Tag Archives

4 Articles
Kujdes: Janë publikuar online 5 milionë adresa dhe fjalëkalime të Gmail-it

Kujdes: Janë publikuar online 5 milionë adresa dhe fjalëkalime të Gmail-it

Sulmuesit (hakerët) si duket këtë muaj kanë qenë shumë të zënë. Disa javë pas sulmit të shërbimit iCloud që rezultoi më foto lakuriq të shumë VIP-ve botëror dhe pastaj duke i publikuar ato online, kësaj herë raportohet se deri në pesë milionë adresa të Gmail-it janë goditur.

Sot më herët, nga një sulmues i panjohur në një forum rus “Bitcoin” janë publikuar pesë milionë adresa dhe fjalëkalime të përdoruesve të Gmail-it që i bie rreth 60% në total sa janë aktive. Ende nuk është konstatuar apo gjetur se nga kanë rrjedhur këto adresa.

Gmail passwords

Të paktën një gjë është e qartë se këto adresa nuk kanë dalur nga sistemet e Google-it. Si duket këto adresa mund të kenë dalur nga ndonjë ueb-faqe interneti e palës së tretë ose ndonjë koleksion i ueb-faqeve të tilla ku përdoruesit kanë përdorur fjalëkalimet e tyre nga Google Mail.

Për fat të keq shumë njerëz është dëgjuar se përdorin një fjalëkalim në të gjitha shërbimet online. Tani, sulmi nga një vend mund të rezultojë në gjitha shërbimet e tyre në internet, dhe kjo është arsyeja pse është e domosdoshme të përdoren fjalëkalime të ndryshme sidomos për adresën primare të email-it, për ueb-faqet të ndryshme apo shërbimeve online.

Pas këtij lajmi shumë ueb-faqe të rreme janë shfaqur menjëherë online, të cilat nxisin njerëzit që të shkruajnë emrin e përdoruesit të Gmail-it dhe fjalëkalimin, për të parë nëse adresa e tyre është sulmuar apo është e sigurt (shih foto më poshtë). Kjo është edhe më e rrezikshme, andaj mos provoni diçka të tillë.

email check

Ata që dëshirojnë të jenë të sigurt sa i përket kësaj duhet të ndryshojë fjalëkalimin e tyre në Gmail menjëherë dhe rekomandohet që të aktivizoni faktorin sekondar për siguri më të lartë të adresës tuaj. /ameble

A është thyer Apple iCloud nga hakerët holandez?

A është thyer Apple iCloud nga hakerët holandez?

Një ekip holandez i hakerëve që e quajnë veten “Doulci” pretendojnë të jenë grupi i parë ndonjëherë që thyejnë sistemin Apple iCloud. Sipas një raporti nga organizata holandeze De Telegraaf, hakerët kanë blerë telefona të vjedhur për 50 deri 150$ që kanë që kanë qenë të bllokuar dhe pastaj kanë përdorur një mangësi (bug) të sigurisë në mënyrë që t’i qasen sistemit Apple iCloud dhe zhbllokojnë telefonat e vjedhur, të cilët më pas janë shitur nga një shumë e madhe parash.

Në anën tjetër Portali ValueWalk vë në dukje se ky grup i hakerëve kanë punuar për pesë muaj për të thyer sistemin e Apple iCloud. Kjo ueb-faqe thotë gjithashtu se kanë parë një llogari të Twitter-it e cila mund të jetë e lidhur me grupin Doulci të hakerëve, duke theksuar një cicërimë në të cilën një haker i dyshuar pretendon se ka “përpunuar” më shumë se 5700 pajisje të Apple-it në vetëm pesë minuta duke përdorur ketë qasje (shih më poshtë).

Sipas raportit të De Telegraaf-it, hakerët për herë të parë qasjen në iCloud e kanë arritur në muajin Mars dhe e kanë njoftuar Apple-in të cilët kanë mbetur të heshtur sa i përket kësaj çështje. Hakerët thonë se më në fund ata kishin vendosur t’i drejtoheshin mediave holandeze, sepse Apple nuk po dëshiron ende të pranoj publikisht që sistemi i tyre është sulmuar.

Apple sa i përket kësaj nuk ka dhënë asnjë përgjigje, edhe pse De Telegraaf thotë se kompania Apple është duke punuar rreth kësaj brenda për brenda, për të adresuar çështjen. /ameble

Vodafone Germany sulmohet nga hakerët, 2 milion llogari të prekura

Vodafone Germany sulmohet nga hakerët, 2 milion llogari të prekura

Vodafone LogoKompania e dytë mobile në Gjermani Vodafone Germany, ka lëshuar një deklaratë për media duke konfirmuar për një sulm masiv kibernetik në serverët e tyre që ka prekur së paku 2 milion konsumatorë. Hakerët, të cilët ende janë të panjohur, kanë arritur t’ju qasen emrave, adresave, detajeve të llogarive bankare dhe të dhënave shtesë nga llogaritë e tyre personale. Ai ose ajo nuk ka marrë ndonjë numër telefoni, kredit kartel ose numrat e bankomateve.

Kompania beson se sulmuesi nuk mund të ketë qenë nga jashtë, pa pasur informacione të brendshme vështirë që kish arritur një gjë të tillë. Ata kaë identifikuar një person të dyshuar dhe të mundshëm dhe janë duke punuar me autoritetet gjermane për kapjen e tij apo saj. Kompania ka paralajmëruar konsumatorët e tyre se sulmuesit mund të përdorin të dhënat personale që ata kanë dhënë.

Çështjet e privatësisë janë veçanërisht të ndjeshme në Gjermani, duke e bërë sulmin gjithnjë e më tronditës. “Në një intervistë për Reuters, eksperti i Internet për siguri Mikko Hypponen vuri në dukje se “kjo mund të jetë një nga rastet më të madha të vjedhjeve të dhënave personale për klientët gjermanë deri më tani.”

Është zbuluar një sulm i mundshëm nëpërmes kartelave SIM

Është zbuluar një sulm i mundshëm nëpërmes kartelave SIM

SIM kartelaËshtë zbulur një mënyrë e re e rrezikshme për sulm (hacking) nëpërmes kartelave SIM, potencialisht u mundëson hakerëve që nga largësia të dërgojnë mesazhe SMS ose të incizojnë thirrjet, ka raportuar Forbes.

Gjermani Karsten Nohl (studiues për hulumtime të sigurisë) e ka vërejtur ketë të metë dhe ka qenë duke punuar në ketë çështje për tri vjet. Studimet i ka bërë në 1000 kartela SIM për të parë dhe testuar sulmin mbi to, i cili është i bazuar në një standard të vjetër digjital të enkriptimit DES (Digital Encryption Standard).

Mirëpo, ai ka thënë se jo të gjitha kartelat SIM janë të arritshme, sipas testit të tij vetëm një e katërta e tyre ishin të arritshme për sulm. Nga kjo, miliona pajisje në mbarë botën mund të sulmohen ka thënë ai.

Nohl pasi që është qasur tak ato të arritshmet, ai ka mundur të përdorë telefonin e viktimës për të dërguar mesazhe SMS Premium e cila mund të rris faturën e telefonit, të mbledhë të dhëna për vendndodhjen e viktimës, ti drejtoj thirrjet dika tjetër si dhe ti incizoj ato.

Nohl thotë se për momentin nuk ka gjasa që hakerët të kenë gjetur këtë mënyrë të sulmit dhe mendon se kjo nuk mund të ndodhë edhe në gjashtë muajt e ardhshëm. Ndërkohë dy operator (providers) të mëdhenj tanimë veç janë duke punuar në gjetjen e një mënyre për mbrojtjen nga kjo, të cilat gjithashtu kanë në plan të bashkëpunojnë me operatoret e tjerë.

Nohl do të prezantojë hulumtimin e tij në konferencën e ardhshme të sigurisë Black Hat, që mbahet në Las Vegas më 31 Korrik. |ameble|