Tag Archives

2 Articles
Skype Translator tani në dispozicion për shkarkim për të gjithë

Skype Translator tani në dispozicion për shkarkim për të gjithë

Skype_TranslatorMicrosoft ka njoftuar për opsionin Skype Translator (përkthyesin) i cili tani e tutje është në dispozicion për të gjithë. Skype Translator ishte prezantuar edhe një vit më parë si një mënyrë e re që ofron përkthimin në kohë reale, përderisa dy persona janë duke folur me njëri-tjetrin. Një version test (Preview) ishte lansuar në fund të muajit dhjetor të vitit të kaluar.

Kjo mundëson biseda në kohë reale dhe që bëhet pa asnjë lloj pengese në gjuhë. Mund të lëshoni video komunikim, shembull me ndonjë mik apo koleg në Spanjë, që flet rrjedhshëm spanjisht e që nuk din anglisht, por përgjigjet ju vijnë në anglisht. Sistemi përkthen gjithçka në kohë reale për ju.

Skype Translator aktualisht përkthen katër gjuhë në të folur – anglisht, spanjisht, italisht, mandarin dhe përkrah 50 gjuhë të mesazheve të menjëhershme, ka thënë Microsoft.

Për ta testuar Skype Translator Preview duhet ta shkarkoni nga Windows Store i cili është në dispozicion për Windows 8.1 ose Windows 10. Microsoft ka thënë se është duke punuar gjithashtu për të zgjeruar gjuhët. /ameble

Ja se çfarë ofron Skype Translator [Video]

Ja se çfarë ofron Skype Translator [Video]

Microsoft ka qenë duke punuar në projektin “Skype Translator” i cili me shërbimet që ofron, do të mundëson përkthimet me zë në kohën reale.

Ky program i ri i përkthimit është në dispozicion për testim për klientët që tani më janë regjistruar si dhe për ata që janë duke e përdorur versionin e sistemit operativ Windows 8.1.

Microsoft kishte testuar programin e përkthimit me fëmijët në Shkollën Peterson në Meksikë dhe Shkollën Fillore Stafford në Tacoma, SHBA, i cili është paraqitur në videon e më poshtme.

Fëmijët folën me njëri-tjetrin në gjuhë të ndryshme dhe me nëpërmjet Skype Translator biseda e tyre ishte përkthyer në kohen reale.

Siç mund të shihet në këtë video, programi i përkthimit nëpërmjet aplikacionet Skype si duket është duke punuar shumë mirë, dhe bisedat mes fëmijëve në gjuhë të ndryshme janë përkthyer në gjuhën e tyre në kohë reale.

Aktualisht programi ofron mbështetje për dy gjuhë, spanjolle dhe atë angleze./ameble