Tag Archives

30 Articles
Verizon pritet të blej Yahoo-në për 5 miliard dollarë

Verizon pritet të blej Yahoo-në për 5 miliard dollarë

Si duket Verizon Wireless do të jetë pronar i ri i kompanisë Yahoo, marrëveshja mes dy kompanive pritet të zyrtarizohet sot.

Yahoo Verizon

Sipas një raporti të fundit, Yahoo u ka thënë kompanive tjera të cilat ishin në interesim për blerje se Verizon e ka fituar marrëveshjen.

Verizon si duket do të paguajë 5 miliardë dollarë për blerjen e Yahoo-së, kjo normal që duhet të miratohet nga rregullatorët dhe të aksionarët e kompanisë.

Ende nuk është e qartë për kushtet e marrëveshjes në mes të dy kompanive, se a do të përfshihen të gjitha asetet e Yahoo-së apo jo!

Të gjitha detajet rreth marrveshjes së shit-blerjes pritet të bëhen publike sot në mes të dy kompanive. Krye-shefja e Yahoo-së Marissa Mayer nuk pritet të qëndrojë në kompani, pas kësaj marrëveshje. /ameble

Apple nga 2015 mund të zëvendësojë Google-in me Yahoo-n ose Bing-n

Apple nga 2015 mund të zëvendësojë Google-in me Yahoo-n ose Bing-n

Google Search on SafariTë dyja edhe Microsoft edhe Yahoo si duket janë në bisedime me kompaninë Apple për të zëvendësuar Google-in si opsion paraprak për kërkim në shfletuesin Safari. Google si motor kërkimi për Safarin në Apple iOS është zgjedhur në vitin 2007, kur iPhone-i ishte lansuar për herë të parë, kurse në 2010 këto dy kompani kishin vazhduar kontratën e cila pritet të përfundojë më 2015.

Apple me herët ka përdorur aplikacionin e hartave të Google-it në iOS, edhe pse me vonë e kishte zëvendësuar atë me Apple Maps, kështu që kompania pritet ta bëj të njëjtën edhe për mënyrën e kërkimit.

Të dyja edhe Yahoo edhe Microsoft tashmë kanë marrëdhënie të mira me Apple-in, Yahoo ofron informacione për iOS kurse Microsoft Bing është ofruesi i rezultateve në kërkim të Apple Siri.

Duke marrë parasysh sasinë e pajisjeve iOS që shiten çdo vit, pastaj duke u eliminuar Google si motor kërkimi për iPhone dhe iPad, mund të jetë një humbje e madhe për Google-in, edhe pse shumë përdorues ndoshta prapë do të zgjedhin manualisht Google-in si opsion të parë për kërkim.

Pra do të jetë interesant të shohim se cila prej dy kompanive do të arrij të bindë Apple-in për tu përdorur si kërkim i parë në Safari, natyrisht që Apple prapë mund të vendosi të mbajë edhe Google-in, të gjitha këto do t’i kuptojmë vitin e ardhshëm. /ameble

Lansohet aplikacioni Yahoo Screen për Android

Lansohet aplikacioni Yahoo Screen për Android

Yahoo Screen, shërbimi i ri për Video Streaming i kompanisë Yahoo nga tani është në dispozicion për shkarkim pa pagesë edhe për pajisjet Android kurse për pajisjet iOS ky shërbim veç ekziston.

Yahoo Screen

Shërbim i ri i Yahoo-së në fokus më shumë ka klipet se sa ndonjë episode të plotë, duke ofruar kështu një përzierje të videove nga komeditë, sporti, muzika dhe disa programe tjera origjinale. Yahoo Screen gjithashtu ofron shfaqje interesante me humor sidomos të shtunave në mbrëmje. Është komplet pa pagesë, edhe pse kjo i bie se duhet të kaloni nëpërmjet disa reklamave paraprake para së të filloj një video.

Shërbimi apo aplikacioni Yahoo Screen mund të jetë vetëm fillimi i videove streaming nga planet e Yahoo-së. Raportet e fundit thonë se kompania është duke u përgatitur për të marrë një pjesë të videove nga YouTube, madje edhe të disa krijuesve më të njohur të Google-it, me një ofertë më të mirë fitimesh se se që ata janë duke fituar tani. /ameble

Alarm piratërie: Ndrysho fjalëkalimin në Yahoo Mail

Alarm piratërie: Ndrysho fjalëkalimin në Yahoo Mail

Yahoo mailYahoo ka njoftuar për një tjetër tentativë apo sulm piratërie të llogarive të tyre, duke këshilluar kështu përdoruesit e Yahoo Mail të ndryshojnë fjalëkalimet e tyre nëse kërkohet gjatë qasjes në email.

“Për fat të keq sulmet e tilla të sigurisë tani janë bërë një dukuri e rregullt, ka shkruar Yahoo në blogun e tyre zyrtar Tumblr. Kohët e fundit, ne kemi identifikuar një përpjekje të koordinuar për qasje të paautorizuar në llogaritë e Yahoo Mail-it. Pas zbulimit, ne kemi marrë masa të menjëhershme për të mbrojtur përdoruesit tanë, duke ju dhënë opsionin për të ri-vendosur fjalëkalim tjetër.” Fjalëkalimet e atyre llogarive të cilave nuk u është shfaqur opsioni për ndryshimin e fjalëkalimit janë të sigurta, por do të ishte mirë që edhe ata të ndryshojnë atë, në rast sigurie.

Yahoo nuk ka shpjeguar se sa llogari mund të jenë komprometuar ose çfarë ka ndodhur saktësisht, por ka thënë se nuk ka prova se llogaritë janë komprometuar ose marrë direkt nga Yahoo. Në vend të kësaj, hakerat mund të ketë mbledhur të dhëna nga ndonjë bazë e të dhënave nga pala e tretë e ndonjë aplikacioni. Kompania po punon për të gjetur autorët e krimit.

Kjo është hera e dytë që Yahoo përballet me sulme të ngjashme dhe që potencialisht mund të ndikojë tek klientëve të saj. /ameble

Yahoo blen kompaninë për marketing “Sparq”

Yahoo blen kompaninë për marketing “Sparq”

YahooNga fillimi i kësaj jave është njoftuar se gjiganti për kërkim Yahoo! ka blerë kompaninë e marketingut për pajisje mobile Sparq, të cilët lajmin e kishin publikuar në uebfaqen e tyre të internetit.

Sparq është themeluar në vitin 2010 dhe kishte marrë fonde 1.7 milionë $ për të zhvilluar idenë e tyre të biznesit që përfshinë një lidhje të thellë në teknologjinë e aplikacioneve për pajisjet mobile. Kjo teknologji e tyre mundëson që linçet të gjenerohet në një vend të veçantë brenda një aplikacioni nga një faqe krejt tjetër.

Blerja e kompanisë Sparq nga Yahoo e ka detyruar të mbyll menjëherë shërbimet për përdoruesit e tij, kurse kushtet e shitblerjes nuk i ka publikuar asnjëra palë./ameble

ZLO, Henrique De Castro lë kompaninë Yahoo

ZLO, Henrique De Castro lë kompaninë Yahoo

Henrique De CastroZyrtari i Lartë Operativ në Yahoo, Henrique De Castro, lë kompaninë pas vetëm me pak se një vit që kishte filluar në ketë pozitë. Si zyrtari i lartë operativ De Castro ishte përgjegjës për të kthyer shitjet zhgënjyese të reklamave në Yahoo. De Castro ishte larguar nga kompania Google si zëvendësshef në Partner Business Solutions, jo shumë kohë pasi Marisa Mayer kishte marr kryesimin në kompaninë Yahoo.

Henrique De Castro pritet të lë kompaninë me datën 16 Janar. Kjo mund të jetë më shumë një veprim nga ana e Yahoo-së, se sa që është vendim i De Castro-s. Sipas Kara Swisher nga re/code, shumica e punonjësve brenda Yahoo-së De Castro-n e referojnë si “Man Walking Dead” dhe kanë pritur largimin e tij në çdo moment. Sipas Swisher, ky zyrtar dhe Mayer shpesh nuk janë pajtuar në takime për të cilat një person ka thënë, “Nganjëherë me të vërtetë ishte vështirë.” Me sa duket de Castro ishte një personalitet i polarizuar nga të gjithë në Yahoo dhe kjo nuk e ka ndihmuar atë që të ketë sukses në shitjet e reklamave brenda kompanisë. /ameble

Yahoo blen teknologjinë e zërit “SkyPhrase”

Yahoo blen teknologjinë e zërit “SkyPhrase”

Yahoo SkyphraseYahoo ka njoftuar se ka blerë kompaninë SkyPhrase që është e fokusuar në teknologjinë e përpunimit të gjuhës natyrale. Kjo kompani tingëllon pak a shumë ngjashëm nga ajo se çfarë ofron Siri dhe Google por që kjo zhvillon një teknologji që ju mundëson të flisni me kompjuterin ose pajisjet mobile.

Ne besojmë se informacionet dhe shërbimet e internetit do të jenë shumë më të fuqishme dhe me të përshtatshme nëse njerëzit mund t’i drejtohen kompjuterëve me atë që ata duan të arrijnë duke përdorur gjuhën e natyrshme,” është shkruar në uebfaqen e kompanisë Yahoo. “Tek Yahoo, ne kemi gjetur hapësirë që jo vetëm ndan vizionin tonë, por sjell edhe koleksion të pasur të informacionit dhe shërbimeve në një bazë të gjerë për përdoruesit” kanë thënë SkyPhrase.

Nuk janë dhënë detaje se për çfarë do të përdoret kjo teknologji në të ardhmen nga kompania Yahoo, por me shumë gjasë kjo e fundit do të dëshiroj të punojë në teknologjinë për zë që kontrollohet nga kompjuteri. SkyPhrase do t’i bashkohet Yahoo-së në qytetin e New York-ut. Kushtet e marrëveshjes nuk janë publikuar. |ameble|

Shërbimi Yahoo Mail shuhet për Kinën

Shërbimi Yahoo Mail shuhet për Kinën

Yahoo AlibabaYahoo zyrtarisht do të mbyll shërbimin e saj të emailit në Kinë ka njoftuar techinazia. Kompania më herët kishte njoftuar se synimet e saj janë të bartin llogaritë e përdoruesve të Yahoo Mail tek Alibaba, nga e cila zotëron një pjesë prej 20 % të aksioneve. Shërbimi i email-it Alibaba ndryshe quhet Aliyun.

Të gjitha shërbimet tjera të Yahoo-s që operojnë në Kinë do të vazhdojë të operojë siç janë, duke përfshirë Yahoo Search, News etj.

Gjiganti i kërkimit Yahoo ka luftuar kundër Google-it rreth e rrotull globit, edhe pse duket se kanë bërë një rikthim të mirë që nga udhëheqja e Marissa Mayer, e cili është bërë  kryeshefe ekzekutive e Yahoo-së që gati një vit. |ameble|

Aplikacioni Yahoo Weather i ri-dizajnuar edhe në Android

Aplikacioni Yahoo Weather i ri-dizajnuar edhe në Android

Aplikacioni i ri-dizajnuar dhe përfekt i Yahoo-së për motin ka qenë prezent në iOS që nga muaji Prill, por tani kompania ka publikuar të njëjtin aplikacion edhe për përdoruesit e platformës Android.

Yahoo Weather app

Aplikacioni duket pothuajse identik me atë të platformës iOS, posedon një ndërfaqe të thjeshtë dhe fotot e saj janë nga Flickr që ndryshojnë në varësi të motit dhe sipas vendndodhjes së përdoruesit. Një bonus që do të kenë përdoruesit e Android-it është se do të kenë edhe një widget kur ekrani është i mbyllur.

Aplikacionin e përditësuar për platformën Android mund ta merrni nga Google Play Store. |ameble|

Yahoo blen Rockmelt!

Yahoo blen Rockmelt!

Yahoo blen RockmeltYahoo ska të ndalur me blerje. Ajo se fundi ka blerë shfletuesin social të internetit Rockmelt. Stafi Rockmelt janë shumë të gëzuar pas shitjes se saj tek Yahoo dhe menjëherë e kanë bërë publike në blogun e tyre ku kanë shkruar se Yahoo dhe Rockmelt kanë të njëjtin qëllim, pra që tu ndihmojnë njerëzve të kenë me të lehtë të zbulojnë përmbajtjen e uebit.

Raportet e AllThingsD thonë se Yahoo ka paguar prej 60 deri në 70 milionë dollarë për këtë blerje. Kompania ka në plan të përdor teknologjinë e shfletuesit të njohur si “turbocharge”, si dhe pronat e saj mediale. Rockmelt është formuar në vitin 2000 dhe deri më tani ka rreth 4 milionë përdorues .

Aplikacioni mobil i shërbimit thuhet se e ka tërhequr më shumë drejtoreshën e kompanisë Yahoo, Marissa Mayer, e cila ka thënë se strategjia e biznesit të saj duhet të ketë fokus më të madh në industrinë mobile. |ameble|