Tag Archives

16 Articles
Si të instalojmë Whatsapp në iPad

Si të instalojmë Whatsapp në iPad

A ke një iPad dhe dëshiron të instalosh Whatsapp në të?

Nëse po, atëherë këtu ju shfaqim se si të instaloni Whatsapp në iPad.

1.Merrni .ipa skedarin (fajllin).

Para se të fillojmë ajo çfarë duhet të bëjmë është të instalojmë skedarin e aplikacionit i cili përdor formatin .ipa. Këtë nuk mund ta bëjmë direkt në iPad, për këtë arsye do ta bëjmë në mënyrën e vjetër, do ta shkarkojmë atë në Mac. Hapeni Finder dhe shkoni në dosjen e muzikës – se ku është e vendosur kjo, varet nga versioni i OS. Mund ta bëni thjesht duke shtypur Go në menynë lartë. Shtypeni Home e pastaj iTunes pastaj iTunes Media e më pas Mobile Applications ose drejt nga iTunesMobile Applications. Aty do t’i gjeni të gjithë .ipa skedarët që keni shkarkuar. Gjejeni skedarin Whatsapp dhe zhvendoseni në desktop.

Finder> Home > Music > iTunes > iTunes Media >Mobile Applications > WhatsApp.ipa

 2.Shkarkoni dhe startoni iFunbox

Lidheni iPadin me Mac. Përveç iTunes do të na nevojtiet edhe një tjetër program, që të i menaxhojmë skedarët në iPad. Ky është iFunbox i cili mund të shkarkohet këtu. Shkarkojeni dhe startojeni.

  1. Hapeni iFunbox dhe klikoni Install App
  2. Duhet ta shihni Whatsapp.ipa këtu. Hapeni
  3. Aplikacioni Whatsapp do të instalohet në iPad.

3.Instaloni Whatsapp në iPhone

Tani, duhet të instaloni Whatsapp në iPhone ashtu siç e keni bërë gjithmonë, duhet të jetë një instalim i ri, nëse e keni të instaluar më herët ndoshta duhet ta shlyeni dhe ta instaloni përsëri. Hapeni, dhe regjistrohuni me numrin që dëshironi ta përdorni në iPad. Si zakonisht do ju vijë kodi për verifikim.

Kur ta përfundoni lidheni iPhonin tuaj me Mac. Shkoni në User Applications nën hyrjen për iPhone klikoni dy herë te Whatsapp dhe më pas kopjoni dosjet Libary dhe Documents në desktop. Kjo përmban të dhënat e regjistrimit.

User Applications > WhatsApp > kopjo Library dhe Documents në desktop

4.Kopjimi i të dhënave të regjistrimit

Gati përfunduam. Largoni iPhonin dhe lidheni përsëri Ipadin me Mac dhe hapeni iFunbox, shkoni tek User Applications nën hyrjen për iPad dhe pastaj në Whatsapp. Documents dhe Library që ndodhen këtu i zëvendësojmë me ato që ndodhen në desktop pra të dhënat që i kemi dhënë në iPhone i kopjojmë në iPad.

Mbylleni Whatsapp në iPad dhe hapeni përsëri në mënyrë që ta largojmë mesazhin që thotë që aplikacioni nuk punon.

Do të keni mundësi që shumë mirë ta përdorni Whatsapp në iPad nëse i bëni të gjithë këta hapa me kujdes.

 

Facebook si duket po teston integrimin e WhatsApp-it në aplikacion

Facebook si duket po teston integrimin e WhatsApp-it në aplikacion

Vitin e kaluar, Facebook kishte blerë aplikacionin e shumë njohur për mesazhe WhatsApp, në një shumë prej 19 miliardë dollarësh dhe si duket kompania tani ka filluar të bëj testimin e një lloj integrimi në mes të dy aplikacioneve.

fb-whatsapp

Sipas një raporti të ri, versioni i fundit i aplikacionit Facebook për Android (Version 31.0.0.7.13) posedon të integruar butonin WhatsApp, duke ju mundësuar përdoruesve të shpërndajnë lajme dhe media drejtpërdrejt në WhatsApp.

Kur hapni ndonjë post në aplikacion, aty është futur një buton i ri “Send” i WhatsApp-it (afër butonit të zakonshëm Like, Comment dhe Share), i cili postin, imazhin apo statusin përkatës e dërgon tek miqtë në WhatsApp.

Ne, gjithashtu e kemi pranuar dhe instaluar përditësimin e aplikacionit për të parë nëse ky tipar është në dispozicion, por si duket Facebook ketë tipar mund ta ketë lëshuar vetëm për një grup të përzgjedhur të përdoruesve. Më siguri se do ta bëj në ditët në vijim. /ameble

WhatsApp then edhe një rekord, tani me 700 milionë përdorues

WhatsApp then edhe një rekord, tani me 700 milionë përdorues

whatsapp1WhatsApp është një nga aplikacionet më të popullarizuara për mesazhe e cila është në dispozicion për të gjitha platformat mobile. Ky shërbim ishte blerë nga kompania Facebook për një shumë prej 19 miliardë dollarësh dhe eshte aplikacioni i cila ka qindra miliona përdorues mujor aktiv.

Së fundmi, Jan Koum i WhatsApp-it nëpërmes rrjetit social Facebook ka ndarë disa informacione në lidhje me ketë aplikacion. Ai ka njoftur se shërbimi i tyre WhatsApp tani ka mbi 700 milionë përdorues aktiv mujor, një rritje prej mbi 100 milionë që kishte disa muaj më parë. Koum më tej ka theksuar se përdoruesit tani dërgojnë mbi 30 miliardë mesazhe në ditë.

Kur ky shërbim ishte blerë nga Facebook vitin e kaluar, kishte mbi 200 milionë përdorues, kështu që ka ndodh një rritje mbresëlënëse që nga ajo kohë.

Jan Koum në postimin e tij në Facebook ka shkruar kështu:

I hope you all had a happy and peaceful holiday season. Today, we’re thrilled to share that WhatsApp has more than 700 million monthly active users. Additionally, every day our users now send over 30 billion messages. As humbled and excited as we are by these numbers and our continued growth, we’re even more excited to keep building a great product in 2015. Most of all, we’re grateful that so many of you are using WhatsApp to stay in touch with your friends and family, business colleagues and classmates. We promise to continue working hard to make WhatsApp even better.

WhatsApp së shpejti me opsionin për thirrje

WhatsApp së shpejti me opsionin për thirrje

Kthehemi pas, në muajin shkurt ku aplikacioni i famshëm WhatsApp kishte premtuar se do ta shtoj edhe opsionin për thirrjet me zë. Tani ky aplikacion i cili është në pronësi të Facebook-ut është gati të nxjerr në publik ketë opsion, pasi që kanë rrjedhur informata në përditësimin e fundit të aplikacionit për platformën Android.

Këto informata vijnë direkt nga uebfaqja e WhatsApp-it, ku kompania shpeshherë tregon informacione te reja për përditësimin e aplikacionit pa e paraqitur ende në PlayStore ose AppStore. Përditësimi i fundit i aplikacionit në fakt nuk u mundëson që të bëni thirrje me zë, por vetëm ofron detaje se si do të funksionoj kjo mundësi. Bazuar në informatat e reja duket se së shpejti do të mund të bëni thirrje përmes 3G, 4G dhe Wi-Fi, dhe mund ti ruani bisedat si dhe ti dëgjoni ato me vonë brenda aplikacionit.

Sipas informatave që kanë rrjedhur, janë bërë edhe disa fotografi ku mund të shihet se si do ta ketë pamjen përditësimi i WhatsApp-it.

whatsapp-voice-calling-1

Ende është e paqartë se a do ta lansoj WhatsApp-i ketë opsion në ditët në vijim apo duhet të presim deri në vitin e ardhshëm, edhe pse informatat e me hershme kanë qenë se ky opsion do të lansohet këtë vit. Krye-shefi i WhatsApp-it, Jan Koum, me herët ka thënë se ende është duke bërë marrëveshje me operatorët mobil me të mëdhenj në botë dhe ndoshta kjo është një ndër arsyet pse ky opsion nuk është paraqitur ende ne treg. /ameble

WhatsApp arrin 600 milion përdorues aktivë mujor

WhatsApp arrin 600 milion përdorues aktivë mujor

WhatsAppAplikacioni WhatsApp aktualisht është aplikacioni më i popullarizuar për dërgimin e mesazheve i cili këtë muaj arriti edhe një rekord të ri duke numëruar rreth 600 milion përdorues aktivë mujor duke e tejkaluar rekordin e arritur në Prill kur kishte rreth 500 milion përdorues aktiv.

Kryeshefi i kësaj kompanie, Jan Koum në një blog ka publikuar lajmin duke potencuar se vetëm në katër muajt e fundit janë shtuar edhe 100 milionë përdorues aktivë, gjë që tregon se përdorimi i shërbimeve të këtij aplikacioni janë në rritje e sipër.

Si duket kjo ishte edhe arsye kryesore pas së cilës ishte vënë udhëheqësi i Facebook-ut Mark Zuckerberg, i cili në muajin Shkurt kishte blerë aplikacioni WhatsApp për 19 miliard $ duke theksuar se WhatsApp është në një rrugë që të lidh 1 miliardë njerëz aktivë mujor.

Prandaj, mbetet të shihet se sa kohë do të nevojitet kompanisë për të arritur 1 miliard përdorues aktivë mujor. /ameble

WhatsApp do të ketë opsion të ri për telefonata?

WhatsApp do të ketë opsion të ri për telefonata?

WhatsAppKëtë javë është raportuar se WhatsApp, kompania e blerë së fundmi nga Facebook për 16 miliardë dollarë, është duke punuar për të shtuar opsionin për kryerjen e telefonatave me atë të programit për smartphone.

Informacioni u përhap nga një kompani që merret me përkthimin e gjuhës indiane, ku një fragment teksti përfshinte fjalët si “mbaro telefonatën”, “telefonatë hyrëse” dhe “telefonatë dalëse”.

Në website të Windows Phone Central shpjegohet:

“Në Konferencën Botërore të Telefonëve (Mobile World Conference), Koum, bashkëthemelues i WhatsApp, specifikoi se shërbimet e komunikimit me  zë do të vinin fillimisht për Android dhe iOS dhe më pas për Windows Phone dhe Blackberry. Pra, do të duhet pak kohë para se përdoruesit e smartphone-ve Windows do të kenë këtë shërbim. WhatsApp udhëheq hapësirën e dërgimit të menjëhershëm të mesazheve, por me shtimin e opsionit të telefonatave do të konkuronte dhe me Skype dhe Viber.”

Por asgjë zyrtare nuk është përmendur ende për shtimin e opsionit të telefonatave dhe ne do t’ju mbajmë në dijeni rreth kësaj çeshtjeje. /ameble

 

WhatsApp në plan thirrjet me zë

WhatsApp në plan thirrjet me zë

WhatsAppAplikacioni WhatsApp më i popullarizuar për momentin për tekst mesazhe, ka në plan që gjatë këtij viti të ofroj thirrje me zë pa pagesë. Jan Koum, bashkëthemelues dhe kryeshef i WhatsApp-it ka njoftuar për lajmin gjatë një prezantimi në MWC 2014. Koum tha se thirrjet nëpërmes interneti do të jenë në funksion në tremujorin e dytë të këtij viti, duke filluar me pajisjet Android dhe iOS, ka njoftuar New York Times.

Njoftimi ka shënuar daljen e parë publike nga Koum që nga kur Facebook kishte njoftuar për blerjen e WhatsApp-it javën e kaluar. WhatsApp ishte lansuar në vitin 2009 dhe ka operuar në shumë vende si zëvendësim i mesazheve të zakonshme (SMS). Vendimi për të shtuar thirrjen më zë, ketë aplikacion e vë në konkurrencë me shërbime tjera të mesazheve si Viber, KIK dhe Skype. /ameble

WhatsApp nga viti 2015 do të kushtoj  99 cent për vit

WhatsApp nga viti 2015 do të kushtoj 99 cent për vit

Whatsapp-FacebookDje kemi publikuar lajmin se Facebook ka blerë aplikacionin WhatsApp. Që në momentin kur WhatsApp u shit, përdoruesit e këtij aplikacioni kanë filluar të diskutojnë rreth mënyrës se si do të duket ky aplikacion, çfarë do të ndryshojë në të, etj.

Dhe pse është blerë nga Facebook-u, nuk do të shohim ndryshime pas marrëveshjes 19 miliardë dollarësh, sepse ky aplikacion është në gjendje të pëlqyeshme.

Jan Koum, shefi ekzekutiv i WhatsApp, ka shkruar në faqen zyrtare të kompanisë, për të lajmëruar 450 milionë përdoruesit e aplikacionin se nuk do të ndryshojë asgjë. Aplikacioni do të vazhdojë të funksionojë, pavarësisht faktit që është blerë nga kompania Facebook.

Përdoruesit do të kenë mundësi ta përdorin aplikacionin pa pagesë për një vit, pastaj do të paguajnë 99 cent çdo vit. Njëjt si më parë Aplikacioni do të përdoret në telefonat Blackberry, Windows, iOS dhe Android. Kompania ka thënë se nuk do të vendosin asnjë reklamë në aplikacion.

Shefi ekzekutiv i Facebook, Mark Zuckenberg, ka shkruar gjithashtu në faqen e tij të Facebookut se kompania nuk do të ndërhyj në punët teknike të WhatssApp. \ameble

Facebook blen aplikacionin WhatsApp për 16+3 miliardë $

Facebook blen aplikacionin WhatsApp për 16+3 miliardë $

Facebook whatsappKur aplikacioni WhatsApp ishte lansuar në vitin 2009, askush nuk e kishte menduar se do të rritet dhe të bëhet një kompani miliardere.

Megjithatë, Facebook të mërkurën ka deklaruar se ka blerë aplikacionin jashtëzakonisht të popullarizuar për mesazhe të çastit WhatsApp në një shumë prej 16 miliardë $. Në njoftimin e tyre zyrtar, Facebook thotë se do të paguajë 4 miliardë dollarë para të gatshme plus 12 miliardë dollarë tjera aksione të Facebook-ut. Ata gjithashtu thonë se “Marrëveshja parasheh edhe një shumë prej 3 miliardë dollarësh në njësi të kufizuara të aksioneve që do të jepen për themelues të WhatsApp-it dhe punonjësve që do të vazhdojnë të punojnë edhe gjatë katër viteve të ardhshme deri sa të mbyllet procesi i blerjes.”

Pra, pse Facebook po derdh të gjitha këto para për aplikacionin WhatsApp? Facebook thekson se WhatsApp tashmë ka 450 milionë përdorues, duke përdorur atë çdo muaj dhe se kjo pritet vetëm që të rritet. “WhatsApp është në një rrugë që të lidh 1 miliardë njerëz,” ka thënë udhëheqësi i Facebook-ut Mark Zuckerberg në një deklaratë të tij.

Nga ana tjetër, WhatsApp thonë se “asgjë” nuk do të ndryshojë për përdoruesit, edhe pse tani është blerë nga Facebook. /ameble

WhatsApp përpunon më shumë se 50 miliardë mesazhe brenda ditës

WhatsApp përpunon më shumë se 50 miliardë mesazhe brenda ditës

WhatsApp aplikacionAplikacioni WhatsApp për tekst mesazhe sot është ndoshta një nga aplikacionet më të popullarizuara për momentin, dhe në sajë të raporteve të fundit thuhet se numri i përgjithshëm i mesazheve WhatsApp të dërguara mund të ketë kaluar numrin e SMS-ve të zakonshëm të dërguar nëpërmes operatoreve.

Krye-shefi i kësaj kompanie duke folur gjatë një konference në Gjermani, ka konfirmuar se çdo ditë përpunojnë më shumë se 50 miliardë mesazhe, pothuajse dyfishi i asaj që ishte vitin e kaluar, ku është raportuar se ka pasur më shumë se 27 milionë tekst mesazhe brenda 24 orëve.

Natyrisht se edhe numri i SMS-eve duhet të konfirmohet nga operatoret, por spekulohet se WhatsApp kohën e fundit mund të ketë kaluar SMS-at e zakonshëm. Duke pasur parasysh se WhatsApp është një shërbim falas, po ashtu me tarifë abonimi vjetore, operatoret e shohin ketë si kërcënim për të ardhmen e shërbimeve të veta të SMS-ve. Të gjithë janë të vetëdijshëm dhe gjithashtu janë parë raporte për atë se sa pak SMS sot dërgohen brenda ditës për shkak të shërbimeve alternative të tilla si WhatsApp, LINE, Snapchat, Viber etj. që ofrojnë mundësi të ngjashme për komunikim me tekst. Në vitin 2012 gjithashtu është vlerësuar se WhatsApp u kishte krijuar miliona dollarë humbje disa operatorëve. /ameble

WhatsApp deklaron 400 milionë përdorues aktivë

WhatsApp deklaron 400 milionë përdorues aktivë

WhatsAppWhatsApp, i njohur për shërbimin e mesazheve ka deklaruar se nga tani ka 400 milionë përdorues aktiv mujor. Kryeshefi i kësaj kompanie, Jan Koum në një blog ka publikuar lajmin dhe gjithashtu ka shtuar dukë thënë se vetëm në katër muajt e fundit janë shtuar 100 milionë përdorues aktivë.

Në ketë blog shkruan: “qëllimin ynë në krijimin e WhatsApp-it ishte të fuqizojmë kontaktin në mes të njerëzve me anë të teknologjisë dhe komunikimit online, pavarësisht se kush janë ata apo ku jetojnë. WhatsApp ka arritur një kulm që asnjë tjetër nga shërbime të njëjta nga pajisjet mobile nuk e ka arritur, 400 milionë shfrytëzues aktivë në muaj, me 100 milion përdorues aktiv që janë shtuar në katër muajt e fundit. Ky nuk është një numër i përdoruesve që veç janë regjistruar në WhatsApp, ky është numri i atyre të cilët në mënyrë aktive janë duke përdorur shërbimin Whatsapp për çdo muaj”. |ameble|

E plotësuar: Google në bisedime për blerjen e aplikacionit WhatsApp

E plotësuar: Google në bisedime për blerjen e aplikacionit WhatsApp

E plotësuar: (13:38 – 09 Prill 2013) Dje kemi dëgjuar fjalë se Google është në bisedime për blerjen aplikacionit për mesazhe WhatsApp, dhe është thënë që marrëveshja të jetë në vlerë rreth 1 miliard dollarë amerikanë.

Tani duket se nuk ka asnjë marrëveshje në mes të Google-it dhe WhatsApp, lajmet vijnë nga një udhëheqës në WhatsApp i cili për AllthingsD tha se kompania nuk është në bisedime me Google-in për asnjë blerje të mundshme.

Ai shtoi se kjo nuk është hera e parë që WhatsApp është e përfshirë në thashetheme të tilla për blerje. Edhe ne muajin Dhjetor, ishte përfolur që kompania Facebook është interesuar në blerjen e kompanisë WhatsApp, pra të gjitha këto janë vetëm thashetheme.

 

google-whatsapp

(08:58 – 08 Prill 2013): Sipas thashethemeve, Google po negocion blerjen e aplikacionit për mesazhe WhatsApp. Bisedimet për këtë thuhet se kanë filluar para një muaji. Ekipi WhatsApp thotë të jetë “lojë e rendë” dhe si duket po negociohet për çmim sa me të lartë, dhe sipas disa burime të brendshme flitet për një çmim rreth 1 miliard $.

Shërbimi për mesazhe Whatsapp është i përfshirë në mbi 100 vende dhe më shumë se 750 rrjete celulare në mbarë globin.

Thashetheme për këtë marrëveshje vijnë pasi që u përfol se Google është duke zhvilluar platformën e vet për mesazheve të quajtur Google Babble.

Kompania Google të njëjtën gjë e ka bërë më parë edhe me aplikacionin Sparrow, i cili ishte shumë i popullarizuar në iOS. Se a do të arrihet kjo marrëveshje mbetet të shihet ditët e ardhshme. |ameble|