Tag Archives

7 Articles
Si të kaloni nga Windows XP në një version më të ri?

Si të kaloni nga Windows XP në një version më të ri?

A ka qenë Windows Vista një sistem operativ aq i pa-përshtatshëm sa që ju ka frikësuar të përditësoni kompjuterin tuaj në një version më të ri, Windows 7 apo edhe Windows 8? Tani, ka ardhur koha që vërtetë të kaloni në një Sistem Operativ (SO) me të ri, për shkak se përkrahja e plotë për Windows XP ka mbaruar.

SO Windows XP ka qenë prezent që nga viti 2001, që do të thotë se keni pasur mjaft kohë për tu larguar nga ky version. Prapë së prapë nuk jeni i vetmi. Një numër biznesesh duke mos përmendur edhe qeveritë, ende përdorin Windows XP. Për shembull, qeveria e Holandës dhe Britanisë së Madhe, i kanë paguar Microsoft-it disa miliona dollarë për të vazhduar përkrahjen vetëm për një vit, ka raportuar The Guardian.

Sido që të jetë, çfarë ndodh me ata që dëshirojnë ta mbajnë ketë sistem operativ? Atëherë, nga tani nëse ekziston apo gjendet ndonjë e metë (bug), Microsoft nuk do të përkrah apo ndihmoj në përmirësimin e atij problemi. E keqja është sepse ju tani posedoni një SO që është 13 vjet i vjetër, kështu që koha është të mendoni në diçka më mirë. Kjo mund të bëhet vetëm nëse pajisja juaj e përkrahë harduerikisht sistemin e ri operativ. Si ta dini ketë?

Microsoft në konferencën e fundit BUILD ka ulur kriteret për SO Windows 8.1, në mënyrë që sa më shumë pajisje të kenë mundësi të përditësohen në versionin e ri.

Kriteret për instalimin për Windows 7 dhe Windows 8.1 janë:

  • Procesori: 1 gigahertz (GHz) ose më i shpejt,
  • RAM: 1 gigabyte (GB) (32-bit) ose 2GB (64-bit),
  • Hapësirë në Disk: 16GB (32-bit) ose 20GB (64-bit),
  • Kartela grafike: Microsoft DirectX 9 pajisja grafike me WDDM driver.

Nëse kompjuteri/laptopi juaj nuk i ka këto dhe dëshironi më-doemos të përditësoni, atëherë koha është të blini një kompjuter/laptop të ri.

Por nëse posedoni një kompjuter që posedon kriteret e lart-përmendura atëherë ja si duhet të veproni:

Prej Windows XP në Windows 7:

Windows XP ne Windows 7

Nëse dëshironi të kaloni nga Windows XP në Windows 7, atëherë është një ndryshim më i vogël për ju, se sa të kaloni në Windows 8.1. Ja si të filloni:

  • Linçet për shkarkimin e Windows-it nëpërmes internetit të gjitha të drejtojnë të SO Windows 8, kështu që ndoshta do të ju duhet të gjeni linkun e versionit Windows 7 nga ndonjë uebfaaqe si Amazon, Walmart, ose edhe Newegg dhe pastaj gjeni likun e duhur. Kurse për të parë nëse ju nevojitet 32-bit ose 64-bit, shkoni të Start, me tastin e djathtë të miut (Right Click) mbi ikonën My Computer, pastaj zgjidhni Properties. Nëse shkruan “x64 Edition” atëherë zgjidhni 64-bit . Nëse jo, atëherë 32-bit.
  • Të dhënat dhe dokumentet tuaja nuk do të ruhen gjatë përditësimit, kështu që ju duhet të ruani (bëni BACKUP) të gjitha të dhënat tuaja në një disk të jashtëm (external). (Nëse nuk keni disk të jashtëm atëherë kontakto info@ameble.com).
  • Pasi që i keni ruajtur të dhënat, atëherë fusni diskun Windows 7 dhe ndiqni udhëzimet sipas menyve të instalimit.
  • Për ata që nuk kanë shumë njohuri, Microsoft ka publikuar një video që mund të ju ndihmojë nëpërmes proceseve të instalimit.

Prej Windows XP në Windows 8.1:

Windows XP ne Windows 8.1

Windows 8.1 nuk është dizajnuar të instalohet në kompjuterë që posedojnë Windows Vista apo Windows XP, kështu paralajmëron Microsoft në faqen e saj për përditësim. Më saktësisht kompania do të preferonte më shumë që ju, në ketë rast të blini një kompjuter të ri që është i dizajnuar të ketë Windows 8. Ndoshta jo secili mund t’i ketë mundësitë që të blej një të ri, për atë arsye, këta janë hapat se si të përditësoni kompjuterin nga XP në Windows 8:

  • Gjëja e parë që bëni, sigurohuni që kompjuteri juaj vërtetë mund të përballoj sistemin e ri Windows 8, ku ketë gjithashtu mund të shihni duke klikuar “Download Windows 8 Assistant Upgrade” nga faqja e internetit të Microsoft-it dhe do t’ju tregojë nëse mund të vazhdoni apo nuk keni nevojë të blini Windows 8.
  • Ngjashëm si për Windows 7, të dhënat tuaja duhet të ruhen para përditësimit.
  • Microsoft sugjeron se DVD-në e sistemit operativ Windows 8.1 duhet ta instaloni nga një instalim i pastër që mund ta gjeni në Microsoft Store.
  • Për të parë nëse ju nevojitet 32-bit ose 64-bit, shkoni të Start, me tastin e djathtë të miut (Right Click) mbi ikonën My Computer, pastaj zgjidhni Properties. Nëse shkruan “x64 Edition” atëherë zgjidhni 64-bit . Nëse jo, atëherë 32-bit.
  • Pastaj, fusni diskun e Windows 8 dhe ndiqni udhëzimet sipas menyve të instalimit./pcmag /ameble

Përndryshe nëse dëshironi ende të mbani sistemin operativ Windows XP, atëherë ja disa rregulla që është mirë t’ju përmbani nëse dëshironi të jeni të mbrojtur:

  1. Ruaj të gjitha të dhënat (bëj Backup), kohë pas kohë,
  2. Mbaj Antivirus-in të përditësuar (updated),
  3. Mos e përdor Internet Explorer (përdor shfletues tjerë),
  4. Largoj softuerët Java, Adobe Flash dhe Reader,
  5. Softuerët që zgjedh t’i mbash, bëj përditësimin e tyre rregullisht,
  6. Gjithmonë Scan-oj USB-të para se ti kyçni në kompjuter,
  7. Ndrysho nëpërmes Control Panel-it dhe përdor Llogari (Account) të limituar,
  8. Nëse pajisja me Windows XP përdoret për diçka krejt tjetër lokalisht, atëherë shkyçe nga Interneti. /ameble
Përfundon mbështetja për Windows XP, Office 2003 dhe IE8

Përfundon mbështetja për Windows XP, Office 2003 dhe IE8

Të martën Microsoft lëshoi përditësimin e fundit për Windows XP dhe Office 2003 duke potencuar se me këtë përditësim përfundon edhe mbështetja e deritanishme për ato produkte.

The End of the Road for Windows XP, Office 2003, IE8

Kompjuterët që ende kanë të instaluar sistemin Windows XP mund të përdoren, mirëpo ekspertet e sigurisë nga Microsoft paralajmëruan se kompjuterët me sistemin operativ Windows XP, gradualisht duhet të kalojnë në versionet e fundit nga Microsoft (Windows 7, Windows 8) brenda muajve të ardhshëm, sepse ata kompjuter mund të jenë më të ndjeshëm ndaj rreziqeve të sigurisë dhe viruseve.

“Microsoft kishte ofruar mbështetje për Windows XP për 12 vitet të e fundit, por erdhi koha edhe për ne, për të investuar burimet tona në mbështetjen e teknologjive të fundit në mënyrë që ne të vazhdojmë të ofrojmë produkte nga përvoja e arritur deri më tani” – thuhet nga Microsoft. /ameble 

Rreth 95 % e bankomateve në botë me Windows XP

Rreth 95 % e bankomateve në botë me Windows XP

Bankomat sebSipas një raporti të fundit, rreth 95 % e bankomateve (makinave për të holla) në të gjithë botën ende funksionojnë me sistemin operativ Microsoft Windows XP. Microsoft nga muaji Prill i këtij viti pritet të ndal përkrahjen në shumë fusha për Windows XP, e cila mund të shkaktojë problem për bankat.

Është raportuar se deri në afatin e Prillit rreth 15 % e bankomateve janë të gatshëm të kalojnë në Windows 7, mirëpo pjesës tjetër do t’i duhej një kohë pak me e gjatë për përditësim. Microsoft ka njoftuar se do të vazhdojë të ofrojë përkrahje vetëm për anti-malware deri në mes të 2015.

Sistemi Windows 7 si duket do të sjellë një sërë veçorish të reja për makinat e të hollave, të cilat do të përfshijë përkrahjen në ndërfaqe me Multitouch si dhe shumë mundësi tjera. /ameble

39% e të gjithë PC-ve ende me Windows XP

39% e të gjithë PC-ve ende me Windows XP

Windows XPSaktësisht një vit me herët Microsoft kishte deklaruar se do të përfundoj mbështetjen për sistemin operativ Windows XP, kurse tani u ka bërë thirrje bizneseve të cilët ende janë duke përdorur sistemin operativ një dekadë të vjetër që të kalojnë në Windows 7 ose Windows 8.

Ajo sot ka përfunduar mbështetjen edhe për Office 2003, duke dhënë shumë arsye se pse bizneset duhet të kalojnë pajisjet e tyre në versione të reja, duke përfshirë këtu rreziqet e sigurisë dhe mungesën në mbështetje teknike.

Bizneset me sistemet e tyre Windows XP dhe Office 2003 nuk do të marrin më përditësime sigurie. Kompanitë e softuerëve dhe harduerëve do të ndalin gjithashtu mbështetjen për Windows XP dhe nuk do të ketë me mbështetje të teknologjisë në qoftë se ju paraqitet  nevoja për ndihmë me sistemet tuaja.

Sipas Computerworld, 39% e të gjithë PC-ve dhe 42% e të gjitha Windows PC-ve, posedojnë Windows XP. |ameble|

Windows 8 Pro do të kushtojnë 200 $ nga muaji Shkurt

Windows 8 Pro do të kushtojnë 200 $ nga muaji Shkurt

Në muajin korrik, lajmet ishin së çmimi për të përmirësuar (upgrade) Windows XP, Windows Vista, ose Windows 7 në sistemin e ri operativ Windows 8 Pro do të jetë vetëm 40 $.

Kjo ishte pra një ofertë promovuese nga Microsoft dhe gjithësesi se nuk do të zgjasë përgjithmonë. Mirepo nëse e keni në plan dhe ende nuk keni kaluar në Windows 8 Pro, atëherë më mirë të bëni atë para së çmimi të rritet. Keni kohë deri më 31 janar për të marrë çmim promovues prej 40 $, por pas kësaj pritet qe çmimet te ndryshojnë, sepse ka mundësi që një përmirësim në Windows 8 do t’ju kushtojë 199.99 $ ndërsa versioni standard Windows 8 do të kushtojë 119.99 $.

Nga ana tjetër, nëse keni Windows 8, por dëshironi ta përmirësoni në Windows 8 Pro, paketa Windows 8 Pro do t’ju kushtojë 99.99 $.

Pronarët e kompjuterve që kanë Windows 8 Pro që dëshirojnë të shtojnë funksionin shtesë Windows Media Center mund të blejnë paketën Media Center për 9.99 $. |ameble| [divider top=”0″]

Dhuroni jetë të re, kompjuterit të vjetër

Dhuroni jetë të re, kompjuterit të vjetër

by MN 3 Comments

Imagjinoni në vijim një skenar realist: keni një kompjuter të vjetër që ju ka shërbyer me besnikëri për vite me rradhë, por me kohë është vjetërsuar me krijimin e lojërave të reja dhe programeve më kërkuese. Keni blerë një kompjuter të ri që është i aftë për tu përballuar me softueret aktual, por nuk dini se çfarë të bëni me kompjuterin e vjetër. Nëse provoni ta shisni atë nëpërmjet shpalljeve, ju nuk do keni edhe shumë levërdi. Nga ana tjetër, nuk është aq i papërdorshëm sa për ta hedhur, dhe ju keni prindër, të afërm, apo miq të cilëve mund tu hynte në punë një kompjuter i tillë për nevoja të internet-it, muzikë dhe filma. Problemi i vetëm është se një përdorues i ri i këtij kompjuteri është ndoshta shumë pak i përgatitur teknikisht. Çfarë duhet të bëni?

Dhuroni jetë të re, kompjuterit të vjetër (me Linux)

Instalimi i Windows XP si një zgjidhje logjike në dukje, në praktikë shpesh dëshmon të jetë një gabim katastrofik, kur është fjala për këta përdorues. Shumë prej nesh rikujtojnë Windows XP-në më mall, duke harruar se si ai ishte i prirur për “shkatrrim” në qoftë se përdoruesi nuk ka qenë jashtëzakonisht i kujdesshëm në atë çka ai instalon dhe rregullisht mirëmbanë kompjuterin nga ana softuerike. Nëse instalohet çdo gjë, dhe vetëm shtypet mbi “Next” gjatë instalimit pa e lexuar se çfarë saktësisht është duke u instaluar, kompjuteri menjëherë instalon plotë toolbar-e spiunësh dhe programme të ngjashme “helper” që ngadalësojnë sistemin operativ, duke bërë kush e di saktësisht se çfarë, dhe potencialisht komprometojnë sigurinë e kompjuterit.
Një problem tjetër është i lidhur edhe me kujtesën tonë selektive. Ne të gjithë mbajmë në mend se Windows XP dikur mjaft bukur punonte në një Pentium 3 dhe 4, por ne harrojmë se në atë kohë programet ishin të shkruara posaçërisht për këta kompjuterë. Versionet aktuale të softuerëve bëhen për kompjuterët e sotëm me shumë RAM memorie dhe disqe me cache memorie të madhe, më të cilat mund të kompensohet ngadalshmëria e pjesëve mekanike, gjersa në kompjuterin tuaj të vjetër gjindet sigurisht shumë më pak RAM dhe disku me 2 MB cache memorie (në rastin më të mirë), e që krijon burim të pandërprerë të “gërrhatjes” nga shtëpiza.
Sigurisht, ju mund të nxjerrni disi versionet e vjetra të programeve, por disa shërbime online refuzojnë të punojnë me versionet e vjetra të softuerëve, ndërsa në lidhje me vrimat e mundshme të sigurisë as të mos flasim. Së fundi, as web faqet para dhjetë vitesh nuk ishin as përafërsisht kërkuese si ditët e sotshme, atëherë kur disa nga web teknologjitë të cilat përdoren gjerësisht sot, nuk kanë ekzistuar fare.

Problemin e tretë e paraqesin antivirus-ët. Edhe versionet e vjetra të antivirus-ëve ishin në gjendje të shkaktojnë ngadalësim të dukshëm të punës në kompjuter, dhe kur ju keni instluar ndonjë më të ri, edhe në qoftë se aj ishte një “Avira” goxha i lehtë, lirishtë mund t’i thuanit lamtumirë punës së rehatshme. Versionet e vjetra nga ana tjetër, nuk do të jenë në gjendje për të ju mbrojtur nga murtaja moderne, kështu që ky moment paraqet një problem mjaft serioz për përdorim të besueshme të kompjuterit.

Zgjidhja që do të ishte më se e kënaqshme për një numër të konsiderueshëm të përdoruesve potencialë, është instalimi i distribuimeve te lehta të Linux-it. Nga njëra anë ju keni shpejtësi dhe softuer mjaft të freskët, ndërsa nga ana tjetër mbrojtje nga virusët, pasi që pothuajse i gjithë malware ka synim Windows-in si një platformë për “veprimet” e tij.
Megjithatë, situata nuk është edhe aq e qartë dhe ne nuk mund të tregojmë me gisht në një distribuim të Linux-it dhe ta rekomandojmë atë si zgjedhje të përkryer për një kompjuter të vjetër. Në radhë të parë, ekziston problemi me shumë pajisje USB për të cilat shpesh nuk është lehtë të gjindet as driver-i për Windows, e lëre më për Linux.

Në radhë të parë këtu mendojmë për lloje të ndryshme të web kamerave kineze, USB tuner-ve, madje edhe USB modem-ve për internet. Disa distribucione të Linux janë të pajisura më mirë me driver-a, kështu që ndodh që pajisjet e tilla t’i njoh menjëherë, disa të tjera nuk janë, por si do t’ju rastis juve nuk mund ta dini gjërsa ta provoni.

Për fat të mirë, në versionet e fundit të distribuimeve të Linux është përmirësuar në mënyrë drastike njohja dhe instalimi automatik i driver-ve për USB modem-at  por në përgjithësi, sa i përket internetit, rekomandohet që ju t’i qaseni nëpërmjet Ethernet interface-it, përkatësisht me kabllo të rrjetit direkt në Router apo Switch . Kjo është rruga më e sigurt për të minimizuar problemet e mundshme. |ameble| [divider top=”0″]

Windows XP ende nr.1

Windows XP ende nr.1

by bmbi 3 Comments

Sistemi operativ 11-vjeçar i Microsoft-it, Windows XP ende është platforma më e njohur në botë, Windows 7 gjithashtu nuk është larg saj.

Sipas të dhënave të aplikacioneve Web analytics firm Net Applications, Windows XP në muajin korrik ka arritur 42,86%, krahasuar me Windows 7 qe ka 42.21%. Ky sistemi operativ ka pasë rritje të jashtëzakonshme gjatë vitit të kaluar, edhe pse në korrik 2011, Windows 7 ka mbajtur një pjesë të vogël prej 29.6% te trafikut ndërsa Windows XP kishte më shumë se 52%.

Windows XP është lansuar në vitin 2001 dhe ka pasë sukses shumë te madhë ne biznese dhe tek  konsumatorët ne krahasim me ndonjë prej sistemeve tjera operative.

Microsoft është duke planifikuar të ndërpresë përkrahjen për Windows XP deri në prill 2014, duke i detyruar përdoruesit të ndërrojnë sistemin operativ ne këto me te rejat.

Marr në tërësi, Windows-i përbën 92% të t’gjithë trafikut, ndërsa Apple Mac OS X ka 7%, një rritje prej më pak se 6 për qind nga korriku i vitit 2011. |cnet|

[divider top=”0″]