Tag Archives

12 Articles
Tableti Windows i kompanisë Dell konkuron me Microsoft Surface

Tableti Windows i kompanisë Dell konkuron me Microsoft Surface

UntitledTableti konkurues i Microsoft Surface Pro 3 nga Dell – Dell Venue 11 Pro – është përmirësuar me serinë 7000 të kompanisë. Ndërkohë që tabletët e tjerë konkurojnë për të qenë më të hollët dhe më të lehtët, version 10.8 pol (inch) i Dell ka pikësynim të jetë më i shpejti dhe tableti me më shumë opsione.

Tableti ka ekran OLED 1080p, procesor Intel Core M 2GHz, 4 GB RAM dhe 64 GB memorje të brendshme. Të gjitha këto në një pajisje 10.75 mm në trashësi dhe të rëndë 730 gram. Tableti mund të punojë me versionin 64-bit të Windows 8.1 dhe 8.1 Pro dhe memorja mund të zgjerohet dhe me 64 GB të tjera. Në pjesën anësore ka një portë USB 3.0, një portë HDMI dhe ka mundësi për lidhje me Bluetooth 4.0 dhe NFC.

Pajisja mund t’i tërheqë blerësit me ekranin e saj 10.8 pol (inch) por kompania Dell ka menduar dhe për profesionistët duke prodhuar tastiera dhe kasa të ndryshme për t’iu përshtatur profesionit të blerësit.

Venue 11 Pro 7000 Series do të dalë në treg në 11 Nëntor dhe modeli i thjeshtë (me stylus dhe tastierë) do të kushtojë 799$. /ameble

Përditësimi i dytë për Windows 8.1 pritet të vij së shpejti

Përditësimi i dytë për Windows 8.1 pritet të vij së shpejti

Microsoft thuhet së është duke u përgatitur të bëj lansimin e dytë të planifikuar për ketë vit, për përditësimin e Windows 8.1. I njohur si Windows 8.1 Update 2, ky update (përditësim) i ardhshëm është me sa duket më i vogël se Update 1, dhe pritet të mbërrij si “Patch Tuesday” i cili është planifikuar për 12 Gusht, sipas një imazhi që është postuar në një uebfaqe ruse PCPortal.org.ru.

Nuk është e qartë se çfarë tipare të reja do të përfshihen në ketë përditësim, ose nëse kjo do të ketë vetëm përmirësime të disa gabimeve. Portali tjetër Neowin thotë se përditësimi do të jetë më i vogël se ai i mëparshmi, dhe do të sjellë vetëm “stabilitet”.

Prapë, nuk dihet nëse ky përditësim do të kthej menynë Start të versioneve të mëparshme. Detaje të tjera rreth Windows-8.1 Update 2 nuk ka për momentin, me përjashtim të imazhit që ka rrjedhur ku përmend datën e lansimit që mund ta shihni më poshtë: /ameblewindows-8-1-update-2-august-12-leak

Windows 9 mund të vijë pa pagesë, por vetëm për përdorues të caktuar

Windows 9 mund të vijë pa pagesë, por vetëm për përdorues të caktuar

Windows 8.1 metro 1Microsoft do të lëshoj përditësimin e dytë të Windows 8.1 për ketë vit, Windows 8.1 Update 2, i cili do të jetë në dispozicion pa pagesë për përdoruesit e Windows 8.1 Update 1, kanë zbuluar grupi i hakerve nga WZOR.

Ky grup ka shtuar gjithashtu se Microsoft për të gjithë tjerët do të shes ketë version me një çmim të volitshëm. Më pastaj ata kanë thënë së edhe me Windows 9 do të ndodh e njëjta për ata që kanë të instaluar Windows 8.1 Update 2.

Kompania Microsoft pritet të organizoj një ngjarje të “rëndësishme” nga data 23 deri 27 Qershor, në të cilën pikë Windows 8.1 Update 2 mund të shfaqet zyrtarisht.

Grupi i hackerve WZOR ka thënë se Microsoft ka forcuar sigurinë e saj të Windows-it, duke e bërë pothuajse të pamundur qasjen, punonjësit përbrenda që dëshirojnë të përdorin versionin e fundit do të marrin nga një kopje personale të Windows-it, që e bën më të sigurt qasjen në kompani. /ameble

Nokia Here Maps së shpejti në të gjitha pajisjet me Windows 8.1

Nokia Here Maps së shpejti në të gjitha pajisjet me Windows 8.1

Nokia Here maps exploreNokia ka deklaruar se shërbimi i tyre i hartave “Here”, së shpejti do të jetë në dispozicion për të gjitha pajisjet e Windows-it me version 8.1. Ky shërbim aktualisht është në dispozicion vetëm për Lumia 2520, edhe pse ekskluzivitetit për ketë pajisje është vendosur t’i jepet fund, gjithashtu çdo pajisje Windows RT dhe Pro do të kenë mundësinë të shkarkoj hartat drejtpërdrejtë nga Windows Store.

Ngjashëm si shërbimet tjera të hartave, edhe Nokia Here ofron gjëra të tilla si pamje satelitore dhe 3D, navigimin dhe drejtimet, pikat me interes dhe mundësinë për të përdorur offline. Nokia ka thënë se versioni i fundit Here për Windows 8.1 është më gjithëpërfshirës se i tanishmi për Windows Phone 8 dhe këto përmirësime do të arrijnë kur të lansohet versioni Windows Phone 8.1. Një nga përmirësimet më të mëdha Nokia ka përmendur se është shumë më i shpejtë.

Përveç që është me i shpejtë, Here për Windows 8.1 është i optimizuar edhe për mouse dhe tastierë dhe përkrah rezolucion më të lartë të pamjeve satelitore. Here Maps për Windows- 8.1 do të jetë në dispozicion për shkarkim pa pagesë në ditët e ardhshme fillimisht për Amerikë, ka thënë Nokia. /ameble

Nga sot në dispozicion për shkarkim përditësimi Windows 8.1

Nga sot në dispozicion për shkarkim përditësimi Windows 8.1

Microsoft zyrtarisht sot ka lëshuar përditësimin e tyre të parë me plotë ndryshime për Windows 8, të koduar si Windows 8.1. Softueri është në dispozicion për shkarkim për të gjithë globalisht dhe është pa pagesë për përdoruesit ekzistues të Windows 8, ndërsa të tjerët që ende janë me Windows 7, Vista dhe XP mund të paguajnë për të instaluar 119 $ për përditësim në versionin e fundit të Windows-it.

Windows 8.1

Përdoruesit tani e kanë mundësinë për të kaluar direkt në pamjen e vjetër desktop, duke lënë mënjanë ndërfaqen Livetile e njohur më parë si ndërfaqja Metro. Ndërfaqja Livetile ka ekstra dizajn dhe ngjyra shtesë që ikonat apo Widgets mund të konfigurohet me madhësi të ndryshëm. Në Windows 8.1 mund të funksionojnë deri në katër aplikacione në të njëjtën kohë (krah për krah), gjithashtu posedon motorin e ri për kërkim Smart Bing. SkyDrive dhe Skype janë gjithashtu të përfshira dhe një aplikacion i ri ” Movie Moments” për editim të videove.

Përditësimi i Microsoft-it pritet të instalohet të shumë përdorues, sidomos nga të cilët me të vërtetë duan kompjuterët e tyre të kenë stilin e vjetër të desktop-it. Përditësimi nga Windows 8 në Windows 8.1 llogaritet në madhësi rreth 2.8GB, kështu që pritet që procesi i instalimit të zgjatë paksa. |ameble|

Windows 8.1 në dispozicion për para-porosi

Windows 8.1 në dispozicion për para-porosi

Nëse dëshironi të kaloni nga sistemi operativ Windows 7 apo nga ndonjë me i vjetër  në një version më të ri atëherë ju njoftojmë se Microsoft nga kjo javë ka filluar me para-porosi për versionin e tyre të fundit Windows 8.1 që pritet të shfaqet nga 18 Tetori.

Nëse në pajisjen tuaj keni Windows 8 ju automatikisht do të merrni përditësimin pa pagesë të sistemit fundit Windows 8.1 i cili ka qenë në zhvillim e sipër që një kohë të gjatë dhe qe ky version pritet ta kthej butonin e vjetër Start.

Windows 8.1 start menu

Windows 8.1 ju mundëson të shikoni filma apo luani lojëra nëpërmes Xbox-it, t’ju qaseni fotografive nga kudo nëpërmes SkyDrive dhe të gjeni aplikacionet tuaja të preferuara në Windows Store. Microsoft ka shpjeguar më herët së përditësimi i ri Windows 8.1 do të jetë me çmim prej 119 $. Para-porosinë mund ta bëni nga tani nëpërmes uebfaqes zyrtare të Microsoft-it. |ameble|

Prezantohet tableti Microsoft Surface 2

Prezantohet tableti Microsoft Surface 2

Microsoft ka prezantuar sot gjeneratën e dytë të tabletit të tyre Surface 2, një pasardhës i përtërirë i modelit Surface RT. Tableti i ridizajnuar përmban një procesor të shpejtë dhe ekran të plotë me definicion të lartë 1080p, i njëjti është përdorur në modelin tjetër të ri Surface Pro 2. Modeli i ri ofron 25% më shumë jetë të baterisë dhe ka peshë më të lehtë.

[youtube id=”2PuphrxrT6U” width=”600″ height=”350″]

Surface 2 ofron mundësi të llogarive të shumëfishta për përdorim familjar dhe posedon versionin e sistemit operativ RT të Windows 8.1. Ajo shitet me pakon e plotë të programeve të Microsoft Office-it, duke përfshirë edhe Outlook-in. Microsoft këtu gjithashtu ofron një dongle wireless për të parë Surface 2 pamjet në televizionin tuaj.

Pajisja posedon dy kamera, duke përfshirë atë frontale të dizajnuar për Skype. Sa i përket kësaj softueri Skyp vjen me një vit pa pagesë për shërbimet të cilat përfshinë thirrje falas ndërkombëtare dhe mundësinë për të bërë thirrje me WiFi. Kompania për këto pajisje gjithashtu ofron 200GB hapësirë të lirë në SkyDrive për dy vjet.

Surface 2 kushton 449 dollarë. |ameble|

Shfaqet çmimi dhe të dhënat zyrtare për versionin Windows 8.1

Shfaqet çmimi dhe të dhënat zyrtare për versionin Windows 8.1

Vetëm disa muaj pas prezantimit, Microsoft tani nxjerr të dhëna zyrtare për çmimin dhe pakon për versionin Windows 8.1 Versioni i ri i sistemit operativ Windows do të jetë në dispozicion për shkarkim pa pagesë për përdoruesit e Windows 8 duke filluar nga data 17 Tetor nga Windows Store.

Windows 8 Pakot

Të gjitha karakteristikat që Microsoft ka dhënë në fillim të këtij viti do të përfshihen në përditësimin e ri. Përdoruesit e Windows-it të cilët nuk posedojnë aktualisht Windows 8 do të kenë mundësi për ta blerë përditësimin online. Windows 8.1 dhe 8.1 Pro do të kushtojë rreth 119.99 $ kurse pako shtesë Windows 8.1 Pro Pack e cila posedon karakteristika ekstra do të kushtojë 99.99 $.

Një dallim i rëndësishëm mes blerjes së versionit Windows 8 dhe Windows 8.1 është se 8.1 do të jetë ” version me softuer të plotë” të sistemit operativ. Microsoft në ketë version ka përfshirë edhe udhëzimet për përdoruesit për cilët nuk kanë përvojë në Windows 8. |ameble|

Windows 8.1 Preview tani në dispozicion për publikun

Windows 8.1 Preview tani në dispozicion për publikun

Microsoft zyrtarisht ka bërë publike pamjen paraprake (Preview) për versionin e ri të Windows-it, Windows 8.1 Preview, dhe nga sot është në dispozicion për tu shkarkuar. Për të marrë përditësimin duhet të vizitoni uebfaqen http://preview.windows.com dhe klikoni “Get It Now”.

Kjo do të instalojë një patch pastaj bëhet restart, pas ristartimit ju ofrohet mundësia për të instaluar pamjen paraprake menjëherë kur të hyni brenda kompjuterit tuaj. Për më shumë informata mund të gjeni në uebfaqen e Microsoft-it http://windows.microsoft.com/en-us/windows-8/preview-faq|ameble|

[youtube id=”7BN0W7CONpw” width=”600″ height=”350″]

Microsoft shfaq një video ilustrim për Windows 8.1

Microsoft shfaq një video ilustrim për Windows 8.1

Microsoft ka shfaqur disa detaje të reja rreth përditësimit të Windows-it të tyre Windows 8.1, kompania ka lëshuar edhe një video që tregon disa nga karakteristikat e reja që do të jenë në dispozicion në ketë version.

Ata gjithashtu kanë njoftuar se Outlook 2013 RT do të jetë i përfshirë në tablet Windows RT nëpërmes këtij përditësimi, dhe kjo përfshin tabletin Microsoft Surface.

Microsoft fillimin e këtij versioni të Windows-it zyrtarisht do ta bëjë më 26 Qershor, që gjithashtu mund të shohim detajet e plota rreth tij. |ameble|

[youtube id=”VQb5caeSo00″ width=”600″ height=”350″]

Shfaqen pamjet, butoni Start kthehet tek Windows 8.1

Shfaqen pamjet, butoni Start kthehet tek Windows 8.1

Kemi dëgjuar thashetheme muajt e kaluar se butoni Start mund të kthehet prapë në versionin e përfolur Windows 8.1 gjatë kësaj verë, the tani disa pamje që vërtetojnë thashethemet janë shfaqur . Butoni ka qenë gjithmonë mjaft i nevojshëm për navigim përderisa u heq ne versionin e fundit të sistemit operativ Windows 8. Përdoruesve ju ka munguar.

Blogeri nga Windows, Paul Thurrott ka shfaqur disa pamje të butonit Start që vërteton se kjo do të jetë e përfshirë në përditësimin e ardhshëm.

Windows Start buton

Megjithatë, Mary Jo Foley nga ZDNet thotë se funksionaliteti mund të jetë i ndryshëm. Disa burime thonë se kur shtypet butonin Start i ri do të shfaq të gjitha ikonat e aplikacioneve në ekran. Si do që të jetë ky duket të jetë një kompromis i mirë nga Microsoft-i, por që për detaje të plota mbetet të shihet ditët e ardhshme. |ameble|

Windows Blue mund të lansohet gjatë kësaj vere si Windows 8.1

Windows Blue mund të lansohet gjatë kësaj vere si Windows 8.1

Versioni i ardhshëm i sistemit operativ Windows nuk do të quhet Windows 9, siç ishte raportuar më herët. Sipas ZDNet, sistemit operativ, i cili aktualisht po thirret si Windows Blue, do të vijë në treg gjatë kësaj vere si përditësim Windows 8.1 dhe Windows RT 8.1.

Thashethemet e fundit thonë se përditësimi i ardhshëm i Windows-it do të përfshijë disa karakteristika të reja të tilla si “Customized live tiles” dhe përmirësime në funksionin “Snap View”.

Për Windows 8.1 kompania pritet të njoftojë në konferencën e saj të zhvilluesve “Build” që mbahet më datën 26 Qershor në San Francisko, dhe thuhet se do të jetë i gatshëm për partnerët që prodhojnë pajisje nga muaji Gusht. |ameble|

Windows-Bluemun te thirret Windows-8_1