Tag Archives

4 Articles
HTC Desire Eye dhe RE do të dalin në treg nga 7 Nëntori

HTC Desire Eye dhe RE do të dalin në treg nga 7 Nëntori

Selfie-t janë bërë një fenomen global. Në muajin e kaluar HTC prezantoi Desire Eye dhe RE Camera, pajisje që ishin të fokusuara të fotografitë dhe sidomos selfie-t. Kompania celulare AT&T do të nxjerrë në treg këto dy pajisje këtë të premte.

HTC Desire Eye dhe RE

Desire Eye është një smartphone trendy me një variacion ngjyrash dhe dy kamera 13 MP Dual LED Flash, të cilat e bëjnë këtë smartphone unik. Në specifikat e tjera të kësaj pajisje përmendim procesorin 2.3 GHz me katër bërthamë Snapdragon 801, 2 GB RAM, ekrani 5.5 inch 1080p dhe certifikimi IPx7 që e bën të papërshkueshëm nga uji. Desire Eye posedon memorje interne prej 16 GB me mundësi zgjerimi deri në 128 GB nëpërmes kartës SD. E gjithë pajisja furnizohet nga një bateri 2400 mAh. Çmimet nga AT&T janë 149.99$ me kontratë 2 vjeçare dhe 549$ pa kontratë.

RE Camera është një periskop xhepi e dizenjuar për të bërë foto dhe video në lëvizje. Ajo mund të instalohet dhe të xhirojë dhe të ngarkojë në Cloud pamjet e xhiruara. Çmimi i saj është 200$, por nëse blihet së bashku me Desire Eye do të ketë 50$ ulje në çmim. /ameble

Njoftohet Sony Xperia C3, një Smartphone i dedikuar për Selfie

Njoftohet Sony Xperia C3, një Smartphone i dedikuar për Selfie

Edhe pse Shoqata Amerikane e Psikiatërve (APA) i ka klasifikuar fotot selfie si një çrregullim mendor, si duket kompanitë nuk brengosen fare për këtë dhe janë përqendruar më shumë në prodhimin e pajisjeve të dedikuar ekskluzivisht për foto selfie. Pikërisht, kompania Sony ka njoftuar për smarphone-in e ri Xperia C3 të cilin e quan si “smartphone-i më i mirë në botë për selfie”.

Sony Xperia C3 përmban një kamerë frontale 5 megapiksel me kënd të gjerë e projektuar për të marrë foto selfie, kamerën e pasme 8 megapilsel dhe ekranin 5.5 inç me rezolucion prej 1280 x 720 pikseleve.

Modeli Sony Xperia C3 është i përkrahur nga procesori 4-bërthamor Qualcomm Snapdragon, 1GB RAM memorie dhe 8GB hapësirë të brendshme e cila mund të rritet edhe për 32GB nëpërmjet microSD kartelës.

Karakteristikat e tjera të Sony Xperia C3 përfshijnë një bateri 2500 mAh, WiFi dhe Bluetooth dhe pajisja vjen me sistemin Android 4.4 KitKat.

Xperia C3 do të jetë në dispozicion në një gamë të ngjyrave, të bardhë, të zezë dhe mint-gjelbër dhe do të dal në shitje në gusht, duke filluar nga tregu i Kinës dhe më pastaj vendet në vende të tjera./ameble

Fotot “selfie” klasifikohen zyrtarisht si çrregullim mendor

Fotot “selfie” klasifikohen zyrtarisht si çrregullim mendor

Shoqata Amerikane e Psikiatërve (APA) ka konfirmuar zyrtarisht atë që shumë njerëz e kanë menduar edhe vetë: t’i bësh foto vetes vazhdimisht është një çrregullim mendor. APA e bëri këtë klasifikim gjatë takimit të bordit të drejtorëve të vet në Çikago. Çrregullimi quhet Selfitis dhe përkufizohet si dëshirë obsesive dhe kompulsive për t’i bërë foto vetes dhe për t’i postuar ato në mediet sociale si një mënyrë për të kompensuar mungesën e respektit për vetin dhe për të mbushur një hendek në intimitet.

Selfie

APA tha se ka tri nivele të këtij çrregullimi:

  • Selfitis i lehtë: kryerja e fotove vetes së paku tri herë në ditë por jo për t’i postuar ato në mediet sociale.
  • Selfitis i rëndë: bërja e fotove së paku tri herë në ditë dhe postimi i çdo fotoje në mediet sociale.
  • Selfitis kronik: dëshirë e pakontrollueshme për t’i bërë foto vetes vazhdimisht dhe për t’i postuar ato në mediet sociale më shumë se gjashtë herë në ditë.

Sipas APA, megjithëse aktualisht  nuk ka kurë për këtë çrregullim, trajtimi i përkohshëm është i disponueshëm përmes Terapisë Conjiktive të Sjelljes (CBT). Lajmi tjetër i mirë për ata që jetojnë në SHBA është që kjo terapi mbulohet nga kujdesi shëndetësor universal i njohur si Obamacare. /ekuiliber/ameble

Pasqyra që bën fotografi dhe i poston në Twitter

Pasqyra që bën fotografi dhe i poston në Twitter

Siç u vërtetua dhe nga fotoja më e famshme selfie, fotoja e Ellen DeGeneres, një faktor që të limiton gjatë pozimit për selfie është gjatësia e krahut.

Ky problem nuk ekziston në S.E.L.F.I.E. (Self Enhancing Live Feed Image Engine), një pasqyrë që ashtu siç edhe nga emri që ka do të thotë që është një pajisje që i fotografon dhe i rregullon fotot dhe më pas i poston në Twitter. Pajisja ka pasqyra nga të dyja anët dhe në të vërtetë mes këtyre pasqyrave ka një Mac Mini, një kamerë dhe drita LED.

Një program që njeh fytyrën e personit është instaluar në Mac dhe pasi programi njeh fytyrën, fillon procesi i fotografimit; dritat LED sinjalizojnë se kur është momenti i fotos.

Pasi bëhet fotoja, programi shton një logo dhe më pas e poston në Twitter. Edhe pse S.E.L.F.I.E. është një projekt eksperimental, nëpërmes iStrategyLabs mund të blini një pajisje të tillë. /ameble

[vimeo id=”90791484″ width=”600″ height=”350″]