Tag Archives

10 Articles
Prezantohet Lenovo Vibe K4 Note

Prezantohet Lenovo Vibe K4 Note

Lenovo Vibe K4 NoteLenovo prezantoi pajisjen e re Vibe K4 Note i dedikuar për tregun indian. Pajisja pritet të ketë çmimin rreth 180$ dhe do të jenë në dispozicion në Amazon përmes një modeli të shitjes të shpjet, duke filluar nga 19 Janari 2016.

Lenovo Vibe K4 Note është një pajisje e rangut të mesëm e cila karakterizohet me ekranin LCD 5.5 inç me një rezolucion prej 1920 x 1080 pikselëve dhe është i mbuluar me Gorilla Glass 3. Karakteristika të tjera të modelit Lenovo Vibe K4 Note janë; procesori 64-bit me 8 bërthama nga Mediatek MT6753, 3GB RAM memorie, 16GB hapësirë të brendshme e cila mund të zgjerohet nëpërmjet microSD kartelës, sistemi operativ Android 5.1, kamera kryesore 13 megapiksel, si dhe kamera frontale 5 megapiksel.
Pajisja po ashtu ofron mbështetje të dy SIM kartelave dhe përkrahë teknologjitë LTE, Wi-Fi 802.11ac, Bluetooth 4.0, dhe A-GPS.

Duhet të cekim se në anën e pasme Lenovo Vibe K4 Note ka të integruar edhe sensorin për gjurmë të gishtërinjve. /ameble.com

Zyrtare: Samsung prezanton modelet Galaxy On5 dhe Galaxy On7 në Kinë

Zyrtare: Samsung prezanton modelet Galaxy On5 dhe Galaxy On7 në Kinë

Samsung Kina njoftoi se dy modelet e reja Galaxy On5 dhe Galaxy On7 nga tani do të janë në dispozicion në tregun e Kinës. Të dy modele të reja i takojnë rangut të mesëm të pajisjeve të karakterizuara me një dizajn atraktiv.

Samsung Galaxy On5 and Samsung Galaxy On7

Sa i përket karakteristikave harduerike, Samsung Galaxy On5 vjen me ekranin TFT 5 inç i cili ofron një rezolucion prej 720 x 1280 pikselëve me densitet prej 288ppi për pikselë. Ka të integruar procesorin Exynos 3475 katër bërthamor Cortex-A7 me shpejtësi prej 1.3GHz, kartelën grafike Mali-T720 GPU, 1.5GB RAM memorie, 8GB hapësirë të brendshme, e cila mund të zgjerohet nëpërmjet microSD kartelës edhe për 128GB të tjera. Samsung Galaxy On5 ka të integruar kamerën kryesore 8 megapikselë dhe atë frontalen 5 megapikselë si dhe vjen me versionin e sistemit Android 5.1 (Lollipop).

Modeli Samsung Galaxy On7 vjen me ekranin më të madh, 5.5 inç i cili ofron një rezolucion prej 720 x 1280 pikselëve me densitet prej 267ppi për pikselë.  Ka të integruar procesorin me katër bërthama Cortex-A53 me shpejtësi 1.2GHz, 1.5GB RAM memorie dhe 8GB hapësirë të brendshme, e cila mund të zgjerohet nëpërmjet microSD kartelës edhe për 128GB të tjera. Samsung Galaxy On7 vjen me kamerën kryesore 13 megapikselë dhe atë frontalen 5 megapikselë.

Të dyja modelet, Samsung Galaxy On5 dhe Samsung Galaxy On7 do të jenë në dispozicion në dy ngjyra, të bardhen dhe atë të zezën me një çmim rreth 150$ për modelin Galaxy On5 dhe rreth 200$ për modelin Galaxy On7. \ameble

Zbulohet imazhi i Samsung Galaxy S4

Zbulohet imazhi i Samsung Galaxy S4

Fotografia që jeni duke e parë besohet të jetë pikërisht e smartphone-it të shumë  pritur Samsung Galaxy S4 (IV). Publikimi i kësaj fotoje ka ndodhur para disa ore nga përsonat brenda kompanisë të cilët deshën të mbesin anonim.

Në shikim të parë vërejmë se Samsung Galaxy S4 duket shumë i ngjashëm me Galaxy S3, por ajo që vërehet si dallim në S4 është pikërisht butoni “home” i cili mungon.

Një gjë tjetër mjaft impresionuese që mund të vërejmë është edhe hollësia e këtij të fundit dhe fakti që është arritur të integrohet një ekran kaq i madh me gjithë harduerin në një pajisje kaq të hollë.

Specifikat e përfolura që pritet të jenë pjesë e Samsung Galaxy S4 përfshijnë ekranin e madhësisë 4.99 inç Super AMOLED Full HD me rezolucion 1080×1920 me densitet të pikselëve 441 ppi.

Procesori i S4 pritet të jetë katër-bërthamorë 2 GHz Exynos 5450 me RAM memorie prej 2 GB. Sa i përket kamerave, ato pritet të jenë 13MP kamera e pasme dhe 2MP kamera e përparme.  Sistemi operativ i Samsung Galaxy S4 përflitet të jetë Android 4.2.1.

Kur shohim dhe lexojmë te gjitha këto të dhëna për Samsung Galaxy S4, lirshëm na bën të mendojmë se gjiganti Samsung pritet të ketë edhe një vit të suksesshëm duke filluar mbarë.

|ameble| [divider top=”0″]

Samsung Galaxy S4 së shpejti në treg

Samsung Galaxy S4 së shpejti në treg

Samsung Galaxy S3 është pa dyshim një pajisje e pa rezistueshme për dëshirën e secilit. S3 jo vetëm që përmban specifikat harduerike të sofistikuara por edhe duket tepër i bukur për ta parë. Duke u bazuar në suksesin e këtij të fundit gjiganti korean Samsung premton se do të vazhdoj me trendin e befasive për të mire, këtë herë duke na prezantuar produktin Samsung Galaxy S4.

Ky smartphone pritet që të publikohet nga fillimi i vitit 2013. Kohëve të fundit përflitet me të madhe rreth Samsung Galaxy S4 dhe përmbajtjes së tij. Nga thashethemet e fundit arrijmë të kuptojmë se ekrani i S4 do të jetë i madhësisë 4.99 inç i llojit Super Amoled me rezolucion HD 1920×1080. Në njërën nga ueb faqet koreane thuhet se Samsung Galaxy S4(IV) zyrtarisht do të publikohet në CES 2013 ( Consumer Electronics Association) që do të mbahet nga 8-11 Janar 2013 në Las Vegas.

Burime të tjera konfirmojnë që S4 do të këtë kamerë të pasme prej 13mega pikselëve, procesor katër-bërthamor prej 2GHz i llojit Exynos 5450 me një GPU 8-shtresore, dhe hapësire të integruar prej 64GB. Nëse këto të dhëna dalin të jenë te vërteta atëherë i bie që shumë shpejt të kemi një vegël të mrekullueshme në duart tona siç është Sasmsung Galaxy S4.

|ameble| [divider top=”0″]

Sharp prezanton smartphone të ri

Sharp prezanton smartphone të ri

Sharp Aquos Phone SH930W është një telefoni për të cilin është pritur shumë. Ky smartphone ka ekran 5 inç me rezolucion 1080p FullHD i teknologjisë IGZO të vet Sharp që mundëson kualitet më të lartë dhe konsum të arsyeshëm të baterisë gjë që e bënë të jetë mjaft premtues.  Smartphone-i i Sharp ka procesor 1.5GHz dy-bërthamorë Snapdragon S4.

Kjo pajisje ka të instaluar sistemin operativ Android 4.1 Jelly Bean dhe ka vend për microSD kartelë. Sharp Aquos Phone SH930W fillimisht do të shitet në Rusi dhe shumë shpejt do të vazhdojë me vende të tjera.  Ajo çfarë shihet si e metë e këtij smartphone-i është grafika Adreno 225 e cila nuk është shumë e përshtatshme të funksionoj në pajisje të tilla për shkak të dobësisë në pikselë. Sipas kalkulimeve që janë bërë kjo grafike nuk mund të procesojë më shumë se 13.6 fps (frame per sekondë).ndërsa ajo çfarë i duhet një loje të thjesht për të funksionuar pa problem është rreth 30 fps.

|ameble| [divider top=”0″]

Zbulohen të dhëna për SmartPhone-in SprintFlash

Zbulohen të dhëna për SmartPhone-in SprintFlash

Prodhuesi Kinez i telefonave ZTE mund të mos jetë shumë i njohur për ju, por kjo kompani gjigante është njëra ndër 5 kompanitë më të mëdha në botë në lëmin e prodhimit të telefonave dhe ofrimin e shërbimeve të telekomunikacionit, e cila shërbimet e saj kryesisht i ka shtrirë në Kinë, Australi, Amerikën Veriore etj.

Së fundmi kjo kompani po përgatitët që të nxjerrë në treg produkte të reja duke hyrë në rrethin e konkurrentëve serioz të prodhuesve prestigjioz siç janë: Apple, Samsung, HTC, etj.

Njeri ndër produktet e ZTE për të cilin janë shpërndarë foto dhe thashetheme është pikërisht smartphone-i SprintFlash për të cilin janë zbuluar disa foto ku qartë shihen specifikat harduerike të këtij të fundit.

Ky smartphone pritet të jetë i madhësisë 4.5 inç , me rezolucion HD, në të janë integruar 2 kamera(e përpararme 1megapiksel dhe kamera e pasme 12 megapiksel), procesori i tij do të jetë 1.5 GHz dy-bërthamor dhe RAM memorie 1 GB, ky smartphone do të ketë hapësirë të memories të integruar prej 8GB dhe sistemin operativ Android 4.0. Ky produkt në Amerikë quhet SprintFlash ndërsa në vendet tjera e hasim me emrin ZTE Flash.

Ky produkt pritet që të dal në shitje nga gjysma e parë e Nëntorit të këtij viti.

|ameble| [divider top=”0″]

Nokia Lumia 510

Nokia Lumia 510

Pak orë më parë  Nokia publikoi produktin e saj më të ri Lumia 510. Ky në fakt konsiderohet të jetë smartphone-i më i përballueshëm për nga ana e çmimit për konsumatorët. Kjo pajisje ka të instaluar sistemin operativ Windows Phone 7.5 dhe është i madhësisë 4 inç, me ekran (rezolucion 800×480 pikselë) TFT capacative touch screen. Ky smartphone mund te behet “upgrade” në Windows Phone 7.8. Ky produkt i Nokia-s fillimisht u publikua në Indi.

Specifikat Harduerike:

  • Procesor:  Qualcom Snapdragon S1 processor clocked at 800 Mhz
  • RAM: 256 RAM
  • Kamerë: 5 Megapikselë,
  • Ekrani: 4 inc, 800×480 pikselë, TFT capacative touch screen.
  • Sistemi Operativ: Windows Phone 7.5
  • Hapësira interne: 4GB

[youtube id=”kblZ998mmkI” width=”600″ height=”350″]

|ameble| [divider top=”0″]

6 miliard abonentë të telefonit celular në botë

6 miliard abonentë të telefonit celular në botë

Sipas statistikave nuk besohet të ketë më shumë se 7 miliardë njerëz në këtë planet, dhe shumica dërrmuese e tyre kanë telefona celularë. Sipas Unionit Ndërkombëtar të Telekomunikacioneve, përafërsisht 86 nga 100 njerëz, të paktën kanë një telefon celular, që arrijnë në rreth 6 miliardë abonime. Vetëm Kina llogaritë për 1 miliard përdorues ndërsa edhe India pritet të arrije të njëjtin numër në muajt e ardhshëm. |ameble| [divider top=”0″]

Skuadra Windows Phone 8

Skuadra Windows Phone 8

Na kanë mbetur edhe një muaj e gjysëm deri në lançimin e Windows 8 dhe pajisjeve të bazuara në të. Është koha që të njohim më mirë lojtarët kyq të kësaj skuadre. Specifikat më poshtë:

HTC 8X Nokia Lumia 920 Samsung ATIV S
Sistemi Operativ Windows Phone 8 Windows Phone 8 Windows Phone 8
Dimenzionet 132.3 x 66.2 x 10.1 mm 130.3 x 70.8 x 10.7 mm 137.2 x 70.5 x 8.7 mm
Pesha 130 g 185 g 135 g
Madhësia e ekranit 4.3” 4.5” 4.8”
Rezolucioni 720 x 1280 pixela 768 x 1280 pixela 720 x 1280 pixela
Teknologjia e ekranit S-LCD 2 IPS LCD Super AMOLED
Madhësia e baterisë 1800 mAh 2000 mAh 2300 mAh
Koha në Stand-by Nuk dihet momentalisht 400 orë Nuk dihet momentalisht
Koha gjatë përdorimit në 3G Nuk dihet momentalisht 10.00 orë Nuk dihet momentalisht
Lloji i Procesorit Qualcomm Snapdragon S4 Plus MSM8960 Qualcomm Snapdragon S4 Plus MSM8960 Qualcomm Snapdragon S4 Plus MSM8960
Specifikat e Procesorit Dual core, 1500 MHz, Krait Dual core, 1500 MHz, Krait Dual core, 1500 MHz, Krait
Kartela Grafike Adreno 225 Adreno 225 Adreno 225
RAM 1024 MB 1024 MB 1024 MB
Memoria interne 16 GB 32 GB 16 GB
Mundësia për SD-Kartë Jo Jo Po – Deri në 32GB SD-Kartë
Kamera e pasme 8 Megapixel 8.7 Megapixel 8 Megapixel
Apertura e kamerës F2.0 F2.0 Nuk dihet
Flash LED Dual LED LED
Video inçizimi Deri në 1080p (30fps) Deri në 1080p (30fps) – Stabilizim optik i imazhit Deri në 1080p (30fps)
Kamera e përparme 2.1 Megapixel 1.3 Megapixel 1.9 Megapixel
Shfletuesi i internetit suporton Internet Explorer 10 – HTML, HTML5 Internet Explorer 10 – HTML, HTML5, XHTML HTML, HTML5
Teknologjia e komunikimit LTE Cat3 Downlink 100 Mbit/s, LTE Cat3/4 Uplink 50 Mbit/s, HSDPA+ (4G) 42.2 Mbit/s, HSUPA 5.76 Mbit/s, UMTS, EDGE, GPRS, EV-DO Rev.A LTE Cat3 Downlink 100 Mbit/s, LTE Cat3/4 Uplink 50 Mbit/s, HSDPA+ (4G) 42.2 Mbit/s, HSUPA 5.76 Mbit/s, UMTS, EDGE, GPRS HSDPA+ (4G) 42.2 Mbit/s, HSUPA 5.76 Mbit/s, UMTS, EDGE, GPRS
Pozicionimi GPS, A-GPS, Glonass GPS, A-GPS, S-GPS, Glonass, Cell ID, Wi-Fi positioning GPS, A-GPS, Glonass
Navigacioni Navigimi Turn-by-Turn Navigimi Turn-by-Turn, Navigimi me zë Navigimi Turn-by-Turn
Bluetooth 2.1, EDR 3.0 3.0
Wi-Fi 802.11 a, b, g, n, n 5GHz 802.11 a, b, g, n, n 5GHz (me mobile Hotspot) 802.11 a, b, g, n
NFC Po Po Po
Çmimi (i përafërt, mund të ndryshojë në kohën e lansimit) 500-550€ 600€ 550€

 

Samsung ATIV S është i ndërtuar nga alumini, ka mundësi për SD-kartë dhe është më i madhi për sa i përket ekranit. Nokia Lumia 920 është një smartphone kompakt me kamerën më të mirë në këtë grup. HTC 8X është me ekranin më të vogël me 4.3” me S-LCD 2. Nëse këto ndryshime nuk janë fundamentale për ju, atëherë, influenca e vetme për të zgjedhur njërin apo tjetrin mund të jetë çmimi apo preferenca juaj për prodhuesin. Fotot më poshtë.

[gallery, exclude=”8902,8904″ link=”file”]

|ameble|[divider top=”0″]

Vlerësim: Samsung Galaxy SII

Vlerësim: Samsung Galaxy SII

Linja Galaxy nga Samsung fillon me Galaxy S, që ka qenë një sukses në të gjitha aspektet. Që kur ka dal në treg, para 2 viteve, Galaxy S ka arritur në 24 milion të shitur. Galaxy SII, smartphone më i mirë i vitit 2011 deri më tani është shitur në 28 milion njësi. Edhe pse në kohën e lansimit, linja Galaxy S nuk është fare e lirë, sot një smartphone Galaxy SII mund të blihet me 350 euro i ri.

Përparësitë

  • Ekran Super AMOLED Plus 4.3” me rezolucion 800×480
  • Ekstra i hollë, 8.49mm
  • Ekstra i lehtë, 116g
  • Procesor dual-core Exynos 1.2GHz
  • 1GB RAM
  • Kamerë 8 Megapixel

Mangësitë

  • Kapaku i pasmë i ndërtuar nga plastika e hollë

Hardueri dhe Dizajni

Samsung ka një recept shumë interesant për smartphone të suksesshëm. Një formë e thjeshtë katërkëndëshi me qoshe në formë rrethore, një procesor revolucionar (për kohën e lansimit) dhe, produkti përfundimtar do të kontribuojë me 28 milion njësi të shitura. Përshtypja jonë e parë ishte, wow, qenka shumë i lehtë. Sa për dizajn, mund të themi se është pak a shumë bazik mirëpo impresionues. Pjesa e përparme ka ekranin Super Amoled Plus të mbrojtur me Corning Gorilla Glass (shumë rezistent ndaj gërvishtjeve), një buton me presion (Home), 2 butona kapacitiv (Menu dhe Back) dhe kamerën e përparme 2 megapixel së bashku me senzorët e tjerë.

Pjesa e prapme përmban kamerën kryesore 8 megapixel së bashku me flash, kapakun e baterisë që është i teksturuar (për të rritur sipërfaqen e kontaktit me ajrin me qëllim të ftohjes sa më të mirë) dhe altoparlantin në pjesën e poshtme.

Në pjesën e sipërme kemi vetëm një hapje 3.5mm për konektim të ndëgjojseve, dhe për dallim nga shumë smartphone tjerë, Samsung Galaxy SII nuk e ka butonin e ndezjes/ndaljes në pjesën e sipërme. Ky është një ndryshim fundamental për ata që vijn nga HTC sepse u duhet pak kohë për tu mësuar në lokacionin e ri që gjendet në anën e djathtë të telefonit (e që njëkohësisht është edhe i vetmi buton në atë pjesë). Kurse, butonat për ngritje/zbritje të zërit gjenden në pjesën e majtë. Pjesa e poshtme përmban portën micro usb për mbushje e cila mund të përdoret edhe për video dalje (për lidhje në TV) nëse kemi MHL adapter.

Ekrani dhe Zëri

Kualiteti i ekranit në smartphone lidhet drejtpërdrejt me suksesin e tij. Edhe nëse të gjitha komponentet tjera janë të kualitetit të lartë, ekrani është ai i cili e jep impresionin kryesor te shfrytëzuesit. Fundi i fundit, gara më e ashpër në teknologji është duke u zhvilluar në pajisjet mobile, e posaqërisht në ekranet e tyre. Galaxy SII është telefoni i parë me Super Amoled Plus (Galaxy S kishte ekranin Super Amoled), që është një përmirësim substancial në krahasim me para-ardhësin e tij. Dallimi kryesor në mes të dyve qëndron në radhitjen e sub-pixelëve. Super Amoled përdor RGBG (Red Green Blue Green), kurse Super Amoled Plus përdor RGB (Red Green Blue), e efekti përfundimtar është mprehtësia e imazhit.

Zakonisht, ekranet e bazuara në Amoled kanë tonalitet të “ftohtë” (kanë një intensitet të shtuar të ngjyrës së kaltër) të ngjyrave, mirëpo kualiteti i imazheve në Super Amoled Plus është i pa shoq. Me një rezolucion 800×480, të zeza me të vërtetë të errëta dhe ngjyra të theksuara (që rezulton në një kontrast superior), ekrani i Galaxy SII është impresionues në çdo aspekt, duke përfshirë këtu edhe operimin e telefonit nën dritën e diellit.

Në anën tjetër, prodhimi i zërit nga ky smartphone është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë. Për dëgjim të muzikës ju preferojmë ndëgjojse.

Kamera

Viti 2011 ishte viti kur smartphone me kamerë 8 megapixel filluan të bëheshin standard. Galaxy SII posedon 2 kamera. Të përparmen me 2 megapixel, që zakonisht përdoret për video thirrje me Skype apo Google Talk (ose edhe për të marrë foto të vetvetes, kontrollimin e frizurës ne rast të mungesës së pasqyrës :)), dhe të prapmen me 8 megapixel. Kualiteti i fotografive është jashtzakonisht i mirë nga të dy kamerat dhe mund të shfrytëzohet si kamerë primare për fotografët amatorë dhe gjysmë profesional. Kamera e prapme ndihmohet nga flash për fotografime në ambiente të errësuara me rezultate të kënaqshme. Në përgjithësi, mund të konkludojmë se kualiteti i imazheve është i një niveli të lartë.

Sa i përket videove, Galaxy SII mund të inçizojë video deri në 1080p. Edhe pse kualiteti i videove në 1080p është shumë i mirë, sipas mendimit tonë, inçizimi në 720p është më fluid dhe kualiteti i tyre në ekrane 40″ është marramendës dhe duket sikur janë inçizuar me kamerë gjysmë-profesionale. Inçizimi në ambiente të errësuara nuk është i nivelit të dëshiruar sepse flash-i nuk ndihmon shumë në këto raste.

Softueri

Galaxy SII është një smartphone me Android. Vjen me Android 2.3 Gingerbread, mirëpo zyrtarish në momentin e postimit, Galaxy SII mund të përditësohet (update) në Ice Cream Sandwich (ICS) 4.0.4. Samsung poashtu ka konfirmuar se Galaxy SII do të përditësohet në Jelly Bean 4.1.1 diku kah mesi i Shtatorit-Tetorit 2012.

Të gjithë ata që kanë perdorur Android, e dinë që është një sistem operativ që mund të përshtatet dhe modifikohet ashtu si ju keni dëshirë. Samsung përdorë Touchwiz si “Launcher” për smartphone/tablet të tyre. Përveç aplikacioneve të para instaluara në Gingerbread, Samsung ka shtuar edhe disa aplikacione të tjera që vlen të përmenden. Një listë më poshtë.

  • AllShare – Ky aplikacion bën të mundur lëshimin e videove në televizor përmes WiFi (natyrisht, nëse televizori ka mundësi). Me rastin e aktivizimit skanon smartphone për video/foto/muzikë dhe automatikisht e transformon telefonin në media server (DLNA). Pastaj përmes TV / Media Player mund të lëshohen videot, fotot apo muzika direkt nga telefoni. Aplikacioni më i preferuar personalisht.
  • Polaris Office – Një paketë e aplikacioneve, e ngjashme me Microsoft Office.
  • Social Hub – Kombinon të gjitha mesazhet/e-mailat nga secili shërbim shoqërorë që e perdorni (Facebook, Twitter, Exchange Account etj.). Personalisht këtë nuk e përdori fare sepse ekzistojnë alternativa më të mira nga Google Play.
  • Music Hub / Game Hub – Një portë tjetër për shkarkim të muzikës / lojërave, që për mendimin tonë nuk është aq funksionale sa Google Play.
  • Readers Hub – Vendi ku mund të shkarkohen libra e revista.

Performanca dhe Bateria

Pas eksperiencës 1 vjeçare me këtë smartphone, mund të themi së performanca dhe fluiditeti i Galaxy SII është superior. I pajisur me procesor Exynos dy-bërthamor (dual core) dhe 1 GB RAM, nuk kishte telefon që i afrohej për nga performanca në kohën e lansimit (gjysma e parë e 2011). Çdo aplikacion lëshohet shpejt dhe punon pa ngadalësime. Në mënyrë që performanca të jetë në nivel të dëshirueshëm, rekomandojmë që muzikën dhe filmat t’i kopjoni në SD kartë, duke lënë kështu hapësirë më të madhe për aplikacione në memorien interne.

Smartphone në përgjithësi, e sidomos ata me procesor shumë-bërthamorë e ekrane të mëdha në veçanti, e kanë pikë të dobët baterinë. Galaxy SII është i pajisur me një bateri 1650 mAh, që mundëson përdorimin e telefonit për të paktën 1 ditë. Kohëzgjatja e baterisë lidhet ngusht me mënyrën e përdorimit të smartphone dhe verzionin e Android. Sipas testimeve, me një mesatare ditore 1 orë bisedë me telefon, GPRS/Edge të lëshuar non-stop, sinkronizim të GMail, Hotmail dhe Microsoft Exchange, të paktën 1 orë ekran aktiv, Galaxy SII ka arritur një mesatare prej 1.5 ditësh me një mbushje të baterisë.

   

Duke krahasuar baterinë 1650 mAh të Galaxy SII me atë 3300 mAh të Motorola Droid RAZR MAXX, mendojmë se kjo është një fushë ku Samsung mund të bëjë përmirësime. Mirëpo, duke analizuar baterinë në Galaxy SIII (2100 mAh), Samsung është në rrugën e duhur.

Të gjithë ata që janë entuziast të smartphone, dhe që dëshirojnë të eksperimentojnë me Android, mund të arrijnë nivele shumë të dëshirueshme sa i përket kohëzgjatjes së baterisë. Ekzistojnë sisteme të ndryshme operative që janë të optimizuara për hargjim të ulët të baterisë, mirëpo kjo është një temë krejtësisht tjetër dhe nuk mund të shtjellohet në këtë post.

Përfundim

Dhe së fundmi, duke marrë parasysh të gjitha këto, edhe pse është smartphone i lansuar në 2011, me të mund të jeni komfort të paktën deri në mesin e 2013. Për momentin nuk ekziston ndonjë aplikacion apo lojë që mund të limitohet nga hardueri i këtij smartphone.

Si praktikë e mirë në të gjitha blerjet në teknologji është pritja. Zakonisht në kohën e lansimit çdo produkt është i shtrenjtë. Mirëpo me kalimin e kohës çmimi i tyre bie dhe mund të blejmë më shumë performancë për euro të shpenzuar. Duke marrë parasysh alternativat për momentin, Galaxy SII ofron shumë performancë për para të shpenzuara, e kjo e bënë që ky smartphone ende të jetë një konkurrent i fortë në botën mobile. |ameble|