Tag Archives

64 Articles
Lëshohet iOS 10 Beta 2 për iPhone, iPad dhe iPod touch

Lëshohet iOS 10 Beta 2 për iPhone, iPad dhe iPod touch

Dy ditë pas lëshimit të versionit beta për zhvilluesit, Apple tani ka lëshuar versionin iOS 10 beta 2 për të gjithë përdoruesit publik. Nëse dëshironi të keni me pak gabime dhe sfidoni atë, atëherë mund ta shkarkoni dhe instaloni softuerin menjëherë për iPhone, iPad, dhe iPod touch.

Më poshtë është lista e pajisjeve që përkrah ky version, tani për të gjithë përdoruesit:

  • iPad 4th gen
  • iPad Air
  • iPad Air 2
  • iPad Pro
  • iPad mini 2
  • iPad mini 3
  • iPad mini 4
  • iPod touch 6th gen
  • iPhone 5
  • iPhone 5c
  • iPhone 5s
  • iPhone SE
  • iPhone 6
  • iPhone 6 Plus
  • iPhone 6s
  • iPhone 6s Plus
Lëshohet përditësimi i ri për Samsung Gear S2

Lëshohet përditësimi i ri për Samsung Gear S2

Samsung Gear S2Samsung ka lëshuar një përditësim të ri të softuerit për smartwatch-in e tyre të fundit, Samsung Gear S2, përditësimi ky që sjell një sërë veçorish të reja për orën.

Përditësimi i fundit për Gear S2 është në madhësi rreth 61.1MB. Përveç pamjes disa nga karakteristikat tjera të reja të përfshira në përditësim janë My Photo watch face, automatic sleep tracking, përditësim në S Voice etj.

Përditësimi nga tani duhet të jetë në dispozicion, për të gjithë. /ameble

Versioni Android i ardhshëm ndoshta “Android Nutella”

Versioni Android i ardhshëm ndoshta “Android Nutella”

Versioni i ardhshëm Android N tani është zyrtarisht në dispozicion për test. Google ka informuar se versioni i ri i Android-it është në dispozicion për përdoruesit që duan ta provojnë nëpërmes Developer Preview.

Ende nuk e dimë se çfarë emri përfundimtar do të ketë ky version, thashethemet thonë se mund të quhet edhe Nutella. Sidoqoftë, Google si duket është duke punuar që ky version të vijë me shumë karakteristika, ndryshe nga versionet e kaluara.

Android Nutella

Android N përfshinë një funksion të ri multitasking, pjesën e njoftimeve të ri-dizajnuar dhe përmirësime të baterisë. Një e re tjëter është mundësia e ndarjes së ekranit me përkrahje multitasking, opsion ky që mundëson përdorimin e dy aplikacione në të njëjtën kohë, të ndarë në ekran për gjysmë dhe punon në të dy pajisjet tablet dhe smartphone.

Ky version testues do të jetë në dispozicion për pajisjet Nexus 6P, Nexus 5X, Nexus 6, Pixel C, Nexus 9, Nexus Player dhe smartphone-in Android One të quajtur General Mobile 4G.

Ka edhe plotë ndryshime që pritet të bëhen në ketë version e që mund t’i gjeni në Android N Developer Preview. /ameble

Apple nxjerr përditësimin e ri iOS 9.1

Apple nxjerr përditësimin e ri iOS 9.1

Apple iOS 9.1Apple ka nxjerr versionin iOS 9.1 për iPhone, iPad dhe iPod Touch, përditësimi vjen me disa karakteristika të reja, përmirësime në siguri si dhe disa korrigjime në defekte. Të përfshira në përditësim janë edhe karakteret e reja të Apple-it Emoji. Ekzistojnë edhe disa përmirësime tjera në Live Photos për iPhone 6S dhe 6S Plus si dhe Apple News tani është në dispozicion edhe nëpër disa vende tjera.

Ju kujtojmë se përditësimi iOS 9.1 e prish Pangu 9 jailbreak-un, kështu që nëse jeni duke e përdorë nuk është mirë të bëni përditësimin.

Ky përditësim nga tani është në dispozicion të cilin mund ta merrni nëpërmes “over the air” gjithashtu me anë të iTunes-it ose duke shkuar tek Settings > General > Software update. /ameble

Skype Translator tani në dispozicion për shkarkim për të gjithë

Skype Translator tani në dispozicion për shkarkim për të gjithë

Skype_TranslatorMicrosoft ka njoftuar për opsionin Skype Translator (përkthyesin) i cili tani e tutje është në dispozicion për të gjithë. Skype Translator ishte prezantuar edhe një vit më parë si një mënyrë e re që ofron përkthimin në kohë reale, përderisa dy persona janë duke folur me njëri-tjetrin. Një version test (Preview) ishte lansuar në fund të muajit dhjetor të vitit të kaluar.

Kjo mundëson biseda në kohë reale dhe që bëhet pa asnjë lloj pengese në gjuhë. Mund të lëshoni video komunikim, shembull me ndonjë mik apo koleg në Spanjë, që flet rrjedhshëm spanjisht e që nuk din anglisht, por përgjigjet ju vijnë në anglisht. Sistemi përkthen gjithçka në kohë reale për ju.

Skype Translator aktualisht përkthen katër gjuhë në të folur – anglisht, spanjisht, italisht, mandarin dhe përkrah 50 gjuhë të mesazheve të menjëhershme, ka thënë Microsoft.

Për ta testuar Skype Translator Preview duhet ta shkarkoni nga Windows Store i cili është në dispozicion për Windows 8.1 ose Windows 10. Microsoft ka thënë se është duke punuar gjithashtu për të zgjeruar gjuhët. /ameble

OnePlus One Hydrogen OS prezantohet me 28 Maj

OnePlus One Hydrogen OS prezantohet me 28 Maj

OnePlus me herët kishte lansuar platformën e tyre Oxygen OS për smartphone-in OnePlus One, kurse tani sipas kompania po përgatitet të prezantoj një tjetër version të quajtur Hydrogen OS. Hydrogen OS i ri në thelb është një version tjetër i Oxygen OS-it i cili do të lansohet në Kinë më datën 28 maj.

Hydrogen OS

Nuk është e qartë ende se çfarë ndryshimesh do të ketë në ketë platformë të ardhshme, mirëpo do të jetë e bazuar në Android 5.0 Lollipop.

Kompania ka deklaruar gjithashtu se janë duke punuar në një smartphone të ri OnePlus Two, për të cilin kemi dëgjuar edhe më herët.

Sidoqoftë për platformën e përfolur Hydrogen OS pritet të kuptojmë me shume në javët në vijim ose ditën e lansimit. /ameble

Lumia 640, smartphone i parë që do të marrë Windows 10

Lumia 640, smartphone i parë që do të marrë Windows 10

Smartphone-i i rangut të mesëm Lumia 640 mund të jetë smartphone-i e parë që do të marrë sistemin e ri operativ Windows 10, me përditësimin që pritet të vijë gjatë këtij viti, kjo sipas menaxherit të përgjithshëm të Microsoft-it për skandinavi, Osi Korpela. Përveç që do të jetë smartphone-i i parë që do të marrë ketë përditësim, Korpela ka treguar gjithashtu disa nga karakteristikat të cilat pritet t’i ketë Lumia 640.

Lumia-640

Microsoft do të fillojë me lansimin e Windows-10 për desktop si duket nga muaji korrik, kurse versioni për smartphone do të arrijë pak më vonë.

Lumia 640 posedon ekranin 5-inç me rezolucion 720×1280 pikselë, procesorin Snapdragon 400, 1.2GHz dhe 1GB RAM. Gjithashtu posedon memorien e integruar 8GB me mundësinë për zgjerim nëpërmes portës microSD, kamerën e pasme 8-megapikselë kurse atë frontale 0.9 megapikselë, si dhe baterinë 2.500mAh. /ameble

Apple lëshon përditësimin OS X 10.10.3 Yosemite

Apple lëshon përditësimin OS X 10.10.3 Yosemite

Apple ka lëshuar përditësimin e softuerit të tyre për Mac, OS X 10.10.3 Yosemite, i cili sjell programin e ri Photos (për fotografi) në Apple Mac.

Apple Photos

Photos është zhvilluar për të zëvendësuar programin iPhoto dhe Aperture, ku do të ruaj të gjitha fotot tuaja në Apple iCloud, versioni OS X 10.10.3 posedon gjithashtu edhe shumë karakteristika të reja të cilat janë:

  • Mbi 300 karaktere të reja Emoji,
  • Sugjerimet Spotlight për Look Up,
  • Bllokon ruajtjen e URL-ve të ueb-sajteve të përdorura në shfletimin privat në Safari,
  • Përmirëson stabilitetin dhe sigurinë në Safari,
  • Përmirëson punën e rrjetit WiFi dhe lidhje tjera,
  • Rregullon problemin që kishte shkyçje gjatë lidhjes me Bluetooth, si dhe shumë karakteristika tjera.

Përditësimi i ri i softuerit OS X 10.10.3 është në dispozicion për të shkarkuar nga Mac App Store, dhe është pa pagesë. /ameble

OnePlus publikon OxygenOS

OnePlus publikon OxygenOS

OnePlus ka deklaruar se sistemi i parë i kësaj kompanie tanimë është i gatshëm për përdorim. Sistemi i tyre i quajtur OxygenOS mund të shkarkohet në ketë link, kurse udhëzimet për flash OS i gjeni këtu.

OnePlus, OxygenOS-in e quan një “eksperience të pastër të Android-it”, që është ndërtuar dhe optimizuar posaçërisht për smartphone-in e tyre OnePlus One i cili është bazuar në versionin Android 5.0.2.

Kompania ka bërë një video demonstrim ku ka paraqitur disa nga karakteristikat më të rëndësishme të këtij sistemi, të cilat me të vërtetë janë delikate.

Përderisa të gjitha këto duken të mira, OnePlus nuk thotë se e ka përfunduar softuerin plotësisht, ata kanë inkurajuar përdoruesit për të shkarkuar një aplikacion të tyre ku përdoruesit mund të japin komente. Pra, nëse keni ndonjë sugjerim, OnePlus është i hapur për t’i dëgjuar ato. /ameble

Windows 10, merr më pak hapësirë në kompjuter

Windows 10, merr më pak hapësirë në kompjuter

Windows 10Nuk është diçka e pazakontë nëse sistemi operativ e merr një hapësirë të madhe të diskut në kompjuter, duke e ditë se sistemi operativ konsiderohet si pjesë kryesore e softuerit. Megjithatë lajm i mirë është se, nëse dëshironi të keni sistemin e ri operativ Windows 10 të instaluar në kompjuterin tuaj, atëherë është vërejtur se ky sistem operativ nuk merr hapësirë të madhe.

Në një blog të Windows-it, Microsoft ka deklaruar se në sajë të një algoritmi të ri të kompresimit Windows 10 është në gjendje të ruaj 1.5GB hapësirë në disk për kompjuterët me 32-bit dhe 2.6GB për kompjuterët me 64-bit, që do të thotë se nëse planifikoni të përdorni një disk më të vogël SSD vetëm për të boot up të Windows-it, i bie që kjo hapësirë është nuk është pak.

Algoritmi i ri i kompresimit do të përdoret gjithashtu edhe në smartphone të Microsoft-it, dhe më siguri se edhe aty do të lirohet një pjesë e hapësirës.

Microsoft ka thënë gjithashtu se ka përmirësuar edhe funksionin Windows Recovery Tool, ku do të jetë në gjendje të ruaj së paku 12GB hapësirë, varësisht nga prodhuesi. /ameble

Microsoft njofton për lansimin e paketës Office 2016 developer preview

Microsoft njofton për lansimin e paketës Office 2016 developer preview

Microsoft ka njoftuar për lansimin e paketës Microsoft Office 2016 developer preview (një para-pamje për zhvillues), softuer ky i cili ka qenë në dispozicion që një kohë por vetëm privat.

Microsoft-Office-2016

Microsoft ketë paketë për zhvilluesit e tyre do ta nxjerr në dispozicion në Office 365, dhe detajet mund t’i gjeni më poshtë.

I’m pleased to announce the IT Pro and Developer Preview of Office 2016 for the Windows desktop. We’ve been in private preview with Office 2016 for several months. Now we’re ready to expand the program to our commercial Office 365 customers, an important milestone that gives IT pros and developers an opportunity to start testing the upcoming release. To be clear, this early build doesn’t yet contain all the features we’re planning to ship in the final product. However, through the course of the preview, customers should expect to see new features delivered through monthly updates.

Kurse detajet e plota janë të paraqitura në uebfaqen e Microsoft-it këtu. /ameble

Apple lanson përditësimin iOS 8.2 – mund ta shkarkoni!

Apple lanson përditësimin iOS 8.2 – mund ta shkarkoni!

Apple iOS 8.2Pas shumë pritjeve për lansimin e një përditësimi të ri të iOS-it, Apple tani ka nxjerrë për shkarkim version e ri iOS 8.2. Siç është theksuar edhe në raporte të më hershme iOS 8.2 sjell shumë përmirësime, përmirësime në stabilitetit, rregullon gabime, përmirëson aplikacionin për shëndet, përshtatet me Apple Watch etj.

Versioni iOS 8.2 tani është në dispozicion për të gjithë, dhe të gjithë mund ta shkarkojnë atë nëpërmes over the air (OTA) që mund të bëhet duke shkuar tek pajisja në General > Software Update. Nëse dëshironi ta bëni atë nëpërmes kompjuterit atëherë mund ta shkarkoni nëpërmjet iTunes.

Ky version është i përshtatshëm për iPhone 6, iPhone 6 Plus, iPhone 5S, iPhone 5C, iPhone 5, iPhone 4S, gjenerata e pestë e iPod touch, iPad Air 2, iPad mini 3, iPad Air, iPad mini 2, gjenerata e katërt iPad, iPad mini, gjenerata e tretë iPad, dhe iPad 2./ameble