është ndaluar të shfaqin çfarëdo simboli shtetëror, mirëpo pajisja Phantom 2 e cila 10 minuta para mbarimit të pjesës së parë, fluturoj në mes të stadiumit duke valuar flamurin kombëtar me ç’ rast bëri një bujë të madhe në anembanë botën.

Phantom 2 tani një hero mbarë shqiptar është një evolucion i serisë së pajisje Phantom nga DJI. Si pajisje, përmban një dizajn kompakt dhe të integruar, dhe vjen me fluturues FPV dhe kutinë për fotografi ajrore.

Phantom 2 është një fluturake e gatshme për të fluturuar pa pasur nevojë të konfigurohet, sistemin e kontrollit gjatë fluturimit e ka shumë të saktë, posedon stabilitet dhe funksionon lehtë. Detajet dhe karakteristikat e plota të saj mund t’i gjeni nga uebfaqja e DJI në internet.

Ne kemi pasur rastin ta praktikojmë dhe një nga videot e para që është bërë me Phantom në Kosovë ka qenë videoja “Prishtina Metropol” e cila është incizuar në bashkëpunim me shitorën MEGA. Fluturaken në fjalë apo edhe modele tjera bashkë me çmimet e këtyre pajisjeve, mund t’i gjeni tek shitoret e MEGA-s në Prishtinë. /ameble