Tag Archives

3 Articles
Edhe në Kosovë – Trajnime për Windows Phone 7

Edhe në Kosovë – Trajnime për Windows Phone 7

Avanconi njohurit tuaja në vegla të zhvillimit të aplikacioneve dhe mësoni teknologjitë e reja që ju bëjnë të jeni një hap para të tjerëve. Mësoni teknikat e dëshmuara në zhvillimin e aplikacioneve për platformat desktop, web dhe mobile. Nëse jeni të interesuar për të përfituar njohuri në krijimin e aplikacioneve për Windows Phone 7, nga tani këtë mundësi e keni edhe në Kosovë. Ky trajnim  ofrohet nga INFINIT – Qatar Training Center.

Çfarë mund të përfitoni nga ky trajnim?

  1. Hyrje në programimin për Windows Phone
  2. Programimi për WP me C# dhe Silverlight
  3. Njoftimi me XAML
  4. Orientimi (Orientation) në Windows Phone
  5. Prekja (Touch) në Windows Phone
  6. Programimi me/për Zë (Sound)
  7. Ueb shfletuesi (browser)
  8. Stilet dhe resurset
  9. Navigimi
  10. Isolated Storage / Memorie e rezervuar
  11. Panelet drejtuese (layout panels)
  12. Manipulimi me skedarë
  13. Përdorimi i Accelerometer
  14. Animimi në Windows Phone
  15. Programimi për ndarje (share)
  16. Programimi në harta (maps)
  17. Hyrje në programimin e lojërave (XNA)
  18. Praktikat më të mira për progamim
  19. Windows Phone tregu (marketplace)

INFINT – Qatar Training Center është themeluar në qershor të vitit 2012 në kuadër të organizatës humanitare Magbuleja, dhe ofron kurse dhe trajnime kualitative nga fusha të ndryshme. Për më shumë informata informohuni në portalin infinitcenter.com  |ameble|  [divider top=”0″]

Vlerësim: HTC 7 Mozart

Vlerësim: HTC 7 Mozart

HTC 7 Mozart është njëra nga tri pajisjet e para te bëra me Windows Phone 7, duke nisur këtu dhe ofruar një përvojë të shëndosh në video dhe muzikë, gjithashtu dizajn te zbukuruar dhe sistem operativ te lehtë.

Përparësitë:

[checklist]

  • Blici ksenon i mirë për te fotografuar në vende të errëta
  • Kualiteti i zërit
  • Procesimi i shpejt

[/checklist]

Mangësitë:

[badlist]

  • 8GB memorie, nuk mund të shtohet
  • Kualiteti i kamerës i dobët

[/badlist]

Dizajni dhe Specifikat

Madhësia: 94mm x 60.2 x 11.9mm, 130g me bateri
Formati i Zërimit: M4A, M4B, MP3, WMA
Formati i Videove: 3GP, 3G2, MP4, M4V, MBR, WMV
Tjera: JPEG, TIFF, GIF, DOC dhe DOCX, HTM dhe HTML, PDF, PPT dhe PPTX, TXT dhe RTF, XLS dhe XLSX
Ekstra: Wi-Fi (802.11 B/G/N), aGPS, Bluetooth, 8MP kamera e pasme me 720p HD Video
Bateria: 1300mAh, deri 6orë 40min bisedë
Memoria: 8GB memorie te integruar, nuk ka vend ekstern per memorie
Procesimi: procesori 1 GHz Scorpion, Adreno 200 GPU, Qualcomm QSD8250 Snapdragon chipset.
Ekrani: 3.7″ S-LCD me prekje(touch-screen), rezolucioni 800X480, ngjyrat 16M.

HTC 7 Mozart – është një smartphone atraktiv i projektuar, ka disa qoshe te rrumbullaksuara, dhe ne këtë pajisje është futur një copë e aluminit te gdhendur artistikisht, e rrethuar nga dy panele të buta plastike. Logo HTC është stampuar tek pjesa e aluminit, si dhe duket e shtypur përpara.

Në dorë kjo pajisje është shume e përshtatshme. Një nga dy panelet plastike mbanë kamerën 8Mpix, blicin ksenon, si dhe logon Windows Phone qe është shfaqur gjithashtu edhe në panelin e poshtëm. Ky panel është për të bërë ndarjen e baterisë dhe SIM kartelës, edhe pse hapja e kapakut është bërë paksa me vështirësi.

Nga ana e përparme pajisja ka tri taste që shfaqen në formën e një zgjatje horizontale me prekje të lehtë të ekranit, duke i vënë ato më një vij ne fund te pajisjes.

Ekrani vjen me një gjerësi 3.7 inç, edhe pse për ata qe dëshirojnë te shohin video duket paksa e vogël, megjithatë është praktikë dhe i rehatshëm për syrin. Më 480×800 WVGA ekrani është i mprehtë dhe i kthjelltë, nuk ka teknologjinë e ngjyrave AMOLED. Operimi me prekje(touch) ka një efektesi te mirë, pa pasur nevojë te behët shumë presion gjatë operimit.

Nga ana e majtë posedon butonat për volumin e zërit dhe portën për mbushje te baterisë dhe USB-në, kurse mbi ka butonin për kyçje/shkyçje, dhe ne anën e djathtë një buton i përshtatshëm për kamerë i cili ofron një mënyrë te shpejt për fotografim.

Hardueri

Specifikat e brendshme të HTC Mozart-it janë të një standardi të mesëm. I pajisur me 1GHz Qualcomm Snapdragon QSD 8250, me Adreno 200 GPU te integruar dhe me 576 Mb RAM. Këtu është një zhgënjim i vogël nga vendimi qe kanë marr, në përfshirjen e gjeneratës së parë te QSD 8250 e jo atë më të re që ka qenë MSM 8255, e cila GPU është më e fuqishme. Gjatë testimit nga ana jonë nuk mund te themi se kjo pajisje është edhe shume e ngadaltë madje edhe gjatë lojëra grafike intensive.

Një poshtërim tjetër i madh me këtë pajisje është bërë sepse kapaciteti i memories se integruar vjen më 8GB qe relativisht nuk është keq mirëpo pa pasur një opsion te jashtëm(external slot).

Përformanca

HTC Mozart kryesisht më pjesët e harduerit qe ka është shumë i ngjashëm me modelet tjera te Windows Phone 7 që janë te bazuara në kërkesat e bëra për harduer nga kompania Microsoft.

Cilësia e thirrjeve është e mirë dhe ne nuk kemi hasur ndonjë mangësi gjatë testimit. Speakerphone në këtë pajisje gjithashtu është mjaft i mirë, ka zë te lartë dhe dëgjohet mjaft qartë. Shpejtësia e operimit është normale me një procesorë 1GHz Snapdragon dhe 576Mb RAM.

Kamera

Cilësia e kamerës është disi ne nivel më poshtë, për printim ose përdorime serioze te fotografisë nuk ka kualitet te mjaftueshëm, veçanërisht mungon thellësia e ngjyrave dhe fokusi. Megjithatë fotot nuk janë edhe krejtësisht të pakënaqshme, mirëpo një softuer “Foto enhancer” i përfshirë në te mund të rrisë cilësinë e një fotografie, sepse ai posedon shumëllojshmëri të efekteve. Kurse incizimi HD videove është i kënaqshëm.

Softueri

Marketplace është i lehtë për tu përdorur, dhe mënyra e shkarkimit është mjaft e thjeshtë nëpërmes pajisjes.

Kurse softueri Zune nga Microsoft ka një rol te madh këtu, nuk duket edhe aq i lehtë për t’u përdorur, duhet te regjistroni një llogari dhe te kyçeni nëpërmes saj, pastaj nëse ju nevojitet te merrni muzikë apo shkarkoni fotografi nga kjo pajisje, jeni te shtyrë që të lidheni me softuerin Zune nëpërmes kompjuterit me USB kabull për të bërë një gjë te tillë.

Tjetër softuer i përfshirë në të është edhe Microsoft Office, qe është i lehtë për tu lexuar, i cili ka edhe mundësin e editimi i dokumenteve në Excel, Word dhe PowerPoint.

Një tipar tjetër i veçantë qe ka HTC Mozart Windows Phone është HTC Hub. Kjo përbëhet nga një kombinim i softuerëve tjerë të dobishëm shtesë,  duke përfshirë aplikacionin për motin, një orë dhe aplikacione tjera të HTC-së, siç janë një busull dhe konvertimi i njësive.

Përfundim

HTC Mozart ne përgjithësi është një pajisje me shkëlqim dhe deri diku funksionale, Mozart-in sigurishtë e bën të fuqishëm sistemi operativ Windows Phone 7 në harduer-in qe posedon, për më tepër kamera dhe kufizimet softuerike janë një mangësi ne ketë pajisje. |ameble| [divider top=”0″]

Vlerësim: Windows Phone HTC HD7

Vlerësim: Windows Phone HTC HD7

HTC HD7 (i njohur edhe si Schubert HTC, HTC HD3), është një smartphone i cili ka të instaluar Windows Phone 7 si sistem operativ. Telefoni është projektuar dhe prodhuar nga HTC dhe njëkohësisht është pasardhësi i HTC HD2 , dhe ka një variant të posaçëm HTC HD7s.

Krijimi i një produkti të ri HD7 nga kompania HTC është publikuar në Windows Phone ngjarjen që është mbajtur në New York  më 11 tetor 2010, ndërsa në mars të vitit 2011 është paralajmëruar HTC HD7s, i cili për dallim nga HTC HD7 ka ekranin Super LCD.

Përparësitë:

[checklist]

  • Relativisht i lehtë dhe i kuptueshëm shfrytëzimi  i sistemit të Windows Phone 7
  • Ekrani 4.3inch me kapacitet prej 16 milion ngjyra me LCD prekje (touch screen)
  • Kamera 5 megapixel me blic të dyfishtë LED
  • Incizimi në HD 720p Video
  • Integrimi i paketës së Microsoft Office
  • Mbajtësi (kickstand)

[/checklist]

Mangësitë:

[badlist]

  • Është i varur nga aplikacioni Zune, nëpërmjet të cilit bëhet menaxhimi i smartphone-ve
  • Nuk mund të përdoret si një USB, për të futur / shkarkuar shënime
  • Nuk mund të zgjerohet kapaciteti i brendshëm i memories / hapësirës
  • Nuk e përkrah platformen android / IOS të smartphone të tjerë gjatë tentimit të kyçjes nëpërmjet Bluetooth-it

[/badlist]

 

Hardueri dhe Dizajni

HTC HD7 është i dizajnuar me një ekran të madhësisë 4.3inch, që realisht nuk e bën atë tepër të madh. Procesori është 1 GHz Scorpion, ndërsa memoria e brendshme është 8GB (Evropë) / 16GB (Asi), 512 MB ROM, 576 MB RAM. Nën ekranin gjejmë 3 butonat kapacitiv tipik të Windows Phone 7 – Prapa, Fillimi dhe Kërko.  Duke shtypur dhe mbajtur butonin e mesëm (Fillimi) aktivizohet komanda zanore.

Në pjesën  anësore të HTC HD7 gjenden dy butona të tjerë nëpërmjet të cilëve aktivizohet kamera (5 megapiksella) si dhe bëhet menaxhimi i vëllimit.

Në krye të HD7 është butoni nëpërmjet të cilit ndizet / fiket, si dhe vihet në gjendje të gatishmërisë vet telefoni.

Pjesa e poshtme e telefonit karakterizohet me  3.5mm audio hyrjen, si dhe një port mikroUSB nëpërmjet të ciles realizohet lidhja e telefonit  me kompjuter si dhe bëhet mbushja e baterisë.

Në pjesën e pasme të HD7 HTC është 5 megapixel kamera lente, e mbërthyer në mes të altoparlantëve dhe blic të dyfishtë LED. Ky aparat fotografik okular është vendosur në qendër dhe është ende vend i përshtatshem për gishtin tuaj tregues për të pushuar kur e mban telefonin gjatë thirrjeve.

Këtë model të HTC e bën të veçantë dizajni i jashtëm, posaçërisht mbajtësi (kickstand) që gjendet në anën e pasme të telefonit.

Bateria e HTC HD7 është standarde Li-lon 1230mAh e cila mund të shfrytëzohet deri më 6 orë e 20 min bisedë telefonike, ndërsa manipulimi me programe dhe softuer të ndryshëm ndikon në zbrazjen e baterisë brenda 2-3 orë.

Ekrani

Me një ekran 4.3 inch, me rezolucion të lartë 480×800 piksela 217 ppi të teknologjisë LCD duke  mundësuar prekje të shumëfishta (multitouch),  Windows Phone 7 bën një përvojë mbresëlënëse dhe argëtuese doemos gjatë shfrytëzimit të Xbox LIVE lojrave si dhe video kamerës HD.

 

Softueri

Windows Phone 7, si sistem operativ për smartphone ka qenë shumë i limituar, ka pasur shumë mangësi të mëdha që fillonin të shfaqin pakënaqësi të drejtpërdrejta tek shfrytëzuesit e rëndomtë. Duke u bazuar në shumë boshllëqe në Windows Phone 7, Microsoft në shkurt të viti 2011 lansoj një version të ri të Windows Phone 7.5 i ashtuquajtur “MANGO”.  Me këtë version të ri të sistemit operativ ka arritur që të përmirësoj gabimet e bëra në versionin e mëparshëm, si dhe krijohen mundësi të reja të shërbimeve, opsioneve si dhe funksioneve të vet sistemit ashtu edhe të smartphonave.

Disa nga mundësit e reja që duhet përmendur janë:

  • Kontaktet tani përfshijnë të gjithë historinë e kontakteve bisedë (SMS, email, MMS, etj)
  • Integrimi i chat-it për Windows Live Messenger dhe Facebook
  • Temat: të gjitha komunikimet e mesazheve janë të organizuar në një fije të vetme (SMS, MMS).
  • Mbështetja për detyrat në Outlook
  • Ngjarjet në Facebook janë integruar në kalendar
  • Llogaritë e lidhura email: Llogaritë e shumëfishta email mund të kombinohen dhe të lidhen në një post
  • Drejtat e Menaxhimit të Informacionit dhe përkrahja për email dhe dokumentet e Microsoft Office
  • Ndarja Video nëpërmjet MMS, Facebook, Skydrive dhe email
  • Twitter integrimi
  • Integrimi me Hub Popullore.
  • Çasje të shpejtë për Roll Kamera
  • Integrimi i MARKET PLACE-it
  • Internet Explorer 9 Mobile
  • Mundësia e shpërndarjes së internetit etj,

Kamera

HTC HD7 ka të integruar kamerën 5 megapixel me ngjyra me auto fokus si dhe flash LED të dyfishtë që mundëson video incizim në 720p HD.

Përfundim

Duke u bazuar nga përvoja personale e shfrytëzimit të smartphone HTC HD7, me sistemin Mango, përafërsisht 2 vite, në përgjithësi mund të rekomandoj Windows Phone. Pyetja është; Pse? Relativisht i lehtë për përdorim, mundëson të gjitha shërbimet si një kompjuter i vogël me të cilit jemi mësuar që çdo dit të ballafaqohemi, doemos për shfrytëzuesit që merren me biznes qe kanë kompani të mëdha dhe kanë të instaluar platformën e Microsoftit. Me një fjalë, unë u besoj Windows Phone OS sepse është produkt i Microsoftit, ndërsa Microsofti eshte një ndër korporatat më gjigante dhe më profitabile në botë, dhe pse mos të jemi pjesë e saj. |ameble| [divider top=”0″]