Tag Archives

2 Articles
Sony njofton për modelin Xperia Z Ultra (versioni WiFi)

Sony njofton për modelin Xperia Z Ultra (versioni WiFi)

XPeria Z Ultra 1Xperia Z Ultra ishte lansuar vitin e kaluar si një phablet 6.4 inç, por këtij super smartphone-i të madh tani i bashkangjitet një model shumë i ngjashëm mirëpo në formën e tabletit, që i bie së është vetëm me Wi-Fi. Sony ka konfirmuar lajmin këtë mëngjes dhe ka thënë se ky model lansohet ketë të Premte vetëm për Japoni dhe çmimi i tij është rreth 499 $.

Ky model nuk posedon mundësinë e lidhjes me operator d.m.th nuk ka opsion për SIM, tableti i ri është i njëjtë brenda dhe jashtë me Xperia Z Ultra origjinal. Vjen i pajisur me ekran LCD 6.4-inç 1080p, procesorin 4-bërthamor 2.2Ghz Snapdragon 800, kamerën 8 megapikselë, 16GB memorie e brendshme, 2GB RAM dhe posedon versionin Android 4.2 Jelly Bean.

Sony thotë se nuk ka plane në të ardhmen që të sjellë këtë pajisje në vendet tjera jashtë Japonisë. /ameble

Prezantohet Sony Xperia Z Ultra

Prezantohet Sony Xperia Z Ultra

Sony Xperia Z Ultra ka qenë temë e thashethemeve gjatë javëve të fundit, janë shfaqur foto dhe dëgjuar disa specifika për smartphone-in. Kompania Sony tani ka zyrtarizuar pajisjen dhe kemi të gjitha detajet për Sony Xperia Z Ultra.

Sony Xperia Z Ultra

Ky model përmban ekran 6.4 inç të plotë HD Triluminos me rezolucion 1920 X 1080 pikselë, është i fuqizuar me procesorë 4-bërthamor Qualcomm Snapdragon 800 me shpejtësi 2.2Ghz dhe vjen me platformën Android 4.2 Jelly Bean.

Karakteristikat e tjera të tij përfshijnë 2GB RAM dhe 16GB hapësirë e brendshme për ruajtje, ekziston edhe një slot microSD për kartelë shtesë, plus baterinë 3000 mAh. Smartphone-i është projektuar të jetë ultra i hollë dhe i lehtë, trashësia e tij është vetëm 6.5mm dhe peshon vetëm 212 gram. Në anën e pasme të Ultra Z është kamera Sony Exmor RS 8 megapikselë me HDR, gjithashtu përmban lidhjet NFC, WiFi dhe Bluetooth, dhe pajisja është projektuar të jetë rezistente ndaj pluhurit dhe ujit si tek modeli Xperia Z.

Kompania ka thënë se Sony Xperia Z Ultra do të shfaqet në treg në gjithë botën nga mesi i verës mirëpo ende nuk ka detaje për çmimin. |ameble|

[youtube id=”h45uTBGftkQ” width=”600″ height=”350″]

[youtube id=”mXoHCIyg1Ik” width=”600″ height=”350″]