Tag Archives

8 Articles
KosICT vjen për herë të tretë me moton “Ne nuk përcaktojmë kufij! Po ju?”

KosICT vjen për herë të tretë me moton “Ne nuk përcaktojmë kufij! Po ju?”

Konferenca më e madhe rajonale e Teknologjisë së Informacionit dhe të Komunikimit, nën organizimin e STIKK dhe ICK, sjell sërish risi me trendët më të reja në “Digital Transformation, Future of Nearshoring, Enterpreneurship & Open Innovation, Crowdsourcing & Crowdfunding”, ku folës të ndryshëm me ekspertizë globale do të ndajnë përvojat dhe njohuritë e tyre me pjesëmarrësit, prej 30 Tetor deri më 1 Nëntor, në Prishtinë.

kosict2014

Përgjatë tri ditëve, pjesëmarrësit do të kenë mundësi te zhvillojnë edhe takime biznesore (B2B) me 11 kompani nga Gjermania, Norvegjia dhe Finlanda si dhe mundësi prezantimi para investitorëve të jashtëm ne kuadër të programit #PrishtinaFTW (For the Win).

Poashtu, për zhvilluesit softuerik do të organizohen sesione paralele për të prezantuar metodat më të reja të programimit. Për më tepër informata vizitoni: www.kosict.com

Ameble si pjesë e STIKK-ut do të jetë pjesëmarrëse në ketë ngjarje. /ameble

Programerët e Rinj nga Kosova garojnë në “Festival of Code”

Programerët e Rinj nga Kosova garojnë në “Festival of Code”

“Çdokush mund të programojë, duhet vetëm punë dhe përkushtim” deklaroi 10 vjeçari Lum Axhemi, i cili bashkë me nëntë moshatarë të tjerë do ta përfaqësojnë Kosovën për herë të parë në garën ndërkombëtare të kodimit dhe programimit “Festival of Code 2014”, që këtë vit mbahet në Mbretërinë e Bashkuar.

Prishtinë, 29 Korrik — Dhjetë fëmijë të moshës 9-15 vjeç nga Kosova, pjesë e grupit “Programerët e Rinj” do të marrin pjesë në garën ndërkombëtare “Festival of Code 2014” (Festivali i Kodit) që organizohet prej 29 Korrik – 3 Gusht në Mbretërinë e Bashkuar. “Festival of Code” është pjesë e nismës globale “Young Rewired State” – rrjet i fëmijëve nën 18 vjeç, të cilët kanë aftësi programuese.

Gjatë gjithë javës sa zgjatë kjo garë, fëmijët do të kenë mundësi të kodojnë dhe programojnë lojëra, aplikacione mobile, webfaqe, apo produkte tjera hardverike sipas imagjinatës së tyre.

Projekti “Programerët e Rinj” është nismë e Shoqatës për Teknologji të Informimit dhe të Komunikimit të Kosovës (STIKK), implementohet në bashkëpunim me Innovation Centre Kosovo (ICK) me sponsor ’Enhancing Youth Employment EYE’ , I financuar nga Zyra Zvicrane per Zhvillim dhe Bashkepunim SDC dhe implementuar nga Helvetas Swiss Intercooperation HSI dhe Management Development Associates MDA dhe ipkofoundation, si dhe me përkrahjen e “Frutomania”, “Proper Pizza” dhe “City Bakery”.

Young Coders Kosovo 1

Ceremonia zyrtare e hyrjes në garë të ekipit nga Kosova, u organizua në ambientet e Innovation Centre Kosovo (ICK). Mjellma Hapçiu – Alijaj, nikoqire e ngjarjes, theksoi se në këtë ditë u përmbyll një rrugëtim i punës 4 mujore pregatitore me fëmijët dhe filloi rrugëtimi i ri për të rinjtë e Kosovës të cilët janë të gatshëm të zgjerojnë njohuritë e tyre programuese. “Jemi shumë të lumtur që të gjithë fëmijët të cilët kanë qenë pjesë e fazës pregatitore, nuk janë dorëzuar, dhe sot hyjnë në këtë garë bashkë me moshatarët e tyre nga Europa dhe Shtetet e Bashkuara të Amerikës” theksoi znj. Hapçiu – Alijaj.

Vjollca Çavolli, drejtoreshë ekzekutive e Shoqatës për Teknologji të Informimit dhe të Komunikimit të Kosovës (STIKK), deklaroi që ndjehet shumë krenare me grupin e fëmijëve. “Në të njejtën kohë, këta fëmijë n’a japin shpresë dhe optimizëm për të ardhmen e vendit tonë” tha znj. Çavolli, duke shtuar se fëmjët nuk duhet ta konsiderojnë shumë të rëndë këtë sfidë, por thjeshtë ta konsiderojnë një lojë. “Këtë javë ju do të luani, do të argëtoheni dhe do t’i tregoni botës se edhe në Kosovë ka talentë të kësaj fushe” përfundoi znj. Çavolli.

Drejtori i Innovation Centre Kosovo, z. Uranik Begu u shpreh shumë i kënaqur me punën e grupit të fëmijëve dhe bashkëpunimin me STIKK në realizimin e këtij projekti. “Me shumë kënaqësi e kemi pritur këtë bashkëpunim, duke e ditur se kjo është gjenerata e parë e koderëve të rinj, dhe se profesionistët nga fusha e TIK, duhet të fillojnë me kodim qysh në moshë të re” deklaroi z. Begu. “Ky është një fillim i bashkëpunimit më afatgjatë që do të prodhojë gjenerata e gjenerata të koderëve të rinjë, e pse jo edhe të lobojmë që kodimi të futet si lëndë në shkollat fillore, ngjashëm si në shumë shtete të zhvilluara” përfundoi ai.

Grupi i fëmijëve, njejtë sikur edhe në fazën pregaditore, gjatë kësaj gare do të udhëhiqet nga z. Driton Haxhiu (Ekspert i Programimit), i cili do të ketë edhe përkrahjen e mentorëve/studentëve: Doruntina Sadiku, Enkela Osmani dhe Fitore Salihu. z. Haxhiu deklaroi se fëmijët kanë qenë shumë të durueshëm dhe aktiv gjatë gjithë periudhës 4 mujore. “Do të jetë një javë shumë e ngjeshur, prandaj unë po besoj që fëmijët do ta kenë të njejtin përkushtim, në mënyrë që rezultatet e garës të jenë sa më të mira”, theksoi z. Haxhiu.

Koderët e rinj, të cilët do ta përfaqësojnë Kosovën në këtë garë janë: Doruntina Hoti (12), Enkelena Haxhiu (15), Jozef Komani (14), Erina Gashi (12), Lekë Hapçiu (14), Gentiana Hajdari (12), Leonard Ibrahimi (12), Gresa Isufi (14), Lorenc Ramadani (15) dhe Lum Axhemi (12).

Të gjitha shtetet pjesëmarrëse në garën “Festival of Code” do të prezantojnë projektet e tyre finale të dielën më 3 gusht 2014, kur edhe do të shpallen fituesit. /STIKK 

ameble, anëtar më i ri i STIKK-ut

ameble, anëtar më i ri i STIKK-ut

STIKKNe me kënaqësi ju informojmë se “ameble” tani më është bërë anëtar më i ri i STIKK-ut (Shoqata e Teknologjisë së Informacionit dhe të Komunikimit të Kosovës).

STIKK – Shoqata e TIK të Kosovës është themeluar në vitin 2008 nga gjashtë kompani anëtare themeluese dhe është mbështetur nga Ministria e Punëve te Jashtme të Norvegjisë, Crimson Capital dhe IKT Norge, me qëllim të vepruarit si një zë kolektiv në sektorin e TIK. Gjatë 5 viteve të veprimtarisë se saj, STIKK arriti suksese të shumta dhe u bë një nga shtytësit kryesorë të industrisë së TIK-ut dhe komunitetit të TIK-ut në Kosovë. Gjatë përpjekjeve drejt zhvillimit të vazhdueshëm të industrisë së TIK, STIKK ka realizuar projekte të shumta që kanë për qëllim promovimin e sektorit të TIK të Kosovës, përmirësimin e kornizës ligjore, implementimin e hulumtimeve dhe analizave specifike të industrisë si dhe të ndihmojë në zhvillimin e profesional të aktorëve të sektorit. STIKK aktualisht ka mbi 125 anëtarë të cilët përfaqësojnë 90% të gjithë tregut të TIK në Kosovë.

ameble si anëtar më i ri i kësaj shoqate, me plot përkushtim do të ndihmoj dhe kontribuoj për realizmin të misionit dhe vizionit të shoqatës që ka një rol qendror në stimulimin e rritjes dinamike të sektorit të TIK në Kosovë, duke hapur mundësi të reja dhe duke rritur aftësinë konkurruese të sektorit në vend dhe jashtë tij.

Për më shumë rreth profilit në STIKK, klikoni mbi ameble në STIKK. /ameble

STIKK-Panairi i punës 2014, “Karriera juaj në Binarë”

STIKK-Panairi i punës 2014, “Karriera juaj në Binarë”

STIKK së bashku me kompanitë anëtare organizojnë panairin e punës për studentët/profesionistët dhe kompanitë e profilit të Teknologjisë së Informacionit dhe Komunikimit (TIK).

STIKK ka vendosur të organizojë këtë panair për sektorin e TIK në mënyrë qe t’ju ofrojë mundësi te reja rreth 50 anëtarëve individual ne databazën tone e po ashtu edhe 6 universiteteve anëtare (FIEK. FSHMN, UBT, AUK, UNIVERSUM, ILIRIA dhe RIINVEST) të cilat kanë një numër të madh të studentëve të fushave te ndryshme të interesuar për punësim ne sektorin e TIK.

Panairi planifikohet të mbahet në javën e fundit të Majit, gjegjësisht me 27 Maj 2014, ndërsa me 28 maj do te mbahet tryeza e rrumbullaket ku përfaqësuesit e sektorit privat dhe universiteteve do te diskutojnë rreth mangësisë se shkathtësive dhe mënyrave te tejkalimit te këtij problemi.

Aftësite e kërkuara: Zhvillues i Software, Zhvillues i Databazave, Zhvillues i Uebsajteve, Zhvillues i Front-End, Dizajner Grafik, Teknik i Hardware, Marketing dhe Shitje, Financa, Burime Njerëzore, Zhvillues i Aplikacioneve Mobile (iOS dhe Android), Help Desk.

Data: 27.05.2014

Lokacioni: Innovation Centre Kosovo (ICK). Rr, Rexhep Mala 28A, Prishtinë, 10000 (Përballë menzës së studenteve). /STIKK /ameble

STIKK Panairi i punes 2014 (1)

STIKK mbledh kompanitë e sektorit të TIK në kuvendin e saj të gjashtë

STIKK mbledh kompanitë e sektorit të TIK në kuvendin e saj të gjashtë

STIKK mbledhja vjetore 1Sot në ambientet e Qendrës Inovative të Kosovës, u hap Kuvendi i gjashtë me radhë i Shoqatës për Teknologji të Informacionit dhe të Komunikimit të Kosovës-STIKK.
Anëtarëve të STIKK iu drejtua Ministri i Tregtisë dhe Industrisë, z. Bernard Nikaj, i cili e përgëzoi Shoqatën për punën e bërë gjatë këtyre gjashtë viteve dhe e cilësoi STIKK-un si ”Shoqata më llogaridhënëse sa i përket qeverisjes së mirë ne krahasim me shoqatat tjera”. Ai cilësoi se ky sektor është përcaktuar si sektor prioritar i qeverisë dhe theksoi se: “edhe pse janë bërë disa lehtësime për sektorin në veçanti në politika fiskale, përpjekjet e Ministrisë do të  vazhdojnë në krijimin e ambientit më të favorshëm duke thënë se ai personalisht do të jetë avokat i këtyre lehtësimeve.

Audiencës iu drejtua edhe përkrahësi i devotshëm i sektorit të TIK në Kosovë ambasadori Norvegjez z. Jan Braathu. “Industria e TIK të Kosovës ka arritur një zhvillim dhe rritje të mahnitshme brenda gjashtë viteve të fundit. Që nga  fillimi i vitit 2008, Shoqata ka qenë pjesë integrale e këtij zhvillimi. Kam guximin të them se sektori i TIK të Kosovës është një ndër sektorët më të organizuar në Kosovë, madje edhe ne rajon- duke iu falënderuar STIKK”  theksoi ambasadori që në fillim të fjalimit të tij. Ambasadori gjithashtu theksoi  vështirësitë me të cilat sektori po ballafaqohet duke vënë theksin në dy më të rëndësishmet : edukimin dhe politikat qeveritare për ambientin e përgjithshëm biznesor.  Ai gjithashtu  tha se Qeveria Norvegjeze ka qenë përkrahëse e sektorit të TIK në Kosovë vite me radhë dhe se do të vazhdojë në këtë drejtim, megjithatë krahas kësaj duhet të kuptohet se suksesi përfundimtar do të varet nga vetë palët e interesit në Kosovë.

Z. Ilir Rexha
 nga GIZ gjithashtu e përgëzoi Shoqatën për punën e saj të deritanishme dhe theksoi se tashmë është themeluar një bashkëpunim i mirëfilltë Gjermano- Kosovar në këtë sektor, dhe se GIZ do të vazhdojë përkrahjen për STIKK dhe promovimin e sektorit në tregjet e jashtme.

Më pas z. Dardan Vokshi, Nën- Kryetar i Bordit të STIKK prezantoi punën e Bordit dhe aktivitetet ndërkombëtare të shoqatës. Ndërsa, Drejtoresha Ekzekutive e STIKK znj.Vjollca Çavolli prezantoi punën një vjeçare të Shoqatës.

Kuvendi vazhdon punimet e saj edhe sot pasdite. /STIKK /ameble

Prezantimi i delegacionit të ICK-së nga Kosovo në panairin CeBIT

Prezantimi i delegacionit të ICK-së nga Kosovo në panairin CeBIT

Mbështetja e bizneseve të reja të bazuara në teknologji dhe inovacion përmes këshillëdhënies së ofruar nga inkubatori i Innovation Centre Kosovo, grantet e dhëna në bashkëpunim me partnerë janë disa nga informatat e prezantuara nga delegacioni i ICK-së që po qendron në CeBIT – panairin më të madh botëror të teknologjisë që mbahet në Hanover të Gjermanisë.

Innovation Centre Kosovo në CeBIT përfaqësohet nga Safet Rama menaxher i inkubatorit të qendrës i cili shoqërohet nga Ermal Sadiku nga Zag Apps dhe Mërgim Cahani i iziSurvey, të dy këto ekipe janë pjesë e inkubatorit të Innovation Centre Kosovo (ICK).

“Këtu në shtandin e ICK-së kemi mjaft materiale promovuese për punë që ne bëjmë si qendër e inovacionit, për shërbime që iu ofrojmë ekipeve dhe normalisht kemi edhe informata mbi atë se për çka janë të specializuara ekipet e inkubatorit”, tha Rama duke falenderuar Shoqatën për Teknologji të Informacionit dhe të Komunikimit të Kosovës (STIKK) që e ka mundësuar qëndrimin e delegacionit të ICK-së në CeBIT 2014. /ICK /ameble

CeBIT 2014, perspektiva të reja për bizneset e IT-së

CeBIT 2014, perspektiva të reja për bizneset e IT-së

CEBIT 2014 gatiNgjarja CeBIT paraqet një prezantim të plotë të produkteve të reja rreth Teknologjisë së Informacionit, e cila gjithashtu bashkon kompanitë të mëdha të cilat ketë panair e shohin si një vend të mirë për të publikuar të rejat e tyre. Ky panair masiv më i madhi në Evropë për Teknologji mbahet në Hannover Messe të Gjermanisë nga 10-14 Mars 2014.

Në CeBIT marrin pjesë mbi 4000 ekspozues nga 70 vende të botës, dhe më shumë se 137700 vizitorë nga 120 vende të botës. Qindra kompani të teknologjisë në botë do të shfaqin produktet e tyre të fundit, duke përfshirë IBM, Microsoft, Intel, HP, Toshiba, Samsung si dhe shumë të tjerë.

Edhe kësaj herë, viti i pestë me radhë STIKK (Shoqata për Teknologji të Informacionit dhe të komunikimit të Kosovës) do të marrë pjesë në ketë panair, aty do të jetë me qëllim të promovimit të Kosovës si një destinacion i përshtatshëm për eksport të shërbimeve. STIKK do të jetë së bashku me AdaptivIT, Harrisia, ICK (IziSurvey dhe ZagApps). Gjate këtyre pese ditëve, kompanitë anëtare të STIKK do të kenë mundësi të takohen me partnerë/investitorë potencial, të promovojnë kompanitë si dhe sektorin e TIK të Kosovës si një destinacion potencial për eksportin e shërbimeve.

Pjesëmarrjen e STIKK-ut dhe të kompanive anëtare këtë vit e kanë përkrahur: SPARK-u, GIZ, Ministria e Punëve të Jashtme Norvegjeze si dhe APIK-u (Agjencioni për Promovim të Investimeve në Kosovë). /ameble

Prezantimi i EYE Venture ’14

Prezantimi i EYE Venture ’14

Të martën më 25 shkurt 2014 Innovation Centre Kosovo (ICK) dhe Encouraging Young Entreprenerus (EYE) organizojnë EYE Venture ’14 – Prezantim Informues” mbi atë se çka ofron Encouraging Young Entreprenerus (EYE) ndërmarrësëve të rinj në Kosovë. Prezantimi do të mbahet në ambientet e ICK-së duke filluar nga ora 17:00.

Encouraging Young Entreprenerus (EYE) është iniciativë private dhe vullnetare që ka për qëllim të nxisë dhe mbështesë ndërmarrësit e rinj në Kosovë dhe diasporë për ndërtimin e kompanive të suksesshme.

Me përvojën tonë në menaxhimin e kompanive në rritje dhe burimeve tona financiare, kemi krijuar një mjedis ideal për mbeshtetjen e ndërmarrësve të rinj për të shfrytëzuar mundësitë dhe ndërtuar kompani të reja të suksesshme, me fokus të fuqishëm për përgjegjësi sociale dhe mjedisore.

EYE Venture është një garë e përvitshme biznesi e cila organizohet nga EYE për të rinjtë, studentët dhe ndërmarrësit nga Kosova dhe diaspora me ide inovative dhe të shquara biznesi. Gara ka për qëllim të promovojë kandidatët më të shquar, të investojë në idetë premtuese dhe bindëse të tyre, t’i udhëzojë ata nëpërmjet procesit të planit të biznesit, si dhe t’i ndihmojë ata  të shndërrojnë konceptet e tyre në biznese të suksesshme në rritje, nëpërmjet ekspertizës sonë menaxheriale dhe burimeve financiare. \ICK\Ameble