Pantech Vega LTE-A

Kompania Pantech ka caktuar ditën e nesërme për prezantimin e një smartphone-i të ri Android, Vega LTE-A, pajisje e cila si duket kontrollet me prekje do ti ketë në anën e pasme të saj si tek LG G2.

Pantech Vega LTE-A është një smartphone LTE i avancuar, dhe do të paraqitet me ekran 5.7 inç të plotë HD dhe rezolucion 1920 X 1080 pikselë.

Karakteristikat tjera të këtij smartphone-i përfshijë procesorin 4-bërthamor Qualcomm Snapdragon 800 2.3GHz dhe 2GB RAM. Smartphone-i pritet të jetë në dispozicion në ngjyrë të zezë dhe të bardhë.

E plotësuar 06/07/2013 – 16:08: 

Dje kemi raportuar për smartphone-in e ri Pantech Vega LTE-A, kjo pajisje tani është zyrtare dhe vjen me karakteristika interesante.

Pantech Vega LTE-A përmban procesorin 4-bërthamor Qualcomm Snapdragon 800 në 2.3GHz, 2GB RAM dhe platformën Android 4.2.2 Jelly Bean.

Karakteristikat tjera përfshijnë ekranin e plotë HD 5.6 inç me rezolucion 1920 X 1080 pikselë. Kamera e përparme është 2.1 megapikselë, kurse në anën e pasme posedon 13 megapikselë, gjithashtu përmban baterinë me fuqi 3100 mAh.

Përveç kësaj në anën e pasme kjo pajisje ka gjithashtu të integruar lexuesin e gishtave (fingerprint reader) dhe për sa i përket çmimit ende nuk ka detaje. |ameble|

Pantech Vega LTE A