Tag Archives

32 Articles
Njihuni me lojën SpeedRunners

Njihuni me lojën SpeedRunners

Thonë që një fotografi vlenë sa një mijë fjalë. Po, një video ka peshën e sa fjalëve?

Më poshtë keni videon që flet për lojën SpeedRunners në gjuhën angleze, e prezantuar nga Rona Hoxha, 8 vjeçare. Kjo është një lojë platformë, që më së miri luhet me shokë online apo edhe në dhomën e ndejës me familje apo edhe mysafirë. Për më shumë shiqoni videon. |ameble|

YouTube Mobile Live Streaming tani me disa përditësime

YouTube Mobile Live Streaming tani me disa përditësime

Live streaming në YouTube nuk është një funksion i ri. Megjithatë, ky funksion më parë ka qenë i kufizuar nga smartphone-at, sidomos për ata që kanë pasur me pak se 10.000 abonentë ose nëse kanali nuk ka qenë i verifikuar. Kjo i bie që shumë kanale nuk kanë pasur mundësi të kenë ketë funksion.

Por tani kjo do të ndryshoj. YouTube kohët e fundit ka përditësuar faqen e saj, ku thuhet se kanalet YouTube që janë të verifikuara dhe së paku kanë 1.000 abonentë do të kenë mundësinë të shfaqin video drejtpërdrejt nga pajisjet e tyre smartphone.

Pra, kjo do të thotë se në qoftë se keni një kanal relativisht të vogël dhe dëshironi të shpërndani diçka drejtpërdrejtë atëherë kjo është e mundur. Për ta bërë ketë të mundur youtube ka paraqitur edhe disa kërkesa si psh. duhet të keni një pajisje Android me minimum versionin Android 6.0, ose një pajisje iOS që posedon iOS 8 e më lartë. /ameble

Gjejnë gabime në Youtube, shpërblehen nga Google (Video)

Gjejnë gabime në Youtube, shpërblehen nga Google (Video)

Një grup studentësh të cilët përbëhen prej 4 programerëve të ndryshëm, bënë të mundur që të gjejnë gabime të ndryshme në rrjetet gjigante teknologjike.

Kësaj radhe është Leutrim Berisha ai i cili se fundi gjeti gabime në faqen e Youtube e më pas mori shpërblim, (mjete financiare) nga gjiganti Google.

Por kjo nuk është e gjitha, ky i ri kosovar ka arritur që tashmë të futet edhe në Hall of Fame tek kompania Google, transmeton Klan Kosova.

YouTube prezanton shërbimin me pagesë YouTube Red

YouTube prezanton shërbimin me pagesë YouTube Red

Nëse i urreni reklamat e YouTube-it, lajmi i mirë është se Google do të lansoj një shërbim të ri të YouTube-it pa reklama, për të cilin duhet të paguani 9.99$ në muaj.

https://youtu.be/YL9RetC0ook

I quajtur YouTube Red nis me 28 Tetor dhe do të jetë një muaj test pa pagesë për të gjithë përdoruesit. Kjo përfshinë luajtjen e videove pa reklama nga t’gjitha pajisjet, gjithashtu posedon opsionin për të ruajtur videot dhe për të shikuar offline si dhe mundësinë për të dëgjuar video edhe kur YouTube luan në sfond në smartphone-in tuaj.

Për të qenë më të qartë rreth këtij shërbimi, YouTube Red nuk është një aplikacion i ri, por është vetëm një mundësi e veçantë që nevojitet të paguani për të pasur këto opsione. /ameble

YouTube lanson kartat interaktive

YouTube lanson kartat interaktive

YouTube ka njoftuar për lansimin e një tipari të ri të quajtur kartat interaktive (Interactive Cards), ku kompania thotë se është evoluimi i shënimeve (Evolution of Annotations).

evolution of annotations

 

YouTube i ri interaktiv do të jetë në dispozicion në gjashtë versione të ndryshme dhe gjithashtu do të funksionoj edhe në smartphone dhe versionin desktop të YouTube-it.

Si zhvillues, me siguri se keni përdorur shënimet (Annotations) në videot YouTube për t’i shtyer shikuesit tuaj që të shohin video tjera. Por një nga gjërat që na është kërkuar, është se dëshironi që kjo të jetë me më shumë fleksibilitet dhe informata, dhe më e rëndësishmja mos të jenë pengesë në ekranet tuaja veçanërisht në smartphone. Kjo pra është arsyeja pse ne kemi futur kartat interaktive. Ato mund të informojnë shikuesit tuaj për video tjera, playlista, faqet të internetit etj.

Për më shumë detaje në lidhje me këto karta interaktive mund të informoheni nga ky link i YouTube-it. /ameble

Google lanson aplikacionin “YouTube for Kids”

Google lanson aplikacionin “YouTube for Kids”

Siç edhe kishte premtuar, Google tani zyrtarisht ka lansuar shërbimin YouTube for Kids (Youtube për fëmijë). Është një aplikacion i veçantë që është i ndarë vetëm për fëmijët, ku gjithashtu u mundëson prindërve të menaxhojnë më lehtë atë se çfarë shohin fëmijët e tyre në YouTube.

Aplikacioni i ri Youtube for Kids ofron përmbajtje të videove nga kanale të ndryshme të YouTube-it, të tilla si Reading Rainbow, National Geographic for Kids dhe gjithashtu ofron video muzikë. Fëmijët mund të kërkojnë nëpërmes zërit, apo edhe me mundësinë e lehtë të ndërfaqes që ka. Ky shërbim i Google-it posedon gjithashtu një kontroll prej prindit, ku mund të vendosin një orar apo kohë të caktuar me zile për përdorim të aplikacionit.

Ky aplikacion është në dispozicion për pajisjet me platformën Android dhe iOS. /ameble

Minecraft është loja më e popullarizuar në YouTube

Minecraft është loja më e popullarizuar në YouTube

Ekzistojnë shumë video lojëra në YouTube, dhe Minecraft është një nga lojërat që përfshinë një pjesë të madhe këtu.

Kompania për hulumtime të tregut Newzoo dhe kompania tjetër Octoly kanë hulumtuar prezencën e video lojërat në Youtube dhe kanë dal me disa shifra interesante.

Nëse përmbledhim numrin total të shikimeve për top 20 video lojërat deri në muajin janar 2015, video lojërat përbëjnë 96.6 % të shikimeve. 41 % të shikimeve ishin për video lojën Minecraft. 2.4 miliardë shikime janë bërë për ketë lojë, ndërsa rreth një e treta e kësaj (790 milionë) janë për Grand Theft Auto. Loja e shumë njohur e FIFA-së renditen në vendin e tretë me 368 milionë shikime.

Newzoo Top 20 Game lojerat ne YouTube

Pra, gati gjashtë vjet pas lansimit të lojës Minecraft-it dhe ende nuk po i bie fama. Edhe në kanalin tonë në youtube kemi shfaqur një video të kësaj lojë që spaku shpjegon së si luhet (shih më poshtë)./ameble

YouTube tani me shërbimin e vet për Music Streaming

YouTube tani me shërbimin e vet për Music Streaming

Që një kohë të gjatë është përfolur rreth shërbimit YouTube Music, që tani është zyrtarizuar. YouTube të mërkurën ka lansuar zyrtarisht ketë shërbim të quajtur Music Key, ku abonimi mujor për të kushton 9.99$, ose 7.99 $ për një kohë të kufizuar. Shërbim u mundëson të dëgjoni muzikë nga sfondi, që do të thotë se edhe nëse e mbyllni kompjuterin, muzika mund të vazhdoj. Gjithashtu mund të caktoni video specifike për rishikim offline, kështu që mund të dëgjoni muzikë edhe nëse ju humb lidhja e internetit.

Ky shërbim përveç që ofron qasje në YouTube Music Video, shërbimi përfshinë edhe abonimin për Google Play Music, e cila ka më shumë se 30 milionë këngë dhe playlista të gatshme. Në ditët e ardhshme, do të kemi mundësi të shohim video të YouTube-it drejtpërdrejtë nga aplikacioni Google Play Music./ameble

Gangnam Style tejkalon numrin dy miliardë të shikimeve në YouTube

Gangnam Style tejkalon numrin dy miliardë të shikimeve në YouTube

Pa rimë apo ndonjë arsye, Gangnam Style e Psy-së ka arritur të kalojë dy miliardë shikime në YouTube, video e parë që ka arritur të bëjë ketë ndonjëherë. Secili nga ne është e pamundur që se keni lëshuar të paktën një herë ketë video-këngë–kërcim-valle, s’di si ta quaj!

Kur për herë të parë në vitin 2012 kishte dal Gangnam Style, unë sinqerisht kur e kam dëgjuar kam menduar se është ndonjë video shaka. Por që kurrë nuk kam menduar apo imagjinuar formulën satirike që një kërcim i tillë do të arrinte të bëhet video më e njohur në botë ndonjëherë, dhe që vështirë do të kalohet në të ardhmen. Ende edhe sot, sa herë që e hapë videon në YouTube, çdo herë ka shikime më shumë. Përderisa po shkruaj i ka 2.002.870.151 shikime.

Psy mban edhe një rekord me videon-këngën tjetër Gentleman, ku për një ditë të plotë kjo video ka marrë 38 milionë shikime. Tani kjo video aktualisht numëron rreth 700 milionë shikime, por prapë së prapë rruge e gjatë për të arritur rekordin 2 miliardë që është prekur ketë vikend nga Gangnam Style.

Po e njëjta, aktualisht llogaritë tri video në Top pesëmbëdhjetëshen e të gjitha videove që ekzistojnë në YouTube. Vërtet mbresëlënëse! /ameble

YouTube në diskutime për blerjen e Twitch

YouTube në diskutime për blerjen e Twitch

Twitch YoutubeBurimet e ndryshme kanë raportuar se YouTube është afër një marrëveshje për blerjen e startup-it të shumë njohur Twitch, që është për lojëra drejtpërdrejt streaming. Marrëveshja po flitet të jetë 1 miliardë dollarë me komplet pagesë dhe pritet të mbyllet menjëherë. Wall Street Journal, në raportin e tyre kanë shkruar duke thënë se diskutimet janë “në fillim” dhe se “marrëveshja është ende larg.” Në qoftë së në mënyrë efektive arrihet kjo marrëveshje, atëherë një nga uebfaqet me të vizituara do të kalojë në duart e Google-it.

Detajet e marrëveshjes aktualisht janë të pakta. Megjithatë, nga ana e YouTube-it, ky hap mund të ndodh. Twitch është lansuar në vitin 2011 dhe si destinacion ka pasur video lojërat e drejtpërdrejta streaming. Aktualisht ka më shumë se 1 milionë përdorues unik çdo muaj që transmetojnë në platformën e tyre dhe sipas një studimi të kohëve të fundit nga DeepField, kjo sa i përket trafikut të gjerë renditet përpara Google-it.

Sido që të jetë të dy kompanitë nuk kanë dashur të komentojnë rreth kësaj. /ameble

Pas Twitter-it, qeveria e Turqisë tani bllokon edhe Youtube-in

Pas Twitter-it, qeveria e Turqisë tani bllokon edhe Youtube-in

Vetëm një javë, pasi qeveria turke bllokoj qasjen për rrjetin social Twitter tani ka bllokuar edhe qasjen në YouTube, që i bie tri ditë para zgjedhjeve lokale.

Qytetaret turk filluan raportimet për ketë bllokadë qysh pas orëve të mëngjesit. Bllokimi i portalit YouTube u urdhërua sot (të enjten) menjëherë pas publikimit të disa incizimeve të cilat ishin të një takim për siguri të publikuara në YouTube, sipas Hurriyet Daily News.

Turqia mund të heqë bllokimin vetëm nëse YouTube heq incizimet audio të publikuara aty, kjo sipas një burimi brenda zyrës së kryeministrit nga Reuters. Kjo ngjarje e krijuar kështu është me rendësi, sepse nuk është e sigurt nëse Google do të pajtohet që të heq ketë video, sepse kompania kohët e fundit ka vendosur që të refuzoi heqjen e videove që pohojnë korrupsionin qeveritar të cilit do shtet.

Kjo nuk është hera e parë që Turqia bllokon YouTube-in. Gjykata turke kishte bllokuar ketë shërbim edhe në vitin 2007, pasi që një video e postuar aty fyente themeluesin e Turqisë moderne, Mustafa Kemal Ataturk. Turqia gjithashtu javën a kaluar bllokoi Twitter-it, pas publikimit të një skandali nga Kryeministri Rexhep Tajip Erdoan, i cili pastaj kërcënoj se do të mbyllë edhe Facebook-un edhe YouTube-in.

Sidoqoftë, ne do të përcjellim si dhe do të raportojmë për ngjarjen e krijuar nga qeveria e Turqisë kundrejt Internetit, nëse do të ketë ndryshime ose jo./ameble

Youtube ri-dizajnon uebfaqen

Youtube ri-dizajnon uebfaqen

Nëse YouTube ju duket disi me ndryshe atëherë nuk është vetëm tek ju!

Uebfaqja që për shumëkënd ka ndihmuar në karrierë, tani ka lansuar një dizajn të ri responsive (që reagon lehtë). Videot në faqen kryesore tani janë përqendruar në mes dhe do të mbesin kështu pa marrë parasysh se çfarë madhësie të ekranit keni. Pamja nënkupton atë që ju të shihni po të njëjtin dizajn pa marr parasysh se a shikohet nga pajisjet mobile, tablet apo edhe PC.

Youtube page redesigned

Edhe playlist-a gjithashtu ka marr një pamje tjetër. Playlist-a në llogarinë tuaj tani tregon playlist-at që keni krijuar vetë, si dhe ato të kanaleve që ju keni pëlqyer. Këto lista tani do të jetë më lehtë për t’i gjetur në një kanal, thjesht duke kërkuar për butonin e asaj playlist-e.

Këto pra janë vetëm disa ndryshime për përdoruesin, ndryshime tjera janë bërë edhe për kanalet në YouTube. /ameble