Tag Archives

4 Articles
Vlerësim: Sony Xperia Z

Vlerësim: Sony Xperia Z

Sony Xperia Z ballina

Që kur është folur së pari për Xperia Z dhe për ekranin e vetë 5 inç, shumë njerëz kanë shprehur brengat e tyre se do të jetë shumë e vështirë të punohet me këtë smartphone, këtë madje ende pa e parë atë. Megjithatë, që kur kanë dal edhe detaje tjera rreth kësaj pajisje, është bërë e qartë se kompania Sony ka bërë një punë të mrekullueshme në minimizimin e kornizës së ekranit dhe se kësaj radhe Xperia Z është thuajse një milimetër më e gjerë se sa ata më të mirët e prodhuar në vitin 2012. Po ashtu kur bie fjala për peshën e pajisjes, ata kanë arritur ta mbajnë nën kontroll dhe kështu Xperia Z ka një peshë të arsyeshme, prej 146g.

Natyrisht se Xperia Z është pak më i gjatë se sa Galaxy S III apo One X, por është lehtë të punohet me të. Prandaj, nëse 50 milion njerëz nuk kanë pasur ankesa lidhur me ata më të mirët nga viti 2012 atëherë Sony Xperia Z nuk ka ndonjë brengë, posaçërisht kur e kemi parasysh se blerësi do të merr një ekran me rezolucion te plotë HD.

Përparësitë:

  • Procesori  4-bërthamor 1.5 GHz
  • Rezistent ndaj ujit dhe pluhurit
  • Kamera 13 Megapikselë
  • Tërë pajisja e mbuluar nga qelqi dhe e mbrojtur nga gërvishtjet

Mangësitë:

  • Kontrasti i ulët i ekranit kur shikohet nga këndet
  • Bateria e integruar

Hardueri dhe Dizajni

Xperia Z menjëherë mund të njihet se është një pajisje nga kompania Sony përmes dizajnit të vetë me kënde të theksuara, por dallon nga prodhimet e para të cilët janë dalluar përmes pjesës së pasme harkore, mirëpo ky ka një pamje më moderne me një pjesë të pasme të rrafshët. Nuk mund të mohohet se Smartphone-i është i pashëm, me pjesën e parmë të mbuluar me qelq dhe se pjesa e pasme përshtatet mirë me skajet e mbështjella me gomë dhe pjesëzat e vogla shkëlqyese nga plastika të vëra në skaje. Në fund mund të thuhet se kjo është një pajisje me të cilën ju do të kishit dëshirë që njerëz tjerë të ju kenë zili.

Cilësia e ndërtimit për brenda duket të jetë e punuar në mënyrë të shkëlqyer – dhe mund të themi se gjatë punës me të, nuk mund të dëgjohet asnjë kërcitje, gërvimë apo tinguj tjerë të mërzitshëm dhe se në përgjithësi ndihet të jetë i qëndrueshëm.

Pjesa e përparme e smartphone-it Sony Xpreia Z ka ekranin e madhësisë 5.0 inç TFT me rezolucion 1920×1080 pikselë i mbrojtur me Corning Gorilla Glass 2 dhe nuk ka të integruar butona fizik. Butonat kapacitiv, back, home dhe të fundit, janë të integruara në ekranin e pajisjes. Në pjesën e sipërme është vendosur kamera frontale si dhe sensoret e lajmërimeve.

Për dallim nga smartphone-t e zakonshëm, dizajni i kësaj pajisje dallon shumë. Në pjesën e sipërme gjendet vetëm vrima apo jack-u 3.5 mm për kufje/dëgjueset, ndërsa në pjesën e poshtme është integruar vetëm mikrofoni.

Në pjesën e djathtë gjendet butoni fizik për ndezjen dhe fikjen e smartphone-it e dizajnuar në formën e rrumbullakët që i jep një shkëlqim dizajnit të pajisjes. Përveç këtij butoni, është integruar po ashtu edhe butoni për rritje/ulje të zërit si dhe në këtë pjesë bëhet vendosja e kartelës SIM.

Në anën e majtë të pajisjes bëhet vendosja e kartelës micro SD si dhe bëhet mbushja e baterisë së smartphone-it.  Në këtë pjesë po ashtu janë të integruar edhe portat që mundësojnë lidhjen e pajisjes me docking station.

Në pjesën e pasme gjendet kamera kryesore 13 Megapikselë me flash LED i cili është vendosur nën kamerë.

Ekrani dhe Zëri

Ekrani 5 inç Full HD me rezolucion 441 PPI, padyshim është një prej tipareve kryesorë  të këtij smartphone-i si dhe njëkohësisht është ekrani më i mirë i prodhuar japonez deri më tani.  Megjithatë, ekrani nuk është edhe aq shumë i përsosur. Kjo e dëshmon kontrasti tepër i dobët në raste të shfaqjes së smarthpone-it në diell.

Sikurse edhe tek shumica e smartphone-ve edhe tek Sony Xperia Z, prodhimi i zërit është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe po ashtu ka opsionin ekstra Volume që e rrit dëgjueshmërinë e mikrofonit.

Kamera

Xperia Z sikurse edhe një pjesë e madhe të smartphone-ve, poashtu posedon dy kamera, atë frontale e cila është 2.2 Megapikselë që mund të përdoret për video thirrje me Skype apo diç tjetër, si dhe atë të pasmen, kryesoren e cila është 13.1 Megapikselë.

Softueri

Sony Xperia Z fillimisht është lansuar me sistemin operativ Android me version 4.1.2  Jelly Bean, ndërsa më vonë ishte përditësuar në versionin 4.2.2. Xperia Z tanimë është përditësuar në versionin Android 4.3. A do të bëhet përditësimi në versionin e fundit Android Kitkat, do të kuptojmë në të ardhmen e afërt.

Përformanca dhe Bateria

Duke iu falënderuar harduerit të integruar, Sony Xperia Z e ka një performancë jashtëzakonisht të mirë dhe gjatë testimit me të nuk është vërejtur ndonjë bllokim në softuer si dhe ndonjë nxehje të vet telefonit. Edhe për ketë pajisje ngjashëm si pajisjet tjera, kemi bërë videon praktike të tij ku shpjegojmë shkurtimisht për pamjen, karakteristikat dhe softuerin e tij.

Sa i përket baterisë duhet të cekim se ajo është e fuqisë 2330 mAh dhe nuk mund të ndërrohet nga përdoruesi, që i bie se është hermetikisht e mbyllur dhe është e vendosur brenda pajisjes. Pra, duhet të keni parasysh, nëse keni ndonjë problem me baterinë, pajisjen duhet të dërgoni në dyqanin i cili merret me riparimin e telefonave apo nëse është ndër garancion të kthehet.

Bateria e Sony Xperia Z mund të rezistoj/qëndroj deri në 16 orë bisedë, 6 orë gjysmë në shfletimin e internetit ose 5 orë e gjysmë në shikimin e videove.

Përfundimi

Shtrohet pyetja: A me ble Sony Xperia Z?

Përgjigja e thjesht është PO. Pra, nëse keni një shumë të parave të dedikuara për një smartphone të klasës së lartë dhe njëkohësisht jeni edhe fans i brendit Sony, atëherë ne ua rekomandojmë Sony Xperia Z. /ameble

Video praktike: Sony Xperia Z

Video praktike: Sony Xperia Z

Ishte ngjarja CES 2013 kur kompania Sony kishte prezantuar modelin e ri të serisë së tyre Xperia Z. Smartphone-i Sony Xperia Z me specifika harduerike të larta, me një dizajn të thjeshtë dhe elegant ka arritur që të hyj në rangun pothuajse të  njëjtë me top smartphone-t e kompanive të tjera, si Samsung, Apple, HTC, etj. të cilat pretendojnë së janë pa-konkurrent në treg.

Për modelin Xperia Z, kemi bërë një videon praktike si dhe në modulin krahasime kemi paraqitur të gjitha karakteristikat harduerike dhe softuerike të tij. Ky smartphone përveç specifikave të larta është edhe rezistent ndaj ujit.

Pas këtij modeli, Sony ka lansuar edhe dy modele tjera si Sony Xperia Z Ultra dhe ai i fundit Sony Xperia Z1.

[youtube id=”k9AoP3Jtf9Q” width=”600″ height=”350″]

Data e prezantimit Janar 2013
DIZAJNI
Sistemi Operativ Android (4.2.2) Jelly Bean
Dimensionet 139 x 71 x 7.9 mm
Pesha 146 g
Ngjyra Bardhë, zezë, vjollce
EKRANI
Madhësia (inç) 5.0
Rezolucioni (pikselë) 1080 x 1920
Densiteti (ppi) 443
Teknologjia TFT
Touchscreen (me prekje) Po, kapacitiv, multi-touch
HARDUER
Lloji i procesorit Qualcomm Snapdragon S4 Pro APQ8064
Procesori 4-bërthamor 1.5 GHz Krait 300
RAM (GB) 2 GB
Hapësira e brendshme 16 GB
Mundësia për SD-kartë Po (deri 64 GB)
KAMERA
Kamera frontale 2.2 megapikëselë
Kamera e pasme 13.1 megapikëselë
Flash LED
Video incizimi 1920×1080 (1080p HD)
LIDHJET
SIM Micro-SIM
Teknologjia e komunikimit LTE Cat3 Downlink 100 Mbit/s, LTE Cat3/4 Uplink 50 Mbit/s, HSDPA+ (4G) 42.2 Mbit/s, HSUPA 5.76 Mbit/s, UMTS, EDGE, GPRS
Bluetooth 4.0
Wi-Fi 802.11 a, b, g, n, n 5GHz
USB USB 2.0
HDMI Po, nëpërmes microUSB
Radio Po
Konektori i kufjeve 3.5mm
Konektori i mbushësit microUSB
Pozicionimi/Navigacion GPS, A-GPS, Glonass / Po
BATERIA
Kapaciteti 2330 mAh
Lloji i baterisë Li-Ion
Çmontuese Jo

Sony Xperia Z lansohet në tregjet Evropiane më 21 Shkurt

Sony Xperia Z lansohet në tregjet Evropiane më 21 Shkurt

Lansimi i Sony Xperia Z në tregjet evropiane do të bëhet më 21 shkurt, thuhet në faqen zyrtare në Facebook nga Sony.

Lansimi i smarthone-it të ri nga Sony, së pari do të filloj në Store Sony në Berlin të Gjermanisë.

Xperia Sony Z pritet të shfaqet me ekran 5 inç të plotë HD dhe rezolutë 1920×1080 pixel, procesorin Krait quad core, 2GB RAM, dhe hapësirë të brendshme 16 GB.

Specifikat tjera përfshijnë grafikën Adreno 320, kamerë të dyfishtë, 13 megapixel në anën e pasme për foto dhe video dhe tjetra frontale për video chat. |ameble| [divider top=”0″]

Smartphone-i Sony Xperia Z paraqitet në CES 2013

Smartphone-i Sony Xperia Z paraqitet në CES 2013

Sony gjatë kësaj jave është pritur të njoftojë zyrtarisht për dy pajisje të reja në CES, Xperia Sony Xperia Z dhe ZL, dhe tani për tani Xperia Sony Z është shfaqur në CES.

Disa foto të bëra nga Engadget janë shfaqur për Xperia Sony Z të cilat mund ti shihni në fotot e me poshtme, për më shumë detaje ju njoftojmë më vonë.

Xperia Sony Z dhe ZL pritet të shfaqen me ekran 5 inç të plotë HD dhe rezolutë 1920×1080 pixel, plus procesorin quad core Qualcomm Snapdragon S4 Pro me 2GB RAM.

Specifikat tjera të Z dhe ZL përfshijnë grafikë Adreno 320, plus kamerë të dyfishtë, 13 megapixel në anën e pasme për foto dhe video dhe tjetra frontale për video chat. |ameble| [divider top=”0″]