Tag Archives

13 Articles
Si të shkarkojmë Përditësimin e Krijuesve të Windows 10-ës

Si të shkarkojmë Përditësimin e Krijuesve të Windows 10-ës

Nëse përditësimi është i disponueshëm, ky program do të ju drejtojë në hapat në vijim. Sipas Microsoft ky opsion është për përdoruesit e avancuar.

Metoda e parë zyrtare për të shkarkuar Përditësimin e shumëpritur të Krijuesve të Windows 10-ës përtej programit Windows Insider fillon ditën e sotme.Pikërisht sot të gjitha ata që kanë të instaluar Përvjetorit me numër 1607 mund të shkarkojnë “Windows 10 Update Assistant” dhe të kalojnë në versionin më të fundit të Windows 10-ës.

“Update Assistant” është shumë i lehtë në përdorim. Shkarkoni skedarin .EXE nga Microsoft dhe me një klikim instalojeni.Nëse përditësimi është i disponueshëm, ky aplikacion do të ju drejtojë në hapat në vijim. Sipas Microsoft ky opsion është për përdoruesit e avancuar.Në të vërtetë nuk është një proces aspak i vështirë ose përndryshe prisni datën 11 Prill kur përditësimi ofrohet përmes Windows Update.Një tjetër opsion ngelet shkarkimi i ISO-ve të Windows 10-ës më 11 Prill përmes Media Creation Tool. /ameble.com

Shitjet e Xbox One kanë arritur numrin 18 milionë

Shitjet e Xbox One kanë arritur numrin 18 milionë

Kompania Microsoft ka vendos t’i mbaj të fshehura detajet e shitjeve të saj për konsolën Xbox One, edhe pse sipas Mary Jo Foley nga ZDNet, Microsoft deri me sot ka shitur 18 milionë njësi të kësaj konsole.

Microsoft xbox one

Lajmi për ketë numër të shitjeve është publikuar gjatë kësaj javë në Windows Weekly, edhe pse ky është një numër jozyrtar dhe nuk është konfirmuar nga Microsoft.

Në anën tjetër, Microsoft ka njoftuar javën e kaluar se tani kanë më shumë se 200 milionë pajisje aktive me Windows 10, ku kjo shifër përfshin gjithashtu edhe pajisjet Xbox. Në llogaritje, nga 200 milionë pajisje është vlerësuar se 180 milionë janë kompjuterë, 18 milionë janë Xbox One dhe 1 milion pajisje me Windows Phone.

Në fund nëse kjo shifër është e saktë, atëherë Microsoft del së është ende prapa kompanisë Sony me konsolën PlayStation 4, e cila më 3 janar 2016 ka njoftuar se kanë shitur 35.9 milionë konsola të PS4 që nga lansimi. /ameble

Microsoft shton opsionin slow-motion për disa smartphone Lumia

Microsoft shton opsionin slow-motion për disa smartphone Lumia

Windows CameraMicrosoft ka përditësuar aplikacionin e tyre të kamerës për Windows 10 duke shtuar kështu mundësinë për incizimin e videove të ngadalshme (slow-motion), në disa smartphone Lumia të caktuar. Aplikacioni aktualisht posedon mundësinë e incizimit 120 frames për sekondë në rezolucion 720p.

“Opsioni Slow-motion ka qenë një nga kërkesat më të shpeshta që kemi marr nga njerëzit duke përdorur aplikacionin e kamerës për Windows Phone dhe Windows 10”, ka thënë Microsoft.

Ky opsion aktualisht do të jetë në dispozicion për Lumia 930, Lumia 1520, Lumia Icon dhe mund t’ju themi se do të jetë në dispozicion edhe për modelet e reja Lumia 950 dhe 950 XL. Përditësimi mund të bëhet nepërmes aplikacionit të kamerës. /ameble

Kangaroo PC, kompjuteri portable Windows 10

Kangaroo PC, kompjuteri portable Windows 10

Edhe pse një PC-on-a-stick mund të duket i favorshëm, zakonisht ky lloj kompjuteri është shumë i limituar: ka vetëm një portë, dhe duhet ta lidhësh me një burim të rrymës elektrike. InFocus, kompania e projektorëve, mendon që ka gjetur një ide më të mirë. Kangaroo PC është një kompjuter me bateri që punon me sistemin operativ Windows 10 dhe ka përmasat e një smartphone: mund ta mbani në xhep, mund ta lidhni me pajisje të tjera periferike dhe mund të punojë deri në katër orë pa e karikuar. Kangaroo PC mund të lidhet edhe me një iPad nëse dëshironi. Për sa i përket portave, pajisja ka një portë HDMI dhe dy porta USB, dhe duket se në të ardhmen opsionet mund të shtohen.

infocus-kangarooMegjithatë, ky sistem nuk është shumë i fuqishëm, për shkak se ka një procesor Atom x5, 2GB RAM dhe 32 GB memorie të brendshme që mund të zgjerohet me memorie të jashtme. Kjo pajisje është në tregun e ShBA-së për vetëm 99 dollarë, duke e bërë mjaft konkuruese me rivalët e saj. /ameble

Lumia 640, smartphone i parë që do të marrë Windows 10

Lumia 640, smartphone i parë që do të marrë Windows 10

Smartphone-i i rangut të mesëm Lumia 640 mund të jetë smartphone-i e parë që do të marrë sistemin e ri operativ Windows 10, me përditësimin që pritet të vijë gjatë këtij viti, kjo sipas menaxherit të përgjithshëm të Microsoft-it për skandinavi, Osi Korpela. Përveç që do të jetë smartphone-i i parë që do të marrë ketë përditësim, Korpela ka treguar gjithashtu disa nga karakteristikat të cilat pritet t’i ketë Lumia 640.

Lumia-640

Microsoft do të fillojë me lansimin e Windows-10 për desktop si duket nga muaji korrik, kurse versioni për smartphone do të arrijë pak më vonë.

Lumia 640 posedon ekranin 5-inç me rezolucion 720×1280 pikselë, procesorin Snapdragon 400, 1.2GHz dhe 1GB RAM. Gjithashtu posedon memorien e integruar 8GB me mundësinë për zgjerim nëpërmes portës microSD, kamerën e pasme 8-megapikselë kurse atë frontale 0.9 megapikselë, si dhe baterinë 2.500mAh. /ameble

Dy përditësime të ardhshme të Windows 10 janë koduar si “Redstone”

Dy përditësime të ardhshme të Windows 10 janë koduar si “Redstone”

RedstonePortali Neowin këtë javë ka njoftuar se Microsoft është duke planifikuar lëshimin e dy përditësimeve të mëdha për sistemin e tyre të ardhshëm Windows 10.

Këto dy përditësime të mëdha të Windows 10 nga Microsoft, do të lëshohen njëra në muajin qershor të këtij viti dhe tjetra gjatë muajit tetor 2016, ku të dyja momentalisht janë të koduara me emrin ‘Redstone’.

Windows 10 aktualisht është në dispozicion për shkarkim vetëm si test (preview) dhe është në fazën e zhvillimit. Pasi të lansohet zyrtarisht si sistem i plotë, të gjithë ata që posedojnë versionin Windows 7 apo edhe me të ri, do të kenë mundësi të marrin sistemin operativ Windows 10 pa pagesë, kishte deklaruar Microsoft. /ameble

Windows Hello dhe Windows Passport do të zëvendësojnë fjalëkalimet

Windows Hello dhe Windows Passport do të zëvendësojnë fjalëkalimet

Windows-Hello-AmebleSistemi i ri operativ i Microsoft Windows 10 do të jetë sistemi i parë operativ Windows dhe platforma e parë që do të eliminojë fjalëkalimet. Microsoft prezantoi një sistem të ri të sigurisë biometrike, “Windows Hello”, i cili do të lejojë përdoruesit të regjistrohen tek pajisjet, telefonat dhe kompjuterët që operojnë me Windows 10 nëpërmjet gjurmëve të gishtërinjve, syve ose fytyrës.

Microsoft do të ruajë lokalisht identifikimin biometrik, dhe jo vetëm tek serverët e Microsoft-it apo në cloud. Microsoft e quan Windows Hello një sistem sigurie të nivelit të lartë, që ka shansa te vogla për të dështuar. Ky sistem mund të funksionojë vetëm tek llogaritë e Microsoft.

Bashkë me Windows Hello kompania zbuloi gjithashtu edhe një projekt të ri, të quajtur “Microsoft Passport”, përmes të cilin mund ti hapim aplikacionet online dhe llogaritë tona. “Microsoft Passport” ofron mundësinë e sigurisë së lartë dhe mund të përdoret edhe si si një mjet zhvillimi për ekspertët e teknologjisë, për zhvilluesit e softuerit dhe faqeve ueb, që do t’u japë mundësi atyre të krijojnë sistemin e tyre të identifikimit të Windows 10 tek aplikacionet, faqet ueb ose shërbimet, pa pasur nevojë për një fjalëkalim.

Këto sisteme do t’u kërkojnë përdoruesve të Windows 10 të verifikojnë nëse po i përdorin ato pajisjet, duke vendosur një kod PIN ose nëpërmjet identifikimit të sigurisë biometrike të sistemit Windows Hello.

Ideja e Windows Hello dhe Microsoft Passport është që përdoruesit të kenë mundësinë që të përsonalizojnë pajisjen e tyre kompjuterike dhe të rrisin nivelin e sigurisë si asnjëherë më parë. /ameble

[youtube id=”1AsoSnOmhvU” width=”600″ height=”350″]

Windows 10, merr më pak hapësirë në kompjuter

Windows 10, merr më pak hapësirë në kompjuter

Windows 10Nuk është diçka e pazakontë nëse sistemi operativ e merr një hapësirë të madhe të diskut në kompjuter, duke e ditë se sistemi operativ konsiderohet si pjesë kryesore e softuerit. Megjithatë lajm i mirë është se, nëse dëshironi të keni sistemin e ri operativ Windows 10 të instaluar në kompjuterin tuaj, atëherë është vërejtur se ky sistem operativ nuk merr hapësirë të madhe.

Në një blog të Windows-it, Microsoft ka deklaruar se në sajë të një algoritmi të ri të kompresimit Windows 10 është në gjendje të ruaj 1.5GB hapësirë në disk për kompjuterët me 32-bit dhe 2.6GB për kompjuterët me 64-bit, që do të thotë se nëse planifikoni të përdorni një disk më të vogël SSD vetëm për të boot up të Windows-it, i bie që kjo hapësirë është nuk është pak.

Algoritmi i ri i kompresimit do të përdoret gjithashtu edhe në smartphone të Microsoft-it, dhe më siguri se edhe aty do të lirohet një pjesë e hapësirës.

Microsoft ka thënë gjithashtu se ka përmirësuar edhe funksionin Windows Recovery Tool, ku do të jetë në gjendje të ruaj së paku 12GB hapësirë, varësisht nga prodhuesi. /ameble

Ja se çfarë solli Microsoft në ngjarjen Microsoft Windows 10

Ja se çfarë solli Microsoft në ngjarjen Microsoft Windows 10

Siç pritej, në ngjarën “Microsoft Windows 10” është prezantuar sistemi i ri operativ Windows 10, i cili nga java e ardhshme do të jetë i gatshëm për të gjithë ata të cilët nënshkruan marrëveshje me kompaninë Microsoft para lansimit. Microsoft bëri një shtytje të fortë në drejtim që të lidh të gjitha pajisjet me një sistem unik nëpërmjet aplikacioneve universale sikurse Office, Outlook, dhe aplikacione të tjera të cilat punojnë në mënyrë të ngjashme në të gjitha pajisjet. Edhe Cortana është kudo, duke punuar si një ndërfaqe e natyrshme dhe si asistent personal i përdoruesit.

windows-10-2

Vështrim i ri dhe rikthimi i Start menu-së vjetër

Windows 10 Start MenuEdhe pasi që solli një sistem të ri Windows 8, më pastaj versionin Windows 8.1, Microsoft ishte ende duke u përpjekur për të bërë një sistem operativ që do të punonte në të dy pajisjet, kompjuter dhe pajisje mobile. Dhe si duket, Microsoft tani më ka arritur misionin me sistemin e ri Windows 10.

Një kombinim i qëlluar i veçorive të Windows 8.1 si dhe rikthimi i Start menu-së vjetër, ofron përtej ndryshimeve vizuale të ikonave të desktopit. Zgjerimi i Start menu-së në një pamje të plotë ekrani asociacion se jeni duke punuar ende në Windows 8.1. Kjo ishte një tjetër përpjekje për të mbajtur karakteristikat më të mira të desktopit të Windows-it i cili është përshtatur edhe tek ekranet me prekje.

Desktopi në telefonin tuaj

Windows 8 ishte një platformë për desktop edhe për tablet, por tani Windows 10 ofron më shumë; ai do të jetë edhe për telefona. Pra, sistemi i ri është i ndërtuar në mënyrë që të përshtatet edhe me pajisje më të vogla se 8 inç duke ofruar më shumë se sistemi operativ Windows Phone. Vërtetë, verzioni i unifikuar nga Microsoft, do sinkronizoj njoftimet në mes të PC-së dhe telefonit, si dhe shërbimi Skype do të integrohet në aplikacion të mesazheve.

Cortana edhe në PC

CortanaCortana, asistent personal nga Microsoft-it i ndërtuar për të asistuar përdoruesin, është integruar edhe në PC. Deri më tani, Cortana ishte në dispozicion për pajisjet mobile, ndërsa me Windows 10 do të jetë pranë Start butonit dhe do të shërbejë si një ndërfaqe e versionit të sistemit operativ.

Ajo do të përgjigjet në të folurit gjatë parashtrimit të pyetjes, si dhe do të ofron shërbime të kërkimit në dokumente lokale si dhe ato të depozituara në OneDrive. Cortana gjithashtu do të integrohet në aplikacionet Maps, duke ofruar informata për parkimin e makinës tuaj. Cortana do të jetë edhe pro-aktive, duke ofruar edhe njoftime për të cilat ajo mendon se ju do të jeni të interesuar, sikurse ndjekja e fluturimeve, lajmet, sporti, politika dhe lame të tjera.

Aplikacione të reja kudo

Dëshironi të punoni në PowerPoint nga një telefon?

Microsoft ka demonstruar se si të gjitha pajisjet që kanë të instaluar sistemin e ri Windows 10, kompjuteri, tableti, si dhe telefoni, janë duke punuar mirë së bashku. Shumica e opsioneve të formatimit janë të integruara në të gjitha pajisjet si dhe është mundësuar sistemi i sinkronizmit në mes të pajisjeve kështu duke ofruar mundësin e qasjes në dokumente kudo që jeni. Microsoft po ashtu konfirmoi edhe shfrytëzimin e programit për prezantim PowerPoint nga telefoni i cili po ashtu mundëson edhe printimin e dokumentin e prezantimit  nëpërmjet WiFi-së. Kjo strategji nga Microsoft dallon nga ajo strategji nga Apple, e cila ka projektuar softuer të veçantë për iOS dhe OSX për pajisje të ndryshme. Microsoft ndërtoi motorin e plotë të programit Word në aplikacione universale Outlook.  Fotografitë do të ruhen në OneDrive, dhe aplikacioni për foto do të mbledhë fotot nga të gjitha pajisjet, duke i larguar kopjet identike si dhe duke i organizuar ato automatikisht në albume.

Mbaron epoka e Internet Explorer dhe fillon epoka “Spartan”

Disa javë më parë filluan të shfaqen thashetheme për shuarjen Internet Explorer si dhe zëvendësimin e tij me shfletuesin Spartan. Dhe në këtë ngjarje, Microsoft edhe zyrtarisht njoftoi se me Windows 10, mbaron epoka e Internet Explorer dhe fillon epoka “Spartan”. Shfletues i ri i koduar me emrin “Spartan” është i projektuar pikërisht për Windows 10. Është një shfletues i pastër me shumë karakteristika dhe shkëlqime të reja të shërbimeve nga Microsoft.

Një rol më i madh për OneDrive

OneDrive ishte kudo në prezantimin e Microsoft-it. Në fakt OneDrive do të jetë shtylla kurrizore të Aplikacioneve të unifikuara, duke lejuar sinkronizimin e dokumenteve në të gjitha pajisjet.

PC juaj nga tani është Xbox i juaji

Microsoft zotëron një shumicë të madhe të tregut të lojërave kompjuterike si dhe një pjesë të konsiderueshme të tregut të lojërave me konsola. Në iventin Windows 10, Microsoft prezantoi aplikacionin Xbox i cili do të jetë i integruar në secilin kompjuter me Windows 10. Nga kënd vështrimi i parë, si duket Microsoft do të mundëson që lojërat të kosoles Xbox, tani të luhen po ashtu edhe nëpërmjet kompjuterit.

Microsoft prezantoi një TV gjigand 84 inç me prekje 

The Surface HubMicrosoft njoftoi për Surface Hub, një pajisje me ekranin 84 inç me rezolucion 4K i dedikuar për biznese të mëdha. Pajisja ka të integruar kamerën, mikrofonin, Bluetooth, NFC dhe një ndërfaqe me prekje e projektuar për të shkruar në të. Microsoft nëpërmjet Surface Hub gjatë takimeve të zhvilluara me anë të Skype-it, do të mundëson se çka do që shkruhet ose vizatohet në ekran të Surface Hub , të shpërndahet automatikisht tek pajisjet e të gjithë pjesmarrësve në takim.

Këto ishin informata zyrtare rreth sistemit operativ Windowds 10 të prezantuara në iventin nga Microsoft  dhe duke u bazuar në të gjitha informata të ofruara deri më tani, si duket projekti Widows 10 do të jetë një projekt tejet i sukseshem. /ameble

Windows 10 shfaqet me integrimin e Cortana-s dhe aplikacionin e ri Xbox

Windows 10 shfaqet me integrimin e Cortana-s dhe aplikacionin e ri Xbox

Një tjetër paraqitje e Windows 10 është shfaqur duke zbuluar kështu një numër karakteristikash të reja, ku gjithashtu thuhet se për këto karakteristika Microsoft po planifikon të njoftoj në janar.

Windows 10 Cortana dhe Xbox

 

Përveç integrimit të shumëpritur Cortana, gjithashtu do të jetë edhe një aplikacion i ri për Xbox. Ky version vjen me shifrën e zhvillimit 9901, dhe është vetëm si test nga përdoruesit e Windows 10, raporton The Verge. Rrjedhjet e fundit kanë konfirmuar tashmë se Cortana do të jenë e futur në Windows 10, por shfaqja e tanishme tregon se si pikërisht do të funksionoj ajo.

Asistenti digjital Cortana do të integrohet në funksionin ekzistues të kërkimit Windows Search dhe do të përgjigjet nga të dyja, më zë dhe me tekst. Cortana për Windows 10 është në thelb e njëjtë me versionin e Windows Phone-it.

Përveç Cortana-s, më emocionuese për lojtarët është aplikacioni i ri i Xbox-it, që duket se do të veproj si një portë lidhëse për Xbox-in. Përdoruesit do të jenë në gjendje të shohin të arriturat në lojëra, hyn në listën e miqve, të shohim aktivitete tjera, madje edhe të blejnë nga dyqani online Xbox. Më vonë është menduar që aplikacioni Xbox të ofroj edhe integrimin e SmartGlass.

Në ketë paraqitje të Windows 10 shihen ndryshime edhe në Control Panel, animacione të reja në TaskView switcher etj.

Këto ndryshime dhe tipare të reja si dhe lansimin e parë si para-pamje të Windows 10 Microsoft pritet t’i bëjë në një ngjarje në muajin janar. /ameble

Microsoft në janar do të prezantoj karakteristikat e reja të Windows 10

Microsoft në janar do të prezantoj karakteristikat e reja të Windows 10

Windows-10Sipas disa burimeve ende të pa konfirmuara Microsoft pritet të mbajë një ngjarje në muajin janar ku do të prezantoj karakteristikat e reja të Windows 10, si dhe do të flasin për planet e tyre për smartphones dhe tablet. Gjiganti i programeve kompjuterike pritet që këtë ngjarje të shfrytëzoj gjithashtu për lansimin e parë të Windows 10, si test për përdoruesit.

Microsoft paraqitjet e para për Windows 10 na tregoj shkurt në një ngjarje të vogël në San Francisko në muajin shtator. Kjo ngjarje kishte zgjatur vetëm një orë dhe kështu Microsoft nuk ka pasur mundësi që t’i shpjegoj të gjitha të rejat e versionit të ri të Windows-it. Por tani po thuhet se kompania ka shumë më shumë për të na treguar vitin e ardhshëm.

The Verge ka raportuar se “Microsoft ka një numër të madh të karakteristikave për të diskutuar, duke përfshirë edhe ndërfaqen e re me prekje të quajtur Continuum”.

Sipas raportit, kjo ngjarje nuk do të zhvillohet në Consumer Electronics Show (CES) në Las Vegas, edhe pse Microsoft do të marr pjesë atje, mirëpo kjo do të jetë një ngjarje e veçantë e cila do të mbahet nga fundi i janarit. Përveç kësaj kompania pritet të njoftojë planet e saj edhe për pajisje tjera, duke përfshirë smartphone, tablet, dhe ndoshta edhe Xbox One. /ameble

E konfirmuar: Windows 10 do të vijë në të gjitha pajisjet Lumia që posedojnë Windows Phone 8

E konfirmuar: Windows 10 do të vijë në të gjitha pajisjet Lumia që posedojnë Windows Phone 8

Microsoft Lumia në llogarinë e tyre të Twitter-it ka konfirmuar se të gjitha pajisjet e tanishme me Windows Phone 8, duke përfshirë edhe Nokia edhe Microsoft Lumia do të përditësohen në të ardhmen me versionin Windows 10.

“Ne planifikojmë në të ardhmen të përditësojmë të gjitha pajisjet Windows Phone 8 me Windows 10,” ka shkruar kompania në një cicërimë, duke u përgjigjur në një pyetje nëse modelet e tanishme Nokia Lumia do të marrin versionin e ri Windows 10.

Kompania në Twitter në mënyrë specifike ka komentuar për Lumia-n dhe të ardhmen e saj. “Nuk do të jetë vetëm Windows 10 i cili do të përditësohet në të gjitha pajisjet Lumia Windows Phone 8, ne në të ardhmen ne do të nxjerrim edhe modele tjera të reja me Windows 10!”, ka shkruar kompania ditë më parë.  

Megjithatë nuk është dhënë asnjë detaj apo kohë për nisjen e përditësimeve me Windows 10 për smartphone. /ameble