Tag Archives

6 Articles
Vala bën diferencën, mbulon me 3G dhe 4G Kosovën

Vala bën diferencën, mbulon me 3G dhe 4G Kosovën

Vala ka zyrtarizuar projektin 3G dhe 4G, duke mbuluar gjithë Kosovën me internet të shpejtë. Projekti ka kushtuar gati 35 milionë euro. Gjithashtu, sot është lansuar pakoja për të rinjtë “N’Trip” me një çmim prej 2.99 euro, ku përfshihen dhe 2 gigabajt internet, bisedë të pakufizuar dhe 500 SMS.

Vala me 4G

Operatori publik VALA lansoi sot projektin e internetit të shpejtë 3G dhe 4G, duke mbuluar shumicën e territorit të Kosovës, me një projekt që i ka kushtuar kompanisë rreth 35 milionë euro.

Ky projekt bën diferencën, pasi VALA ka instaluar teknologjitë më të reja në vend dhe me numër shumë herë më të lartë se operatorët konkurrentë, çka garanton cilësi dhe shpejtësi në internet.

Projektin e shpalli të përfunduar Drejtori Menaxhues Agron Mustafa, i cili tha se i kanë gati një numër të pakufizuar të sim-kartelave për përdoruresit e internetit.

“Që nga sot të gjithë ata që duan të shfrytëzojnë internetin e shpejtë 3G dhe 4G kanë në dispozicion sasi ta palimituara të simkartelave. Ky është një projekt që bën diferencën për shkak se kemi investuar teknologjitë më të reja krahasuar dhe me vendet më të zhvilluara. Projekti 3G dhe 4G i ofrohet pothuajse gjithë popullatës së Kosovës”, tha Agron Mustafa, Drejtor Menaxhues në PTK.

VALA ka instaluar në territorin e vendit gjithsejt 125 stacione antentash që do të ofrojnë internet 4G, ndërsa vetëm në Prishtinë janë 25 stacione. Me internet 4G është mbuluar 75 përqind e popullatës së vendit, derisa me internet 3G është i mbuluar gati 90 përqind e territorit të vendit, të cilët mund të furnizohen me internet nga 231 stacione të antenave.

“Është një mbulueshmëri e paparë deri më tani. Presim vetëm që organi rregullator, ARKEP të japë në shfrytëzim brezin frekuencor për të cilin i kemi të buxhetuara paratë prej vitesh. Presim që ARKP të veprojë shpejt në mënyrë që të ofrojmë shërbim sa më të mirë”, bëri të ditur Mustafa.

Nga ana e tij, zëvendëpresidenti i Alkatel Lucent për Evropën Qendrore dhe Jugore, konfirmoi se PTK/Vala është plotësisht e gatshme që t’u ofrojë të gjithë konsumatorëve të saj 3G dhe 4G.

“Mund të konfirmoj se teknololgjia më e avancuar tashmë është e instaluar në VALA, tekonolgji kjo që përkrah fuqishëm shërbimet 3G dhe 4G. Jemi të krahasueshëm me teknologjinë e operatorëve në vendet si SHBA dhe Gjermani, etj”, deklaroi Roberto Loiola, zëvendëspresident i Alcatel-Lucent.

VALA promvoi gjithashtu edhe një pako për të rinj, e cila quhet N’trip dhe që kushton vetëm 2.99 euro. Me këtë çmim mund të bisedohet pakufi brenda rrjetit dhe janë në dispozicion 500 sms dhe 2 gigabajt internet.

Ndërsa me çmim prej 4.99 euro ofrohet dyfishi i tyre, bisedë e pakufizuar, 1000 sms dhe 3 gigabajt internet 3G dhe 4g.

“Ky është një çmim modest dhe i pranushëm për të rinjtë tanë’, pohoi Drejtori Menaxhues i PTK-së, Agron Mustafa.

Kjo teknologji e rikonfirmon VALA-n edhe një herë si lider jo vetëm në tregun e Kosovës, por në të gjitha hapësirat shqiptare, pasi është operatori i parë që lanson 4G. /ameble

VALA fillon me 3G/4G

VALA fillon me 3G/4G

Vala 4GVALA nga sot fillon operimin me teknologjinë 3G/4G, e cila është pjesë e strategjisë së investimeve në rrjetet me brez të gjerë duke u mundësuar të gjithë konsumatorëve ofrimin e shërbimeve të internetit të shpejtë në telefonat mobil dhe pajisjet tjera mobile.
PTK tërë planin e saj të biznesit për vitin 2014 dhe vitet e mëtutjeshme, e ka orientuar drejt përmirësimit dhe zgjerimit të portfolios së shërbimeve të një niveli shumë të lartë.

Prezantimin e fillimit zyrtar të projektit më të madh të PTK-së, 3G/4G e ka bërë u.d. i Kryeshefit Ekzekutiv të PTK-së, Mehdi Latifaj, drejtori i VALA-s, Valon Zhuniqi si dhe u.d. i drejtorit të Telekomit, Xhevdet Ahmeti.

“Kjo është edhe një storie suksesi për PTK-në. Me këtë projekt kapital, PTK jo vetëm që synon rritjen, zhvillimin dhe afarizmin edhe më të mirë teknonologjik dhe financiar, por do të përmbush në këtë mënyrë edhe misionin dhe vizionin për ofrimin e shërbimeve telekomunikuese kurdo dhe kudo që ato kërkohen nga konsumatori dhe atë me çmime të krahasueshme në treg”, ka bërë të ditur u.d. i Kryeshefit Ekzekutiv të PTK-së, Mehdi Latifaj në një konferencë për shtyp duke folur rreth nisjes së ofrimit të shërbimeve komerciale 3G/4G.

Sipas tij me impelementimin e  këtyre teknologjive brezëgjëra, konsumatorëve të operatorit më të madh në vend, VALA u mundësohet shfletim i shpejt i internetit kudo ku ata lëvizin duke u siguruar komunikim multimedial dhe të pa penguar.

Investimet në infrastrukturën e rrjetit 3G/LTE për të ofruar shërbime mobile brezgjera të internetit për konsumatorët e VALA-s, tashmë janë finalizuar me sukses të plotë në saje të një angazhimi të madh që nënkupton punë të një spektri të gjërë teknologjik dhe me një përfshirje të madhe të një numri të ekspertëve si nga PTK e poashtu edhe nga kontraktorët aktual.

“Ky investim i PTK-së është një kthesë e madhe e zhvillimit të kompanisë si lider në ofrimin e shërbimeve telekomunikuese në vend. Ky shërbim i ri do të jetë shumë funksional dhe cilësor dhe gjithashtu do të jetë shumë i kapshëm për xhepin e konsumatorëve tanë”, ka thënë u.d. i Kryeshefit Ekzekutiv të PTK-së.

Nga ky shërbim do të përfitojnë rreth 1 milion konsumatorë të VALA-s duke i qëndruar besnik synimit që konsumatorët të jenë sa më të kënaqur me produktet dhe shërbimet e PTK-së.

VALA ka bërë testimet e fundit në rrjetin e saj për ofrimin e shërbimeve brezëgjëra. Fillimisht me teknologjinë 3G është i mbuluar rajoni i Prishtinës dhe me gjerë duke përfshirë Aeroportin Ndërkombëtar të Prishtinës. Me një dinamikë të shtuar po punohet në zgjerimin e mbulueshmërisë në dy drejtime drejt Vushtrrisë dhe Mitrovicës si dhe Ferizajt dhe Gjilanit, përderisa paralelisht po punohet edhe në regjionin e Prizrenit, Gjakovës, Suharekës duke synuar integrimin edhe të kësaj pjese në shërbimin 3G dhe shumë shpejt dhe atë 4G/LTE.
Nga ana e tij, drejtori i VALA-s ka pohuar se ky shërbim është duke u pritur shumë nga konsumatorët, edhe për faktin se do të jetë më kualitativ dhe konkurrues me operatorët tjerë.

“Teknologjia e cila do të përdoret për këtë shërbim është pjesë e zhvillimeve të fundit teknologjike dhe me krenari mund të themi se shumë pak operatorë botëror e kanë këtë teknologji, por më e rëndësishmja është që kjo do të ofrohet për bizneset, institucionet e ndryshme dhe konsumatorët individual në Kosovë”, ka theksuar Valon Zhuniqi, drejtor i VALA-s.

Përveç investimeve në teknologji të reja, të cilat do të sjellin mundësi jashtëzakonisht të larta për shkëmbim shumë të shpejtë të të dhënave, PTK ka në plan edhe investimet në rrjetat optike dhe shtrirjen e tyre anekënd Kosovës. Projekti i zgjerimit të rrjetave është duke u bazuar në teknologjinë GPON, proces ky i cili fillimisht është i orientuar në 7 lokacione.

Në kuadër të projekteve kapitale si pjesë e planit të biznesit të PTK-së, aktualisht janë mëse 140 nënprojekte të ndara në teknologjitë e reja 3G/LTE, GPON, lidhje të BTS me fije optike, avancim të infrastrukturës së proceseve të biznesit, përmirësim të infrastrukturës energjetike, përmirësim të cilësisë së shërbimit, shërbime të reja, infrastrukturë të IT-së dhe përgatitje të infrastrukturës për migrim në kodin e ri shtetëror. /ameble

Operatori Vala vjen me 4G (LTE)

Operatori Vala vjen me 4G (LTE)

Posta dhe Telekomi i Kosovës ka nënshkruar sot kontratën për implementimin e teknologjisë 4G (LTE), me dy kompani prestigjioze, Alcatel Lucent dhe Nokia Solutions Networks.

Vala 4g

Me implementimin e kësaj teknologjie, më moderne në rajon, do të avancohen shërbimet e komunikimit të të dhënave, duke plotësuar kërkesat e konsumatorëve për internet më të shpejtë, shikimin e videove dhe muzikës në paisjet e tyre mobile dhe shumë avancime të tjera.

Teknologjia 4G (LTE) do tu  mundësojë konsumatorëve të Vala shpejtësi komunikimi të të dhënave deri në 100 Mbps, apo 5 herë më të madhe se shpejtësia aktuale në teknologjinë 3G dhe së paku 50 herë më të madhe se shpejtësia aktuale në teknologjinë EDGE/GPRS.

Implementimi do të nis menjëherë dhe shërbimet e teknologjisë 3G do të ofrohen për konsumatorët e Vala-s duke filluar nga muaji shtator dhe ato 4G LTE nga fundi i këtij viti; fillimisht në qendrat urbane për të vazhduar më tej me mbulimin e  85% të vendbanimeve të Kosovës deri në gjysmën e pare të vitit 2015.

Investimet e tilla si ky sot do të rrisin edhe më shumë interesimin e konsumatorëve për shërbimet tona. Ky është moment historik për zhvillimin e operatorit mobil VALA, pasiqë do të jemi ndër operatorët e parë në rajon që po sjellim shërbimin 4G për gjithë konsumatorët.

“Orientimi strategjik i kompanisë me biznes planin aktual është që nga një operator i fokusuar tek të hyrat nga zëri të kalojmë në një operator për ofrimin  e shërbimeve për transferim të shpejt të të dhënave, këtë po fillojmë ta realizojmë sot,” pohon Kryeshefi i PTK, Ejup Qerimi.

“Një falënderim i veçant për arritjen e këtij suksesi u takon punonjësve të PTK të cilët e kanë planifikuar deri në detaje këtë projekt madhor i cili që nga sot hap një dritare të re të zhvillimit të VALA-s”, tha kryeshefi i PTK SH.A.

Kompanitë nënshkruese të këtij projekti Alcatel Lucent/Cacttus dhe Nokia Solutions Networks, zotohen se implementimin e këtij projekti do ta bëjnë në kohë rekorde dhe se nuk do të ketë asnjë vonesë, ndërsa me këtë projekt konsumatorëve të VALA do tu sjellin shërbime ultra-broadband. /ameble

Komuniko falas me 12 persona – VALA

Komuniko falas me 12 persona – VALA

Vala Oferta Main

VALA vjen me ofertën Familja dhe Miqtë Premium

Familja dhe Miqtë tuaj tanimë do të jenë më afër se çdo herë tjetër. Me ofertën  më të re Familja dhe Miqtë Premium, me vetëm 5 euro në muaj, ju mund të komunikoni me 12 konsumator të tjerë në VALA pa asnjë kufizim. Oferta është e limituar, prandaj nxitoni.

Kjo është risia e parë që VALA sjell këtë verë, ndërkohë janë duke u përgatitur edhe produkte tjera atraktive me çka vërtetohet se ne mbesim lider në tregun e telefonisë mobile në vend.

Për të aktivizuar këtë ofertë konsumatorët duhet që paraprakisht të aktivizojnë shërbimin duke dërguar SMS në 50555 me tekst premium. Pasi që të dërgojnë mesazhin, konsumatorët brenda ditës do të marrin informatën që është aktivizuar shërbimi.

Pas këtij konfirmimi ju duhet të vizitoni pikën më të afërt të shitjes duke paguar 5 euro dhe për 30 ditët e ardhshme, krejtësisht falas, ju do të mund të bisedoni me 12 familjarë dhe miq pa asnjë kufizim.

VALA mundohet të jetë sa më pranë konsumatorëve, prandaj oferta në fjalë dhe ofertat në të ardhmen e afërt do të reflektojnë kërkesat e konsumatorëve tanë. thotë Kryeshefi Ekzekutiv i PTK-së Z. Ejup Qerimi.

Operatori mobil VALA mbetet maksimalisht i përkushtuar për konsumatorët e vet që tashmë janë mbi 1 milion, prandaj ofertat dhe produktet e reja gjatë stinës së verës do të jenë më plot befasi.

Konfigurimi i produktit Familja dhe Miqtë bëhet përmes numrit 169 dhe ndiqen udhëzimet.

Ky aplikacion ofron një mundësi më efikase për konsumatorët e Valës, duke ju lehtësuar atyre konfigurimin e produktit Familja dhe Miqtë.

Nëpërmjet kësaj, procedohen kërkesat e konsumatorëve pas verifikimit të përmbajtjes dhe formatit të tyre.

Në mënyrë që konsumatorët ta shfrytëzojnë këtë produkt, ata duhet që të regjistrojnë së paku një (1) dhe më së shumti dymbëdhjetë (12) numra të telefonave të rrjetit të Valës dhe Telekomit te Kosovës.

Ky aplikacion gjithashtu ofron mundësinë e modifikimit, zëvendësimit dhe fshirjes së numrave nga lista. Regjistrimi i numrave të rinj në listën Familja dhe Miqtë është pa pagesë, ndërsa ndryshimi apo fshirja e një numri nga lista tarifohet 0.50 Euro. |valamobile.com|

Edhe IPKO me ofertë të re

Edhe IPKO me ofertë të re

Siç po shihet te dy operatorët ne Kosovë, Vala dhe Ipko janë përgatitur për verë. Pas Vala-s, edhe IPKO me ofertë të re “EJA NE IPKO“. Duhet të ceket se oferta e IPKO-së duket shumë me atraktive se ajo e VALA-s qe lajmëruam ditë me parë.

Bleni një numër të ri, për vetëm 3€ me 3€ mbushje dhe merrni falas sipas zgjedhjes tuaj: 1000MIN, 1000SMS ose 1000MB internet, 200 prej të cilave i merrni çdo muaj, për pesë muaj rresht.

Menjëherë pas thirrjes së parë, ju do t’i merrni 200 minuta, sms apo MB. Ndërsa pjesën tjetër e merrni të ndarë në katër muaj pasi që të bëni mbushje së paku 1€. Në këtë mënyrë, ju do të merrni çdo muaj nga 200MIN, 200SMS ose 200MB FALAS, sipas zgjedhjes, në telefonin tuaj.  /ipko.com/ [divider top=”0″]

3 euro numri me 2 euro mbushje

3 euro numri me 2 euro mbushje

by bmbi 0 Comments

Operatori mobil në Kosovë VALA ka bërë uljen e çmimit të numrit nga 5 në 3 euro me 2 euro kredi.

Kjo ulje e çmimit të numrit sipas Valës vjen si kërkesë e konsumatorëve tanë dhe përkushtimit të PTK-së që të jetë sa më afër me kërkesat e konsumatorëve të saj.

Kjo ofertë është krijuar edhe duke pasur parasysh bashkatdhetarët tanë të shumtë të cilët gjatë sezonit veror vizitojnë Kosovën. Prandaj VALA u mundëson atyre dhe gjithë konsumatorëve tjerë potencial që të pajisen me numër të ri dhe të komunikojnë me të afërmit e tyre, më lirë sesa me cilindo operator tjetër në vend.

Të gjithë konsumatorët e ri që do të bëhen pjesë e VALA-s me këtë ofertë, përveç numrit të tyre të ri do të përfitojnë edhe 6 muaj llogari aktive pa asnjë shpenzim shtesë.

Vala ka lansuar dhe do të lansojë produkte të tjera për të ju plotësuar konsumatorëve të saj nevojat e tyre, por edhe duke u ofruar kualitet si dhe mundësi për të përdorur sa më lirë produktet dhe shërbimet e VALA-s. |ptkonline.com| [divider top=”0″]