Tag Archives

6 Articles
Google prezanton aplikacionin konfigurues Ara

Google prezanton aplikacionin konfigurues Ara

Disa ditë më parë, Google mbajti Konferencën e Zhvilluesve të Moduleve të Projektit Ara. Gjatë prezantimit, kompania tregoi prototipin Spiral 2. Në muajt e mëparshëm kemi dëgjuar se Ara do të shitet në një treg online, ku klientët mund të konfigurojnë smartphonin e tyre Ara sipas dëshirës. Në fund të prezantimit, Jason Chua i Google demonstroi aplikacionin e konfigurimit të smartphonit Ara, një aplikacion i ngjashëm me Moto Maker.

Tregu online do të mundësojë skeleton e brendshëm , modulet dhe pjesët mbrojtëse të moduleve. Blerësit do të mund të gjejnë modulet që pëlqejnë dhe t’i ruajnë në shportën e tyre online. Nëse dëshiron që Google ta konfigurojë smartphonin tënd, aplikacioni ka një opsion për konfigurimin e një smartphoni të thjeshtë, i cili krijohet sipas dëshirave tuaja. Jason Chua shpjegoi se aplikacioni do të lidhet me rrjetet sociale dhe kështu ai do të analizojë veprimet e tua në rrjetet sociale, për të sugjeruar modulet më të përshtatshme për ju. Ju gjithashtu mund të konfiguroni pamjen e jashtme të moduleve duke vendosur foto ose ngjyra të ndryshme. Kjo duket si mënyra më e mirë për të shitur smartphone Ara dhe shpresojmë që Google ta vazhdojë gjatë këtë projekt.

Videoja e mëposhtme tregon sesi mund të jetë produkti përfundimtar.

Ky është prototipi i ri Project Ara

Ky është prototipi i ri Project Ara

Smartphone Project Ara nga Google do të vijë së shpejti, të paktën në Puerto Riko. Në Konferencën e Zhvilluesve të Moduleve të Projektit Ara, përfaqësuesit e Google thanë që kanë në plan të fillojnë të shesin në Puerto Riko shasi dhe module të smartphonit Ara.

Kompania tha se ende ka shumë punë për të bërë para se smartphone Ara të vijë në dyqanet e ShBA-së dhe gjithë botës. Projekti i shtrirë në disa faza, është për momentin në fazën e dytë, ose siç e quan Google “Spiralja 2”. Pajisja tashmë nuk punon vetëm më lidhje Wi-Fi por suporton dhe lidhjen me rrjetin 3G dhe grupi i Projekteve të Teknologjive të Avancuar në Google ka deklaruar se po punojnë me kompanitë celulare për futjen e pajisjes në treg. Mbetet që pajisja të përshtatet për të suportuar lidhjen me rrjetin 4G LTE dhe që krijuesit e moduleve të munden të krijojnë dhe të shesin modulet e tyre.

Google gjithashtu duhet të gjejë çmimin e arsyeshëm për këtë pajisje, një çmim që duhet të përshtatet me kërkesën e publikut për një smartphone të ndarë në pjesëza të vogla./ameble

Fotot janë marrë nga Google ATAP.

Google njofton për çipat tjerë që do të përdoren në projektin Ara

Google njofton për çipat tjerë që do të përdoren në projektin Ara

Google Project AraShumica prej jush ndoshta keni dëgjuar për projektin Ara të Google-it, për ata që nuk kanë dëgjuar, është një smartphone nga Google që vjen me komponente modulare. Kjo do të thotë se përdoruesit do të jetë në gjendje të zgjedhin komponentët e caktuara sipas nevojave të tyre, kështu që ju mund të zgjidhni një modul të kamerës me sensor më të mirë, ose kamerë që incizon video më të mirë, e kështu me radhë.

Por nëse ju intereson se çfarë çipi (SoC – System on a Chip) do të përdorë Google në ketë rast, ka dalë se do të jenë disa zgjedhje. Më parë Google ka treguar se do të përdor çipin Rockchip SoC kurse tani sipas një postimi të ri në Google+, ka zbuluar mundësi të tjera të cilat do të përfshijnë edhe çipin Marvell PXA1928 SoC dhe NVIDIA Tegra K1 i cili është përdoruar në tabletin e fundit Nexus 9.

Për publikun, projekti Ara pritet të lansohet në fillim të vitit të ardhshëm, kështu që shpresojmë se nuk do të presim gjatë, e të shohim se sa të dobishëm do të jenë smartphone-t modular në jetën reale. /ameble

Google Project Ara në shitje nga muaji Janar 2015

Google Project Ara në shitje nga muaji Janar 2015

Inovacioni më emocionues në tregun e smartphone-ve tani ka një datë zyrtare të lansimit. Sipas CNET, Google sot në konferencën për zhvillues të Projektit Ara ka njoftuar se smartphone-i i tyre i parë modular do të dal në shitje nga muaji Janar 2015 me një çmim të ulët prej 50$.

Google Project Ara per Janar 2015

Udhëheqësi i këtij projekti Pali Eremenko i është përgjigjur turmës me atë, se modeli fillestar do të jetë një pajisje jo i pashëm në dizajn, mirëpo do t’i përshtatet komponentëve shtesë fizike. “Ai do të quhet Gray Phone sepse është e menduar të jetë me ngjyrë të hirit, duke ju mundësuar përdoruesve kështu për të bërë zgjedhjen e ngjyrave vetvetiu,” ka thënë Eremenko.

Më shumë rreth këtij projekti do të mësojm në muajin Korrik, ku Google pritet të mbajë konferencën e ardhshëm për zhvillues të Projektit Ara. /ameble

Videoja e projektit Ara na kujton pse do të dëshironim një smartphone modular

Videoja e projektit Ara na kujton pse do të dëshironim një smartphone modular

Google i shiti Lenovos pjesën më të madhe të kompanisë Motorola për 2.9 miliardë dollarë, por mbajti një pjesë të vogël të kompanisë. Ekipi i Motorolën për Projektet dhe Teknologjitë e avancuar ka punuar në projektin Ara (Project Ara) – një plan ambicioz për një smartphone modular (apo telefon të modifikueshëm) me çmim fillestar rreth 50 dollarë, pjesët e të cilit ju mund t’i blini dhe t’i përmirësoni. Phonebloks – kompania që ka punuar me Motorolën për të krijuar konceptin e këtij telefoni modifikues ka publikuar një video për projektin Ara dhe kanë shpjeguar se si po vazhdon puna.

Në video tregohet “skeleti” i telefonit ku vendosen pjesët e telefonit dhe kyçen me anë të magnetëve. Këto magnetë do t’i kyçin pjesët e telefonit dhe heqja e pjesëve do të bëhet vetëm pasi të jepet komanda nga telefoni. Kjo nënkupton se ky telefon nuk ka nevojë për një mbrojtëse për të mbajtur pjesët e tij.

Në video gjithashtu tregohet një program, i cili mundëson që blerësit ta modelojnë vetë telefonin e tyre me pjesët që duan ti kenë, ngjyrat dhe format e dëshiruara. Besohet se kjo video do të tërheqë interesin e publikut disa javë para Konferencës së parë të Projektit Ara, që do të mbahet në datë 15 dhe 16 Prill në Kaliforni. /ameble

Motorola njofton për marrëveshjen me 3D Systems për smartphone modular

Motorola njofton për marrëveshjen me 3D Systems për smartphone modular

Motorola modular PhoneMuajin e kaluar, Motorola kishte njoftuar për planet e saja për prodhimin e një smartphone modular të quajtur Project Ara, kurse tani ata kanë marrë një hap tjetër të madh duke arritur marrëveshje shumë-vjeçare me kompaninë e shtypjes 3D të quajtur 3D Systems. Të dy kompanitë do të punojnë së bashku për të krijuar pjesë për smartphone, i cili mund të lansohet gjatë stinës së dimrit si një pako modul për zhvilluesit.

Si pjesë e marrëveshjes, 3D Systems pritet të zhvillojë atë që kryeshefi i kompanisë Avi Reichental e quan “fabrika e së ardhmes,” në mënyrë që prodhimi të ketë kapacitetet e saja për të ndërtuar në shpejtësi të lartë shtypjen e modularve. Kontrata e re e kompanisë me Motorola-n i jep mundësi gjithashtu për t’u bërë pjesë ekskluzive furnizuese e saj për Project Ara, por vetëm nëse ajo mund të përmbushë kërkesat e kompanisë.

Duke folur për kërkesat, në të njëjtën kohë ne do të duhet të shikojnë se si konsumatorët reagojnë për idenë e smartphone-ve modular. Ideja është e madhe në letër, edhe pse ekzekutimi dhe lansimi i moduleve do të jetë çelësi i suksesit.

Mbetet të shihet se si dhe a do të kyçen edhe kompanitë tjera të mëdha në teknologjinë e smartphone-ve modular? |ameble|