Tag Archives

3 Articles
Samsung Galaxy Note Edge del në treg në 17 Nëntor

Samsung Galaxy Note Edge del në treg në 17 Nëntor

Blerësit amerikanë do të “vuajnë” teksa do të shikojnë çmimin e phablet-it Samsung Galaxy Note Edge. Phablet-i doli në treg në Japoni 2 javë më parë dhe në Korenë e Jugut javën e kaluar, kurse do të dalë në tregun amerikan më datë 17 Nëntor në 5 kompanitë kryesore telefonike (Sprint, T-Mobile, AT&T, Verizon dhe U.S. Cellular).

Samsung Galaxy Edge

 

Çmimet e kompanisë AT&T janë bërë të ditura. Galaxy Note Edge do të kushtojë 399.99$ me kontratë 2 vjeçare ose 945.99$ pa kontratë.

Para se të gjykojmë për këtë çmim “absurd”, duhet të kemi parasysh se versioni korean dhe japonez kanë një çmim të përafërt me versionin amerikan. Galaxy Note 4 kushton 850$ pa kontratë dhe Samsung ka vendosur t’i shtojë 100$ çmimit të Note Edge për shkak të risisë me ekranin në Note Edge.

I çuditshëm është fakti sesi kompania Samsung, edhe pse është shprehur se Note Edge është një phablet koncept, ka vendosur ta nxjerrë në një treg të madh siç është tregu amerikan. /ameble

Sony Xperia Z3 vjen me 29 Tetor në T-Mobile

Sony Xperia Z3 vjen me 29 Tetor në T-Mobile

Sony-Xperia-Z3.jpgKompania T-Mobile ka konfirmuar se smartphone i ri Sony Xperia Z3 do të jetë në dispozicion në rrjetin e saj që nga 29 tetori, ndërsa para-porosi për pajisjen do të fillojnë me 15 tetor.

Xperia Z3 përmban një ekran HD të plotë 5.2 inç me rezolucion 1920 x 1080 pikselë i përkrahur nga procesori 4-bërthamor Qualcomm Snapdragon me shpejtësi prej 2.5GHz, 3GB RAM memorie dhe 16GB hapësirë të integruar e cila mund të rritet nëpërmjet microSD kartelës edhe për 128GB.

Përveç tjerash, Xperia Z3 ka të integruar kamerën frontale 2.2 megapikselë, kamerën kryesore 20.7 megapikselë, një bateri të fuqisë 3.100 mAh dhe vjen me versionin Android 4.4 Kitkat.

Me kontratën 24 muaj me T-Mobile, Sony Xperia Z3 do të paguhet nga 26,25$ në muaj, ndërsa pa kontrat Xperia Z3 do ketë çmimin rreth 630$. /ameble

T-Mobile në SHBA ofron telefona falas

T-Mobile në SHBA ofron telefona falas

T-mobile

Edhe kjo ndodh në Amerikë. Gjiganti Amerikan T-Mobile ka njoftuar se do të ofrojë të gjitha pajisjet telefonike duke përfshirë edhe ato të fundit, falas për një periudhë të kufizuar kohore.

“Numri i arsyeve për të mos kaluar në T-Mobile këtë verë është zero”, tha John Legere, presidenti dhe shefi ekzekutiv në T-Mobile SHBA, në një deklaratë të premten “. Kjo është një ofertë fantastike dhe ne jemi duke e bërë atë më të lehtë se kurrë për klientët, për të marrë pajisjet e fundit të mahnitshme.

Nuk ka më mirë se një ofertë zero për pajisjet. Është një zgjedhje e thjeshtë pa asnjë kontratë.

Lista e pajisjeve duke përfshirë edhe çmimet e tyre, për të cilat abonentët në T-mobile kanë paguar për periudhën 24 mujore është si në vijim:

  • Samsung Galaxy S 4 – 25 $
  • Samsung Galaxy Note II – 27 $
  • Samsung Galaxy S III – 22 $
  • Xperia Z from Sony – 25 $
  • iPhone 5 – 27 $
  • Nokia Lumia 925 – 20 $
  • Nokia Lumia 521 – 5 $
  • BlackBerry Q10 – 25 $
  • HTC One – 25 $
  • Samsung Galaxy Tab 2 10.1 – 20 $ |ameble|