Category Archives

42 Articles
Njihuni me lojën SpeedRunners

Njihuni me lojën SpeedRunners

Thonë që një fotografi vlenë sa një mijë fjalë. Po, një video ka peshën e sa fjalëve?

Më poshtë keni videon që flet për lojën SpeedRunners në gjuhën angleze, e prezantuar nga Rona Hoxha, 8 vjeçare. Kjo është një lojë platformë, që më së miri luhet me shokë online apo edhe në dhomën e ndejës me familje apo edhe mysafirë. Për më shumë shiqoni videon. |ameble|

Video Shpaketim: VIVAX SMART Point X45 Pro

Video Shpaketim: VIVAX SMART Point X45 Pro

Vivax Smart Point X45 Pro është një Android pajisje e cila mund të konsiderohet si një pajisje e rangut të mesëm dhe për çmimin që e ka, mund të ofron shumë mundësi dhe funksione sikurse pajisjet tjera nga Android që kanë çmime më të larta.

Nëse keni vendos me ble modelin Vivax Smart Point X45 Pro dhe jeni kureshtar se çfarë vjen në paketimin e tij, më poshtë kemi përgatitur një video shpaketim të modelit në fjalë. Pra, në paketën e modelit Vivax Smart Point X45 Pro janë të paketuara: telefoni Vivax Smart Point X45 Pro së bashku me mbrojtësin e ekranit, udhëzuesi, mbushësi për mur, kabllo USB, kufjet / ndëgjojset, një kapak i rezervë i telefonit si dhe një mbrojtës i telefonit nga ana e pasme.

Video Praktike dhe Shpaketim: Nokia X2 Dual SIM

Video Praktike dhe Shpaketim: Nokia X2 Dual SIM

Microsoft smartphone-in Nokia X2 Dual SIM e kishte lansuar vitin e kaluar, në kohën kur ende ishte bashkë me kompaninë Nokia. Arsyeja pse kemi zgjedhur ta prezantojmë ketë smartphone është sepse posedon platformën Android, gjithashtu vjen me një pamje të bukur dhe shitet me çmim të ulët.

[youtube id=”IWN1fEcPXTM” width=”600″ height=”350″]

Nokia X2 Dual SIM posedon ekranin WVGA 4.3-inç, është i pajisur me procesorin 2-bërthamor Snapdragon 200 1.2 GHz dhe vjen me ndërfaqen Nokia X software 2.0 i bazuar në platformën Android 4.3 (Jelly Bean). Ky smartphone përmban kamerën e pasme 5-megapikselë me LED flash dhe incizon me kualitet 720p si dhe kamerën frontale 0.3-megapikselë për selfie.

Përparësia e tij është se posedon mundësin për dy SIM kartela, ngjashëm si në modelin e mëparshëm Nokia X, 1GB RAM, hapësirën e brendshme për të dhëna 4GB me mundësi zgjerimi deri 32GB. Në pjesën frontale i ka dy butona Home dhe butonin për tu kthyer mbrapa. Është smartphone i parë Nokia që posedon funksionin për hapje më dy trokitje të lehta (double tap).

Nga ana softuerike vjen me disa aplikacione të para-instaluara si Maps HERE dhe MixRadio. Gjithashtu mund të shkarkoni aplikacione të Android-it nëpërmes Nokia Store. Fuqia e baterisë së këtij smartphone është 1800mAh.

Nokia X2 Dual SIM vjen në ngjyrë jeshile me shkëlqim, portokalli, i zi, i verdhë me shkëlqim, bardhë dhe i hirit i errët. Çmim i këtij smartphone-i në vendin tonë është ndër 100€. /ameble

Video shpaketim: LG G Watch R

Video shpaketim: LG G Watch R

Orët e mençura (Smartwatches) sot thjesht po bëhen pajisje që medoemos na duhet t’i kemi në jetën tonë të përditshme, dhe LG është njëra prej kompanive që ofron orë të tilla dhe një nga ato është LG G Watch R.

Në laboratorin tonë kjo orë ka arritur për testim ku fillimisht kemi bërë video shpaketimin e pajisjes dhe gjithashtu kemi shfaqur disa pamje se si duket:

[youtube id=”URc_Av9njGM” width=”600″ height=”350″]

LG G Watch R vjen me një dizajn interesant, duke përfshi ekranin OLED 1.3 inç apo P-OLED, që ka një rezolucion prej 320 x 320 pikselë i përkrahur nga procesori 1.2GHz Qualcomm Snapdragon 400. Karakteristikat e tjera të LG G Watch R përfshijnë 512MB RAM memorie dhe 4GB hapësirë të brendshme, Bluetooth 4.0, microUSB, një bateri 410 mAh, plus një sërë sensorësh. Posedon sensorin për monitorim të rrahjeve të zemrës, gjithashtu duhet të theksohet se ky model është i certifikuar me IP67, që do të thotë se është rezistent ndaj ujit.

Arsyet për ta blerë një LG G Watch R janë:

  • Monitorimin e rrahjeve të zemrës,
  • Trupi i pajisjes nga çeliku,
  • Rripi me mundësi ndërrimi,
  • Ekrani i tërë i përdorshëm,
  • I përdorshëm edhe ne rreze direkte.

Kurse karakteristikat e plota teknike të tij janë:

  • Sistemi Operativ: Android Wear,
  • Procesori: Qualcomm Snapdraggon 400 me 1.2GHz CPU,
  • Rripi: 22mm (me mundësi ndërrimi),
  • Ekrani: OLED 1.3 inç apo P-OLED,
  • Bateria: 410mAh,
  • Bluetooth: 4.0,
  • Memoria interne: 4GB dhe 512MB RAM,
  • Dimensionet: 46.4 x 53.6 x9.7mm,
  • Pesha: 62g,
  • Portat dhe lidhjet: Micro USB në karikuesin Cradle,
  • Sensorët: 9-Axis (Gyro/Accelerometer/Compass, Barometer, PPG).
Video shpaketim: LG G3

Video shpaketim: LG G3

Nëse jeni kureshtar të dini se çfarë gjendet brenda kutisë së një prej top 5 smartphone-ave të këtij viti, pra LG G3, lexoni dhe shikoni videon e më poshtme.

LG G3 vjen në një kuti standarde me shkëlqim nga bronzi. Përpara kutisë është e vendosur logoja LG G3 dhe emblema si një model fitues i GSMA-Global Mobile Awards 2014. Kurse në anën e pasme janë të futura disa prej tipareve kryesore të këtij smartphone-i.

Brenda kutisë se tij gjeni: LG G3, udhëzuesin, mbushësin për mur, kabllon USB, kufjet bashkë me pjesët rezervë si dhe baterinë 3000mAh.

Këtu keni disa nga karakteristikat kryesore të këtij smartphone-i:

  • Procesori: 2.5GHz Qualcomm Snapdragon 801 4-bërthamor,
  • Grafika: Adreno 330 GPU
  • RAM: 2GB/3GB of RAM
  • Ekrani: 5.5 inç, True HD-IPS + LCD, mbrojtësin Corning Gorilla Glass 3, rezolucioni 1440 x 2560, 538ppi,
  • Kamerat: 13 megapikselë (e pasme), 2.1 megapikselë (frontalja),
  • Lidhjet: Wi-Fi 802.11 b/g/n/ac, Bluetooth 4.0, NFC, USB OTG, GPS, A-GPS, GLONASS, 3G, HSPA+, LTE,
  • Bateria: 3000mAh battery (çmontuese)
  • Softueri: Android (4.4.2) KitKat
  • Hapësira: 16/32 GB (e brendshme), mundësia për SD-kartë deri në 128GB.

Për ta krahasuar ketë smartphone me modele tjera, atë mund ta bëni nëpërmes modulit tonë për krahasime duke klikuar këtu. /ameble

Video shpaketim: Buffalo Link station Duo NAS (4TB)

Video shpaketim: Buffalo Link station Duo NAS (4TB)

Nëse jeni duke kërkuar një mënyrë të shpejtë dhe të lehtë për të ruajtur dhe shpërndarë të dhënat tuaja, Buffalo LinkStation Duo (LS-WXL) është ideal për ketë punë. Është si një qendër bazë për të ruajtur dhe shpërndarë të dhënat tuaja nëpërmes rrjetit si fotografitë, muzikën, dokumentet etj, dhe është pajisje e përkryer për shtëpi apo zyrë të vogël.

Link Station Duo është një pajisje me performancë të lartë me dy disqe dhe dy bay Network Attached Storage (NAS), e cila gjithashtu mund të konfigurohet në RAID0 për performancë maksimale apo RAID1 për opsionin redundant (dyfishuar në dy) të hapësirës.

Se si duket dizajni i jashtëm dhe çfarë opsionesh posedon kemi shpjeguar në videon e më poshtëm:

Pra në kutinë e e pajisjes vijnë pajisja:

  • Buffalo LinkStation Duo NAS (4TB),
  • 2 kabllo për rrymë (versioni UK dhe EU),
  • Furnizuesi i rrymës,
  • Kabllo e shkurtë për ndezje/kyçje të rrymës,
  • Kabllo e rrjetit,
  • CD për instalim dhe udhëzuesi.

Sa i përket dimensioneve të pajisjes, është i gjerë 8.6 cm, i gjatë 20.4 cm,13 cm i lartë dhe peshon 2.5 kg bashkë me disqet. Ky model në front posedon 3 Led drita, dritën e rrymës kur është e kyçur, e dyta kur është në funksion d.m.th. gjatë bartjes së dokumenteve dhe e fundit Error Led kur ka ndonjë mesazh apo gabim. Ndërsa në pjesën e pasme pajisja posedon funksionin Switch që inicion kopjimin e drejtpërdrejtë nga USB-ja, pastaj është porta USB 2.0 e cila mund të përdoret për pajisje të jashtme (disqe të jashtëm, kamera digjitale, karta të memories etj), pastaj është Power Mode Switch që posedon 3 funksione Auto, On dhe Off, porta e rrjetit, porta për furnizim të rrymës, mbajtësi i kabllos për mos pengesë, ftohësi dhe çelësi i sigurisë kundër vjedhjes.

Për instalimin dhe konfigurimin e pajisjes në do të publikojm edhe një video e cila gjithashtu shpjegon në detaje përparësitë dhe karakteristikat e kësaj pajisje. /ameble

Video shpaketim: Nokia Lumia 925

Video shpaketim: Nokia Lumia 925

Nokia Lumia 925 është një smartphone i zhvilluar dhe dizajnuar nga kompania gjigante Nokia. Kjo kompani ketë model të Lumia 925 e kishte prezantuar më 14 Maj 2013 duke e përshkruar atë si një “interpretim” të ri të modelit Lumia 920 ndërsa nga Qershori i viti 2013 ishte lansuar në treg.

Nokia Lumia 925 vjen me sistemin operativ nga Microsoft, Windows Phone 8 i cili mund të përditësohet në versionin e fundit 8.1. Lumia 925 posedon ekranin 4.5 inç PureMotionHD + AMOLED me rezolucion prej 1280 x 768 pikselve i mbështetur nga procesori 2-bërthamor 1.5GHz Krait dhe 1GB RAM memorie. Ekzistojnë dy modele të Lumia 925, modeli 16GB dhe modeli 32GB të cilat nuk mund të zgjerohen me anë të kartelës microSD. Sikurse shumica e smartphone-ve edhe ky model ka të integruar dy kamera, frontalen me 1.3 megapikselë dhe kryesoren 8 megapikselë.

Nëse keni vendos me ble modelin Lumia 925, në paketimin e tij gjendet smartphone-i Nokia Lumia 925, udhëzuesi, mbushësi, kufjet dhe kabllo USB. Të gjitha këto janë të prezantuara në videon e më poshtme. /ameble

Video shpaketim: Apple iPhone 5S

Video shpaketim: Apple iPhone 5S

Ngjashëm siç ishte dallimi në mes të iPhone 4 me modelin 4S, edhe iPhone 5S duket dhe ndjehet gati identik me iPhone 5. Me skaje të prera, i hollë, i lehtë dhe i ndërtuar nga alumini, ekrani i tij mbetet prapë i njëjtë 4-inç. Në fakt, iPhone 5S posedon fiks të njëjtat dimensione dhe peshën si paraardhësi e tij me 123.8 x 58.6 x 7.6 mm dhe 112 g.

Edhe pse është dizajn i vjetër gati një vjeçar, prapë se prapë mbetet tejet mbresëlënës, është dhe mbetet ende një nga smartphone-t me dizajn dhe pamje nga më të mirët.

Ne tani kemi pasur shansin ta kem edhe ketë model në punëtorinë tonë, për vlërsim të plotë dhe më n’detaje. Ndërkohë kemi bërë shpaketimin e tij dhe kemi prezantuar së çfarë gjendet brenda kutisë së këtij smartphone-i si: iPhone 5S, udhëzuesi bashkë me ndihmësin për futjen e kartelës SIM, kabllo USB bashkë me mbushësin e baterisë dhe kufjet (ndegjojset). Për me tepër shih videon e me poshtme:

[youtube id=”nsTEE0gisI8″ width=”600″ height=”350″]

Ekrani i cili është Retina posedon rezolucionin 1136X640 pikselë. Apple nga ky model ka zëvendësuar butonin kryesor tradicional me Fingerprint Scanner që e ka quajtur Touch ID.

Butoni i ri Home, mund të detektoj gishta të ndryshëm nga kënde të ndryshme, në të mund të shtohen edhe shenjat e gishtave nga miqtë dhe familjaret tjerë. Ky buton nuk është vetëm për zhbllokimin e telefonit, Touch ID gjithashtu eliminon nevojën e futjes së një fjalëkalimi, sa herë që ju dëshironi të blini gjëra nga iTunes.

Nga pjesa e prapme mund të shihni ndryshimin fizik të dytë, ku flash LED-i i vjetër tani është zëvendësuar nga një tjetër i vendosur vertikalisht me ngjyrë të bardhë dhe LED të portokalltë dhe kur funksionojnë këto së bashku japin ndriçim natyror në fotot e marra. Apple e quan atë True Tone Flash, dhe thotë se eliminon dritën e përqendruar në një vend, ku shpesh e gjeni nga smartphone të tjerë.

Një gjë tjetër që vështirë mund të vërehet është aparatura e lensit të kamerës dhe këtu është rritur edhe sensori për fotografi më të mira.

Kurse nga ana softuerike siç kemi raportuar kohë pas kohë tanimë janë lëshuar versione të reja me përmirësime të iOS-it, mirëpo nga dyqani ky model vjen me versionin iOS 7.

Apple iPhone 5S tani gjendet edhe nëpër dyqanet tona, mirëpo ende me një çmim të lartë krahasuar me modelet tjera të cilët posedojnë performancë ndoshta më të mirë se ky smartphone. Për krahasim me modele tjera shih tek moduli ynë Krahasime. /ameble

Merlin Child Locator Phone – vëzhgon fëmijën tuaj

Merlin Child Locator Phone – vëzhgon fëmijën tuaj

Child Locator Phone është një pajisje e cila ju mundëson të komunikoni si dhe vëzhgoni vend-ndodhjen e fëmijës tuaj. Me vetëm 5 butona në dispozicion, kjo pajisje në formë lodre i posedon të gjitha tiparet thelbësore të një telefoni celular.

Sot, ne jemi në një kohë kur teknologjia sa më shumë mundësi ofron aq ofron edhe dëme. Një përqindje e madhe e prindërve, sot, fëmijëve të moshës së ulët u blejnë pajisje të cilat mbajnë pasoja në vete. Një smartphone apo tablet përveç që e bën fëmijën dembel në mësime dhe detyra, këto pajisje nëse nuk përdoren më kohë dhe masë të caktuar shkaktojnë dëme të mëdha.

Child Locator Phone posedon një dizajn ndryshe dhe gjithashtu në vete përmban shumë opsione të ngjashme të një telefoni standard. Prandaj, shiko videon the kupto së sa ka vlerë ky produkt:

Pra siç e patë brenda kutisë gjenden: pajisja Child Locator Phone, karikuesi (mbushësi i rrymës), kabllo USB, bateria, mbajtësi (lanyard), mjeti ndihmës si dhe udhëzuesi.

Është i ndërtuar nga plastika dhe posedon 5 butona në dispozicion (njërin për thirrje emergjente, SOS). 4 butonat (numra) janë për konfigurimin e numrave familjarë, butoni në mes për thirrje emergjente, kurse me poshtë gjenden tri drita sinjalizuese LED, njëra tregon statusin e rrjetit GPS, tjetra baterinë si dhe e fundit rrjetin GSM. Poshtë pajisjes është porta miniUSB për mbushjen e baterisë.

Kjo pajisje funksionon me rrjetin GSM, për atë arsye i nevojitet një kartelë SIM me GPRS.


Karakteristikat tjera:

  • Vend-ndodhjen e saktë të telefonit mund ta përcillni nëpërmes internetit nga kompjuteri apo edhe smartphone,
  • Nëpërmes një SMS-i ju pranoni vend-ndodhjen e saktë të telefonit në kohë reale,
  • Vëzhgimi më zë gjithashtu ju mundëson të dëgjoni zërin apo vend-ndodhjen e fëmijës tuaj,
  • Posedon opsionin për thirrje nga fëmija në rast nevoje,
  • Përveç këtyre ju mund të shihni edhe historinë e lëvizjes për një ditë, javë apo muaj.

Pra, vërtetë një pajisje me nevojë për prindërit e zënë me punë dhe që kujdesin ndaj fëmijëve e kanë të mangët. Një pajisje që mban në kontroll çdo lëvizje të fëmijës tuaj.

Pajisja gjendet në tregun tonë dhe posedon çmimin 108 €, për porosi na shkruani nëpërmes formës së kontaktit. /ameble

Video Praktike: Maxell 2800mAh Rechargeable Power Bank

Video Praktike: Maxell 2800mAh Rechargeable Power Bank

Maxell si kompani gjithmonë ka qenë e para në pajisje të vogla Gadgets që janë të nevojshme, për të cilat shumë nga ne posedojmë diçka të tillë në shtëpitë tona. Vitin e kaluar, ata kanë lansuar disa modele për ri-mbushjen e baterive të pajisjet mobile (në mënyrë portative), të quajtur si seria Power Bank. Kjo seri vjen në tri madhësi, 1700mAh, 2800 mAh, dhe 5200mAH.

Power Bank 1700 mAh është projektuar për përdorues me pajisje të vetme që ofron mbushjen e baterisë së një iPhone-i deri në 70%. Më peshë vetëm 55g, ky model mund të futet në çdo xhep të pantallonave apo edhe në çantë dore.

Modeli i dytë 2800 mAh për të cilin edhe kemi bërë videon praktike (shih më poshtë) ofron më shumë energji, peshon 95g dhe mundëson mbushjen e baterisë së çfarëdo pajisje mobile që posedoni. Gjithashtu përmban dritën LED që ju tregon se sa posedon bateri në të.

[youtube id=”kJ2qKDvVGfI” width=”600″ height=”350″]

Kurse Maxell Power Bank 5200, posedon 2 porte USB për të mbushur dy pajisje në të njëjtën kohë, ofron dalje edhe me të fuqishme se modelet e sipërme dhe mund të shërbej edhe për ri-mbushjen e baterisë së një tableti.

Këto ri-mbushje për bateri, shumë lehtë mund t’i gjeni në të gjitha dyqanet MEGA në Prishtinë si dhe kontaktuar ne nëpërmes formës së kontaktit. /ameble

Video shpaketim: Canon EOS 600D

Video shpaketim: Canon EOS 600D

Pajisja Canon EOS 600D është një kamerë digjitale me 18 megapikselë dhe single-lens reflex, e prezantuar nga Canon më 7 shkurt 2011. Ky model është i njohur edhe si EOS Kiss X5 në Japoni dhe EOS Rebel T3i në Amerikë. 600D është kamera e dytë EOS me ekran LCD të artikuluar dhe që zëvendëson modelin 550D, edhe pse prodhimi i modelit të më hershem nuk është ndërprerë deri në Qershor të 2012-tës, kur edhe u njoftua për pasardhësin e 600D-së, d.m.th 650D.


Kualitetin e fotografive si dhe video incizimit mund t’a shihni nga materiali që kemi publikuar më parë si p.sh. Sony PlayStation 4.

Sido që të jetë sot në treg gjenden edhe disa modele më të reja se 600D, mirëpo ne kemi zgjedhur të prezantojmë ketë model të cilin e ka dhuruar dyqani MEGA, pra se çfarë gjendet brenda kutisë së këtij modeli dhe si janë specifikat e tij të shohim më poshtë:

Brenda kutisë së tij gjenden:

  • Canon EOS 600D
  • Objektivi Canon 18-55mm f/3.5-5.6 IS II
  • Rripi mbajtës
  • Kabllo USB
  • Kabllo AV
  • Bateria LP-E8
  • Mbushësi i baterisë
  • Udhëzuesi (në paketën tonë nuk është gjetur)

[youtube id=”F_sncTJVLWA” width=”600″ height=”350″]

Kurse karakteristikat kryesore të tij janë:

  • Rezolucioni: 18 megapikselë
  • Përkrahja e llojit të imazheve: JPEG, RAW, RAW+JPEG
  • Autofokusi: 9 pika
  • Incizimi: Full HD 1080p në 24/25/30 fps (frames per second), ose 720p në 50/60 fps
  • 3–10× Digital Zoom gjatë video incizimit (vetëm me kualitet 1080p)
  • DIGIC 4 procesimi i imazhit
  • Opsionin Live view
  • Blicin Flash të integraur me shpejtësi të dritës
  • ISO 100–6.400 që zgjerohet deri 12.800
  • Shpejtësia në fotografim: 3.7 fps (34 images (JPEG), 6 images (RAW))
  • Madhësia e ekranit: 3-inç
  • Slota për kartelën e memories: SD, SDHC, dhe SDXC
  • USB 2.0, HDMI
  • Baterinë LP-E8
  • Dimensionet: 133.1 x 99.5 x 79.7 mm
  • Pesha: 515 g (vetëm trupi)

Kurse për detajet e plota të pajisjes mund të shikoni në uebfaqen e Canon-it. /ameble

Video shpaketim: LG G2

Video shpaketim: LG G2

Nëse ju kujtohet LG G2 është prezantuar vitin e kaluar në muajin Gusht. Është një model i smartphone-it nga LG që vjen me platformën Android versionin 4.2.2, procesorin 4-bërthamor Snapdragon 800 2.3 GHz, 2 GB RAM, ekranin 5.2-inç me 1080p, kamerën e pasme 13 megapikselë kurse atë frontale 2.1 megapikselë dhe baterinë 3000 mAh.


Për më shumë detaje, ne kemi përgatitur një video që shpjegon së çfarë gjendet brenda kutisë së këtij smartphone-i. Kutia vjen me mbështjelljes të zakonshëm, brenda saj gjendet smartphone-i LG G2, udhëzuesi, mbushësi, kufjet dhe kabllo USB. Kurse për të krahasuar ketë model me modele tjera të smartphone-ve mund ta bëni nëpërmes modulit Krahasime.

[youtube id=”rXcOymCsWmQ” width=”600″ height=”350″]

Nëse keni ndonjë pyetje në lidhje me pajisjen, ju lutem na shkruani nëpërmes komenteve më poshtë! /ameble