Tag Archives

4 Articles
Shumë shpejt smartphone edhe me 8GB RAM

Shumë shpejt smartphone edhe me 8GB RAM

Sasia e memorieve RAM të përdorura në smartphone është rritur dhe po rritet çdo vit, sot disa prej top smartphone-ve posedojnë deri në 4GB RAM, mirëpo së shpejti mund të vijnë smartphone edhe me 8GB RAM memorie.

Qualcomm kohët e fundit ka lansuar procesorin e ri Snapdragon 820 i cili nga viti i ardhshëm pritet të përdoret nga shumë modele të smartphone-ve, procesor ky i cili përkrah 6GB RAM.

Mirëpo në anën tjetër kanë dal informata për procesorin tjetër të ardhshëm Snapdragon 830, i cili pritet të lansohet në vitin 2017, e që përkrah 8GB RAM memorie.

Qualcomm Snapdragon 830

Snapdragon i ri 830 është koduar me shifrën MSM8998 dhe thuhet se është prodhuar duke përdorur procesin 10nm, kurse Snapdragon 820 i fundit ishte me 14nm dhe pritet të nis vitin e ardhshëm me smartphone-in Samsung Galaxy S7.

8GB RAM do të jetë vërtetë një sasi e madhe e memories në smartphone, më të cilën nganjëherë mund të pyesim se çfarë i duhet një smartphone-i memorie kaq e madhe? /ameble

 

Bëhuni gati për pajisje mobile me 4GB RAM

Bëhuni gati për pajisje mobile me 4GB RAM

Sot, lehtë mund të gjejmë pajisje mobile që posedojnë deri në 3GB RAM, ku sa më shumë RAM e ndihmon pajisjen për të qenë më fluid dhe më të shpejt se sa pajisjet me më pak RAM. Vitin që po vjen, pritet të shohin pajisje me 4GB RAM, duke ju falënderuar kështu teknologjisë së re që ka zhvilluar Samsung.

Samsung 8 Gigabit LPDDR4 DRAM

“Çipi i ri 8Gb LPDDR4 mundëson të arrihet 4 GB LPDDR4 reale,” shpjegon Samsung. Çipi 8GB LPDDR4 thuhet se është dy herë më i shpejtë se ai i mëparshmi DDR3 DRAM dhe përkrah “incizimin e videove UHD” me shumë lehtësi.

Zëvendës presidenti ekzekutiv për shitje në Samsung, Joo Sun Choi, tha se teknologjia e re do të ndihmojë të kontribuojë në “lansimin në kohë të ekraneve të mëdhenj UHD për pajisje mobile”.

Samsung nga fillim i 2015-tës do të filloj t’i shtyjë partneret e vet të prodhimit që të përdorin modulin e memories 4GB, ku gjithashtu thotë se pajisjen e parë me aq memorie mund ta shohim nga muaji mars, në ngjarjen vjetore MWC (Mobile World Congress) që mbahet në Barcelonë. /ameble

Dhuroni jetë të re, kompjuterit të vjetër

Dhuroni jetë të re, kompjuterit të vjetër

by MN 3 Comments

Imagjinoni në vijim një skenar realist: keni një kompjuter të vjetër që ju ka shërbyer me besnikëri për vite me rradhë, por me kohë është vjetërsuar me krijimin e lojërave të reja dhe programeve më kërkuese. Keni blerë një kompjuter të ri që është i aftë për tu përballuar me softueret aktual, por nuk dini se çfarë të bëni me kompjuterin e vjetër. Nëse provoni ta shisni atë nëpërmjet shpalljeve, ju nuk do keni edhe shumë levërdi. Nga ana tjetër, nuk është aq i papërdorshëm sa për ta hedhur, dhe ju keni prindër, të afërm, apo miq të cilëve mund tu hynte në punë një kompjuter i tillë për nevoja të internet-it, muzikë dhe filma. Problemi i vetëm është se një përdorues i ri i këtij kompjuteri është ndoshta shumë pak i përgatitur teknikisht. Çfarë duhet të bëni?

Dhuroni jetë të re, kompjuterit të vjetër (me Linux)

Instalimi i Windows XP si një zgjidhje logjike në dukje, në praktikë shpesh dëshmon të jetë një gabim katastrofik, kur është fjala për këta përdorues. Shumë prej nesh rikujtojnë Windows XP-në më mall, duke harruar se si ai ishte i prirur për “shkatrrim” në qoftë se përdoruesi nuk ka qenë jashtëzakonisht i kujdesshëm në atë çka ai instalon dhe rregullisht mirëmbanë kompjuterin nga ana softuerike. Nëse instalohet çdo gjë, dhe vetëm shtypet mbi “Next” gjatë instalimit pa e lexuar se çfarë saktësisht është duke u instaluar, kompjuteri menjëherë instalon plotë toolbar-e spiunësh dhe programme të ngjashme “helper” që ngadalësojnë sistemin operativ, duke bërë kush e di saktësisht se çfarë, dhe potencialisht komprometojnë sigurinë e kompjuterit.
Një problem tjetër është i lidhur edhe me kujtesën tonë selektive. Ne të gjithë mbajmë në mend se Windows XP dikur mjaft bukur punonte në një Pentium 3 dhe 4, por ne harrojmë se në atë kohë programet ishin të shkruara posaçërisht për këta kompjuterë. Versionet aktuale të softuerëve bëhen për kompjuterët e sotëm me shumë RAM memorie dhe disqe me cache memorie të madhe, më të cilat mund të kompensohet ngadalshmëria e pjesëve mekanike, gjersa në kompjuterin tuaj të vjetër gjindet sigurisht shumë më pak RAM dhe disku me 2 MB cache memorie (në rastin më të mirë), e që krijon burim të pandërprerë të “gërrhatjes” nga shtëpiza.
Sigurisht, ju mund të nxjerrni disi versionet e vjetra të programeve, por disa shërbime online refuzojnë të punojnë me versionet e vjetra të softuerëve, ndërsa në lidhje me vrimat e mundshme të sigurisë as të mos flasim. Së fundi, as web faqet para dhjetë vitesh nuk ishin as përafërsisht kërkuese si ditët e sotshme, atëherë kur disa nga web teknologjitë të cilat përdoren gjerësisht sot, nuk kanë ekzistuar fare.

Problemin e tretë e paraqesin antivirus-ët. Edhe versionet e vjetra të antivirus-ëve ishin në gjendje të shkaktojnë ngadalësim të dukshëm të punës në kompjuter, dhe kur ju keni instluar ndonjë më të ri, edhe në qoftë se aj ishte një “Avira” goxha i lehtë, lirishtë mund t’i thuanit lamtumirë punës së rehatshme. Versionet e vjetra nga ana tjetër, nuk do të jenë në gjendje për të ju mbrojtur nga murtaja moderne, kështu që ky moment paraqet një problem mjaft serioz për përdorim të besueshme të kompjuterit.

Zgjidhja që do të ishte më se e kënaqshme për një numër të konsiderueshëm të përdoruesve potencialë, është instalimi i distribuimeve te lehta të Linux-it. Nga njëra anë ju keni shpejtësi dhe softuer mjaft të freskët, ndërsa nga ana tjetër mbrojtje nga virusët, pasi që pothuajse i gjithë malware ka synim Windows-in si një platformë për “veprimet” e tij.
Megjithatë, situata nuk është edhe aq e qartë dhe ne nuk mund të tregojmë me gisht në një distribuim të Linux-it dhe ta rekomandojmë atë si zgjedhje të përkryer për një kompjuter të vjetër. Në radhë të parë, ekziston problemi me shumë pajisje USB për të cilat shpesh nuk është lehtë të gjindet as driver-i për Windows, e lëre më për Linux.

Në radhë të parë këtu mendojmë për lloje të ndryshme të web kamerave kineze, USB tuner-ve, madje edhe USB modem-ve për internet. Disa distribucione të Linux janë të pajisura më mirë me driver-a, kështu që ndodh që pajisjet e tilla t’i njoh menjëherë, disa të tjera nuk janë, por si do t’ju rastis juve nuk mund ta dini gjërsa ta provoni.

Për fat të mirë, në versionet e fundit të distribuimeve të Linux është përmirësuar në mënyrë drastike njohja dhe instalimi automatik i driver-ve për USB modem-at  por në përgjithësi, sa i përket internetit, rekomandohet që ju t’i qaseni nëpërmjet Ethernet interface-it, përkatësisht me kabllo të rrjetit direkt në Router apo Switch . Kjo është rruga më e sigurt për të minimizuar problemet e mundshme. |ameble| [divider top=”0″]

Samsung lanson modulet 16 GB DDR4 RDIMM

Samsung lanson modulet 16 GB DDR4 RDIMM

by MiNT 0 Comments

Samsung ka lansuar mostrat e para të moduleve 16 Gigabyte DDR4 RDIMM (Registered Dual Inline Memory Modules), të cilat destinohen për tregun e serverëve.

“Duke lansuar këto module DDR4 me densitet të lartë, Samsung shpreh vullnet për kooperim teknik më të afërt me kompanitë kryesore të procesorëve dhe serverëve, për zhvillimin e gjeneratës së ardhshme të sistemeve green të IT” u shpreh Wanhoon Hong, zëvendës president ekzekutiv i shitjes dhe marketingut në Samsung Electronics, duke shprehur interesim në gjeneratat e ardhshme të bazuara në 20nm.

Duke përdorur procese 30nm Samsung ka lansuar module 8GB dhe 16GB në Qershor, duke iu ofruar këto prodhuesve të procesorëve si dhe kontrollerëve të memorieve. Duke shfrytëzuar arkitekturën e re, teknologjia DDR4 krenohet me performansat më të larta të ofruara në këtë sferë, e cila deri në vitin e ardhshëm do të arrijë dyfishin e moduleve DDR3 që kanë transfer prej 1600 Mbps, e gjithashtu me një efikasitet më të lartë me 1.2 volt duke zvogluar shpënzimet deri në 40% krahasuar me modulet DDR3 me 1.35 volt.

Samsung vazhdon të punojë në kompletimin e standardit JEDEC (Joint Electron Device Engineering Council) të teknologjisë DDR4 që pritet të përfundojë gjatë Gushtit. |samsung.com| [divider top=”0″]