Tag Archives

2 Articles
Apple dhe Google i përshkallzojnë betejat për programe dhe lojra ekskluzive

Apple dhe Google i përshkallzojnë betejat për programe dhe lojra ekskluzive

Sipas Wall Street Journal, si Apple dhe Google po mundohen të bindin programuesit e lojrave për t’i bërë programet e tyre ekskluzive për sistemin e tyre operativ.

Kompanive si Electronic Arts, Gameloft apo ZeptoLabs u janë ofruar vende të përhershme për të publikuar lojrat e tyre në faqen e parë të Play Store dhe App Store. As Apple dhe as Google nuk kanë ofruar para, pasi publikimi i vazhdueshëm i lojrave do të sillte një rritje të shkarkimeve të atyre programeve.

Apple and Google

Një rast që vërteton këtë lajm është rasti kur EA i dha ekskluzivitetin App Store për tre muaj për lojen e shumëpritur Plants vs. Zombies 2. Por shumë programuesë i kanë rezistuar ofertave të Apple dhe kanë preferuar të jenë në të dyja platformat dhe kjo vjen si pasojë e rritjes së përqindjes së pajisjeve Android.

Për Apple, ekskluziviteti ka shumë rëndësi dhe mjaft kompani programuesish i kanë dhënë ekskluzivitet, duke hequr dorë nga tregu i programeve në platformën Android. Është raportuar se edhe Amazon kërkon të marrë ekskluzivitet për disa programe, duke tërhequr klientë për të blerë Kindle Fire dhe smatphone-n tyre të ardhshëm. /ameble

 

Google Play Store me dizajn të ri

Google Play Store me dizajn të ri

PLay Store i ri

Google të Martën ka filluar me paraqitjen e dizajnit të ri të Play Store-it për smartphone dhe tablet që përdorin platformën Android.

Në përputhje me thashethemet e mëhershme, Play Store i ri përfshinë ngjyra të ndritshme, imazhe të mëdha dhe një ndërfaqe të frymëzuar nga Google Now. Ndryshime të tjera përfshijnë auto-përditësimin duke u aktivizuar automatikisht për të gjitha aplikacionet (by default) dhe heqjen e opsionit shkarkim/instalim nga ekrani. Përmbajtja e rekomanduar definitivisht nuk është hequr nga dizajni i vjetër dhe Google ka bërë të ditur se opsioni për rekomandime gjithmonë do të jetë në faqen kryesore.

Nga dita e sotme Play Store i ri do të filloj të paraqitet nëpër smartphone dhe tablet duke filluar nga versionet Android 2.2 e më lart. |ameble|