Ketë javë Yahoo ka blerë edhe një kompani tjetër qe është Qwiki me një çmim për rreth 50 milionë dollarë. Kjo kompani ka krijuar një aplikacion për iOS i cili u mundëson përdoruesve të krijojnë video mini filma nga fotot dhe videot që janë të nxjerra apo incizuara nga kamera e iPhone-it.

Ndryshe nga shumë prej blerjeve të bëra kohët e fundit nga Yahoo aplikacioni Qwiki do të qëndrojë në Apple iTunes AppStore dhe vazhdojë punën edhe pas blerjes nga Yahoo. Megjithatë, ekipi i zhvilluesve të këtij aplikacioni do të barten në zyrat e Yahoo-së në New York.

[youtube id=”pvC-EaQxJW8″ width=”600″ height=”350″]

Yahoo në një blog ka thënë: “Më plotë kënaqësi ju njoftojmë për blerjen e Qwiki-t – një kompani që përdor teknologji mbresëlënëse dhe që sjellë fotot, muzikën dhe videot në një film të shkurt. Shpërndarja e mini filmave të Qwiki-it është shumë e lehtë nëse dëshironi të ndani momentet tuaja të preferuara me shokët nëpërmes rrjeteve sociale apo kudo. Ne do të vazhdojmë të mbështesim aplikacionin Qwiki, dhe ekipi i tyre do të bashkohet më zyrën tonë në New York.” |ameble|