Tag Archives

3 Articles
Snapchat i kundërpërgjigjet Facebook-ut

Snapchat i kundërpërgjigjet Facebook-ut

Pas të rejave të Facebook-ut, Snapchat tenton të diferencojë platformën e tyre duke publikuar kërkimin në historitë ‘kolektive’.

Nuk mund të kërkohen “snap” private, por ato që anëtarët i shpërndajnë publikisht me komunitetin e Snapchat, dhe që do të përzgjidhen nga një skuadër kuruesish për një temë të caktuar. Bëhet fjalë për diçka që aktualisht është e disponueshme në disa qytete të SHBA-ve, të publikuar nga kompania e Snapchat pas kuotimit në bursë.

Ky opsion u jep mundësi anëtarëve të kërkojnë “një milionë histori” në bazë të vendeve, eventeve, fjalëve kyçe. Për më tepër, shoqëria bën të ditur se krijon Storie të reja duke shfrytëzuar “machine learning”, një formë e inteligjencës artificiale.

Ky funksion kërkimi për Snapchat mund të jetë një mënyrë që përdoruesit ti rikthehen platformës për të parë video drejt për drejtë, sidomos në argumente specifike.

Një kundërlëvizje kjo, duke parë se Facebook po përdorë në aplikacionet e tij, përfshirë këtu edhe Instagram dhe WhatsApp, element deri tani identifikues të Snapchat, që nga Stories tek postimet 24 orëshe. /ameble

 

Snapchat “Chat 2.0” vjen me plotë opsione të reja

Snapchat “Chat 2.0” vjen me plotë opsione të reja

Kur për herë të parë në vitin 2014 Snapchat prezantoj opsionin për mesazhe, për atë kohë ishte një punë e madhe, duke kombinuar tekstin dhe videon drejtpërdrejtë. Dy vjet më vonë, tani duket të jetë shumë e thjeshtë për ata duke e krahasuar me pjesën tjetër të aplikacionit. Tani Snapchat, ka përgatitur një tjetër përditësim dhe është gati ta lansoj.

snapchat

Chat 2.0 vjen me shumë opsione të reja. Tani ju mund të dërgoni stickersa të ngjashme sikur ato në Facebook Messenger me mbi 200 nga momenti kur përditësohet, incizoni video të shpejtë që kthehet si një GIF, të shpërndani mesazhe të regjistruara me zë dhe madje edhe të dërgoni foto direkt nga kamera.

Të gjitha këto opsione të reja janë të futura në një ndërfaqe të ri-dizajnuar të chat-at me një rresht të butonave në pjesën e poshtme të ekranit. /ameble

Facebook po ndërton Slingshot, një aplikacion konkurues me Snapchat

Facebook po ndërton Slingshot, një aplikacion konkurues me Snapchat

Facebook FBFacebook po e shikon me seriozitet Snapchat-in pasi vitin e kaluar dështoi në blerjen e kompanisë për 3 miliardë dollarë. Mark Zuckerberg po kontrollon një projekt të brendshëm në Facebook që po bën përpjekje për të ndërtuar një aplikacion për të dërguar mesazhe ashtu si Snapchat. Sikurse Snapchat, ky aplikacion do të dërgojë foto dhe video në pak klikime. Nëse thashethemet janë të sakta, aplikacioni do të quhet Slingshot dhe mund të lansohet në këto muaj.

Por Slingshot nuk do të jetë hera e parë që Facebook është mundur të kopjojë Snapchat. Në 2012, një projekt i quajtur Poke dështoi në mënyrë spektakolare. Mark Zuckerberg që atëherë e ka quajtur atë aplikacion një “shaka” i cili u programua në vetëm 12 orë. Por, Slingshot është një përpjekje më serioze, që ka nisur të programohet disa muaj më parë dhe vetë Mark Zuckerberg është angazhuar në këtë projekt.

Ka shumë gjasa që Slingshot të jetë një aplikacion i thjeshtë, i veçuar nga Facebook. Kompania ka premtuar se do të krijojë disa aplikacione të thjeshta dhe me cilësi të lartë për vitin 2014, dhe Slingshot duket një ide e mirë. Creative Labs, është grupi që po programon Slingshot, pasi që ky grup ka programuar dhe Facebook Paper dhe aplikacionin për iPhone.

Për Facebook, ideja e një aplikacioni si Snapchat është e mirë pasi Snapchat ka arritur të jetë shumë i përdorur nga adoleshentët për të dërguar foto ose video. Nëse Facebook vërtetë dëshiron të triumfojë në “luftën” për të mundur Snapchat, atëherë duhet të bëjë përpjekje serioze. /ameble