Tag Archives

14 Articles
Rreth 95 % e bankomateve në botë me Windows XP

Rreth 95 % e bankomateve në botë me Windows XP

Bankomat sebSipas një raporti të fundit, rreth 95 % e bankomateve (makinave për të holla) në të gjithë botën ende funksionojnë me sistemin operativ Microsoft Windows XP. Microsoft nga muaji Prill i këtij viti pritet të ndal përkrahjen në shumë fusha për Windows XP, e cila mund të shkaktojë problem për bankat.

Është raportuar se deri në afatin e Prillit rreth 15 % e bankomateve janë të gatshëm të kalojnë në Windows 7, mirëpo pjesës tjetër do t’i duhej një kohë pak me e gjatë për përditësim. Microsoft ka njoftuar se do të vazhdojë të ofrojë përkrahje vetëm për anti-malware deri në mes të 2015.

Sistemi Windows 7 si duket do të sjellë një sërë veçorish të reja për makinat e të hollave, të cilat do të përfshijë përkrahjen në ndërfaqe me Multitouch si dhe shumë mundësi tjera. /ameble

Në dispozicion test përditësimi “Internet Explorer 11” për Windows 7

Në dispozicion test përditësimi “Internet Explorer 11” për Windows 7

Nëse në pajisjen tuaj përdorni sistemin operativ  Windows 7, atëherë mund të ju interesoj lajmi se Microsoft ka lansuar këtë javë versionin për test të Internet Explorer 11 posaçërisht për Windows 7.

Versioni i fundit IE 11 premton të jetë 30 % më i shpejt se sa shfletuesit tjerë në Windows 7 dhe vjen vetëm dy muaj pas versionit për zhvillues nga Microsoft. Në videon e më poshtme është paraqitur një pamje se çfarë ndryshimesh janë bërë:

[youtube id=”S97t6uEY8BI” width=”600″ height=”350″]

Për më shumë informacione rreth këtij versioni mund të shikoni tek blogu i tyre zyrtar kurse për shkarkim klikoni këtu. |ameble|

Si ta bëjmë “Windows 8” të duket sikur “Windows 7”

Si ta bëjmë “Windows 8” të duket sikur “Windows 7”

Me siguri që Windows 8 është një sistem operativ shumë i mirë, jo vetëm sepse është i ri, por edhe për shkak të përformancës dhe dizajnit që disponon.

Përkundër këtyre gjërave, mund të ketë persona të cilëve nuk u pëlqen dizajni i ndërfaqës së Windows 8, apo të tjerëve që kane të madhe nostalgjinë për paraardhësin Windows 7.

Në vijim do të ju përshkruajmë në detaje se si mund ta bëjmë sistemin operativ Windows 8 të duket sikur Windows 7.

  • Shkarkoni aplikacionin classicshell këtu
  • Instalojeni dhe Hapeni aplikacionin
  • Pas hapjes se këtij softueri ju keni mundësinë të zgjedhni opsionet se a dëshironi që versioni i ri të duket sikur Windows XP apo Windows 7.
  • Meqenëse në ketë artikull bëhet fjalë për konvertimin  në sistemin  Windows 7 atëherë zgjedheni këtë opsion
  • Më pas shkarkoni aplikacionin Skip Metro Suite këtu
  • Pas shkarkimit instalojeni dhe më pas hapeni aplikacionin
  • Klikoni opsionin enable skip metro suite
  • Ristartojeni kompjuterin

Tani në kompjuterin tuaj do të shihni imazhin e Windows 7.   |ameble|

Në dispozicion Internet Explorer 10 për Windows 7

Në dispozicion Internet Explorer 10 për Windows 7

Me kënaqësi ju njoftojmë së kompania Microsoft ka lansuar sot versionin final të shfletuesit Internet Explorer 10 për Windows 7.

Internet Explorer 10 i ri për Windows 7 përfshin një numër përmirësimesh dhe karakteristikash të reja, duke përfshirë performancën me të zgjeruar të JavaScript, përmirësime në jetën e baterisë për laptop që posedojnë Windows 7 si dhe auto-korrektorin e integruar.

Përditësim IE10 është në dispozicion për të shkarkuar nga tani dhe sjell një ndërfaqe të ngjashme me atë të IE9. |ameble| [divider top=”0″]

Surface Windows 8 Pro, në shitje nga data 9 Shkurt

Surface Windows 8 Pro, në shitje nga data 9 Shkurt

Microsoft ka vendosur që të nxjerr në dispozicion modelin e tabletit Surface Windows 8 Pro, nga data 9 Shkurt. Ky tabletë vjen më procesorë Intel Core I5 dhe o të ketë çmimin 899 $ (667 €) . I pajisur me procesor Intel Core I5 dhe 4GB RAM, Surface Windows 8 Pro ofron fuqinë dhe performancën e një laptopi në një formë tablete dhe gjithashtu posedon të gjitha aplikacionet e Windows 8 si dhe ato të versionit Windows 7, ka thënë Microsoft në blogun e tyre zyrtar TechNet.

Tableti do të jetë në dispozicion në dy variante, 64GB dhe 128GB. Ai gjithashtu vjen me një stilolaps Surface Pen (për të vizatuar, dizajnuar dhe shkruar), Microsoft thotë se ky do të jetë një mjet i dobishëm për njerëzit që duan të përdorin kreativitetin e tyre ne Surface Windows 8 Pro.

Karakteristikat tjera përfshijnë,  Ekranin 10.6 inç ClearType HD e plotë 1080p me prekje (touchscreen), dy kamera LifeCam HD frontale dhe atë të pasmen më rezolucion 720p, Wi-Fi, Bluetooth 4.0, USB 3.0, sloten për kartë microSDXC, Mini DisplayPort, Handset Jack dhe  CoverPort. |ameble| [divider top=”0″]

Windows 8 Pro do të kushtojnë 200 $ nga muaji Shkurt

Windows 8 Pro do të kushtojnë 200 $ nga muaji Shkurt

Në muajin korrik, lajmet ishin së çmimi për të përmirësuar (upgrade) Windows XP, Windows Vista, ose Windows 7 në sistemin e ri operativ Windows 8 Pro do të jetë vetëm 40 $.

Kjo ishte pra një ofertë promovuese nga Microsoft dhe gjithësesi se nuk do të zgjasë përgjithmonë. Mirepo nëse e keni në plan dhe ende nuk keni kaluar në Windows 8 Pro, atëherë më mirë të bëni atë para së çmimi të rritet. Keni kohë deri më 31 janar për të marrë çmim promovues prej 40 $, por pas kësaj pritet qe çmimet te ndryshojnë, sepse ka mundësi që një përmirësim në Windows 8 do t’ju kushtojë 199.99 $ ndërsa versioni standard Windows 8 do të kushtojë 119.99 $.

Nga ana tjetër, nëse keni Windows 8, por dëshironi ta përmirësoni në Windows 8 Pro, paketa Windows 8 Pro do t’ju kushtojë 99.99 $.

Pronarët e kompjuterve që kanë Windows 8 Pro që dëshirojnë të shtojnë funksionin shtesë Windows Media Center mund të blejnë paketën Media Center për 9.99 $. |ameble| [divider top=”0″]

Vlerësim: Lenovo G570

Vlerësim: Lenovo G570

Lenovo Essential G570 me ekran 15.6 inç është një Laptop i rangut të mesëm, por ofron performancë të mjaftueshme. Arsyeja pse e zgjodhem ketë model është se në vendin tonë gjendet me një çmim të arsyeshëm rreth 400 € duke përfshirë këtu sistemin operativ Windows 7.

[checklist]Përparësitë:

  • Performanca
  • Tastatura e plotë (pjesa numerike),
  • Çmimi

[/checklist]

[badlist]Mangësitë:

  • Mekanizmi i monitorit

[/badlist]

Dizajni dhe opsionet

Nëse ju ka ardhur mundësia të bleni një Laptop me një çmim te arsyeshëm dhe duke kërkuar të një performance të mjaftueshme, atëherë zgjidhja mund të jetë një Lenovo G570.

Kapaku është në të zezë, posedon shumë pak shkëlqim, në fakt i vetmi tipar dallues më shkëlqim është efekti nga kromi i logos Lenovo në këndin e sipërm të majtë.

Ky kapak është bërë nga një plastikë me shkëlqim te zbehtë e që mekanizmi i tij nuk duket aq i fortë. Kur e prek ose vendos duart mbi të e jap ndjenjën qe është pak a shumë e lirë. Një tjetër mangësi të themi e këtij laptopi është se kur preket me gishta, mbesin shenjat e gishtave.

Në momentin kur hapim kapakun, tanimë është me tërheqës. Rrethoja e tastierës është bërë më e hijshme, e krehur me vija në të zezë që nuk duket të ketë të njëjtën mangësi për shenjat e gishtërinjve si tek kapaku. Rrethoja e tastierës është një pjesë e vetme e hollë e laptopit, por është e këndshme dhe me siguri shton një shkallë të klasës së lart dhe stilit të një pjesë kualitative.

Sikur të kishin përfshirë këtu me shumë metal do të ishte dukur shumë me bukur por që padyshim do të ngritej edhe çmimi i tij, kështu që ne mendojmë se me plastiken dhe shkëlqimin e zi qe ka do të duhej të pajtohem.

Ne anën e majtë, laptopi posedon tri porte USB 2.0, njëra USB/eSATA e kombinuar, pastaj ethernet portën, një port VGA, kurse ne anën e djathtë vrimat për kufjeve te zërit, mbushësin e rrymës dhe gjithashtu CD/DVD RW drive-in. Për nga pesha Laptopi nuk është aq i rëndë për një çantë shpine, peshon 2.5 kg me dimensione 376X249x34mm.

Tastiera dhe mausi

Tastet e tastierës kanë një formë të rrumbullakuar, e cila u jep atyre një avantazh më modern. Janë pak më shumë të nxjerra jashtë në krahasim me modelet e rangut të njëjtë.

Tastiera është mjaft e gjerë, kështu që keni mjaft hapësirë për të shtrirë gishtat, dhe gjithashtu posedon tastierën numerike të veçantë, e cila është shumë e dobishme kur keni për të punuar më tabela ose llogaritje.

Trackpad (hapësira për maus) është pak e vogël duke marrë parasysh sasinë e hapësirës rezervë që kanë lënë rreth saj megjithatë ajo ka mjaft cilësi simpatike edhe pse posedon hapësirë të mjaftueshme për rrëshqitje të gishtit.

Butonat tek trackpad-i janë mjaft të mëdha dhe të lehta për tu shtypur, edhe pse janë nga plastika. Në eksperiencën tonë disa javëshe, kemi kaluar një kohë mjaft të gjatë në përdorimin e dy butonat e që nganjëherë duket se japin një tingull paksa të ndryshëm gjatë klikimit. Kjo ndoshta për dikë nuk është pengës dhe nuk është në listën e gjërave që ju intereson kur zgjidhni një laptop, por është me rendësi që të përmendet.

Ekrani

Ekrani 15,6 inç me rezolutë 1366X768 piksel dhe webcam te integruar është me të vërtetë mjaft mbresëlënës. I ndritshëm, ofron kontrast të mirë dhe jep ngjyra të kthjellëta.

Performanca

Në brendësi të krejt kësaj çka u tha më lart ky laptop posedon procesor dual-core Intel Core i3-2310M, 2.1GHz dhe 4GB RAM DDR3, 500GB 5400rpm SATA Hard Drive. Kartela grafike nuk ka ndonjë kufizim, kështu që mund të luani lojërat ndoshta edhe me të fundit që janë të kualitetit te lartë, posedon Intel HD graphics 3000 të integruar.

Bateria e këtij modeli është gjithashtu mjaft e qëndrueshme. Në testin tonë, ka arritur të mbajë rreth 2 orë e gjysmë punë pa ndërprerë. Nëse përdoret me opsionin “Balanced” mund të qëndroj edhe më gjatë.

Përfundim

Për ata që me një buxhet të shtrënguar duan një laptop, Lenovo G570 mund të jetë një alternativë e mirë qe ofron performancë të mjaftueshme dhe çmim të arsyeshëm. Pajisja gjendet në disa nga dyqanet tona, dhe për më shumë informata mund të na kontaktoni nepërmes kontakt formës. |ameble| [divider top=”0″]

IE 10 Preview në dispozicion për shkarkim

IE 10 Preview në dispozicion për shkarkim

Kompania Microsoft ka mbajtur premtimin e saj dhe tanimë ka lëshuar versionin “Preview” të shfletuesit Internet Explorer 10 për Windows 7. Version i Internet Explorer 10 për Windows 7 ka pamjen e njëjtë si në versionin e Windows 8, dhe përfshinë karakteristika të tilla si shfletim në ekran të plotë, përshpejtimin harduerik, përkrah funksionin multitouch, si dhe disa karakteristika tjera.

Internet Explorer 10 Preview për Windows 7 tani është në dispozicion për shkarkim pa pagesë. Nëse në Internet Explorer 9 e keni  të aktivizuar auto-update, automatikisht do të merrni versionin IE10 kur është në dispozicion. Versionet e vjetra të Windows-it, si Vista dhe XP, nuk do të marrin IE10. |ameble| [divider top=”0″]

Steven Sinofsky lë kompaninë Microsoft pas 23 viteve

Steven Sinofsky lë kompaninë Microsoft pas 23 viteve

Microsoft ka njoftuar dje në mbrëmje se Steven Sinofsky, një nga udhëheqësit e Windows-it dhe sektorit në Windows Live, do të lë kompaninë. Sinofsky ka kontribuar për kompaninë Microsoft prej vitit 1989. Largimi i ekzekutivit vjen vetëm disa javë pasi Microsoft ka nisur me sistemin e ri operativ Windows 8 dhe tabletën Surface.

Vendimi për të lënë kompaninë është thënë të jetë reciprok, megjithatë AllThingsD ka raportuar se Sinofsky ka lënë për shkak të tensioneve në rritje me drejtuesit e tjerë të kompanisë Microsoft. Sinofsky kishte marr kontrollin e njësisë së Windows-it që nga lansimi i sistemit operativ Windows Vista dhe duke vazhduar kështu më Windows 7 dhe Windows 8, dy këto sisteme prej të cilave ka marrë lëvdata të shumta nga konsumatorët.

Tani Julie Larson-Green do të kryesojë në njësinë harduerike dhe softuerike të Windows-it, kurse Tami Reller, do të jetë zyrtar i lartë financiar, shef i marketingut, si dhe përgjegjës për biznes në Windows.

Të gjitha këto ndryshime do të hyn në fuqi menjëherë, deklarata për shtyp nga Microsoft vijon më poshtë. |ameble|

[divider top=”0″]

Nesër, Internet Explorer 10 preview për Windows 7

Nesër, Internet Explorer 10 preview për Windows 7

Një version i ri më pamje paraprake (preview), Internet Explorer 10 për Windows 7 do të jetë në dispozicion nga nesër, sipas LiveSide një ueb portal që ndjek Windows Live.

Uebsajti merr ketë informacion nga një blog i teknologjisë kineze iFanr, e cila ka ndjekur një ngjarje për media për IE 10 sot në Pekin. iFanr ka cituar komentet nga një udhëheqës i Microsoft-it, i cili ka njoftuar për lançimin e menjëhershëm të versionit preview të shfletuesit Internet Explorer.

Kompania ka postuar në një blog muajin e kaluar së një preview e re do të jetë në dispozicion në mes të muajit nëntor. Në atë kohë, Rob Mauceri, menaxher i grupit në programin e Internet Explorer-it, kishte thënë se shfletuesi i ri për Windows 7 ka të njëjtat standarde me platformën bazë të shfletuesit IE 10 në Windows 8. |ameble| [divider top=”0″]

Dallimet në mes Windows 7 dhe Windows 8

Dallimet në mes Windows 7 dhe Windows 8

Një prej shqetësimeve më të mëdha që do të rëndojnë përdoruesit  e sistemit të ri operativ Windows 8 nga Microsoft-it është padyshim ekrani i ri Start, i cili përmban ndërfaqen (interface) e ashtuquajtur Modern UI, që paraprakisht është quajtur Metro UI. Sistemi operativ sjell me vete ndryshime thelbësore, duke përfshirë cilësimet e shumta të ekranit, është përmirësuar Windows Explorer, është bërë sinkronizimi i urdhrave të bazuar në shërbimet cloud, si dhe janë krijuar mënyra dhe module të reja të reja për të personalizuar dhe menaxhuar desktopin. |ameble| [divider top=”0″]

Përshtypjet nga panairi ITTF

Përshtypjet nga panairi ITTF

Sot u hap Panairi i Teknologjisë Informative dhe sipas vizitës dhe pikëpamjes tonë në ketë Panair është pritur më shumë, që në hyrje të Panairit vërehej mungesa e prezencës së shumë kompanive të njohura nga Kosova dhe rajoni, pa u ndalur tek arsyetimet ne mendojmë që ky organizim duhet të jetë më i madh dhe me më shumë pjesëmarrës, aq më tepër kur mbahet një herë në dy vite.

Ndër ato që vizituam sot, ia vlen të cekim prezantimin e 3D Printerit nga Free Libre Open Source Software Kosova, Kinect për Windows nga Cacttus si dhe Smart Home Solution nga Prova Center. |ameble|

Kinect për Windows 7 [youtube id=”dFKslr6Hnog” width=”600″ height=”350″] Smart Home [youtube id=”9plTB_evkLg” width=”600″ height=”350″] [divider top=”0″]