Tag Archives

5 Articles
Operatori Vala vjen me 4G (LTE)

Operatori Vala vjen me 4G (LTE)

Posta dhe Telekomi i Kosovës ka nënshkruar sot kontratën për implementimin e teknologjisë 4G (LTE), me dy kompani prestigjioze, Alcatel Lucent dhe Nokia Solutions Networks.

Vala 4g

Me implementimin e kësaj teknologjie, më moderne në rajon, do të avancohen shërbimet e komunikimit të të dhënave, duke plotësuar kërkesat e konsumatorëve për internet më të shpejtë, shikimin e videove dhe muzikës në paisjet e tyre mobile dhe shumë avancime të tjera.

Teknologjia 4G (LTE) do tu  mundësojë konsumatorëve të Vala shpejtësi komunikimi të të dhënave deri në 100 Mbps, apo 5 herë më të madhe se shpejtësia aktuale në teknologjinë 3G dhe së paku 50 herë më të madhe se shpejtësia aktuale në teknologjinë EDGE/GPRS.

Implementimi do të nis menjëherë dhe shërbimet e teknologjisë 3G do të ofrohen për konsumatorët e Vala-s duke filluar nga muaji shtator dhe ato 4G LTE nga fundi i këtij viti; fillimisht në qendrat urbane për të vazhduar më tej me mbulimin e  85% të vendbanimeve të Kosovës deri në gjysmën e pare të vitit 2015.

Investimet e tilla si ky sot do të rrisin edhe më shumë interesimin e konsumatorëve për shërbimet tona. Ky është moment historik për zhvillimin e operatorit mobil VALA, pasiqë do të jemi ndër operatorët e parë në rajon që po sjellim shërbimin 4G për gjithë konsumatorët.

“Orientimi strategjik i kompanisë me biznes planin aktual është që nga një operator i fokusuar tek të hyrat nga zëri të kalojmë në një operator për ofrimin  e shërbimeve për transferim të shpejt të të dhënave, këtë po fillojmë ta realizojmë sot,” pohon Kryeshefi i PTK, Ejup Qerimi.

“Një falënderim i veçant për arritjen e këtij suksesi u takon punonjësve të PTK të cilët e kanë planifikuar deri në detaje këtë projekt madhor i cili që nga sot hap një dritare të re të zhvillimit të VALA-s”, tha kryeshefi i PTK SH.A.

Kompanitë nënshkruese të këtij projekti Alcatel Lucent/Cacttus dhe Nokia Solutions Networks, zotohen se implementimin e këtij projekti do ta bëjnë në kohë rekorde dhe se nuk do të ketë asnjë vonesë, ndërsa me këtë projekt konsumatorëve të VALA do tu sjellin shërbime ultra-broadband. /ameble

IPKO sjell 3G-në por, a do t’i bllokoj shërbimet Viber, Tango, Skype etj?

IPKO sjell 3G-në por, a do t’i bllokoj shërbimet Viber, Tango, Skype etj?

Pas vendimit dhe dhënies se dritës së gjelbër nga ARKEP për fillimin e rrjetit 3G në Kosovë, dy operatorët vendor, Vala dhe IPKO, kanë theksuar se janë të gatshëm të fillojnë më shërbime të tilla. Vendimi i Autoritetit, lejon dhe mundëson fillimin e ofrimit të shërbimeve mobile brezëgjera nga ana e operatorëve të rrjetave dhe shërbimeve publike mobile.

Kompania IPKO si duket ka dhënë maksimumin që të jetë e para në ofrimin e shërbimeve 3G në vendin tonë duke filluar nga 1 Dhjetori, në datën kur do të mbahet edhe balotazhi për kryetar të komunave në Kosovë. A do të jetë më atraktive fillimi i shërbimeve dhe mundësive të reja në rrjetin e telefonisë mobile apo zhvillimet politike në vend, mbetet të shihet me 1 Dhjetor :).

[youtube id=”8giZnXW_bsU” width=”600″ height=”350″]

Mirëpo, disa thashetheme janë shpërndarë se operatori IPKO bashkë me lançimin e rrjetit 3G do të bllokoj shërbimet për thirrje dhe mesazhe siç janë Viber, Tango, Skype etj!? Ne, kemi telefonuar kompaninë IPKO dhe kemi marr një konfirmim se nuk do të ketë asnjë ndryshim në shërbimet aktuale të ofruara në telefoninë mobile.

“Pra, nuk do të bllokohet asnjë shërbim apo aplikacion përbrenda rrjetit 3G të ofruara nga IPKO.”

Gjithashtu është cekur së të gjithë ata që përdorin rrjetin GPRS/EDGE automatikisht do të kalojnë në 3G po që se pajisja e tyre përkrahë një shërbim të tillë.

Dallimi në mes të lidhjes që kemi pas deri me tani dhe asaj që pritet të vij 3G, mund ta lexoni këtu|ameble|

PTK ndan 40 milionë euro dividendë për vitin 2013

PTK ndan 40 milionë euro dividendë për vitin 2013

PTK ndertesaEdhe 10 milionë euro dividendë, PTK ka paguar të premtën e kaluar për Qeverinë e Republikës së Kosovës duke arritur shumën e përgjithshme prej 40 milionë euro dividendë të ndara gjatë vitit 2013.

Konform vendimit të Bordit të Drejtorëve, PTK ka transferuar këto mjete për buxhetin e Republikës së Kosovës në përputhje të plotë me objektivat strategjike dhe financiare dhe natyrisht si rrjedhojë e afarizmit solid financiar.

Viti 2013 për PTK është karakterizuar me një performancë të kënaqshme në tërë sistemin e saj operativ, gjë që ka rezultuar me sukses në saje të lansimit të produkteve dhe shërbimeve të reja nga ana e dy Njësive të Biznesit, Vala dhe Telekomi.

“Përkushtimi maksimal i tërë stafit të PTK-së dhe masave të ndërmarra karshi tregut të konkurrencës, edhe këtë vit kemi arritur synimet tona strategjike që janë përmbushja e objektivave të planifikuara duke mbetur gjithnjë më afër konsumatorëve”, ka deklaruar Ejup Qerimi, Kryeshef Ekzekutiv i PTK-së.

Ai ka nënvizuar gjithashtu se realizimi i objektivave strategjik e zhvillimor të PTK-së si dhe ndarja e dividendës prej 40 milionë euro për këtë vit për Qeverinë e Republikës së Kosovës, shënon një sukses në planin strategjik e financiar për kompaninë.

PTK jo vetëm që është kontribuesi më i madh tatimor dhe financiar për buxhetin e vendit, por në të njëjtën kohë është në rrugën e duhur për të qenë edhe më tutje lider në një mjedis mjaft konkurrues. |ameble| |PTK|

Telekomi i Kosovës, të shitet apo mos të shitet

Telekomi i Kosovës, të shitet apo mos të shitet

poste-telekomi-i-kosoves

Për pesë vite me radhë sa ka realizuar fitime PTK’ja (2008 = 80 milion euro, 2009 = 50 milion euro, 2010 = 43 milion euro, 2011 = 51 milion euro dhe 2012 = 56 milion euro, një total pesë vjeçar prej 280 milion euro), aq e lartë ka qenë oferta më e mirë për privatizimin e kompanisë shtetërore të telekomit në Kosovë.

Sipas Reuters, një konzorcium ndërkombëtar përbërë nga ACP Axos Capital GMBh, Najafi Companies në partneritet me BT Group, ka ofruar 277 milion euro për të marr 75% të PTK’s, ku sipas disa njohësve të industrisë së Kosovës, një ofertë e këtillë nëse pranohet është e turpshme dhe nuk duhet pranuar, pasi që privatizuesi pa bërë shumë punë dhe me gjithë keqpëdorimet mund të nxjerr investimin për më pak se 5 vjet, ndoshta edhe për 2-3 vite nëse shtrëngon shpenzimet. Në konkurrim ka qenë edhe një kompani tjetër, ndërsa kanë qenë vetëm dy oferta, për shkak se pas shumë shtyrjeve e telashe, janë tërhequr shumë konkurrent.

Në fakt më vonë gjatë ditës u kuptua se ofertuesi më i lartë ka një kusht shtesë që kushtëzon çmimin, ku thuhet se PTK duhet të ketë 35 milion euro kesh në llogari, në të kundërtën oferta bie nën shumën e ofertuar. Rekomandimet nga njohësit vijnë në drejtim të asaj që qeveria e Kosovës do të ketë rezultate më të mira, nëse merr hua në vend se të shet PTK’n.

PTK, që është në konkurrencë me IPKO’n, ka më shumë se 1 milion përdorues mobil, dhe më shumë se 100,000 klient në telefoninë fikse e gjithashtu edhe klient në shërbime të internetit dhe kabllorit.

AXOS Capital Partners

Me një kërkim në Google informatat mbi këtë kompani janë shumë të pakta dhe krejt ajo që mund të mësohet është strategjia për investime e saj, informatat mbi të dhe qasjen në investime e menaxhime, si dhe mundësitë për punësim. Ndërsa nuk ka asnjë informat mbi projekte, investime apo ndërlidhje në çfarëdo forme për ndonjë kompani që ka të bëjë me telekom.

Najafi Companies

Kërkimi mbi të në Google gjithashtu sjell pak rezultate por ipen të njëjtat informata si me AXOS Capital Partners, pra një kompani që merret me investime, që ka disa emra prapa saj dhe disa shembuj ku kjo kompani ka investuar ku asnjëra prej tyre nuk ka lidhje me industri të telekomit.

BT Group

Mbi këtë kompani ka pakëz më shumë informata dhe tregohet se është një prej kompanive më të njohura në botë, në shërbim të nevojave të klientëve në Britani të madhe dhe në më shumë se 170 shtete anembanë botës. |digjitale| |ameble|

3 euro numri me 2 euro mbushje

3 euro numri me 2 euro mbushje

by bmbi 0 Comments

Operatori mobil në Kosovë VALA ka bërë uljen e çmimit të numrit nga 5 në 3 euro me 2 euro kredi.

Kjo ulje e çmimit të numrit sipas Valës vjen si kërkesë e konsumatorëve tanë dhe përkushtimit të PTK-së që të jetë sa më afër me kërkesat e konsumatorëve të saj.

Kjo ofertë është krijuar edhe duke pasur parasysh bashkatdhetarët tanë të shumtë të cilët gjatë sezonit veror vizitojnë Kosovën. Prandaj VALA u mundëson atyre dhe gjithë konsumatorëve tjerë potencial që të pajisen me numër të ri dhe të komunikojnë me të afërmit e tyre, më lirë sesa me cilindo operator tjetër në vend.

Të gjithë konsumatorët e ri që do të bëhen pjesë e VALA-s me këtë ofertë, përveç numrit të tyre të ri do të përfitojnë edhe 6 muaj llogari aktive pa asnjë shpenzim shtesë.

Vala ka lansuar dhe do të lansojë produkte të tjera për të ju plotësuar konsumatorëve të saj nevojat e tyre, por edhe duke u ofruar kualitet si dhe mundësi për të përdorur sa më lirë produktet dhe shërbimet e VALA-s. |ptkonline.com| [divider top=”0″]