Samsung NX500Samsung është një kompani që prodhon të gjitha llojet e pajisje elektronike. Nga teknika e bardhë si lavatriçe apo frigoriferë, në smartphone dhe tablet, kurse në vitet e fundit kompania ka kërcyer edhe në tregun e kamerave me modelin si Samsung NX500. Megjithatë, sipas thashethemeve të fundit, kompania po shqyrton mbylljen e këtij biznesi.

Këto thashetheme vijnë nga Koreja e Jugut nëpërmjet Asiae (SamMobile) që pretendon se Samsung do të mbyll ketë sektor. Personeli i punësuar pritet të riorganizohet dhe lëviz në sektorë të tjerë, si sektorë për mjekësi dhe pajisje mobile. Gjithashtu është venë në dukje se ueb-faqja e kamerave të Samsung-ut nuk është përditësuar që disa muaj, duke çuar kështu në spekulime, se thashethemet mund të jenë të vërteta.

Kur është pyetur Samsung nga SamMobile për të komentuar diç sa i përket këtyre thashethemeve, kompania ka pohur se nuk është në gjendje të komentoj asgjë sa i përket kësaj. /ameble