Tag Archives

34 Articles
Si të dallojmë një Samsung Galaxy S4 origjinal, nga ai falsë

Si të dallojmë një Samsung Galaxy S4 origjinal, nga ai falsë

Disa muaj më parë kemi prezantuar se si të dallojmë një Samsung Galaxy S3 origjinal nga ai falsë, ndërsa tani do të ju njoftojmë se si të dalloni një Samasung Galaxy S4 origjinal nga ai falsë i cili fatkeqësisht është shfaqur në tregun tonë.

Në këtë rast modeli me ngjyrë të bardhë është ai falsë!!

Samsung Galaxy S4 falsë është prodhuar në Kinë dhe si i tillë manipulohet nga shitësit e ndryshëm me ç’ rast blerësit mashtrohen dhe njëkohësisht dëmtohen për arsye se nuk kanë informata të mjaftueshme për pajisjen ose në fakt nuk e ka edhe idenë se ky model mund të jetë falsë.

Në vijim do të ju njoftojmë me disa detaje që do të ju ndihmojnë të bëni dallimin në mes të origjinalit dhe ai atij falsë.

Nga pikëpamja e jashtme duke iu referuar dizajnit, është shumë vështir të dallohet origjinali nga ai flasë e sidomos për ata të cilit për herë të parë e kanë në duar këtë pajisje. Këtë e kemi demonstruar në galerinë e më poshtme me ç’ rast janë prezantuar Samsung Galaxy S4 origjinal si dhe ai falsë.

Pra, nga pamja e jashtme Galaxy S4 origjinal nuk dallon pothuajse fare nga ai falsë që rezulton me mashtrimin e lehtë të blerësit. Konkludim, nëse keni dyshime gjatë blerjes, këshilla e parë mos u bazoni në pamjen e jashtme.

Dizajni – dallimet

Nga këndvështrimi i dizajnit, ekzistojnë vetëm dy parametra që ju mund të bazoheni për të bërë dallimin dhe ata janë blici i kamerës dhe madhësia e ekranit.

Blici apo flash-i i cili gjendet nën kamerë në pjesën e pasme të smartphone-it tek Galaxy S4 falsë është me ngjyrë më të verdhë të theksuar ndërsa tek Galaxy S4 shkon më shumë në të bardhë të theksuar.

Ekrani i Galaxy S4 origjinal duhet të jetë 5.0 inç ose 12.7 cm. Në shikim të parë është vështir të dallohet madhësia e ekranit nëse e keni në duar po supozojmë Galaxy S4 falsë. Ne e kemi bërë matjen e diagonales së ekranit dhe tek Galaxy S4 falsë madhësia është 11.8 cm, pra pothuajse për 1 cm dallon nga ai i origjinalit.

Dizajni i brendshëm – dallimet

Me dizajn të brendshëm i referohemi pamjes së pajisjes pas tërheqjes apo largimit të kapakut të smartphne-it. Këtu kemi të bëjmë me më shumë parametra që e dallojnë Galaxy S4 falsë nga ai origjinal dhe do t’i paraqesim ato që janë më të lehta për tu mbajtur në mend.


Pra, pas tërheqjes së kapakut përsëri vërehet më qartë ngjyra e blicit. Tek S4 falsë është më të verdhë të theksuar ndërsa tek S4 origjinal me të bardhë.

Pas tërheqjes së baterisë, po ashtu vërehen edhe disa dallime. Galaxy S4 falsë ka të integruar 3 pina ndërsa S4 origjinal 4 pina,  të cilit japin kontaktin bateri – smartphone.

Vendi ku vendoset bateria përveç llogos së Samsung-ut me disa detaje për modelin e pajisjes, tek Galaxy S4 falsë nuk ka asgjë tjetër të shkruar, ndërsa tek Galaxy S4 origjinal ka, siç është paraqitur në galerinë e më siperme. Edhe një dallim tjetër qëndron tek kapaku i pajisjes, tek Galaxy S4 falsë nuk ka asnjë mbishkrim, ndërsa tek ai Galaxy S4 origjinal ka një kod ose një kombinim të numrave dhe shkronjave.

Softueri – dallimet

Nëse e keni vështir për të mbajtur mend disa prej dallimeve të paraqitura deri më tani, për të dalluar modelin false mund të bazoheni edhe në softuerin. Të dy modele kanë të instaluar platformën Android Jelly Bean 4.2.2.

Galaxy S4 ModeliAjo që ne e kemi vërejtur është qysh në fillim të ndezjes së smartphone-it, llogoja e Samsung së bashku me modelin Galaxy S4 GT-I9505 tek modeli origjinal mbetet statike për 5-7 sekonda, ndërsa tek ai falsë mbetet për 1-2 sekonda.

Një dallim esencial qëndron tek notifikimet, ku qartazi vërehet mungesa e funksioneve kryesore me të cilat veçohet Galaxy S4, sikurse Air gesture, Smart scroll, Smart stay. Pra, modeli falsë nuk i ka të integruar funksione të lartë përmendura.

Një dallim tjetër qëndron edhe tek emërtimi i menyve kryesore të cilat tek modeli origjinal emërtohen si: Connections, My device, Account dhe More, ndërsa tek ai falsë emërtohen si: Networks, Device, Personal dhe System.

Po ashtu kemi testuar edhe funksionin NFC, i cili nuk funksionon tek modeli Galaxy S4 falsë.

Pra, këto janë disa dallime kryesore që ne jemi fokusuar për të cilat mendojmë se mund të mbahen më lehtë në mend për të dalluar modelin Samsung Galaxy S4 falsë nga modeli origjinal. |ameble|

Shfaqet Android 5.0.1 Lollipop për Galaxy S4

Shfaqet Android 5.0.1 Lollipop për Galaxy S4

Samsung Galaxy S5 duket se ka filluar të përditësohet me versionin më të fundit të Android, atë 5.0 Lollipop, por duket se Samsung ka qenë duke punuar dhe për versionin Lollipop për Samsung Galaxy S4. Sot kanë qarkulluar në Internet fotot e para të një version Android 5.0 për Galaxy S4.

Nuk ka të dhëna specifike se nga ka ardhur ky version i sistemit operativ Android, por pas testimeve të ndryshme është konstatuar se ky është version original dhe duket se të gjitha opsionet punojnë më së miri. WiFi, lidhja me Internetin, NFC, Bluetooth, të cilat janë opsionet më problematike në shumicën e sistemeve operative, në këtë sistem duket se punojnë mirë. Megjithatë ka akoma disa pjesë të sistemit që duhen përkthyer nga kinezçja dhe duket se Kina është vendi i origjinës nga ka “rrjedhur” ky sistem.

Lollipop-Samsung-Galaxy-S4-710x315

Sistemi është i përshtatshëm për tu përdorur në disa versione të Samsung Galaxy S4 si GT-I9500, GT-I9502, GT-I9508 dhe GT-I9508v. Ky version i sistemit nuk punon me modelin GT-I9505, që është një nga modelet më të njohura të pajisjes.

Nëse ju keni në dispozicion një Galaxy S4 dhe doni të provoni versionin Lollipop të Android, mund ta shkarkoni sistemin në këtë forum XDA. Sigurohuni të lexoni mirë instruksionet! /ameble/

Samsung njofton për modelin Galaxy S4 me ngjyrë të zezë

Samsung njofton për modelin Galaxy S4 me ngjyrë të zezë

Pavarësisht njoftimit si një model të ri, smartphone-i Samsung Galaxy S4 tani me ngjyrë të zezë dallon paksa nga ai standard. Samsung Galaxy S4 Black Edition shfaqet me material plastike dhe mbrapa është me ngjyrë të zezë nga lëkura, ngjashëm siç është Galaxy Note 3.

Samsung Galaxy S4 Black Edition

Për brenda njihet si GT-I9505 dhe posedon procesorin Qualcomm Snapdragon 600 në 1.9GHz, ekranin 5 inç Full HD, 2GB RAM, 16GB memorie e brendshme, kamerën 13 megapikselë dhe vjen me platformën Jelly Bean 4.2.2.

Kurse Samsung Galaxy S4 mini, ka të njëjtat specifika d.m.th. procesorin Snapdragon 400 1.7 Ghz, ekranin 4.3 inç, 1.5 GB RAM, 8GB memorie e brendshme, kameren e 8 megapikselë dhe vjen me platformën Jelly Bean 4.2.2.

Për momentin kompania ka vendosur që këto modele nga muaji i ardhshëm t’i lansoj në tregun e Rusisë, mirëpo nuk ka dhënë asnjë njoftim për pjesën tjetër globale nëse do të lansoj apo jo. /ameble

Shkatërrohen 250 Samsung Galaxy S4 të falsifikuar

Shkatërrohen 250 Samsung Galaxy S4 të falsifikuar

250 fake Samsung Galaxy S4s confiscated and destroyed in GermanyNuk është e pazakontë të shohësh smartphone dhe pajisje tjera false në Kinë. Por në shtetet anëtare të BE-së jo edhe aq shumë. Pikërisht për këtë arsye autoritetet gjermane u befasuan kur zbuluan se në zyrat doganore të aeroportit të Shtutgart-it kishte arritur një pako me 250 telefona të mençur Samsung Galaxy S4 të falsifikuar.

Dyshimi rreth këtyre pajisjeve të falsifikuara lindi në momentin kur në këtë paketim mbishkrimi i përmbajtjes së mallit ishte se kinse kishte kabllo kompjuterike në vlerë prej 2000$, por menjëherë pasi oficerët doganorë hapen pakon zbuluan se brenda kishte pajisje telefonike të falsifikuara dhe të etiketuara si Samsung Galaxy S4.

Këto pajisje kishin si destinacion shtetin e Gjeorgjisë, por të gjitha këto u konfiskuan dhe u shkatërruan tërësisht.

Pajisje të tilla shohim të sillen edhe në vende tjera duke përfshirë edhe Kosovën, andaj keni kujdes se çfarë blini.

Për më shumë shikoni artikujt e botuar në Ameble në të cilat shpjegohen në detaje tiparet e një smartphone origjinal kundrejt atij fals.

Si të dallojmë një Samsung Galaxy S4 origjinal, nga ai falsë

Si të dallojmë një Samsung Galaxy S3 origjinal, nga ai falsë

/ameble

Krahasim: Samsung Galaxy S4 vs Galaxy S3

Krahasim: Samsung Galaxy S4 vs Galaxy S3

Samsung Galaxy S4 tani edhe tek ne gjendet kudo nëpër shitore, ky smartphone si duket është në rrugën e duhur për t’u bërë një nga top smartphone-t më të shitur ndonjëherë. Por a është vërtetë me i mirë se modeli paraprak Galaxy S3?

Pas shpaketimit dhe vlerësimit të tij, ne menjëherë kemi krahasuar me modelin e më herëshem Samsung Galaxy S3, për të parë nëse ja vlen të shpenzojmë të holla për të apo jo.

S4vsS3 krahasimi  (3)

Samsung Galaxy S4 vs Galaxy S3 – Dizajni

  • Galaxy S4 – prapa plastikë, kapakun e baterisë tërheqës, ndërsa ekrani i mbrojtur me Gorilla Glass 3,
  • Galaxy S3 – prapa plastikë, kapakun e baterisë tërheqës, ndërsa ekrani i mbrojtur meGorilla Glass 2,

Ngjashëm pra si paraardhësi i tij, edhe Galaxy S4 përmban një trup prej plastike, dhe jo si disa rivalë të tij që janë nga qeramika apo alumini. Nuk të jap atë ndjenjën e një smartphone-i me përmirësim masiv, plastika e pasme me shkëlqim tek të dy smartphone-t nuk është e kualitetit super të lartë, në dorë nuk ta japin atë përshtypjen e një super smartphone-i siç e kanë pajisjet iPhone apo HTC One.

Megjithatë, disa përmirësime në harduer kanë bërë që ky smartphone të ketë një ekran më të madh. Është më gjatësi të njëjtë si Galaxy S3, pak më i gjerë dhe pothuajse vetëm 1mm më i hollë.

Një e mirë dhe shumë e rëndësishme tek këta smartphone është që bateria mund të hiqet nga trupi i pajises. Galaxy S4 përveç që ka të gjithë sensoret sikurse Galaxy S3, i ka edhe disa ekstra siç janë: Infrared sensor, thermometer si dhe hygrometer ( sensor i lagështisë).

Samsung Galaxy S4 fillimisht është shitur me ngjyrë të zezë dhe të bardhë, mirëpo kompania ka paralajmëruar se gjatë verës do ti nxjerr edhe ngjyra tjera si të kaltër, vjollcë, të kuqe, kafe dhe rozë.

Samsung Galaxy S4 vs Galaxy S3 – Hapësira për ruajtjen e të dhënave

  • Galaxy S4 – 16/32/64GB, me microSD
  • Galaxy S3 – 16/32/64GB, me microSD

S4vsS3 krahasimi  (6)

Një tjetër të mirë qe këta dy smartphone posedojnë është përfshirja e vazhdueshme e slotes microSD. Kjo ju mundëson më lehtësi të zgjeroni hapësirën për të dhëna. Ajo gjendet nën kapakun e baterisë, afër slotes për kartelën SIM.

Duke pasur një slot atëherë kapaciteti maksimal për zgjërim është 64GB për të dy smartphone-t, tek ne shiten versione që posedojnë hapësirën për ruajtje të integruar 16GB. Hapësira e integruar për këto modele nuk është aqë e rëndësishme përderisa posedojnë sloten microSD. Hapësira e integruar tek S4 me kapacitet 16 GB, në dispozicion për shfrytëzim e ka vetëm 9.5 GB e cila është me ulët krahasuar me S3 që e ka 11.2 GB.

Aktualisht, këto modele nuk lejojnë instalimin e aplikacioneve direkt në kartën microSD, por kompania Samsung e ka konfirmuar se do të vijë edhe ai opsion në përditësimin e ardhshëm.

Samsung Galaxy S4 vs Galaxy S3 – Procesori

  • Galaxy S4 – Snapdragon 600 4/8-bërthamor 1.9GHz, 2GB RAM
  • Galaxy S3 – Exynos 4212 4-bërthamor 1.4GHz, 1GB RAM

Para se të lansohet Galaxy S4, është përfolur shumë se do të ketë një version me procesor 8-bërthamor mirëpo ja që kompania ketë e ka bërë në dy versione që janë me 4 dhe 8 bërthama. Modeli që posedojmë ne është 8-bërthamor dhe ka çipin Snapdragon 600, i cili përdor arkitekturën Krait, dhe është 1.9GHz. Më rëndësi është se nëse blini Galaxy S4 me versionin 4-bërthamor nuk duket se është shumë më e fuqishëm se versioni 4-bërthamor Exynos 4212 më 1.4GHz tek Galaxy S3.

Galaxy S4, me 2GB RAM memorie dyfish më tepër se paraardhësi i tij i cili posedon 1GB. Dallimi nuk vërehet në gjëra të përditshme përderisa nuk i fusni në ndonjë provë të vërtetë.

Samsung Galaxy S4 vs Galaxy S3 – Ekrani

  • Galaxy S4 – 1080p 5 inç, Super AMOLED
  • Galaxy S3 – 720p 4.8 inç, Super AMOLED

 S4vsS3 krahasimi  (2)

Ekrani tek Galaxy S4 në dukje të parë vërehen vetëm disa përmirësime të thjeshta ne krahasim më S3-shin, mirëpo siç e kemi shfaqur edhe në foton me lartë është një përmirësim i madh si nga dizajni i jashtëm gjithashtu edhe nga brenda. Galaxy S4 është shtypur me 0.2 inç shtesë të ekranit pa bërë trupin e pajisjes më të gjerë, mirëpo duke e eliminuar një pjesë të poshtme.

Galaxy S3 pavarësisht që është me definicion të lartë 720p dukshëm mund të vërehet ekrani nga ai i modelit S4. Ky model ka ekranin Super AMOLED PenTile, i cili ka një strukturë të pabarabartë të pikselëve që redukton në imazhe të mprehta dhe në veçanti vërehet tek teksti.

Të dy modelet posedojnë Super AMOLED me teknologjinë mbrojtëse Gorilla Glass, ne modelin S3 është përdorur Gorilla Glass 2 kurse në ketë fundit Gorilla Glass 3. Në të dy pajisjet gjithashtu mund të operohet nën dritën e diellit.

Platforma dhe Softueri

Galaxy S4 vjen me versionin e gatshëm Android 4.2.2 Jelly Bean me ndërfaqen TouchWiz për përdorues të Samsung-ut. Kurse modeli i mëhershem Galaxy S3 në fillim është lansuar me versionin e Android-it 4.0 Ice Cream Sandwich, edhe pse një përditësim është lëshuar Android 4.1.2 tanimë i vjetër. Ndryshimi i tyre këtu është se Galaxy S3 posedon një version pak me ndryshe të TouchWiz-it dhe nuk funksion ndonjë nga karakteristikat e softuerit të ri që tani shfaqen në modelet e reja.

Edhe pse dy ndërfaqet e përdoruesit (UI) teknikisht janë TouchWiz, ndërfaqja në S4 është dukshëm me e  ndryshëm, me atë që është në S3. Menyja e Settings-ave në S4 është e ndarë duke përdorur lart, si Connections, My Device, Accounts dhe More, ndërsa tek S3-shi ato janë në kolonat vertikale.

Pastaj tek S4 janë disa shërbime të reja të softueri që nuk janë tek S3. Kryesore ndër këto janë Eye Scroll, Air Gesture dhe S Translator. Eye Scroll i bë me dije S4 kur përdoruesi i tij ka mbaruar leximin e tekstit të shfaqur në ekran duke lëvizur kështu në pjesën tjetër pa pasur nevojë të shkohet manualisht Next, ndërsa Air Gesture është projektuar për të ju mundësuar kontrollin e pajisjes pa prekur ekranin fare (shih ilustrimin në videon më poshtë). S Translator bën pikërisht atë që i thua, përkthimin e fjalive në gjuhë të ndryshme.

Kamera

  • Galaxy S4 – 13 Megapikselë, ajo frontale 2 megapikselë
  • Galaxy S3 – 8 Megapikselë, ajo frontale 1.9 megapikselë

Samsung ka punuar shumë në përmirësimin e teknologjisë së kamerës në modelin e fundit Galaxy S4, duke i futur 13 megapikselë në atë të pasmen kurse atë frontale 2 megapikselë në modelin e më hershem ishte 8 megapikselë dhe 1.9 megapikselë. Megjithatë, në testimin tonë tek të dy modelet kemi parë se performanca e S4, ishte vetëm pak më e mirë se sa tek S3, kjo mund të vërehet vetëm kur barten fotografitë tek kompjuteri, mirëpo jo nepër pajisjeve.

Të dy modelet janë shumë të mira në marrjen e fotove, janë të freskëta, të gjalla dhe shfaqin një shkëlqim sa i përket opsioneve, Galaxy S4 posedon më shumë opsione se sa modeli Galaxy S3 si psh. Eraser, Animated Photo dhe Sound & Shot mode.

Me opsionin Eraser që është shumë i dobishëm ju mund të hiqni objekte që aksidentalisht i ka kapur kamera në lëvizje. Animated Foto është një tipar i njëjtë si Cinemagraph që është gjithashtu në telefonat Nokia Lumia, që ia jap përdoruesit mundësinë e krijimit të imazheve GIF (në lëvizje) duke përdorur S4. Sound & Shot është gjithashtu një tipar tjetër i ri që nuk eksiton në Modelin Galaxy S3.

Kemi bërë disa test fotografi të tyre duke paraqitur kështu dallimin në mes kamerës

Bateria

  • Galaxy S4 – 2600 mAh
  • Galaxy S3 – 2100 mAh

Jeta e baterisë tek Galaxy S3 ka qenë një problem i vogël me fuqinë 2100 mAh e cila vështirë  e mbante smartphone-in gjallë për një ditë të plotë sipas përdorimit normal. Kompania në modelin e ri S4 është përpjekur të përmirësoj ketë çështje duke e fuqizuar atë me 2600 mAh e cila në krahasim me S3 qëndron një ditë të plotë pa pasur nevojë të mbushet.

Të dy modelet e kanë baterinë që është tërheqëse (e lëvizshme), diçka që kompania e ka bërë gjithnjë tek smartphone-t e saj Android, kështu që është një opsion për të ndërruar/shtuar një bateri nëse ju paraqitet nevoja.

Përfundim

Samsung Galaxy S4 pra është vërtet një smartphone më karakteristika më të mira se Galaxy S3, duke u shfaqur kështu me kamerë, ekran, performancë dhe gjallërim të softuerit paksa më të mirë. Kurse Galaxy S3 edhe pse ka kaluar një vit pas lansimit të tij ende llogaritet si një smartphone më të mira.

Sipas krejt kësaj më sipër, arsyet nuk janë të mëdha për blerjen e S4 nëse veç posedoni modelin S3, kurse tek ata që dëshirojnë të kenë njërin prej tyre u sugjerojmë ta marrin modelin e ri Galaxy S4 sepse çmimi i tyre tek ne dallon pak, dhe pse mos ta keni një smartphone me specifika më të larta. |ameble|

Video Praktike: Samsung Galaxy S4

Video Praktike: Samsung Galaxy S4

Javën e kaluar kemi bërë shpaketimin e pajisjes Samsung Galaxy S4 dhe kemi treguar se çfarë vjen në paketimin e tij.

Ndërsa sot, në videon e më poshtme kemi bërë një video praktike të smartphone-it në fjalë, me ç’rast kemi demonstruar disa mundësi si dhe funksione që ofron ky smartphone. |ameble|

[youtube id=”gXiSnBK-Tn0″ width=”600″ height=”350″]

Video Shpaketim: Samsung Galaxy S4

Video Shpaketim: Samsung Galaxy S4

Nëse keni vendosur për të blerë smartphone-in më të ri Galaxy S4 nga Samsung, dhe jeni kureshtar ta dini se si duket dhe se çfarë vjen në paketimin e tij, sot kemi bërë video shpaketimin e kësaj pajisje.

Si në shumicën e pajisjeve tjera elektronike, edhe në paketimin e Samsung Galaxy S4 gjenden: smartphone-i Samsung Galaxy S4, bateria, mbushësi i baterisë, kabllo për lidhjen e pajisjes me portën USB të kompjuterit, kufjet (ndëgjojset) si dhe udhëzuesi i përdorimit të smartphone-it.

Në videon e prezantuar më poshtë, mund të shihni të gjitha këto gjëra:

[youtube id=”lLiIbnXeXKc” width=”600″ height=”350″]

Ky smartphone është sponzoruar nga dyqani F-Mobile nga Prishtina, i cili ofron 2 vite garancion për ketë pajisje.

Specifikat e plota të Samsung Galaxy S4 janë:

Dizajni:

  • Lloji i pajisjes: Smartphone
  • Sistemi operativ: Android (4.2.2)
  • Dimensionet: 5.38 x2.75 x0.31 inç apo 136.6 x 69.8 x 7.9 mm
  • Pesha: 130 gram
  • Materiali: Polikarbon

Ekrani:

  • Madhësia fizike: 5 inç
  • Rezolucioni: 1080 x 1920 pikselë
  • Densiteti i pikselëve:  441 dpi
  • Teknologjia e ekranit: Super Amoled
  • Ngjyrat: 16 77 216
  • Touchscreen: Multi-touch
  • Te dhëna tjera: Senzori i dritës, senzori i ndjeshmërisë së afërsisë, rezistent ndaj gërvishtjeve

Bateria:

  • Kohë bisede përmes (3G): 17 orë
  • Kohë stand-by: 15.4 ditë(370 ore) në 3G, 13.3 dite(320) në 4G
  • Kapaciteti: 2600 mAh
  • Mundësi për mbushje Wireless: PO

Hardueri:

  • Sistemi i Qip-it: Qualcomm Snapdragon 600 APQ8064T
  • Procesori: Quad core, 1900 MHz, Krait 300
  • Procesori i grafikës: Adreno 320
  • Ram memorie: 2048MB RAM
  • Hapësirë: 16 GB hapësirë e integruar, mundësi për SD-kartë microSD, microSDHC, microSDXC deri në 64 GB

Kamera:

  • Kamera e pasme: 13 megapikselë
  • Flash: PO
  • Të dhëna tjera: Auto focus, Fokus në prekje, stabilizues te imazhit, HDR incizim
  • Camcorder: 1920×1080 (1080p HD) (30 fps)
  • Kamera frontale: 2 megapikselë

Internet dhe Multimedia:

  • Chrome, YouTube, Picasa, etj.
  • Zërimi: Earpiece Loudspeaker

Teknologjia:

  • GSM: 850, 900, 1800, 1900 MHz
  • UMITS: 850, 900, 1900, 2100 MHz
  • LTE: 800 MHz, 850 MHz, 900 MHz, 1800 MHz, 2100 MHz, 2600 MHz
  • Data:  LTE Cat3 Downlink 100 Mbit/s, LTE Cat3/4 Uplink 50 Mbit/s, HSDPA+ (4G) 42.2 Mbit/s, HSUPA 5.76 Mbit/s, UMTS, EDGE, GPRS
  • Pozicionimi: GPS, A-GPS, Glonass
  • Navigacion: PO |ameble|
Vonohet përditësimi Jelly Bean 4.2.2 për Galaxy S3 dhe Note 2

Vonohet përditësimi Jelly Bean 4.2.2 për Galaxy S3 dhe Note 2

Lajmi për vonesë të përditësimit vjen nga një tweet nga Sammobile, ku arsyeja për vonesë thuhet që është ndërfaqja TouchWiz dhe se nuk janë kryer testimet.

Sammobile tweet

Para pak kohë përditësimi i bazuar në Galaxy S4 kishte dal dhe sipas disa përdoruesve të gjitha funksionet e S4 janë të përshtatshme edhe me modelin S3 si p.sh Lock Screen, effects, tranzicionet si dhe aplikacionet ekskluzive për S4. Nga ky përditësim i paraqitur vetëm aplikacioni për kamerë i S4-shit nuk është përfshirë ende, por në përgjithësi ky përditësim duket se funksionon mirë.

Një tjetër thashetheme që është përhapur, është ajo që lidh shitjet rekorde të Galaxy S4 me vonesën e përditësimit 4.2.2. Edhe pse doket pak e çuditshme thuhet që për të mos e ngadalësuar shitjen e S4, Samsung është duke vonuar përditësimin,  pasi që Galaxy S3  është i përshtatshëm me aplikacione të S4. Shumica e pronarëve të versionit të mëparshme nuk do ta blejnë S4, nëse ata marrin pothuajse çdo gjë me përditësimin e fundit. Kjo mund të jetë një arsye e fortë për të vonuar përditësimin zyrtarë Android 4.2.2 deri në tremujorin e tretë të vitit 2013.

Do të thotë nga Korriku deri dikur në Shtator pritet që të del përditësimi zyrtarë , e deri atëherë jemi të sigurte se S4 do merr Android 5.0 Key Lime Pie që do të ketë një ndërfaqe krejtësisht të re. |ameble|

Reklamë: Windows 95 atëherë vs Galaxy S4 tani

Reklamë: Windows 95 atëherë vs Galaxy S4 tani

Dikujt mund ti kujtohet kur Windows 95 doli në horizont, ishte një ndryshim masiv për përdoruesit e kompjuterve. Duke kaluar nga Windows 3.1 dhe DOS-i në ndërfaqen e Windows 95 përveq që ishte ndryshim i madh, ishte gjithashtu një nevojë e madhe për më shumë softuer të ri.

Video e më poshtme promovuese e asaj kohë ju ishte dhuruar shitësve që të bëjnë reklamë për të rritur shitjet e sistemit operativ të ri Windows 5, e që bashkë më të vinte edhe tastiera ergonomike, që atë kohë gjithashtu edhe sot duket ende reklamë e pa kuptueshme, dhe më një humor të bajatshëm.

[youtube id=”wAHobySO-Bw” width=”600″ height=”350″]

Sido që të jetë, për fat të mirë video të tilla ne nuk shohim shumë ditët e sotshme, përveç nëse jetoni në Indi dhe rastisni të ndodheni në prezantimin e çuditshëm të smartphone-it të ri Samsung Galaxy S4. Një prezantim i kësaj pajisje me muzikën e Gangham Style, dhe me tekst ndryshe duke paraqitur karakteristikat e smartphone-it, i bie që reklama e Windows 95 prap qëndron më e pranueshme.

[youtube id=”ZJs7N3aM75Y” width=”600″ height=”350″]

Çfarë të themi, shpresojmë të mos kemi kësi lloj prezantimesh të produkteve ne ditët e sotme. |ameble|

10 milionë Galaxy S4 shiten për më pak se një muaj

10 milionë Galaxy S4 shiten për më pak se një muaj

Samsung ka njoftuar se ka tejkaluar shitjen e 10 milionë njësive të smartphone-it Galaxy S4 për më pak se një muaj.

[youtube id=”YXCl4-GV7xc” width=”600″ height=”350″]

Samsung GALAXY S4 zyrtarisht ka filluar shitjen më 27 Prill dhe ka qenë në dispozicion në 60 vende. Aktualisht është në dispozicion në 110 dhe përfundimisht pritet të jetë në 155 vende, me mbështetjen e 327 partnerëve në mbarë botën.

Samsung Galaxy S i parë shitjen e 10 milion njësive e ka arritur në shtatë muaj, Galaxy S2 për pesë muaj ndërsa Galaxy S3 për 50 ditë që nga lansimi i tij në vitin 2012. Samsung Galaxy S4 ka krijuar një rekord tek prodhuesit Korean duke arritur numrin 10 milionë të shitjes së një produkti për më pak se një muaj.

Samsung gjithashtu po planifikon të shtoj më shumë ngjyra për ketë model që pritet të shfaqen nga fillimi i verës, që pas kësaj edhe numri i shitjeve pritet të rritet. |ameble|

BBC Watchdog po investigon Samsung Galaxy S4-shin

BBC Watchdog po investigon Samsung Galaxy S4-shin

“BBC Watchdog” është një shou i përjavshëm në rrjetin e transmetuesit britanik që merret me investigimin e problemeve dhe gjërave të tjera në të cilat ndikohen përdoruesit e pajisjeve teknologjike.

Ky shou për emisionin e ardhshëm i cili do të mbahet në fund të javës së ardhshme ka zgjedhur që të investigojë problemin që është raportuar me hapësirën e integruar të smartphone-it Samsung Galaxy S4. Kjo pajisje kaq e kërkuar gjatë kësaj kohe për të cilën proklamohet se është ndër më të mirat ka marrë disa kritika në lidhje me hapësirën e integruar të versionit 16GB dhe kjo është arsyeja se pse ekspertet e teknologjisë që janë pjesë e “BBC Watchdog” kanë zgjedhur që ta vendosin në llupen mikroskopike që ta vërtetojnë se a është kjo gjë e vërtet dhe nëse po atëherë pse ?

Versioni internacional i 16Gb i S4 ka rreth 9.5Gb të lira për përdoruesit, ndërsa në modelin e S4 që është prodhuar për SHBA hapësira është më pak se 9GB. Edhe pse ky smartphone ofron mundësinë e integrimit të MikroSD kartelës prapë se prapë shumë aplikacione mund të instalohen vetëm në pjesën e integruar të smartphone-it.

Ka edhe gjëra të tjera për të cilat janë parashtruar ankesa si për shembull, moduli “Air View” dhe “Smart Pause” jo gjithmonë funksionojnë. Të gjitha këto gjëra do të shikohen në thellësi në mënyrë që gjithçka të jetë e qartë dhe asnjë temë të mos mbetet tabu kur është fjala për Samsung Galaxy S4. |ameble|

Samsung provokon përdoruesit e iPhone

Samsung provokon përdoruesit e iPhone

Nuk është hera e parë, por as e fundit që Samsung po shfaq video reklama ku po promovon produktet e saj duke shfrytëzuar rastin që të krahasoj produktet e saj me ato të të tjerëve. Kjo gjë me të vërtet po provokon përdoruesit e pajisjeve tjera që nuk janë Samsung.

E vërteta është se këto video po ndikojnë që njerëzit të kalojnë nga iPhone dhe produkte të tjera në Samsung sepse këtu po shfaqen disa nga përparësitë e Samsung kundrejt të tjerëve.

Në të dy videot që janë shfaqur këto ditë, Samsung demonstron mundësitë e “Air Gesture”, “Smart Screen”, ”Group Play”, etj., përparësi që të tjerët nuk i kanë.

Fjalët konkluduese që janë pjesë e këtyre videove janë: “donë të thotë qe disa smartphone janë më të mençur sesa të tjerët” apo ”ky smartphone është “cool”.

Për më shumë shikoni videot më poshtë:

[youtube id=”Q2TtdM4iI5k” width=”600″ height=”350″]

[youtube id=”W5TZQZFjEIo” width=”600″ height=”350″]  |ameble|