Category Archives

33 Articles
OnePlus 5 merr edhe një përditësim të softuerit

OnePlus 5 merr edhe një përditësim të softuerit

Çfarë është një OnePlus 5?

OnePlus 5 është produkti më i fundit i OnePlus Kompanisë. Ka një ekran Full HD me 5.5 inç, një procesor Snapdragon 835, 8GB RAM, një kamerë 16MP të dyfishtë, një kamerë 16MP përballë dhe një bateri prej 3,300mAh.

Risitë rreth OnePlus 5

OnePlus është tani në mes të nxjerrjes së përditësimit të tretë të softuerit për OnePlus 5 të sapo lëshuar. Përditësimi, i cili peshon më pak se 60MB, sjell optimizime për intensitetin e dridhjes, regjistrimin video, thirrjen me zë dhe lidhjen në Wi-Fi.

Rregullimet:

  • Rregullon Wi-Fi sinjalin i cili vazhdimisht është shfaqur si i dobët në disa OnePlus 5
  • Rregullon disa aplikacione që nuk janë në gjendje të punojnë në cilësimet apo mjediset e rrjetit IPv6
  • Për të rivendosur lidhjen me një kompjuter me sistemin Windows 10, ju lutemi ta fikni ‘debugging USB’ opsionin përpara se të përditësoni.

Optimizimet:

  • Thirrje me zë më të qartë
  • Përmirësime të mëtejshme të lidhjes Wi-Fi
  • Regjistrimi i videove tani konsumon më pak bateri
  • Intensiteti i dridhjes gjatë marrjes së thirrjeve është akorduar tani në një nivel më të butë

Shkarkimi do të arrijë një përqindje të vogël të përdoruesve dhe gradualisht do të bëjë rrugën e saj për më shumë pajisje, shpjegon OnePlus. Është e paqartë nëse OTA përditësimi po shpërndahet sipas rajonit, por duhet të arrijë në celularin tuaj deri në fund të javës së ardhshme./ameble.com

Sony Xperia XA1 lansohet në Kanadë

Sony Xperia XA1 lansohet në Kanadë

Sony Xperia XA1 tani është lansuar në Kanadë, përmes operatorit mobil Videotron dhe vjen në disa oferta të ndryshme.

Videotron është duke e ofruar pajisjen së bashku me një palë dëgjuese Sony XB550ap, që zakonisht kushtojnë 79.99 dollarë.

Xperia XA1 ka ekran HD prej 5 inç, me rezolucione prej 1280×720 pikselë. Pajisja vjen me procesorin octa-core, RAM memorien prej 3GB dhe hapësirën ruajtëse prej 32GB.

Pajisja poashtu posedon kamerën frontale prej 8MP dhe kamerën kryesore, Sony Exmor RS, me 23MP./ameble

Lansohet HTC One X10

Lansohet HTC One X10

HTC One X10 është bërë zyrtar. Pajisja tani është e listuar në ueb faqen e kompanisë në Tajvan dhe Rusi.

Listimi zbulon se telefoni është i fuqizuar nga procesori MediaTek Helio P10 SoC dhe ka ekran full HD prej 5.5 inç.

RAM memoria vjen me 3GB, ndërsa hapësira e zgjerueshme ka kapacitet bazik prej 32GB. Pajisja posedon kamerën kryesore me 16MP ndërsa kamera frontale ka kapacitet prej 8MP.

Bateria e telefonit është mjaft e fuqishme dhe sjell gjithsej 4,000 mAh.

Në anën e pasme është i vendosur sensori i gishtërinjëve ndërkohë që pajisja mbështet poashtu mundësinë e inkuadrimit të dy kartelave SIM.

HTC One X10 do të dal në shitje në Rusi këtë muaj dhe ka një çmim prej 355 dollarëve. Telefoni vjen në model me ngjyrë të argjendtë dhe të zezë./ameble

Video: Njihuni me EVE Online

Video: Njihuni me EVE Online

Dëshironi të bëheni pilot luftarak? Pa problem! Dëshironi të bëheni pirat? Pa problem këtë ju mundëson EVE Online që është një lojë e stilit MMORPG (massive multiplayer online role playing game) për PC, e startuar në vitin 2003. Pa humbur shumë kohë listojmë disa fakte që duhet të dini për lojën:

  • Loja ka startuar në vitin 2003. Edhe pse është lojë 10 vjet e vjetër, grafika është përditësuar non-stop për të shfrytëzuar harduerin secilën herë e më të mirë.
  • Sipas informatave nga CCP (kompania që ka programuar lojën), momentalisht janë 300 000 abonues.
  • Pasi që loja luhet online, ju nevojitet lidhje interneti
  • Loja mund të provohet me Trial account për 14 ditë pa pagesë nga ueb faqja e lojës (21 ditë nëse dikush ju referon, për info lexo https://secure.eveonline.com/Buddy/)
  • Edhe nëse loja blehet, ajo duhet të paguhet për çdo muaj (me mundësi pagese me para të lojës)
  • Për çmime edhe informata më të hollësishme, vizitoni ueb faqen e lojës www.eveonline.com

Më poshtë kemi përgatitur një video dhe rekomandojmë që ta shikoni në Full HD (1080p). Shikim të këndshëm.
Videot zyrtare: https://ameble.gjirafa.com

 

Vlerësim: LG G3

Vlerësim: LG G3

LG G3 Set

Përparësitë:

  • Ekranin më shkëlqim QHD,
  • Kamerën e mirë, veçanërisht në dritë të ulët,
  • Jashtëzakonisht ergonomik për një smartphone të madhësisë së tillë,
  • Kushton më lirë krahasuar më disa konkurrent të tij,
  • Ndërfaqen e lehtë dhe të përdorueshme,

Mangësitë:

  • Jetëgjatësia mesatare e baterisë .

Dizajn të shkëlqyeshëm, ekran të mprehtë, kamerë shumë të mirë dhe përformancë të shkëlqyer.

A duhet ta konsideroni LG G3 si telefonin tuaj të mençur gjatë 2015? Ne e testuam se si qëndron puna me këtë të fundit, dhe…

Gjersa në sipërfaqe mund të duket që tregu i telefonave të mençur mbetet kumbues, dinamik, dhe një vend i stërngarkuar, në të vërtet është relativisht i stagnuar, së paku, duke e krahasuar se si ishte pak kohë më parë.

E vërteta që ka rëndësi është e ashtuquajtura “arms race” (krahët e garës) e cila është duke tërhequr afër- një procesor dhe pjesët tjera harduerike të telefonit përmes pllakës tani janë shumë më shumë të fuqishme sesa ato duhet të jenë për shumicën e softuerit dhe kapacitetet në dispozicion.

Përformanca pak a shumë është nivelizuar, jo vetëm ndërmjet prodhuesve të telefonave, por nga më i shtrenjti tek më i liri gjithashtu.

Dizajni dhe Hardueri

Në shikimin e parë LG G3 është një bishë atraktive me disa kualitete që nuk mund t’i gjesh në tregun e telefonave të mençur. Së pari, gjithçka sillet rreth atij ekrani të madh, duke qenë njëra nga ofertat e pakta në dispozicion e cila vërtet mund të përshkruhet si nga “skaji në skaj”. Trashësia e LG G3 është edhe një gjë tjetër që e bënë edhe më të bukur dizajnin e tij, pra sipërfaqja e gjerë është në proporcion të drejtë me atraktivitetin e telefonave që donë të thotë sa më i ngushtë që është aq më i mirë duket telefoni.

LG G3- front- Ameble

Gjëja që me të vërtet duket të jetë kuriozitet  e që ndërlidhet me dizajnin se si LG ka qenë duke i dëgjuar kërkesat dhe dëshirat e konsumatorëve, ose edhe çka të tjerët ishin duke thënë paraprakisht, përgjatë dhe pas lansimit të Samsung Galaxy S5 dhe HTC One M8.

Kopertina e LG G3 është e përbëre nga materiali i veçantë plastik që në fakt e bën të duket sikur të ishte metalik, pra në LG G3 nuk është përdorur ajo llojë plastike e butë në prekje, por një material i fortë, i lëmuar. E kur jemi tek kjo pjesë, duhet të cekim faktin që pjesa e lëmuar është paksa e rrëshqitshëm dhe për disa mund të jetë e vështirësi ta mbajnë pajisjen në dorë. Në përgjithësi ndërtimi i përparmë i këtij telefoni është i qëndrueshëm dhe vërtet dallon nga konkurrentet.

Siç jemi mësuar të presim nga produktet më të shitura të LG, kualiteti i ndërtimit është i fortë dhe është kryesisht një padisje e fuqishme. Në testet e hedhjeve që janë shpërndarë në internet, shohim që kjo pajisje është mjaft e qëndrueshme, dhe jo lehtë thyhet.

Të gjitha opsionet e lidhjes që ju mund t’i pritni nga një smartphone i rangut të tillë siç është LG G3 ky telefon i ka, duke përfshirë 4G LTE të plotë dhe të dhëna të mobility 3G (përmes një Micro-Sim), lidhje të dyfishtë Wifi  (me Wifi Direct dhe Hotspot), Bluetooth 4.0 dhe microUSB. Gjithashtu përmban DLNA, infrared, NFC, AGPS(GLONASS), dhe Radio FM.

Në brendi të LG G3 është i integruar procesori me çip Qualcom Snapdragon 801 katër-bërthamorë i bazuar në arkitekturën Krait 400, specifikisht modeli Clocked MSM8975 AC në 2.5 GHz. LG G3 bartë një sasi te procesimit grafik (GPU) Adreno 330 dhe ka kapacitet prej 3GB RAM memorie në krahasim me LG G2 që kishte 2GB.

Ekrani

Çka rreth ekranit? Në fakt ekrani i LG G3 është me të vërtet i përsosur. Është tepër i mprehtë, duke ju falënderuar rafinimit të kujdesshëm që i ёshtё bёrё. LG G3 ka ekran IPS+LCD me dendësi tё rregulluar të ultra-pikselave dhe me një rezolucion çmendurisht të lartë 2560×1440 piksela QHD, me një diagonale 5.5 inç që jep dendësinë e 534 pikselave për inç. Ngjyrat e LG G3 janë gjithashtu tё mira dhe tё gjalla, të bardhat janë shumë të pastra, dhe aty nuk duket të kemi ndonjë hedhje të ngjyrës nga i gjithë sistemi. Tonet e zeza dhe të errëta kanë një thellësi të mirë, edhe pse nuk janë më të thella duke e krahasuar me diçka si OLED por shkëlqimi është perfekt në përdorimin e përgjithshëm tё këtij telefoni.

Shfaqja e videove nё formatet e kualitetit te lartё nuk ёshtё vetëm një tregim por, një gjë e vërtet ku shkëlqesia e LG G3 bën që ekrani i juaj i vogël tё shndërrohet nё një kinema multimediale.

A është LG G3 rezistent ndaj ujit?

Ju ndoshta e keni vërejtur se së fundmi është një tendencë në hapësirat e telefonave të mençur pёr tё krijuar telefona qё janё rezistent ndaj ujit. Kёta tё fundit janë tё certifikuar me standardin “IP”. Si pёr shembull Sony Xperia Z me certifikatën IP58, apo Samsung Galaxy S5 me IP67.

Me lansimin e LG G3, LG nuk e përmendi një mbrojtje të tillë nga materialet e lagështa për produktet më të shitura të kohëve të fundit. Pra, zyrtarisht LG G3 nuk posedon certifikatë tё tillë dhe kështu nuk jep asnjë llojё garancie nga rёnjet apo kontaktin me ujin.

Jo zyrtarisht, sidoqoftë, disa përdorues të “guximshëm” e kanë testuar dhe e kanë gjetur befasisht të forte dhe tё qëndrueshëm ndaj kësaj sfide.

Softueri

Struktura bazike e softuerit të LG G3 përcillet me stok ROM-in Android 4.4, KitKat me mundësi përditësimi tё menjëhershëm nё Android 5.0 Lollipop. Sistemi operativ i LG G3 ёshtё i përshtatur pёr kёtё tё fundit, dhe dallon pёr disa gjёra nga telefonat tjerё tё mençur. Kur jemi nё kёtё pikё, duhet tё përmendim edhe karakteristikat e aplikacionit tё integruar Knock On që fillimisht u gjend edhe nё LG G2, e që lejon përdoruesin tё ndezë apo fikё telefonin me një prekje tё dyfishtë nё ekran.

LG G3-1 front- Ameble

Në ballinën e LG G3 gjejmë pjesën e ndërfaqës sё përdoruesit (UI) gjë që ёshtё shumë e përshtatshme nё KitKat dhe po ashtu nё LG G3, pastaj kemi pjesën e aplikacioneve dhe Widgets. Sido që të jetë, ka disa përshtatje që janë pakë delikate dhe ato jo-delikate të cilat janë programuar dhe përshtatur me mjeshtri të përkryer. Sikur me shumicën e telefonave Android, ju mund ti ri-aranzhoni ikonat dhe Shortcuts duke i vendosur në pjesën fundore të ekranit, por në G3 ju gjithashtu mund ta lëvizni edhe ikonën përmes së cilës hapen aplikacionet.

Zëri

Altoparlantët e LG G3 janë tejet të mire dhe kualitativ. Gjithashtu altoparlanti i brendshëm i LG G3 është tejet zhurmshëm. Sikurse edhe tek shumica e smartphone-ve edhe tek LG G3, prodhimi i zërit është i mjaftueshëm duke marrë parasysh destinimin e tij.

Në rast të thirrjeve telefonike, dëgjohet lehtë dhe po ashtu ka opsionin “Extra Volume” që e rrit dëgjueshmërinë e mikrofonit.

Përformanca dhe Bateria

G3 është i shpejtë – dhe për këtë nuk ka asnjë dyshim. Procesori i G3 prej 2500 MHz katër-bërthamorë dhe RAM memoria prej 3GB janë ato që i japin fuqi kësaj pajisje. Snapdragon 801 është çipi i procesorit të G3, dhe si i tillë konsiderohet ndër çipat më të shpejtë për kohën kur është publikuar.

Sa i përket baterisë LG ka krijuar një celulë me bateri të lëvizshme tё fuqisë 3.000 mAh, e cila është e përdorshme  pasi që e lejon ndërrimin e baterisë. Ne nё Ameble e kemi bёrё testin e baterisë dhe mund tё konstatojmë që LG G3 ka bateri shumë të mire dhe mjaft të qëndrueshme. Gjatë testimit kemi parë që filmi zgjat 2 orë e 45 minuta. Me ndriçim të plotë (duke e mbajt në mend që ky është një rezolucion i lartë masiv dhe ekran ultra të ndritshëm) dhe Wifi të lëshuar, shikimi i filmit të plotë harxhoi baterinë deri në 37%.

Sidoqoftë, duke e rimbushur baterinë 100%, duke e ngarkuar filmin së pari e pastaj duke e shikuar në parametrat e njëjtë bateria qëndroi denjësisht në 50%, gjё qё ёshtё shumё mirё.

Kamera

Sikurse edhe modelet paraprake të telefonave të mençur të LG, edhe LG G3 ka dy kamera. Ajo frontale është 2.1 megapikselë dhe mund të përdoret për video thirrje me Skype apo Google Talk, ndërsa kamera e pasme është 13 megapikselë. LG G3 nëpërmjet softuerit të integruar ofron opsione të ndryshme të efekteve  të fotografisë gjatë fotografimit të cilat mund të përzgjidhen drejt për së drejti.

LG G3 Camera

Pas përditësimit ne Android 5.0 Lollipop shtohen edhe shumë efekte dhe mundësi të tjera për këtë kamerë.

Përveç efekteve, ofrohen edhe opsione të tjera nëpërmjet funksionit Mode, dhe ju do të përjetoni një argëtim me opsionet e ofruara sikurse Best face, Best photo, Beauty face, Sound & shot, Drama, Animated photo, Rich tone, Eraser, Panorama, Sport dhe Night.

Sa i përket kualitetit të fotografisë dhe incizimit lirisht mund të themi se kamera e LG G3 është pothuajse e përkryer. Gjatë testimit të kësaj pajisje ne kemi konkluduar që një pike e forte e LG G3 është edhe kamera e tij.

Hapësira

Kur jemi tek hapësira, LG G3 vjen në dy versione: versioni që ka hapësirë interne prej 16 GB me mbështetje të SD-Kartës deri në 128GB dhe që është prodhuar kryesisht për disa operatorë në Mbretërinë e Bashkuar dhe pjesë tjera të Evropës dhe kemi versionin 32GB të hapësirës interne me mbështetje të SD-Kartës deri në 128GB. Llojet e SD-Kartës që LG G3 mbështet janë: microSD, microSDHC, microSDXC. Në të dyja këto versione ju mund të ruani aq shumë të dhëna duke përfshirë muzike, fotografi dhe dokumente të tjera.

Përfundimi

Shtrohet pyetja: A me ble LG G3?

Përgjigja jonë e thjesht është PO. Çmimi i këtij smartphone në treg është tejet modest bazuar në karakteristikat dhe përformancen e tij. /ameble

Vlerësim: LG G2

Vlerësim: LG G2

LG G2 fotot (14)

Ka qenë një kohë e gjatë që kur kemi parë një telefon të mençur (smartphone) të kualitetit të lartë të prodhuar nga LG. Kjo kompani kohëve të fundit ka hequr të gjitha ndalesat sa i përket smartphone-ve të teknologjisë së fundit. LG G2 është smartphone 5.2-inç Full HD me procesorë të fuqishëm katër-bërthamorë 2.2GHz.

LG ka bërë një punë të shkëlqyer në heqjen e çdo ngarkese në LG G2. Gjithashtu si telefon është tejet i përshtatshëm për të mbajtur në dorë, dhe nuk duket si shumë i madhe gjatë zhvillimit të telefonatave  apo çfarëdo lloj operacioni tjetër.

Përparësitë:

  • Procesorin 4 bërthamorë
  • Përformanca e shkëlqyer
  • Ekrani fantastik
  • Bateria
  • Dizajni

Mangësitë:

  • S’ka mundësi për SD-Kartë

Dizajni

Kur jemi tek dizajni i smartphone-it LG G2 ka edhe një gjë tjetër që e dallon nga të tjerët. Ky model nuk ka butona fizik në pjesën fundore, përkundër butonat e zërit dhe butonat e bllokimit të ekranit (screen lock) janë të vendosura në pjesën e pasme të tij. Edhe pse vendosja e këtyre butonave në pjesën e prapme është një gjë që e dallon LG G2 nga të tjerët nuk do të thotë që është një gjë ideale.

Është e vërtetë që për disa persona vendosja e këtyre butonave në këtë pjesë është tejet e pa-përshtatshme, ngase ideja është që përmes gishtit tregues të arrihen prekjet edhe në këta butona, e kjo gjë është paksa e vështirë në LG G2. Magjitë atë, LG ka menduar edhe për ata që e kanë këtë problem, duke mundësuar që zhbllokimi i ekranit (screen unlock) të bëhet edhe duke klikuar dy-herë me gishtin tuaj mbi ekran. Gjatë testimit të kësaj mundësie kemi vërejtur se kjo gjë funksionon shumë mirë, edhe pse prapë se prapë mungesa e butonit fizik vërehet.

LG G2 vjen në dy versione 16GB dhe 32GB.  Lidhjet e LG G2 mund të bëhen me Wi-Fi, Bluetooth, NFC, Infrared dhe 4G LTE.

Për më shumë detaje, ne kemi përgatitur një video që shpjegon së çfarë gjendet brenda kutisë së këtij smartphone-i. Kutia vjen me mbështjelljes të zakonshëm, brenda saj gjendet smartphone-i LG G2, udhëzuesi, mbushësi, kufjet dhe kabllo USB. Kurse për të krahasuar ketë model me modele tjera të smartphone-ve mund ta bëni nëpërmes modulit Krahasime.

Softueri

Struktura bazike e softuerit të LG G2 përcillet me stok ROM-in Android 4.2, në ballinën e të cilit gjejmë pjesën e aplikacioneve dhe Widgets. Sido që të jetë, ka disa përshtatje që janë pakë delikate dhe ato jo-delikate të cilat janë programuar dhe përshtatur me mjeshtri të përkryer. Sikur me shumicën e telefonave Android, ju mund ti ri-aranzhoni ikonat dhe Shortcuts duke i vendosur në pjesën fundore të ekranit, por në G2 ju gjithashtu mund ta lëvizni edhe ikonën përmes së cilës hapen aplikacionet.

Kjo është një mundësi e mire, por edhe një gjë e mire nëse keni pas me herët një smartphone të një brendi tjetër. Për shembull Sony e vendos këtë ikonë ne mes të Desktop-it ndërsa brendet tjera si Samsung e vendosin këtë ikone në rubrikën e ikonave. Thjesht, kur jemi tek kjo rubrikë ju mund të përshtatni mënyrën se ku ti vendosni ikonat e aplikacioneve sipas dëshirës suaj. Pra, LG G2 ofron shumë mundësi sa i përket pjesës së vendosjes se aplikacioneve në mënyrë alfabetike, mundësi për të zmadhuar dhe zvogëluar ikonat në përmasa aq të përshtatshme sa një faqe e vetme të ketë hapësirë për 25 aplikacione, si dhe mundësinë për të ndryshuar Wallpaper-in në mënyrë të pavarur nga aplikacionet që shohim në ekran.

Së fundmi, ju mund ti fshihni aplikacionet pa pasur nevojë ti de-instaloni ato fare, në mënyrë që aplikacionet që nuk i shfrytëzoni shpesh të mos jen një bezdi për ju.
Notifikuesi pull-down në LG G2 është gjithashtu shumë i ndryshëm nga të tjerët. Gjithashtu edhe notifikuesi normal i Android-it, ofron mundësi për rritjen dhe zvogëlimin e ndriqueshmërisë dhe zërit, si dhe qasjen në QuickMemo që mundëson ruajtjen e shënimeve në periudhë të shpejtë kohore.

Ekrani

Në shikim të parë të LG G2-shit mund të vërejmë se ekrani i tij është i pa të metë. Rezolucioni prej 1,920 x1,080 dhe densiteti prej 423 ppi ekranit të LG G2 janë të mjaftueshme për të plotësuar çdo mundësi për të hapur çdo lojë apo aplikacion që ekziston në dyqanet virtuale. Ekrani i LG G2 është teknologji e llojit IPS LCD, me 16 777 216 ngjyra, multi-touch, me sensor të ndriçimit automatik, me sensor të ndjeshmërisë. Ky ekran është rezistues ndaj gërvishtjeve. Kur jemi tek sensoret vlen të përmendet fakti se sensori i ndriçimit automatik në versionit 4.2.2 të Androit kishte një problem me shpejtësinë e përshtatshmërisë në ambient të ri ndriçimi, ishte shumë i ngadalshëm. Mirëpo, fatmirësisht ky problem u evitua pas përditësimit të sistemit operativ Android nga version 4.2.2 në 4.4.2.

Zëri

Kur jemi tek zërimi i LG G2-shit duhet të cekim faktin se ky telefon është telefoni i parë i mençur që mbështet audio frekuencat të pa komresuara 24bit, 192kHz.

Sistemi autokton i Android, mbështet frekuencat e zërit mbi 16bit/44kHz kështu që LG ka bërë disa ndryshime në softuer dhe ka përdorur çipin WCD9320 të Qualcomm për të siguruar zërin më të mire të mundshëm që ndonjë smartphone mund të ketë. Për të vërejtur më së miri dallimin e kualitetit të zërit në G2 është mire që të përdorni dëgjuese (headphones).

Gjithashtu altoparlanti i brendshëm i LG G2 është tejet zhurmshëm. Sikurse edhe tek shumica e smartphone-ve edhe tek LG G2, prodhimi i zërit është i mjaftueshëm duke marrë parasysh destinimin e tij.
Në rast të thirrjeve telefonike, dëgjohet lehtë dhe po ashtu ka opsionin ekstra Volume që e rrit dëgjueshmërinë e mikrofonit.

Përformanca dhe Bateria

G2 është i shpejtë – dhe për këtë nuk ka asnjë dyshim. Procesori i G2 prej 2.2GHz katër-bërthamorë dhe RAM memoria prej 2GB janë ato që i japin fuqi kësaj pajisje. Snapdragon 800 është çipi i procesorit të G2, dhe si i tillë konsiderohet ndër çipat më të shpejtë që ekziston në këtë kohë ndër pajisjet mobile smart, këtë e vërejmë edhe në benchmarks. Në benchmarks të Sunspider JavaScript LG G2 ka arritur që të shënoj 931ms, që është ngjashëm më rezultatin e Galaxy S4, dhe dëshmon që luajtja dhe operimi me çfarë do loje qoftë edhe 3D është e mundur dhe funksionon shkëlqyeshëm.

Përkundër faktit që LG G2 ka një ekran kaq të madh dhe një procesorë me përformancë kaq të lartë, bateria e këtij të fundit prej 3,000mAh e dëshmon vetën në mënyrën më të mire të mundshme.
Duke u bazuar në testet e jetëgjatësisë së baterisë së G2 që i kemi bërë konstatojmë që bateria e G2 është tepër e qëndrueshme. Në shfrytëzimin normal të G2, që nënkupton bisedat telefonike, lundrimi në internet, operimi me lojëra dhe aplikacione të tjera, jeta e baterisë ka zgjatur hiq më pak se 85 orë. Në testet tjera janë shfaqur filma të ranguar njëri pas tjetrit pa ndërprerje dhe në këtë rast jetëgjatësia e baterisë ka zgjatur 16 orë e 47 minuta. Këto statistika kanë kaluar jetëgjatësinë e çdo pajisje tjetër mobile, duke përfshirë edhe atë të Samsung Galaxy Note 3.

Hapësira

Kur jemi tek hapësira LG G2 vjen në dy verzione: Verzioni që ka hapësirë interne prej 32 GB ,  me mundësi për të lejuar përdoruduesin për të shfrytezuar maksimumi 24 GB, dhe verzioni 16 GB me mundësi për të lejuar përdoruduesin për të shfrytezuar maksimumi 12 GB. Në LG G2 nuk ka hapësirë për të shtuar hapësiren perms SD-Kartës, prandaj kjo konsiderohet si njëra nga dobësitë për ata që duan më shumë hapësirë.

Kamera

Kamera e LG G2 është e shkëlqyer. Sikurse edhe një pjesë e madhe të smartphone-ve, po ashtu G2-shi posedon dy kamera, kamerën e përparme prej 2.1 megapikselë që mund të përdoret për video thirrje me Skype apo Google Talk, si dhe atë të pasmen e cila është hiq më pak se 13 megapikselë me imazh optik stabilizues (optical image stabilization). Imazhet e marra nga G2, qoftë video apo foto mund të themi lirshëm se janë të shkëlqyera.

Në testet dhe krahasimet qe i kemi bere me Xperia Z1 dhe Samsung Galaxy S4, kamera e LG G2-shit mund të themi se dominon. Në vendet me ndriçim të theksuar fotot dhe incizimet duket të mrekullueshme, ndërsa në vendet më të errëta mund të themi se janë shumë të mira.

Përfundimi

LG G2 është një smartphone vërtetë i shkëlqyeshëm. Të mirat e tij janë, duke filluar nga ekrani, ndjeshmëria gjatë mbajtjes në dorë dhe zhvillimit të telefonatave, përformanca e shkëlqyer gjatë shfletimit. Fakti që në këtë pajisje mund të kryesh çdo operacion që një smartphone ofron, fakti që fotografitë e tij janë të kualitetit aq të lartë dhe mbi gjitha jetëgjatësia e baterisë së LG G2 është aq e gjatë bëjmë që kjo pajisje të jetë ndër më të pëlqyerat për gjysmën e parë të 2014. /ameble

Vlerësim: Motorola Moto G

Vlerësim: Motorola Moto G

Motorola Moto G Front

Është e vërtet që Moto G është një telefon i prodhuar ekskluzivisht nga Motorola, por është e qartë që kompania e cila e zotëronte këtë të fundit, pra Google ka ndërhyrë në krijimin e kësaj pajisje, në mënyre që kjo të jetë sa më e përkryer.

Nëse e analizojmë këtë smartphone në aspektin material, pa tjetër që kjo pajisje tejkalon të gjithë konkurrentet me çmimin modest që ka ofruar pajisja Moto G.

Motorola Moto G vjen në dy modele: Modeli me një SIM kartelë dhe modeli Dual-SIM  (XT1033)  që përkrah dy SIM kartela.

Përparësitë:

  • Procesori 4-bërthamor 1.2 GHz
  • Përformanca e shkëlqyer
  • Ekrani fantastik
  • Dizajni
  • Bateria
  • Çmimi i volitshëm

Mangësitë:

  • Kamera mesatarisht e mirë
  • Ska mundësi për SD-Kartë

Hardueri dhe Dizajni

Qe në shikim të parë të Moto G-së shohim një telefon me një dizajn dhe dimensione tërheqëse pothuajse për çdo person. Një prapavijë të lakuar në anën fundore të tij, që në pjesën e sipërme arrin trashësinë 11.6 mm duke përfunduar në pjesën fundore me trashësi 6mm.  Çfarë do të thotë kjo, është se kombinimi i dimensioneve të tilla dhe materialit e bënë që ky telefon të mos peshoj më shumë se 143 gram dhe kështu të jetë mjaft i lehtë për tu mbajtur në dorë.

Fakti se Moto G është i tillë në dimensione dhe peshë, na kujton dëshirën e madhe për të zotëruar një telefon të mençur që është i lehtë për tu mbajtur dhe tamam i përshtatshëm në madhësi për tu futur në gjep apo mbajtur në dorë.

Pa marrë parasysh që materiali i Moto G-së është shumica material plastike, kualiteti i ndërtimit të tij të bën të ndjesh se ky smartphone është aq mirë i ndërtuar dhe asgjë nuk i mungon.

Ekrani dhe Zëri

Motorola Moto G ka një ekran të madhësisë 4.5 inç të llojit IPS LCD Capacitiv Touchscreen me mbrojtje Corning Gorilla Glass 3, 16M ngjyra me rezolucion (720 x 1280 pikselë) dhe densitet të pikselëve në vlerë prej 326p gjë që mundëson kualitet mëse të mjaftueshëm për të hapur çdo lojë apo aplikacion që gjendet në dyqanin Online Google Play.

Duke e konsideruar këtë pajisje si të rangut më të lartë se mesatar, mund të themi se ekrani i Motorola Moto G është mjaft i fortë, dhe mjaft i përshtatshëm për sytë.

Në anën tjetër, prodhimi i zërit nga ky smartphone është i mjaftueshëm duke marrë parasysh destinimin e tij. Altoparlanti në Moto G është i vendosur në anën e majtë të kamerës së pasme dhe mikrofoni i tij është i vendosur në pjesën fundore të anës së përparme. Në rast të thirrjeve telefonike, zëri dëgjohet dhe përçohet shumë mirë. Po ashtu gjatë lëshimit të muzikës zëri është mjaft i dëgjueshëm dhe i pastër.

Kamera

Moto G përbëhet prej dy kamerave, kamerës frontale dhe kamerës së pasme. Kamera frontale ka kapacitet prej 1.3 megapikselë dhe mundësi për komunikim me skype, Google Hangouts apo aplikacione të tjera. Kamera e pasme e Moto G-së ka kapacitet prej 5 megapikselë për fotografi dhe kualitetin 720p@30fps HDR për incizime, nën këtë kamerë gjendet Led Flash për ndriçim. Gjatë testimit të kësaj kamere kemi parë që kualiteti i fotografive dhe incizimet e nxjerra janë solide.

Motorola Moto G nëpërmjet softuerit të integruar ofron opsione të ndryshme të efekteve të fotografisë gjatë fotografimit të cilat mund të përzgjidhen drejt për së drejti. Për të aktivizuar këto opsione duhet të tërheqim gishtin nga pjesa e sipërme e ekranit apo nga ana e majtë e ekranit nëse jemi në pozitën Landscape.

Hapësira

Motorola Moto G për dallim nga shumica e smartphone-ve, por njëjtë me Google Nexus 4 dhe 5 nuk ka mundësi për zgjerim të hapësirës nëpërmes SD kartelës.

Hapësira e integruar e Moto G-së është e madhësisë 8 GB apo 16 GB varësisht nga versioni që zgjedhim ta blejmë. 3 GB e kësaj hapësire automatikisht e zënë nga sistemi operativ ndërsa 5 GB mbeten pjesa e lirë për instalimin e aplikacioneve dhe ruajtjen e të dhënave të tjera për versionin 8GB dhe 13GB për versionin 16GB.

Softueri

Në fillim të ndezjes së Moto G-së na shfaqet pamja mahnitëse e pa censuruar e Google Android 4.3 me logon e Motorolës, që në fakt është pjesa që shfaq “Mirëseardhjen”.  Koleksioni i shërbimeve të Google-it është mese i mjaftueshëm saqë mund të duket ndonjëherë se është edhe i ngarkuar për syrin, nga gjithë ato ikona të aplikacioneve që i shohim të  instaluara në ndërfaqe (user interface). Një përparësi tjetër që konsiderohet ndër më të rëndësishmet është shkathtësia në punën e këtij smartphone-i. Definitivisht  Moto G “fluturon” gjersa operojmë dhe është e vështirë që të vërejmë ndonjë lloj ngadalësimi apo bllokimi të momentit.

Gjithashtu, ky smartphone, vjen me dy aplikacione te Motorolës të para-instaluara ne të.

Aplikacioni Migrate që ndihmon në shkëmbimin dhe transferimin e përmbajtjes tonë nga një smartphone në tjetrin, dhe aplikacionin Assist që ndihmon në ndërlidhjen e aplikacioneve që kanë të integruara modulin e njoftimeve siç janë momentet e arritjes së një e-maili të ri, mesazhi, thirrje të humbur, konfigurimin e alarmit, etj.

Përformanca dhe bateria

Motorola Moto G ka një funksionalitet dhe përformancë të shkëlqyer duke përfshirë po ashtu edhe hapjen dhe funksionalitetin e aplikacioneve të instaluara pa asnjë problem. Përformanca e arritur vjen nga procesori 4-bërthamor 1.2 GHz i llojit Cortex-A7 me GPU Adreno 305. Po ashtu edhe shfletimi në internet (web browser) është shumë i kënaqshëm dhe këtu nuk ka ndonjë vërejtje. Një gjë që është shumë me rëndësi kur jemi tek përformanca është fakti se është pikërisht procesori 4-bërthamor dhe çmimi i këtij telefoni është ajo çfarë e ka bërë këtë pajisje të suksesshme në treg.

Bateria e Motorola Moto G është e fuqisë 2070 mAh dhe është e montuar përbrenda në pjesën e pasme. Gjatë testimeve të baterisë, nëse e përdorim telefonin në kapacitet modest, bateria e tij mund të qëndrojë deri në 2 ditë.

Përfundim

Është me rëndësi të përmendim faktin se smartphone Motorola Moto G që kur u lansua për herë të parë në fund të Nëntorit 2013, kjo pajisje ka arritur që të kryesoj në listën e produkteve më të shitura në dyqanet e Amazon-it nëpër botë. Arsyeja e këtij suksesi është shumë e thjeshtë.

Për ne, në Ameble që kemi testuar këtë smartphone në detaje, lirshëm mund të themi se “Moto G ka gjithçka që na nevojitet për çmimin që na përshtatet”. Shtrohet pyetja: A me ble Motorola Moto G? Për çmimin prej 169 € për versionin 8GB dhe çmimi 199 € për versionin 16GB për një smartphone 4-bërthamor (brand name) dhe tejet funksional, Po, ia vlenë.

Ky model në Amazon.de gjendet për 169 € për versionin 8GB dhe çmimi 199 € për versionin 16GB, tek ne shitet nga 230 e me lartë.

Për krahasim me ndonjë model tjetër, mund ta bëni nëpër mes modulit tonë Krahasime. \ameble

Vlerësim: Sony Xperia Z

Vlerësim: Sony Xperia Z

Sony Xperia Z ballina

Që kur është folur së pari për Xperia Z dhe për ekranin e vetë 5 inç, shumë njerëz kanë shprehur brengat e tyre se do të jetë shumë e vështirë të punohet me këtë smartphone, këtë madje ende pa e parë atë. Megjithatë, që kur kanë dal edhe detaje tjera rreth kësaj pajisje, është bërë e qartë se kompania Sony ka bërë një punë të mrekullueshme në minimizimin e kornizës së ekranit dhe se kësaj radhe Xperia Z është thuajse një milimetër më e gjerë se sa ata më të mirët e prodhuar në vitin 2012. Po ashtu kur bie fjala për peshën e pajisjes, ata kanë arritur ta mbajnë nën kontroll dhe kështu Xperia Z ka një peshë të arsyeshme, prej 146g.

Natyrisht se Xperia Z është pak më i gjatë se sa Galaxy S III apo One X, por është lehtë të punohet me të. Prandaj, nëse 50 milion njerëz nuk kanë pasur ankesa lidhur me ata më të mirët nga viti 2012 atëherë Sony Xperia Z nuk ka ndonjë brengë, posaçërisht kur e kemi parasysh se blerësi do të merr një ekran me rezolucion te plotë HD.

Përparësitë:

  • Procesori  4-bërthamor 1.5 GHz
  • Rezistent ndaj ujit dhe pluhurit
  • Kamera 13 Megapikselë
  • Tërë pajisja e mbuluar nga qelqi dhe e mbrojtur nga gërvishtjet

Mangësitë:

  • Kontrasti i ulët i ekranit kur shikohet nga këndet
  • Bateria e integruar

Hardueri dhe Dizajni

Xperia Z menjëherë mund të njihet se është një pajisje nga kompania Sony përmes dizajnit të vetë me kënde të theksuara, por dallon nga prodhimet e para të cilët janë dalluar përmes pjesës së pasme harkore, mirëpo ky ka një pamje më moderne me një pjesë të pasme të rrafshët. Nuk mund të mohohet se Smartphone-i është i pashëm, me pjesën e parmë të mbuluar me qelq dhe se pjesa e pasme përshtatet mirë me skajet e mbështjella me gomë dhe pjesëzat e vogla shkëlqyese nga plastika të vëra në skaje. Në fund mund të thuhet se kjo është një pajisje me të cilën ju do të kishit dëshirë që njerëz tjerë të ju kenë zili.

Cilësia e ndërtimit për brenda duket të jetë e punuar në mënyrë të shkëlqyer – dhe mund të themi se gjatë punës me të, nuk mund të dëgjohet asnjë kërcitje, gërvimë apo tinguj tjerë të mërzitshëm dhe se në përgjithësi ndihet të jetë i qëndrueshëm.

Pjesa e përparme e smartphone-it Sony Xpreia Z ka ekranin e madhësisë 5.0 inç TFT me rezolucion 1920×1080 pikselë i mbrojtur me Corning Gorilla Glass 2 dhe nuk ka të integruar butona fizik. Butonat kapacitiv, back, home dhe të fundit, janë të integruara në ekranin e pajisjes. Në pjesën e sipërme është vendosur kamera frontale si dhe sensoret e lajmërimeve.

Për dallim nga smartphone-t e zakonshëm, dizajni i kësaj pajisje dallon shumë. Në pjesën e sipërme gjendet vetëm vrima apo jack-u 3.5 mm për kufje/dëgjueset, ndërsa në pjesën e poshtme është integruar vetëm mikrofoni.

Në pjesën e djathtë gjendet butoni fizik për ndezjen dhe fikjen e smartphone-it e dizajnuar në formën e rrumbullakët që i jep një shkëlqim dizajnit të pajisjes. Përveç këtij butoni, është integruar po ashtu edhe butoni për rritje/ulje të zërit si dhe në këtë pjesë bëhet vendosja e kartelës SIM.

Në anën e majtë të pajisjes bëhet vendosja e kartelës micro SD si dhe bëhet mbushja e baterisë së smartphone-it.  Në këtë pjesë po ashtu janë të integruar edhe portat që mundësojnë lidhjen e pajisjes me docking station.

Në pjesën e pasme gjendet kamera kryesore 13 Megapikselë me flash LED i cili është vendosur nën kamerë.

Ekrani dhe Zëri

Ekrani 5 inç Full HD me rezolucion 441 PPI, padyshim është një prej tipareve kryesorë  të këtij smartphone-i si dhe njëkohësisht është ekrani më i mirë i prodhuar japonez deri më tani.  Megjithatë, ekrani nuk është edhe aq shumë i përsosur. Kjo e dëshmon kontrasti tepër i dobët në raste të shfaqjes së smarthpone-it në diell.

Sikurse edhe tek shumica e smartphone-ve edhe tek Sony Xperia Z, prodhimi i zërit është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe po ashtu ka opsionin ekstra Volume që e rrit dëgjueshmërinë e mikrofonit.

Kamera

Xperia Z sikurse edhe një pjesë e madhe të smartphone-ve, poashtu posedon dy kamera, atë frontale e cila është 2.2 Megapikselë që mund të përdoret për video thirrje me Skype apo diç tjetër, si dhe atë të pasmen, kryesoren e cila është 13.1 Megapikselë.

Softueri

Sony Xperia Z fillimisht është lansuar me sistemin operativ Android me version 4.1.2  Jelly Bean, ndërsa më vonë ishte përditësuar në versionin 4.2.2. Xperia Z tanimë është përditësuar në versionin Android 4.3. A do të bëhet përditësimi në versionin e fundit Android Kitkat, do të kuptojmë në të ardhmen e afërt.

Përformanca dhe Bateria

Duke iu falënderuar harduerit të integruar, Sony Xperia Z e ka një performancë jashtëzakonisht të mirë dhe gjatë testimit me të nuk është vërejtur ndonjë bllokim në softuer si dhe ndonjë nxehje të vet telefonit. Edhe për ketë pajisje ngjashëm si pajisjet tjera, kemi bërë videon praktike të tij ku shpjegojmë shkurtimisht për pamjen, karakteristikat dhe softuerin e tij.

Sa i përket baterisë duhet të cekim se ajo është e fuqisë 2330 mAh dhe nuk mund të ndërrohet nga përdoruesi, që i bie se është hermetikisht e mbyllur dhe është e vendosur brenda pajisjes. Pra, duhet të keni parasysh, nëse keni ndonjë problem me baterinë, pajisjen duhet të dërgoni në dyqanin i cili merret me riparimin e telefonave apo nëse është ndër garancion të kthehet.

Bateria e Sony Xperia Z mund të rezistoj/qëndroj deri në 16 orë bisedë, 6 orë gjysmë në shfletimin e internetit ose 5 orë e gjysmë në shikimin e videove.

Përfundimi

Shtrohet pyetja: A me ble Sony Xperia Z?

Përgjigja e thjesht është PO. Pra, nëse keni një shumë të parave të dedikuara për një smartphone të klasës së lartë dhe njëkohësisht jeni edhe fans i brendit Sony, atëherë ne ua rekomandojmë Sony Xperia Z. /ameble

Vlerësim: HTC One

Vlerësim: HTC One

HTC One main

HTC këtyre dy viteve të fundit ka pasur pak ngecje në tregun e pajisjeve mobile. Vendimet e çuditshme dhe zhgënjyese të serive të smartphone-ve nga kompania Samsung e ka lënë pak a shumë mbrapa kompaninë HTC, ku me herët ka qenë rival i ashpër për titullin Mbret i Android-it.

HTC tani ka filluar të ndryshoj ketë me smartphone-in e tyre të fundit HTC One të avancuar, i fuqishëm dhe një ndër smartphone-at më mbresëlënës nga platforma Android. Me një trup që kryeson metali, me dizajn të ekranit të madh dhe interesant, pajisje meriton të shpërblehet si smartphone- i më i mirë i vitit 2013.

Përparësitë:

  • Trup të shkëlqyer
  • Sence 5 me shkëlqim të gjallë
  • Performancë të jashtëzakonshme
  • Zëri, spikeret të dyfishtë frontal

Mangësitë:

  • Nuk ka mundësi zgjerimi të kartelës SD
  • Bateria e integruar

Në paketën e tij gjenden: HTC One, mbushësi USB i baterisë, çelësi SIM, kufjet me mikrofon 3.5 mm si dhe udhëzuesi për përdorim. Kurse karakteristikat e plota të tij mund ti gjeni këtu.

Hardueri dhe Dizajni

Një gjë të mirë që ka bërë HTC kohëve të fundit është se ka eksperimentuar me modelet e tyre të smartphone-ve me konstrukt të ndryshueshëm dhe nuk ka mbetur në një dizajn të njëjtë. Kemi parë smartphone të ndërtuar nga plastika, qeramika dhe metali shpesh të një serie të njëjtë.

Modeli HTC One është bërë me një kombinim prej alumini dhe plastikes së bardhë i cili në shikim të parë të lë një përshtypje shumë mbresëlënëse. Vet fakti i krijimit të një dizajni të ri i tregon kreativitetin dhe inovacionet tek brendi HTC që dallon prej brendeve Apple, Samsung.

Pjesa e përparme e smartphone-it HTC One disi është ndarë në 3 pjesë kryesore; ekrani i madhësisë 4.7 inç Super LCD3 me rezolucion 1920×1080 pikselë i mbrojtur me Corning Gorilla Glass 2. Në pjesën e fundit të ekranit janë të vendosur dy butona kapacitiv (Home) dhe (Back). Pjesa e poshtme e smartphone-it ka të integruar altoparlantët ndërsa në pjesën e sipërme gjendet kamera frontale 2.1 megapikselë, senzori i lajmërimeve (notifications) si dhe altoparlantët të tjerë. Pra, kjo ndarje ose të themi ky stil i dizajnit jep një pamje shumë tërheqëse të këtij modeli të HTC-së.

Në pjesën e sipërme gjendet vrima (jack) 3.5mm për lidhje të kufjeve si dhe butoni i ndezjes/fikjes së smartphone-it. Një sekret i cili fshehët brenda këtij butoni të fundit është senzori IR me të cilin nëpërmjet një aplikacioni që HTC ka integruar, mundëson që smartphone HTC One të luan edhe rolin e dirigjuesit/telekomandusit për televizor ose të ndonjë sistemi tjetër të audios.

Në pjesën e djathtë gjendet vetëm butoni për ngritje/ulje të zërit ndërsa në anën majtë bëhet vendosja e kartelës micro SIM.

Pjesa e poshtme përmban portën micro USB, nëpërmjet të cilës pajisja mund të lidhet me PC si dhe të bëhet mbushja e baterisë së tij dhe njëkohësisht përkrahë edhe teknologjinë MHL 2.0 e cila mundëson lidhjen me TV.

Pjesa e pasme është ndërtuar nga alumini i ndarë në tri pjesë nga linjat e bukura plastike ku është vendosur kamera kryesore 4 megapikselë (Ultra pikselë) së bashku me LED flash-in i cili është vendosur në anën e djathtë të kamerës. Duhet të cekim se tek ky model nuk ka mundësi të bëhet hapja e kapakut si dhe nuk ka mundësi të bëhet ndërrimi i baterisë e cila në fakt është e integruar në trupin e Smartphone-it. Në linjën e sipërme është vendosur mikrofoni i cili luan rolin e larguesit të zhurmës.

Ekrani dhe Zëri

Padyshim edhe këtë smartphone e veçon ekrani 4.7 inç Super LCD3 me rezolucion 1920×1080 piksela me denstitet prej 469 ppi, i cili është i mbrojtur nga gërvishtjet me Corning Gorilla Glass 2. Ekrani LCD i këtij modeli ofron gjithashtu një kontrast të madh të ngjyrave të cilat së bashku me rezolucionin e lartë e bëjnë që çdo gjë të duket perfekt, një përparësi që ne, me të vërtetë e vlerësojmë shumë.

Sikurse edhe tek shumica e smartphone-ve edhe tek HTC One, prodhimi i zërit është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe po ashtu ka opsionin ekstra Volume që e rrit dëgjueshmërinë e mikrofonit.

Kamera

HTC One sikurse edhe një pjesë e madhe të smartphone-ve, po ashtu posedon dy kamera, atë frontale e cila është 2.1 megapikselë që mund të përdoret për video thirrje me Skype apo Google Talk, si dhe atë të pasmen e cila është 4 megapikselë (Ultra pikëselë), me të cilën mund të themi se HTC nuk ka arritur shumë ti sfidoj konkurrentet aktual apo modelet e fundit.

Tek kamera do të përmendim opsionin Zoe nëpërmjet të cilit gjatë fotografimit po ashtu do të incizohen edhe video sekuenca të shkurta të cilat mund të përdoren ose të shfrytëzohen nga ana e përdoruesit. Fotot e marra me ketë opsion, në galerinë e fotografive do të shfaqen në mënyrë të animuar.

Softueri

HTC One fillimisht është lansuar me sistemin operativ Android me version 4.1.2  Jelly Bean  me Sense nga HTC me versionin 5.0.  Në Korrik është bërë përditësimi i versionit të Androidit nga 4.1.2 në 4.2.2, ndërsa nga Shtatori është bërë përditësimi në versionin Android 4.3. Përditësimi në versionin e fundit nga Android 4.4 Kit Kat pritet të bëhet në fund të Janarit të vitit 2014.

Në fund të Tetorit, HTC kishte bërë përditësimin e HTC Sense në versionin 5.5.

Përformanca dhe bateria

Duke iu falënderuar harduerit të integruar, HTC One e ka një performancë jashtëzakonisht të mirë dhe gjatë testimit me të nuk është vërejtur ndonjë bllokim në softuer si dhe ndonjë nxehje të vet telefonit. Edhe për ketë pajisje ngjashëm si pajisjet tjera, kemi bërë videon praktike të tij ku shpjegojmë shkurtimisht për pamjen, karakteristikat dhe softuerin e tij.

Sa i përket baterisë duhet të cekim se ajo është e fuqisë 2300 mAh dhe nuk mund të ndërrohet nga përdoruesi, që i bie se është hermetikisht e mbyllur dhe është e vendosur brenda pajisjes. Pra, duhet të keni parasysh, nëse keni ndonjë problem me baterinë, pajisjen duhet të dërgoni në dyqanin i cili merret me riparimin e telefonave apo nëse është ndër garancion të kthehet.

Bateria e HTC One mund të rezistoj/qëndroj deri në 13 orë e gjysmë bisedë, 10 orë në shfletimin e internetit ose 10 orë në shikimin e videove.

Përfundimi

Shtrohet pyetja: A me ble HTC One?

Përgjigja e thjesht është PO. Pra, nëse keni një shumë të parave të dedikuara për një smartphone  të klasës së lartë dhe jeni në dilemë se cilin smartphone të përzgjidheni atëherë ne ua rekomandojmë HTC One. |ameble|

Vlerësim: Samsung Galaxy S4 Active

Vlerësim: Samsung Galaxy S4 Active

Samsung Galaxy S4 Active

Prodhimi i një produkti siç është S4 Active nga ana e Samsung-ut nënkupton që kjo kompani është në gjendje të plotësoj edhe dëshirat edhe nevojat e përdoruesve. Fakti se Samsung krijon produkte të ndryshme në periudhë kaq të shpejtë dhe të gjitha këto i bënë me mjaft precizitet, stabile dhe efikase dëshmon se Samsung mendon për çdo lloj mundësie duke marre parasysh kostot dhe nevojat demografike të të gjithëve.

Samsung Galaxy S4 Active është një smartphone tjetër më platformën Android i projektuar dhe zhvilluar nga Samsung Electronics dhe njëkohësisht është pajisja e cila u lansua në të njëjtën kohë me S4 Standard dhe S4 Mini. Ky smartphone ka ngjeshmëri të madhe me Samsung Galaxy S4 sikur në harduer po ashtu edhe në pjesën softuerike të tij. Ka disa gjëra të vogla të cilat i kemi shtjelluar në detaje në pjesën e vlerësimit për Samsung Galaxy S4 Active.

Përparësitë:

  • Procesori  4-bërthamor 1.9 GHz
  • Rezistenca nga Uji: Aqua Mode
  • RAM 2 GB
  • Kamera 8 Megapikselë
  • IR senzori i cili mundëson komunikimin më pajisjet TV, DVD player, Blu-ray player, Projector, Sistemi surround, klimës dhe pajisjeve të tjera
  • Kapaciteti i baterisë 2600 mAh

Mangësitë:

  • Ekrani nuk është Super Amoled sikurse ekrani i Galaxy S4

Paketimi i Samsung Galaxy S4 Active është i njëjtë sikur modeli 5 inç i Galaxy S4 i përbërë nga materiali i letrës, i kombinuar me material nga bima e sojës, gjë që e bënë që i tërë paketimi i këtij smartphone-i të jetë i riciklueshëm deri në masën 100% dhe si i tillë aspak i rrezikshëm për shëndetin.

Brenda këtij paketimi gjenden: smartphone-i Samsung Galaxy S4 Active, bateria, mbushësi i baterisë, kabllo për lidhjen e pajisjes me portën USB të kompjuterit, kufjet (ndëgjojset) si dhe udhëzuesi i përdorimit të smartphone-it.

Para se të fillojmë me vlerësimin e pajisjes në vijim kemi përgatitur një video praktike për Galaxy S4 Active duke përfshirë këtu dizajnin, softuerin dhe disa karakteristika kryesore të tij. Më pastaj është bërë një krahasim i shkurt me Galaxy S4 si dhe për fund është bërë testimi i rezistencës së Galaxy S4 Active ndaj ujit.

Hardueri dhe Dizajni

Sa i përket harduerit, mund të themi se S4 Active është unik. Për nga pjesa harduerike, ky smartphone dallon nga Galaxy S4 standard në disa specifika, por kryesorja është rezistenca e tij ndaj ujit. Edhe emri i tij, Samsung Galaxy S4 Active nënkupton që kjo pajisje mund të jetë aktive, ku do dhe kur do. Nuk ka rëndesi, a është djell, ftoht, apo lagësht, S4 Active do të funksionoj pa problem.
Prandaj që nga momenti i prezantimit të Galaxy S4 Active është renditur në një ndër produktet më të shitura të kompanisë.

Pjesa e përparme e Galaxy S4 Active ka ekranin 5 inç TFT LCD me rezolucion 1920×1080 pikselë, një buton fizik (Home) dhe dy butona fizik-kapacitiv (Menu dhe Back) si dhe kamerën e përparme 2.0 megapikselë. Në pjesën e përparme po ashtu gjenden edhe senzorët e ndjeshmërisë së afersisë që mundësojnë shfletimin e fotografive ose faqeve në ueb vetëm me lëvizje të dorës nga distanca, pa pasur nevojë fare të preket ekrani, ngjashëm si tek modeli standard.

Pjesa e pasme përmban kamerën kryesore 8 megapikselë së bashku me flash-in LED ku me largimin e kapakut të baterisë mundësohet qasja për Micro SIM, kartelën Micro SD dhe baterinë.

Në pjesën e sipërme ka një vrime (jack) të zërit, mikrofonin dytësor dhe IR transmetuesin që mundëson që të përdorim smartphone-in sikur një telekomandë për kontrollimin e pajisjeve shtëpiake. Ndërsa në pjesën e poshtme gjendet microUSB porta e cila mundëson transferimin e të dhënave dhe mbushjen e telefonit. Kjo port mbështet protokollin MHL 2.0. e cila mundëson daljen 3D si dhe lidhjen me TV. Në këtë pjesë po ashtu gjendet edhe vrima e mikrofonit kryesor.

Në pjesën e djathtë është integruar butoni i ndezjes/ndaljes së smartphone-it, ndërsa butonat për ngritje/ulje të zërit gjenden në pjesën e majtë. Ndërsa në anën e majtë të pjesës fundore gjendet altoparlanti i zërit.

Në krahasim me Galaxy S4 standard, smarphone-i S4 Active është vetëm pakës i gjërë dhe më i gjatë. S4 Active ësht gjithashtu për 15% më i trashë se S4. Edhe përkundër izolimit shtesë që S4 Active ka, pesha e tij është vetëm 16% më e madhe se e S4.

Ekrani dhe Zëri

Pra, siç edhe e kemi përmend tek përparësitë e këtij smartphone-i, ekrani është 5 inç TFT LCD i i mbrojtur dhe certifikuar me teknologjinë IP67 i cili mbron ekranin nga gërvishtjet dhe uji. Ekrani është gjithashtu shumëngjyrësh me rezolucion 1920 X 1080 pikselë  dhe është impresionues në çdo aspekt. Në krahasim me ekranin e Samsung Galaxy S4 Active, S4  ka nje dukje më të qartë për sytë gjatë operimit në dritën e diellit.

Në anën tjetër, kapaciteti i zërit nga ky smartphone është i mjaftueshëm duke marrë parasysh destinacionin e tij. Në rast të thirrjeve telefonike, dëgjohet lehtë dhe ka opsionin ekstra Volume që e rrit ndjeshmërinë e mikrofonit.

Kamera

Sikurse edhe modelet tjera të serisë S4, edhe Galaxy S4 Active ka dy kamera. Kamera e përparme është 2.0 megapikselë dhe mund të përdoret për video thirrje me Skype apo Google Talk, ndërsa kamera e pasme është 8 megapikselë. Galaxy S4 Active nëpërmjet softuerit të integruar ofron opsione të ndryshme të efekteve të fotografisë gjatë fotografimit të cilat mund të përzgjidhen drejt për së drejti.

Disa efekte të fotografisë janë opsioni: Vigentte, Gray-scale, Sepia, Vintage, Tint, Cartoon, Rugged, Oil pastel dhe Fisheye.

Përveç efekteve, ofrohen edhe opsione të tjera nëpërmjet funksionit Mode, dhe ju do të përjetoni një argëtim me opsionet e ofruara sikurse Best face, Best photo, Beauty face, Sound & shot, Drama, Animated photo, Rich tone, Eraser, Panorama, Sport dhe Night.

Duhet po ashtu të cekim se me kamerën mund të bëhen incizime në formatin me definicion të plotë dhe të lartë (Full HD).

Softueri

Samsung Galaxy S4 Active vjen me sistemin operativ të fundit nga Android 4.2.2 Jelly Bean me një përformancë jashtëzakonisht të mirë dhe shumë të shpejt.

Edhe tek ky model po ashtu janë të instaluara disa aplikacione të veçanta sikurse Watch On dhe Group Play, të cilat kryejnë funksione të njëjta si tek Galaxy S4 dhe Galaxy S4 Mini.

Përformanca dhe Bateria

Nëse bëjmë vlerësimin në bazë të fuqisë procesorike, atëherë S4 Active nuk del të jetë më i mirë sesa S4-shi standard i llojit 8-bërthamor, por një gjë është e sigurt, funksionaliteti i S4 Active është i shkëlqyeshëm dhe duket se kjo memorie është e mjaftueshme për të.

Ndër specifikat tjera të S4 Active kemi RAM memorien 2 GB si dhe sistemit të fundit operativ nga Android, Jelly Bean 4.2.2.

Gjatë testimit që kemi bërë në laboratorin e Ameble-së nuk është vërejtur asnjë bllokim në softuer dhe shfletimi në aplikacione si dhe në uebfaqe ishte mjaft fluid.

Samsung Galaxy S4 Active ka vendosur një bateri më fuqi prej 2.600 mAh. Duhet të cekim po ashtu se bateria edhe tek ky model sikurse tek modelet paraprake, mund të ndërrohet nga përdoruesi pa pasur nevojë të dërgohet smartphone-i në servis për të zëvendësuar baterinë siç është rasti me iPhone apo me disa modele të HTC-së.

Gjatë mbushjes së smartphone-it rekomandohet mbushësi origjinal që vjen në paketimin e Galaxy S4. Në rast se dëmtohet ose nuk është më funksional duhet të blihet adapteri 2.0 A (ampera).

Përfundimi

Është interesante të cekim faktin se që nga muaji Gusht 2013, operatori At&T në SHBA ka nënshkruar një kontratë me Samsung në mënyrë që të ofroj smartphone-in Samsung Galaxy S4 Active për të gjithë klientët e saj që duan të kenë këtë pajisje me kontratë. Pjesë e ofertës për klient është edhe mbulesa e sigurimit për këtë paisje nëse ajo prishet për çfarëdo lloj arsye. Konkretisht, nëse S4 Active prishet, At&T dhe Samsung do të ndërrojnë menjëherë pajisjen e prishur me një pajisje të re pa paguar asgjë.

Kompania Samsung, mbështet sigurinë e saj edhe në faktin që kjo pajisje mund të përballoj lagështinë sepse është rezistente ndaj ujit deri në 1 metër thellësi për 30 minuta kohë.

Për të gjithë ata të interesuar për blerjen e modelit Galaxy S4, rekomandojmë shitoren e pajisjeve mobile F–Mobile në Prishtinë, i cili ofron kushte shumë të volitshme për blerje si dhe garanci prej 2 vitesh për pajisjen. |ameble|

Vlerësim: Samsung Galaxy Win

Vlerësim: Samsung Galaxy Win

Samsung Galaxy Win Dizajni -ameble

Deri më tani kemi arritur të bëjmë vlerësimin e disa smartphone-ve TOP nga gjiganti Samsung duke përfshirë Galaxy SII, Galaxy S3Galaxy S4 dhe Galaxy S4 Mini Duos. Në vazhdim kemi vendosur të vlerësojmë edhe një model tjetër që i takon familjes së njëjtë. Është fjala për Samsung Galaxy Win.

Modeli Galaxy Win nga Samsung është prezantuar në Prill të këtij viti, ndërsa është lansuar në treg në Maj. Ky model ka për shënjestër përdoruesit që përdorin më shumë se një operator të telefonisë mobile, pra ofron mundësin e instalimit të dy kartelave SIM si dhe ka për shënjestër përdoruesit që kanë një buxhet të kufizuar për të shpenzuar të holla në pajisje të fundit.

Si gjithnjë, para se fillojmë me vlerësimin e pajisjes është më rendësi të dini se çfarë përfitoni nga ky model, me çfarë karakterizohet, si dhe çfarë përparësi ose mangësi ka.

Përparësitë:

  • Dual SIM
  • Procesori  4-bërthamor 1.2 GHz
  • Kamera 5 Megapikselë

Mangësitë:

  • Nuk ka inovacion në dizajn

Hardueri dhe Dizajni

Samsung Galaxy Win në pamje të parë nuk dallon shumë nga modelet e fundit të smartphone-ve nga Samsung, gjë që nuk ofron një përshtypje të mirë, sepse nuk është vërejtur një angazhim i madh i kompanisë në krijimin e ndonjë dizajni tjetër inovativ. Kemi përshtypje se Samsung ka krijuar një shabllon të vetmin për të gjitha modelet e fundit duke ndryshuar vetëm harduerin përbërës dhe madhësinë e pajisjes.

Si tek modelet e më hershme, nën pjesën e ekranit, janë të vendosur tre butona kapacitiv: Menu, butoni Back (për kthim) dhe butoni Home.

Pjesa e përparme e Galaxy Win ka ekranin 4.7 inç TFT kapacitiv me rezolucion 480 x 800 pikselë, një buton me presion (Home), dhe dy butona kapacitiv (Menu dhe Back) si dhe kamerën frontale VGA që mundëson fotografimin dhe video thirrje.

Ngjashëm me modelet e më hershme dizajni është identik, pra në pjesën anësore në anën e majtë është integruar kontrolluesi i zërit, ndërsa në pjesën anësore të anës së djathtë është integruar butoni i fikjes/ndezjes së smartphone-it.

Në pjesën e sipërme gjendet jack-u 3.5mm për lidhje të kufjeve (ndëgjojseve), ndërsa në pjesën e poshtme është integruar mikrofoni dhe porta microUSB e cila mundëson transferimin e të dhënave dhe mbushjen e baterisë së smartphone-it.

Pjesa e prapme përmban kamerën kryesore 5 megapixel së bashku me flash-in LED, ku nga ana e djathtë e kamerës janë të vendosura altoparlantët.

Me largimin e kapakut të smartphone-it mundësohet qasja për microSD, si dhe vendosja e dy karteleve microSIM, pa pasur nevojë fare të largohet bateria e pajisje.

Ekrani dhe Zëri

Samsung Galaxy Win ka një ekran të madhësisë 4.7 inç të llojit TFT me rezolucion 480 x 800 pikëselë që kanë densitet prej 199 ppi. Ekrani i këtij modeli  është dukshëm më i dobët në krahasim me ekranet e modeleve të Galaxy S3, Galaxy S4 si dhe Galaxy S4 Mini Duos.

Sikurse edhe tek modelet e më hershme, prodhimi i zërit nga ky smartphone është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe ka opsionin ekstra Volume që e rrit dëgjueshmërinë e mikrofonit.

Kamera

Po ashtu edhe ky smartphone ka të integruar dy kamera, por jo të kualitetit shumë të lartë. Kamera frontale është standard VGA që i bie vetëm 0.3 Megapikëselë, ndërsa ajo e pasme është 5 Megapikëselë.

Disa efekte të fotografisë janë opsioni: Black and White, Sepia, ndërsa opsione të tjera ofrohen nëpërmjet funksionit Mode sikurse Single shot, Continuous, Panorma, Share shot, Buddy photo share, Smile shot.

Video incizimi me Galaxy Win mund të bëhet maksimum në rezolucionin 720 x 480.

Softueri

Galaxy Win vjen me sistemin operativ Android 4.1.2 Jelly Bean me një përformancë të mirë dhe të shpejtë.

Disa aplikacione të instaluara në Galaxy Win sikurse: aplikacioni i kohës, Google Maps si dhe radio, janë testuar dhe funksionojnë pa asnjë pengesë.

Instalimi i kartelave SIM

Vendosja e kartelave SIM është shumë e thjeshtë. Me tërheqjen e kapakut të smartphone-it shfaqen 3 porte, ku dy porte janë të dedikuara për kartela SIM me disa instruksione se si duhet të vendosen kartelat, si dhe porta tjetër e dedikuar për kartel SD me anë të cilës mund të rritet hapësira për ruajtjen e shënimeve. Pra, tek ky model, nuk ka nevojë të tërhiqet bateria e smartphone-it për të vendosur kartelat SIM por vetëm kapaku i smartphone-it nga ana e pasme.

Hapësira

Hapësira e integruar e Samsung Galaxy Win është e madhësisë 8 GB, nga e cila 3 GB automatikisht është e rezervuar për sistemin operativ ndërsa 5 GB mbeten pjesa e lirë për instalimin e aplikacioneve dhe ruajtjen e të dhënave të tjera. Galaxy Win po ashtu posedon edhe portën SD nëpërmes së cilës hapësira (storage) mund të zgjerohet deri në 64 GB.

Përformanca dhe bateria

Samsung Galaxy Win ka një funksionalitet dhe përformancë të mirë duke përfshirë po ashtu edhe hapjen dhe funksionalitetin e aplikacioneve të instaluara . Përformanca e arritur vjen nga procesori 4 -bërthamor 1.2 GHz i cili është integruar në Galaxy Win. Po ashtu edhe shfletimi në internet (web browser) është shumë e kënaqshëm dhe këtu nuk ka ndonjë vërejtje. Një gjë që është shumë e çuditshme tek ky model është fakti se pse Samsung nuk ka investuar në ekran dhe në kamerë, por vetëm në procesor?

Bateria e Galaxy Win është e fuqisë 2000 mAh dhe mund të ndërrohet nga përdoruesi pa pasur nevojë të dërgohet smartphone-i në servis për të zëvendësuar baterinë siç është rasti me iPhone apo me disa modele të HTC-së.

Përfundim

Shtrohet pyetja: A me ble Galaxy Win?

Galaxy Win është një smartphone me procesorë mesatar, me ekran dhe kamerë të kualitetit jo shumë të lartë i cili ofron mundësin e vendosjes së dy SIM kartelave. Është një pajisje e rangut të mesëm dhe duke pasur parasysh se edhe me te ju mund të lidheni në internet, në rrjetet sociale, të pranoni dhe dërgoni email-a, si dhe të keni qasje në aplikacione të ndryshme Android, Samsung Galaxy Win ia vlen me ble bazuar çmimin që shitet tek ne.

Për të gjithë ata të interesuar për blerjen e modelit Galaxy Win, rekomandojmë shitoren e pajisjeve mobile F–Mobile  në Prishtinë, i cili ofron kushte shumë të volitshme për blerje si dhe garancion prej 2 vitesh për pajisjen. |ameble|

Vlerësim: HTC Butterfly i lezetshëm

Vlerësim: HTC Butterfly i lezetshëm

HTC Butterfly Frontale - ameble

HTC Butterfly është një Android smartphone i dizajnuar dhe projektuar nga kompania prestigjioze HTC i cili është lansuar në Japoni me 17 Tetor 2012. Nëse vendosni me ble HTC Butterfly, është më rendësi të dini se çfarë do të përfitoni nga ai, me çfarë karkaterizohet si dhe çfarë përparësi ose mangësi ka.

Përparësitë:

  • Procesori  4-bërthamor 1.5 GHz
  • RAM 2 GB
  • Ekrani 5 inç Super LCD3, i mbrojtur me Corning Gorilla Glass 2
  • Kamera 8 Megapikselë

Mangësitë:

  • Nuk mund të ndërrohet bateria nga përdoruesi
  • Ndërrimi i SIM kartelës i varur nga SIM çelësi

HTC Butterfly është i paketuar në kuti standarde ku së bashku me të janë të vendosura edhe komponentet standarde përcjellëse si mbushësi i baterisë, SIM çelësi, kabllo për lidhjen e pajisjes me portën USB të kompjuterit, kufjet (ndëgjojset) si dhe udhëzuesi i përdorimit të smartphone-it. Për më shumë mund të shikoni videon e më poshtme ku është bërë video shpaketimi i HTC Butterfly.

Hardueri dhe Dizajni

Pjesa e përparme e smartphone-it HTC Butterfly ka ekranin 5 inç Super LCD3 me rezolucion 1920×1080 pikësela, një buton me presion (Home), dhe dy butona kapacitiv (Menu dhe të fundit) si dhe kamerën frontale 2.1 megapikselë. Në pjesën frontale në anën e sipërme është vendosur senzori i lajmërimeve (notifications) që i jep një dizajn shumë tërheqës këtij smartphone.

Pjesa e pasme përmbanë kamerën kryesore 8 megapikselë së bashku me LED flash-in i cili është vendosur në anën e djathtë të kamerës. Duhet të cekim se tek ky model nuk ka mundësi të bëhet hapja e kapakut si dhe nuk ka mundësi të bëhet ndërrimi i baterisë, bateria e tij është e integruar për trupin e Smartphone-it, si dhe nuk vërehet ndonjë bulon.

Në pjesën e sipërme gjendet vrima (jack) 3.5mm për lidhje të ndëgjojseve, mikrofoni, si dhe butoni i ndezjes/fikjes së smartphone-it. Ndryshe nga disa smartphone që i kemi vlerësuar deri me tani, duhet të themi se tek HTC Butterfly kartela micro SIM dhe po ashtu micro SD vendosen në pjesën e sipërme.

Në pjesën e djathtë gjendet vetëm butoni për ngritje/ulje të zërit ndërsa në anën majtë nuk ka asgjë të integruar.


Pjesa e poshtme përmbanë portën micro USB, nëpërmjet të cilës smartphone-it mund të lidhet me PC si dhe të bëhet mbushja e tij, ky po ashtu përkrahë edhe teknologjinë MHL 2.0 e cila mundëson lidhjen me TV.

Ekrani dhe Zëri

Padyshim, smartphone-in HTC Butterfly e veçon ekrani 5 inç Super LCD 3 Full HD me denstitet prej 441 pikëselë-ve, i cili është i mbrojtur nga gërvishtjet me Corning Gorilla Glass 2. Ekrani LCD i këtij modeli ofron gjithashtu një kontrast të madh të ngjyrave të cilat së bashku me rezolucionin e lartë e bëjnë që çdo gjë të duket perfekt, një përparësi që ne, me të vërtetë e vlerësojmë shumë.

Prodhimi i zërit nga ky smartphone është i mjaftueshëm duke marrë parasysh destinimin e tij. Në rast të thirrjeve telefonike, dëgjohet lehtë dhe poashtu ka opsionin ekstra Volume që e rrit degjueshmërinë e mikrofonit. Në pjesën e pasme, HTC Butterfly ka të integruar Beats Audio që dihet së kjo ofron një zërim të cilësisë së lartë.

Kamera

HTC Butterfly sikurse edhe një pjesë e madhe të smartphone-ve, po ashtu posedon dy kamera, atë frontale e cila është 2.1 megapikselë që mund të përdoret për video thirrje me Skype apo Google Talk, si dhe atë të pasmen e cila është 8 megapikselë. Kamera e pasme mund të bëj fotografi deri në 3264 X 2448 pikselë. Duhet të cekim se kamera e pasme mund të incizon gjithashtu video në formatin FULL HD (1080p) si dhe HD (720p)  @ 30fps. Flash-i LED i ndihmon shumë kamerës duke ofruar një pamje të pastër gjatë fotografimit ose video incizimit.

Softueri

HTC Butterfly ka të instaluar platformën Android me version 4.1 Jelly Bean i cili mund të përditësohet në versionin e fundit 4.2. si dhe dhe përmban versionin e përditësuar UI 4+ të  HTC Sense-it.

Vendosja e SIM kartelës

Ndryshe ka modelet e më hershme, vendosja e SIM kartelës tek ky smartphone bëhet në pjesën e sipërme të smartphone-it. Duke mbajtur shtypur SIM çelësin tek vrima e smartphone-it, do të dalë mbajtësi SIM në të cilin vendoset SIM kartela, siç është demonstruar në fotot e më poshtme. Ne e kemi vlerësuar si një mangësi tërë këtë proces, se në rast të humbjes së SIM çelësit ose mos posedimit të një mjeti nga metali i hollë, nuk mund të bëhet vendosja/tërheqja e SIM kartelës.

Përformanca dhe Bateria

Duke iu falënderuar harduerit të integruar, HTC Butterfly e ka një performancë jashtëzakonisht të mirë dhe gjatë testimit me të nuk është vërejtur ndonjë bllokim në softuer si dhe ndonjë nxehje të vet telefonit.

Për më shumë mund të shikoni videon praktike të HTC Butterfly e realizuar nga ne.

Sa i përket baterisë duhet të cekim se ajo është e fuqisë 2020mAh dhe nuk mund të ndërrohet nga përdoruesi, që i bie se është hermetikisht e mbyllur dhe vendosur brenda pajisjes. Pra, duhet të keni parasysh, nëse keni ndonjë problem me baterinë e këtij modeli, pajisjen duhet të dërgoni në dyqanin i cili merret me riparimin e telefonave apo nëse është ndër garancion të kthehet.

Bateria e HTC Butterfly mund të rezistoj/qëndroj deri në 12 orë bisedë, 6 orë e gjysmë në shfletimin e internetit ose 8 orë e gjysmë në shikimin e videove. Në testimin e bërë, pas 14 orë të përdorimit mesatar të smartphone-it, bateria duhet të mbushet. Nëse është smartphone-i i fikur, mbushja e baterisë zgjatë deri në 2 orë ndërsa nëse është duke punuar, mbushja e baterisë zgjatë deri në 3 orë të plota.

Përfundim

Shtrohet pyetja; A me ble HTC Butterfly?

Patjetër se po, është përgjigja jonë. Pra, për fansat e brendit HTC, edhe një model i bukur me dizajn tërheqës nga HTC, i dalluar dhe me një ekran mahnitës.

Për të gjithë ata që janë të interesuar për blerjen e modelit HTC Butterfly, rekomandojmë shitoren e pajisjeve mobile F–Mobile me dyqan në Prishtinë, i cili ofron kushte shumë të volitshme për blerje duke përfshirë edhe garancion prej 2 vitesh. |ameble|