Tag Archives

9 Articles
A thua Apple ka mbetur pa ide!?

A thua Apple ka mbetur pa ide!?

Disa reagime kundrejt versionit të ri të platformës iOS 7 janë shfaqur menjëherë pas prezantimit të tij në WWDC 2013, një prej tyre është se Apple mund të ketë bërë kopjimin e dizajnit nga platformat tjera, veçanërisht Android-it si dhe Windows Phone 8.

iOS7 vs Android

Apple në ketë version të ri ka zhvendosur poshtë ekranin mbyllës (lock screen) të tij, në një mënyrë të thjeshtë duke e lënë mesazhin e vjetër “slide to unlock” por që duket e njëjtë me platformën Android. Pastaj lart në këndin e djathtë mund të kontrolloni jetën e baterisë. Data dhe koha janë të vendosura në mes të ekranit në mënyrë të ngjashëm si në platformën Android, dhe me font deri diku të ngjashëm.

iOS7 vs Android1

Ekrani Multitasking gjithashtu duket se ka marrë disa ngjashmëri nga Android-i vetëm se këtu është kthyer ne horizontal, që me tepër i ngjason platformës Windows Phone 8.

iOS7 vs Android2

Sa i përket aplikacionit për muzikë, Apple gjithmonë ka pasur këtë pamje të Player-it, por butonat e tij tani që është ndryshuar në dizajn të ri në ndërfaqe të sheshtë (flat), duken më shumë si aplikacioni Google Music.

iOS7 vs Android3

Apple iOS 7 ka bërë ndryshime edhe në qendrën e kontrollit, ku ofron qasje të shpejtë në menytë kontrolluese, si ndriçimin e ekranit, Aeroplan Mode, WiFi, Bluetooth dhe shumë tjera, kjo është shumë e ngjashëm si tek paneli i settings-ave nga platforma Android që ishte futur në versionin Jelly Bean.

iOS7 vs Android4

Më herët, Google kishte deklaruar për përdoruesit e tyre se shumë shpejt do të sjellë versionin e shfletimit  me ekran të plotë nëpërmes Chrome-it për pajisje mobile, të cilin përfundimisht e bëri në përditësimin e fundit. Tani edhe Apple ka njoftuar se do të prezantoj shfletimin më ekran të plotë për shfletuesin Safari.

Pra, ngjashmëritë nuk ndalen këtu, veçanërisht në qoftë se ne fillojmë të flasim në lidhje me karakteristikat e funksionet aktuale. iOS 7 ende është si Beta version për testim, dhe disa nga këto mund të ndryshohen, dhe nëse ndodh mbetet të shihet. |ameble|

Apple iOS 7, detajet e plota

Apple iOS 7, detajet e plota

Apple ditën e djeshme gjatë ngjarjes WWDC 2013 ka prezantuar versionin e ri të platformës mobile, Apple iOS 7, i cili do të shfaqet gjatë vjeshtës në pajisjet, iPhone, iPad dhe iPod Touch. Ky version vjen me një dizajn krejtësisht të ri dhe një sërë veçorish të reja.

Apple iOS7 (1)

Udhëheqësi kryesor i Apple-it ka thënë se versioni Apple iOS 7 është “ndryshimi më i madh për iOS që nga futja në treg e iPhone-ve, ai përmban një skemë më ngjyra të reja, dhe një tejdukshmëri tjetër ku Apple thotë se të krijon një ndjenjë të thellë dhe vitalitet në vete. Apple iOS 7 përmban një ndërfaqe të ri-dizajnuar, ikonat në IOS 7 tani kanë një pamje tjetër, përmban ngjyra më të ndritshme, plus të gjitha aplikacionet kanë një vështrim dhe ndjenjë të re.

Ngjashëm me dizajnin e ri Apple iOS 7 përfshinë ndryshime edhe në qendrën e kontrollit, ku ofron qasje të shpejtë në menytë kontrolluese, si ndriçimin e ekranit, Aeroplan Mode, WiFi, Bluetooth dhe shumë tjera, gjithashtu mund të luani dhe pauzoni muzikën gjatë dëgjimit.

Apple iOS7 (2)

Pjesa për njoftimi (notification) në ketë version vjen gjithashtu me një vështrim të ri dhe tipare të reja, këtu Apple ka prezantuar më në fund versionin e plotë Multitasking që do të funksionoj me të gjitha aplikacionet për pajisjet iPhone, iPad apo iPod Touch. Multitasking tani ju mundëson të kaloni direkt në mes aplikacioneve, pa pasur nevojë të dilni dhe ktheheni prapë në to, tani duke shtypur dy herë butonin Home, në ekran do t’ju jepet pamja e çdo aplikacioni që është i hapur, dhe nga aty ju mund të kaloni nga një aplikacion në tjetrin.

Apple iOS7 (3)

Një tjetër tipar i madh i ri i futur në ketë version është ai të cilin Apple e quan planet inteligjente të përditësuara, aplikacionet tuaja tani do të përditësohen automatikisht në sfond, kjo do të ndodhë vetëm gjatë kohës e duhur, për shembull në momentin kur jeni duke përdorur pajisjen.

Në anën tjetër aplikacioni i kamerës për Apple iOS 7 ka marrë gjithashtu një dizajn të ri dhe veçori të reja, ajo tani vjen me një seri të re e ndërtuar në filtra të cilat mund të caktohet në momentin kur bëni foto, kështu që nuk ka nevojë për ndryshim të fotos pas fotografimit.

Apple gjithashtu ka shtuar funksionin AirDrop për iOS 7, nga tani ju do të mund ti ndani fotot, dokumentet, dhe çdo gjë tjetër që dëshironi me shokët tuaj nëpërmes WiFi, atë mund të bëni edhe me shumë njerëz brenda një dhomë.

Apple iOS7 (4)

Shfletuesi i versionit iOS 7 gjithashtu ka pamje të re, me tabs të ri, dhe integrim më të thellë me Twitter, hapësira e leximit gjithashtu është përditësuar, plus Apple do të filloj shërbimin iCloud Keychain, i cili do t’ju mundësoj të ruani të gjitha fjalëkalimet tuaja të faqeve të internetit të ndryshme për të gjitha pajisjet iOS dhe Mac.

Një aplikacion i ri që do të nisë në Apple iOS 7 është edhe iTunes Radio, që do të jetë një shërbim për muzikë streaming pa pagesë i ngjashëm me Spotify.

Apple Siri ka një vështrim të ri, dhe vjen me disa veçori të reja duke përfshirë integrimin me Bing, Wikipedia, Twitter, Apple App Store etj.

Apple iOS7 (5)

Në fund krejt, kompania Apple për versionin e ri Apple iOS 7 ka njoftuar se do të filloj gjatë vjeshtës, momentalisht për testim iOS 7 Beta 1 e kanë lëshuar vetëm për zhvilluesit, spekulohet se do të filloj gjatë muajit Shtator kur mund të lansohet edhe smartphone-i iPhone 5S. |ameble|

Prezantohet seria e re Apple MacBook Air

Prezantohet seria e re Apple MacBook Air

Pas versionit të ri Apple OS X Mavericks, kompania Apple në ngjarjen WWDC 2013 ka vazhduar kështu duke njoftuar për serinë e laptopave të tyre të ri MacBook Air.

Karakteristikat e Apple MacBook Air 11 inç përmbajnë ekran LED me rezolucion 1366 X 768 pikselë, dhe vjen me procesorë Intel me zgjedhje, njëri më procesor 2-bërthamor i5 1.3GHz dhe tjetri 2-bërthamor i7 1.7Ghz me deri 8GB RAM, plus në zgjedhje me hapësirë të brendshme për ruajtje 128GB ose 256GB SSD.

Apple MacBook Air

Modeli tjetër MacBook Air me 13 inç përmbajnë ekran LED me rezolucion 1440 X 900 pikselë, dhe karakteristikat tjera ngjashëm si modeli me lart

MacBook Air të ri do të mbajnë jetën e baterisë gjatë gjithë ditës dhe të përdorin platformën e re të procesorëve Intel Haswell. Do të jenë dy modele, njëri 11 inç dhe tjetri 13, modeli 11 inç do të mbaj jetën e baterisë deri në 9 orë kurse modeli 13 inç deri në 12 orë.

Apple MacBook Air 1

Çmimet për laptopat e ri MacBook Air do të fillojnë me 999 $ dhe me shitjen do të fillojnë nga sot. Karakteristikat e plota për të dy modelet do të jenë në dispozicion gjatë ditëve në vijim. |ameble|

Apple njofton për OS X Mavericks në WWDC 2013

Apple njofton për OS X Mavericks në WWDC 2013

Apple OS X MavericksApple sot në ngjarjen WWDC 2013 ka njoftuar për sistemin operativ të ri Apple OS X Mavericks i cili sjellë një numër karakteristikash të reja.

Ky sistem përfshin një funksion të ri në kuadër të shërbimit të saj finder që ju mundëson ti gruponi dritare të shumta duke përdorur “tabs”, si dhe me një funksion tjetër të ngjashëm të quajtur “tags” që mundëson lehtë ti gruponi gjërat brenda opsionit finder.

Karakteristika të tjera të reja brenda Mavericks përfshijnë aftësinë për të përdorur ekrane të shumta që paraqesin aplikacione të ndryshme për çdo ekran pa ndikuar në tjetrin. Ky sistem gjithashtu ju mundëson të lidheni me TV Apple duke transformuar HDTV tuaj në një ekran ekstra të plotë.

Apple ka shtuar edhe një numër të karakteristikave të dobishme për të shpëtuar jetën e baterisë brenda sistemit duke reduktuar përdorimin e procesorit me rreth 72 %, si dhe duke përdorur memorien e ngjeshur në memorie të lirë.

Apple OS X Mavericks posedon gjithashtu shfletuesin e ri Safari me karakteristika të shumta të reja me aplikacionet e saj.

Apple për versionin e më hershem Mountain Lion ka shitur 28 milionë kopje që nga lansimi i tij, dhe do të jetë interesante për të parë se si do të shkoj ky tani, që zyrtarisht nis ka fundi i këtij viti. |ameble|

Drejtpërdrejt: Apple WWDC 2013

Drejtpërdrejt: Apple WWDC 2013

WWDC 2013 drejtperdrejt1Kanë mbetur vetëm edhe disa orë para së ngjarja WWDC 2013 të filloj zyrtarisht, ajo do të shfaqet sot drejtpërdrejt për pajisjet Apple nëpërmes Apple TV. Kompania gjithashtu ka paraqitur edhe një link për sinjal të drejtpërdrejt ku shfaqen ngjarjet për pajisjet Apple.

Ngjarja pritet të filloj në orën 10:00 (Los Angelos) kurse 19:00 në kohën tonë lokale.

Apple gjithashtu ka lëshuar edhe një aplikacion për iOS të dobishëm për ketë ngjarje, që ju mundëson lehtë të shfletoni kohën, vendet, përshkrimet për seancat, laboratorë, dhe ngjarje të veçanta, në qoftë se dëshironi të dini me shumë atëherë mund ta shkarkoni këtu.

Kurse rreth asaj se çfarë pritet nga kjo ngjarja këtu kemi paraqitur një pasqyrë të shkurt. |ameble|

Çfarë mund të presim nga Apple WWDC 2013

Çfarë mund të presim nga Apple WWDC 2013

Shkurtesa e përdorur shpesh për Konferencën Botërore për Zhvillues nga Apple (WWDC- World Wide Developers Conference ) është një konferencë vjetore e mbajtur nga Apple që tregon produktet e reja dhe të ardhshme nga kjo kompani.

Ngjarja WWDC e parë u mbajt në Kaliforni në vitin 1983 dhe nga atëherë janë prezantuar dhe njoftuar për produkte të tilla si: Mac OS X, Mac Pro, MobileMe, iPhone dhe shumë tjera. Uebfaqja zyrtare e WWDC-së është: http://developer.apple.com/wwdc/. Ngjarja tani mbahet në San Fransico dhe fillon më 10 Qershor.

WWDC 2013

Më poshtë kemi paraqitur 5 gjëra që mund ti presim nga kompania Apple për ketë vit.

iOS 7

Në ketë ngjarja pritet lansimi i versionit të ardhshëm të platformës iOS nga Apple që gjithashtu është konfirmuar nga udhëheqësi i Apple-it Tim Cook. Më parë kemi dëgjuar se Jony Ive nga Apple është duke punuar në ketë version dhe se do të ketë një ridizajnim të plotë të ri me ndërfaqe të rrafshët, ketë e ka konfirmuar gjithashtu edhe Tim Cook duke thënë se Jony Ive është me të vërtetë çelësi kyç për platformën e re nga Apple. Në anën tjetër kompania Apple ende nuk kanë ndarë asnjë informacion për atë se çfarë do të përfshihet në Apple iOS 7.

Versioni tjetër për OS X 10.9

Apple gjithashtu pritet të njoftojë për versionin e ardhshëm të sistemit operativ për desktop, Mac OS X 10.9. Raportet kanë treguar se sistemi i ri nuk do të ketë ndryshime të mëdha, por që do të shtohen disa funksionalitete të reja. Kërkuesi (The Finder) pritet të marrë tag-et dhe tabat në shfletim. Shfletuesi Safari gjithashtu pritet të jetë i riorganizuar, i cili do të jetë me stabil për disa faqe të internetit me opsionet chat dhe lojëra. Siri, përveç në iOS si aplikacion i shpejt, është raportuar gjithashtu se mund të vijë edhe në sistemin operativ si dhe shumë funksione tjera.

Mjetet për Zhvillues

Apple gjithashtu pritet të lëshojë një përditësim për Xcode, për ti mbajtur kështu zhvilluesit të lumtur. Mjetet e reja për zhvillues pritet të jenë të optimizuara për muti-monitor mode me ekran të plotë, që pritet të mbërrijë me OS X 10.9.

Shërbimi iRadio

Është thënë se kompania Apple është duke punuar në një shërbim të ri për muzikë streaming, dhe me sa duket ky shërbim do të quhet iRadio. Apple tashmë ka nënshkruar marrëveshje me Warner Music dhe tani kompania pritet të lansoj ketë shërbim për muzikë streaming në Konferencën e tyre Botërore për Zhvillues (WWDC 2013). Ende nuk kemi ndonjë hollësi se si shërbimi Apple iRadio do të funksionoj.

Rifreskimi MacBook Air/MacBook Pro

Analisti Ming-Chi Kuo nga KGI kishte parashikuar një rifreskim e Retina MacBook Pro dhe serisë MacBook Air në ngjarjen WWDC, informacionet nga SKU kanë rrjedhur gjithashtu se lansimi i modeleve të reja të MacBook Air me madhësi të ekraneve 11 inç dhe 13 inç do të shfaqen me procesorë të ndryshëm dhe me opsione për hapësirë të brendshme të diskut. Gjithashtu është raportuar se modelet Macbook Air mund të vijnë me procesor Intel të gjeneratës së katërt Haswell dhe me mbështetje Gigabit Wi-Fi 802.11ac.

Pra për këto dhe shumë tjera qëndroni me ne. |ameble|

Apple iRadio do të lansohet në ngjarjen WWDC 2013

Apple iRadio do të lansohet në ngjarjen WWDC 2013

Apple iRadioËshtë thënë se kompania Apple është duke punuar në një shërbim të ri për muzikë streaming, dhe me sa duket ky shërbim do të quhet iRadio. Shërbimi është vonuar për shkak se Apple-it i është dashur ende kohë për të arritur marrëveshje me disa nga kompanitë e incizimeve.

Sipas një raporti të fundit nga CNET, Apple tashmë ka nënshkruar marrëveshje me Warner Music dhe tani kompania pritet të lansoj ketë shërbim për muzikë streaming në Konferencën e tyre Botërore për Zhvillues (WWDC 2013).

Ende nuk kemi ndonjë hollësi se si shërbimi Apple iRadio do të funksionoj, mirëpo Apple tani ka nënshkruar marrëveshje me sa duket shumicën e kompanive të mëdha që bëjnë incizime, që do të thotë se shërbimi pritet të filloj shumë shpejt. |ameble|

iOS 7 prezantohet në ngjarjen WWDC 2013, konfirmohet nga Tim Cook

iOS 7 prezantohet në ngjarjen WWDC 2013, konfirmohet nga Tim Cook

Apple iOS 7 do të prezantohet në konferencën për zhvillues (WWDC 2013), e cila pritet të mbahet muajin e ardhshëm në San Fransisco, në ketë ngjarja tanimë lansimi i versionit të ardhshëm të platformës iOS nga Apple është konfirmuar nga udhëheqësi i Apple-it Tim Cook.

iOS 7 concept

Më parë kemi dëgjuar se Jony Ive nga Apple është duke punuar në ketë version dhe se do të ketë një ridizajnim të plotë të ri me ndërfaqe të rrafshët, ketë e ka konfirmuar gjithashtu edhe Tim Cook se Jony Ive është me të vërtetë çelësi kyç për platformën e re nga Apple.

Në anën tjetër kompania Apple ende nuk kanë ndarë asnjë informacion për atë se çfarë do të përfshihet në Apple iOS 7. Gjithçka mbetet të shihet muajin e ardhshëm. |ameble|

WWDC 2013 nis me 10 Qershor, biletat në shitje prej nesër

WWDC 2013 nis me 10 Qershor, biletat në shitje prej nesër

Pak me herët është njoftuar nga Apple se konferencën e saj Worldwide Developer Conference (WWDC) do të mbahet nga mesi i muajit Qershor me datë 10 deri 14 në San Francisko. Biletat për ngjarjen do të dalin në shitje prej nesër 25 Prill nga ora 10. WWDC është një konferencë e fokusuar në softuer, kështu nga kjo pritet të shihet më shumë në lidhje me versionet e ardhshme të OS X dhe se çfarë janë planet e kompanisë Apple për platformën iOS 7.

WWDC 2013

Shefi i kompanisë Apple, Tim Cook ka thënë dje se nuk mund të priten produkte të reja deri në vjeshtën e vitit 2013. |ameble|